Criação

सृष्टि का इतिहास

1 शरुआत म्ह परमेसवर नै अकास अर धरती की सृष्टि करी। 2 अर धरती बेडौल अर सुनसान पड़ी थी, अर गहरे पाणी कै उप्पर अन्धेरा था; अर परमेसवर का आत्मा पाणी कै उप्पर मण्डरावै था।

26 फेर परमेसवर नै कह्या, "हम माणस* नै अपणे स्वरूप कै मुताबिक* अपणी समानता म्ह बणावां; अर वे समुन्दर की मछलियाँ, अर अकास के पंछियाँ, अर घरेलू पशुआं, अर सारी धरती पै, अर सारे रेंगण आळे जन्तुआं पै जो धरती पै रेंगै सैं, हक राक्खै।"

27 फेर परमेसवर नै अपणे स्वरूप म्ह माणस ताहीं रच्या, अपणे ए स्वरूप म्ह परमेसवर नै माणस ताहीं बणाया; नर अर नारी के रूप म्ह उसनै माणस की सृष्टि करी।

3 अर परमेसवर नै सातमै दिन तै आशीर्वाद दिया अर पवित्र ठहराया; क्यूँके उस म्ह उसनै सृष्टि की रचना के अपणे सारे काम तै आराम लिया।

18 फेर यहोवा परमेसवर नै कह्या, "आदम का एक्ला रहणा ठीक कोनी; मै उसकै खात्तर एक इसा मददगार बणाऊँगा जो उसकै लायक होवैगा।"

6 अकासमण्डल यहोवा के वचन तै,

अर उसके सारे तारागण उसके मुँह की

साँस तै बणे।

2 इसतै पैहला के पहाड़ पैदा होए,

या तन्‍नै धरती अर दुनिया की रचना करी,

यानी शरुवात तै अंत तक तू ए परमेसवर सै।

6 आओ हम झुककै दण्डवत करां,

अर अपणे कर्त्ता यहोवा कै स्याम्ही घुटने टेकां!

परमेसवर म्हारा रक्षक

1 मै अपणी आँख पहाड़ां की ओड़ लगाऊँगा।

मन्‍नै मदद कित्त तै मिलैगी?

2 मन्‍नै मदद यहोवा की ओड़ तै मिलै सै,

जो अकास अर धरती नै बणाण आळा सै।

8 यहोवा जो अकास अर धरती का बणाण आळा सै,

म्हारी मदद उसे कै नाम तै होवै सै।

24 आज वो दिन सै जो यहोवा नै बणाया सै;

हम इस म्ह मगन अर आनन्दित होवांगे।

13 तन्‍नै मेरे अन्दरूनी अंगां ताहीं बणाया सै;

तन्‍नै मेरे ताहीं माँ की कोख म्ह बणाया।

14 मै तेरा धन्यवाद करुँगा, इस करकै के मै खतरनाक अर बेमिसाल तरीके तै बणाया गया सूं।

तेरे काम तो अचम्भे के सै,

म्ह इननै आच्छी तरियां तै जाणु सूं।

28 के थम न्ही जाणदे? के थमनै न्ही सुण्या? यहोवा जो सनातन परमेसवर अर धरती भर का सृजनहार सै, वो ना थकदा, ना आराम की जरूरत सै, उसकी बुद्धि अगम सै।

कुम्हार अर माट्टी

9 "हाय उसपै जो अपणे रचणआळे तै झगड़ै सै! वो तो माट्टी के ठीकरयां म्ह तै एक ठीकरा ए सै! के माट्टी कुम्हार तै कहवैगी, ‘तू यो के करै सै?’ के कारीगर का बणाया होया काम उसके बारै म्ह कहवैगा, ‘उसके हाथ न्ही सै’?

17 ‘हे प्रभु यहोवा, तन्‍नै बड़े ताकत अर बढ़ाई होई भुजा तै अकास अर धरती ताहीं बणाया सै! तेरे खात्तर कोए काम मुश्किल न्ही सै।

6 जो अकास म्ह अपणी कोठड़ी बणावै, अर अपणे अकासमण्डल की नींव धरती पै डाल्‍लै, अर समुन्दर का पाणी धरती पै बह्या देवै सै, उसे का नाम यहोवा सै।

36 क्यूँके सब कुछ उस्से कै कान्ही तै आवै सै, अर उस्से नै सब कुछ बणाया सै अर सब कुछ उस्से का सै। उसकी महिमा युगानुयुग होन्दी रहवै आमीन।

20 सच यो सै के दुनिया की शरुआत तै ए परमेसवर के अनदेक्खे गुण, उसकी अनन्त सामर्थ्य अर उनका परमेसवरत्व, दुनिया म्ह सै, अर दिक्खै भी सै, इस करकै माणस कै धोरै कोए बहाना कोनी, के वो परमेसवर नै न्ही जाणता।

19 क्यूँके सृष्टि की सारी चिज्जें घणी उम्मीद भरी निगांह तै परमेसवर की औलाद की बाट देखण लागरी सै।

17 जै कोए मसीह म्ह बिश्वास करै सै, तो वो नयी जिन्दगी पा लेवै सै। पुराणा सुभाव चल्या जावै सै, अर नया सुभाव आ जावै सै।

10 क्यूँके हम उसके बणाए होए सां, अर मसीह यीशु म्ह उन भले काम्मां के खात्तर रचे गये जिन ताहीं परमेसवर नै पैहले तै म्हारे करण कै खात्तर तैयार करया।

18 उसनै अपणी ए इच्छा तै, म्हारै ताहीं सच के वचन कै जरिये जन्म दिया, ताके हम उसकी बणाई होई रचना म्ह सब तै खास हो, जिस तरियां किसान खात्तर फसल का पैहला हिस्सा नाज होवै सै।

3,4 जिसा के घर बणाण आळे माणस नै घर तै बढ़कै सम्मान मिलै सै। इस्से तरियां यीशु मूसा नबी तै घणा सम्मान जोग्गा सै। क्यूँके हरेक घर का कोए ना कोए बणाण आळा होवै सै, पर जिसनै सारा किमे बणाया वो परमेसवर सै।

28 क्यूँके उस्से म्ह म्हारा जीवन, चलणा-फिरणा अर म्हारी पहचान बणै सै, जिस ढाळ थारे कितणे कवियाँ नै भी कह्या सै, "हम तो उस्से के वंशज सां।"

13 फेर मन्‍नै सुर्ग म्ह, धरती पै, अर धरती कै तळै, अर समुन्दर की सारी बणाई होड़ चिज्जां नै, अर सारा किमे, जो उन म्ह सै, उन ताहीं न्यू कहन्दे सुण्या, के "जो सिंहासन पै बेठ्या सै, उसका, अर मेम्‍ने का धन्यवाद हो, मेम्‍ना ए सामर्थ, धन, ज्ञान, ताकत, आदर, महिमा के लायक सै, अर उसका राज्य, युगानुयुग रहवै।"