1 Nang pasimula, nilikha ng Diyos ang langit at ang lupa. 2 Ang lupa noon ay wala pang anyo at wala pang laman. Ang tubig na pumapaibabaw sa lahat ay balot ng kadiliman, at ang Espiritu ng Diyos ay kumikilos sa ibabaw ng tubig.

26 Pagkatapos, sinabi ng Diyos, "Likhain natin ang tao ayon sa ating wangis. Sila ang mamamahala sa mga isda sa dagat at sa mga ibon sa himpapawid, sa mga hayop na maaamo at maiilap, at sa lahat ng nilalang na gumagapang sa lupa."

27 Kaya nilikha ng Diyos ang tao,

lalaki at babae

ayon sa wangis niya.

3 Binasbasan niya ang ikapitong araw at itinuring ito na di-pangkaraniwang araw, dahil sa araw na ito nagpahinga siya nang matapos niyang likhain ang lahat.

18 Pagkatapos, sinabi ng Panginoong Diyos, "Hindi mabuting mabuhay ang tao nang nag-iisa lang, kaya igagawa ko siya ng kasama na tutulong sa kanya at nararapat sa kanya."

6 Sa pamamagitan ng salita ng Panginoon,

ang langit ay nalikha;

sa kanyang hininga nagmula ang araw,

buwan at mga bituin.

2 Bago nʼyo pa likhain ang mga bundok,

ang mundo, at ang sanlibutan,

kayoʼy nariyan na,

sapagkat kayoʼy Diyos

magpakailanman.

6 Halikayo, lumuhod tayo at sumamba

sa Panginoon na lumikha sa atin.

1 Napapatanaw ako sa mga bundok;

saan kaya nanggagaling ang aking saklolo?

2 Ang tulong para sa akin ay nanggagaling sa Panginoon,

na gumawa ng langit at ng lupa.

8 Ang tulong natin ay nagmula sa Panginoon,

na lumikha ng langit at lupa.

24 Ito ang araw na ginawa ng Panginoon,

kaya tayoʼy magalak at magdiwang.

13 Kilala ninyo ako, dahil kayo

ang lumalang sa akin.

Kayo ang humubog sa akin

sa sinapupunan ng aking ina.

14 Pinupuri ko kayo

sa kahanga-hangang pagkalikha ninyo sa akin.

Alam na alam kong ang inyong mga gawa

ay tunay na kahanga-hanga.

28 Hindi nʼyo ba alam?

Hindi nʼyo ba narinig?

Ang Panginoon ang walang hanggang Diyos

na lumikha hanggang sa dulo ng mundo.

Hindi siya napapagod o nanghihina

at walang nakakaarok

ng kanyang pang-unawa.

9 "Nakakaawa ang taong nakikipagtalo

sa Diyos na lumikha sa kanya.

Ang katulad niyaʼy palayok lamang.

Ang putik bang ginagawang palayok

ay maaaring magsabi

sa magpapalayok

kung ano ang dapat niyang gawin?

O makakapagreklamo ba siyang

walang kakayahan ang magpapalayok?

17 O Makapangyarihang Panginoon, nilikha nʼyo ang langit at lupa sa pamamagitan ng kapangyarihan ninyo. Walang anumang bagay na hindi nʼyo po magagawa.

6 Ang Diyos ang gumawa

ng kanyang sariling tirahan sa langit.

At siya ang gumawa ng kalawakan

sa itaas ng lupa.

Siya rin ang nag-iipon

ng tubig-dagat sa mga alapaap

at pinauulan ito sa lupa.

Ang pangalan niyaʼy Panginoon.

36 Sapagkat ang lahat ng bagay ay sa kanya nagmula,

at nabubuhay dahil sa kanyang kapangyarihan

at para sa kanyang kaluwalhatian.

Purihin ang Diyos magpakailanman! Amen.

20 Totoong hindi nakikita ang Diyos, pero mula pa nang likhain niya ang mundo, ang kanyang walang hanggang kapangyarihan at pagka-Diyos ay naipahayag na sa mga bagay na ginawa niya; kaya wala silang maidadahilan.

19 Maging ang buong nilikha ay sabik na naghihintay na ihayag ng Diyos ang mga anak niya.

17 Ang sinumang nakay Kristo ay isa nang bagong nilalang. Wala na ang dati niyang pagkatao; binago na siya.

10 Nilikha tayo ng Diyos; at sa pakikipag-isa natin kay Kristo Hesus, binigyan niya tayo ng bagong buhay, upang gumawa tayo ng kabutihan na noon paʼy itinalaga na ng Diyos na gawin natin.

18 Ayon sa kanyang kalooban, ginawa niya tayong mga anak niya sa pamamagitan ng salita ng katotohanan, upang maging higit tayo sa lahat ng nilikha niya.

4 Alam natin na may gumawa ng bawat bahay. Ngunit* ang Diyos ang gumawa ng lahat ng bagay.

28 ‘Sapagkat sa pamamagitan ng kanyang kapangyarihan tayoʼy nabubuhay at nakakakilos.’ Katulad din ng sinabi ng ilan sa inyong mga makata, ‘Tayo ngaʼy mga anak niya.’

13 At narinig ko ang bawat nilalang sa langit, sa lupa, sa ilalim ng lupa, at sa dagat na umaawit:

"Ibigay sa nakaupo sa trono

at sa Kordero ang kapurihan, kaluwalhatian, karangalan

at kapangyarihan, magpakailanman!"