Crianças
As crianças ocupam lugar especial no coração de Deus. A Bíblia instrui a educá-las, protegê-las e ensiná-las nos caminhos do Senhor desde cedo — formando gerações que temem a Deus.
Herança do Senhor
Os filhos são herança do Senhor. Eles são presentes de Deus — cada criança é um milagre e uma responsabilidade sagrada.
Ccaaw hae tuh Bawipaw kyate
ccoupaw rho ccaccing thua hae zah,
lasung nynh thua hae.
Kae ccapaw hae tuh
mino athua lya hae khe,
myarya hoy lan alepaw
thingku hawte thua hae sah lah,
kae ccanung hae tuh
siapharan inn sak nawlan
a aw hae paw apaki lang e
tungpi hawte thua vae hae sah.
Ka lungkhu e miakaw yn raetupaw tuh
nang nynh na thua;
ka nung vue lungkhu khe nae rae,
Ngaeangthua lante ri lan a um lante
nae rae keiccuze kae thehoysah.
Na ryalaw balyn tuh ngaeangthua lan
a um cipaw hoyte ka ny.
Mino hae nynh mih laanpi kha
pawtemou a thyaasah kho cih hae?
Na bya thyhte raeringkunaw liate
a thyaasah cih hae.
Mino hae nynh mih laanpi kha
pawtemou a thyaasah kho cih hae?
Na bya thyhte raeringkunaw liate
a thyaasah cih hae.
Pou imua hae, rang oh lah,
ka bya hynh ngaetua oh;
Bawipaw rawrinaw kha
kae ccangpah cih oh.
Instruir as crianças
Instrui a criança no caminho em que deve andar. A educação cristã é mandamento repetido através de toda a Escritura.
Imua nynh a zui lanpaw
laan dingpaw kha ccangpah lah,
he yn piccan te, tuin kyate
cceihsei vae lan khyh.
Imua nynh a zui lanpaw
laan dingpaw kha ccangpah lah,
he yn piccan te, tuin kyate
cceihsei vae lan khyh.
Imua nynh a zui lanpaw
laan dingpaw kha ccangpah lah,
he yn piccan te, tuin kyate
cceihsei vae lan khyh.
Imuapaw thinlung kyakhe
ngaeenaw tuh phang a um,
thuasalama thuiheinawpaw
ccungngue nynh
tuh-e ngaeenaw kha ccaring a dee.
Imuapaw thinlung kyakhe
ngaeenaw tuh phang a um,
thuasalama thuiheinawpaw
ccungngue nynh
tuh-e ngaeenaw kha ccaring a dee.
Ccungngue a mang leipaw tuh
a ccaaw a huapaw nynh thua,
thuasalama a ccaaw
a sungsahpaw tuh a ccaaw
a di lya maw te hoyte a thuihei.
Ahawpaw ccaaw tuh
a paaw thuiheinaw kha a ngae,
thuasalama ccungccaw
a saryapaw nynh tuh
thuiheinaw kha ngae khyh.
Ka ccaaw, kae ccangpyanaw kha ning nan,
na thinlung nynh
ka kawbya hae hynh ccykekuh sah;
pawccecize tuh-e hae nynh
hiinshe saenaw te
hiin hoynaw kha ae pya cih.
Ka ccaaw, kae ccangpyanaw kha ning nan,
na thinlung nynh
ka kawbya hae hynh ccykekuh sah;
pawccecize paaw nynh
a lunglahpaw a ccapaw kha
a thuihei hawte
Bawipaw nynh a sungsahpaw kha a thuihei.
ka paaw nynh yn ccangpah zah,
"Ka bya hynh tynkaring lan kyngkuh;
ka kawbya hae hynh zui lah hiintua.
Hawnaw kha ccangku tua;
nythyanaw kha ccangku tua;
Ka khalang kya-e bya hynh ning nan lah,
maetawkuh nan.
Disciplinar com amor
A vara e a repreensão dão sabedoria. A disciplina produz o fruto pacífico da justiça nos que são exercitados por ela.
Ccungngue te zianaw nynh thuasah,
bya te thuiheinaw nynh thuasah
hawnaw kha a pya,
thuasalama a rythyte umsahpaw
imua nynh tuh a nung kha
maethya a law.
Imua kha ccangpya leite um nan,
ccungngue te na bua ze,
chih lan khyh.
Nang ae saahpaw
na paaw bya kha ngae lah,
na nung kha he a taw vae ze
la theihrya nan.
Byaccing kha rekuh lah,
zua nan vae;
hawnaw, thuiheikunaw te
nythyanaw kha rekuh hae.
A paaw kha zia zah
a nung kha a deepaw ccaaw tuh
maethyanaw te thethyanaw
a thuakhaepaw nynh thua.
Dingnaw laanpi
a zuipaw ryachipaw tuh
ccouseikunaw bya a hopaw
mingaeepaw laeze ahoyhua.
Miding nynh dingnaw laanpi kya zui zah,
a ccaaw a no hae tuh
hythuanaw a ccou hae!
Imua nynh heize a cyipaw kha
acci te cci khyh,
ahme te hme khyh kha
a cyisahnaw khate
amaw toulou nynh a langsaku.
Angaeepaw ccaaw hae tuh
mih paaw hanlan
ngaethyanaw thua zah,
a saahtu hae paw mih nung elang
lungriathaenaw nynh thua.
Mintaw hae tuh
ataw hae paw kya-e
bawilukhung nynh athua hae,
ccaaw hae phu-enaw tuh
mih nung mih paaw hae kha nynh thua.
Mintaw hae tuh
ataw hae paw kya-e
bawilukhung nynh athua hae,
ccaaw hae phu-enaw tuh
mih nung mih paaw hae kha nynh thua.
Mingaee nynh tuh
nungpaaw thuiheinaw kha
pawlangria khyh,
thuasalama thuiheinaw
a ngaepaw tuh
a hawpaw nynh thua.
Ahawpaw ccaaw nynh
a paaw lung a tuasah,
thuasalama angaeepaw ccaaw nynh tuh
a nung kha a theihrya.
Phungbya a zuipaw tuh
ahawpaw ccaaw nynh thua,
a zu-ae hae paw ryte
a mungkuh hae paw tuh
a nung te a paaw kha
maethya a law hae.
Ka ccaaw, na paaw thuiheinaw kha ngae lah,
na nung ccangpyanaw kha vua nan;
pawccecize tuh-e hae tuh na lu hanlan
apuithyapaw pungde athua cih zah,
na nging hanlan si alungmung athua cih.
Te atu, ka ccaaw hae,
ka bya hynh ngae oh:
ka laanpi a zui hae paw tuh
lungtuapaw nynh athua hae.
Thuiheinaw kha ngae oh lah
hawtua oh,
e bya hynh pawlangria leite
um nan oh.
Obediência e promessa
Filhos, obedecei a vossos pais no Senhor. Honra a teu pai e tua mãe para que viva muito tempo sobre a terra.
Imua hae, Bawipaw kya nae nung nae paaw hae bya kha ngae oh, pawccecize tuh-e tuh ahmepaw nynh thua. "Na nung te na paaw kha sawtua"—hynh-e hynh byakinpyakupaw te asekuhpaw masaty kawbya nynh thua, tuh-e byakinpyakunaw tuh, "tuhteze nynh hiinhoy te na um cih zah laephi vawlan na hiinshe sae cih," acikuh.
Paaw hae, nae ccaaw hae kha thinriasah nan oh, thuasalama Bawipaw kya-e ccangpyanaw te thuiheinaw khate minmin kha cciakhae thung oh.
Paaw hae, nae ccaaw hae kha thinriasah nan oh, thuasalama Bawipaw kya-e ccangpyanaw te thuiheinaw khate minmin kha cciakhae thung oh.
Tukeiccuze Pachia nynh kou a sungsahpaw ccaaw hae na thua oh hawte, Pachia a dosuinkuh hae paw thua oh.
Ccaaw hae, pawpaw kya balyn nae nung nae paaw hae kaw la ngae oh, pawccecize tuh-e tuh Bawipaw lungrypaw nynh thua.
Paaw hae, nae ccaaw hae kha thinriasah nan oh, mih lung oun rohsei cih.
Atunin kaw kae pyapaw hynh-e bya hae hynh na thinlung kya ccykekuh. Hynh-e bya hae hynh na ccaaw hae kya hopah bua hae lah, innvaw na um ze thuasah, laansaw lang na um ze thuasah, na ih ze thuasah, na thoku ze thuasah hynh-e bya hae kong hynh hopah hae.
Hynh-e bya hae hynh na ccaaw hae kya hopah bua hae lah, innvaw na um ze thuasah, laansaw lang na um ze thuasah, na ih ze thuasah, na thoku ze thuasah hynh-e bya hae kong hynh hopah hae.
Naemaw te nae nukhu e nae ciihan hae ngedang lungpawnaw hanlan atunin kaw kae pya cih oh paw a phungbya hae te a kawbya hae kha tynsah oh, tuhteze nynh nanning tuh Bawipaw nae Pachia nynh zungzae hanlan ae pya cih oh paw ram kya nae hiinshe asae cih.
Bawipaw nae Pachia mitmuihnaw kya ahoypaw te ahmepaw kha na cyih oh zah, naemaw te nae nukhu e nae ccaaw hae tuh ngedang lungpawte zungzae na um ccaw oh, atunin kaw kae pya oh paw hynh-e bya hae hynh hoyte zui oh.
minmin kha, "Atunin nanning te arawsekuhte ccaekia kae khanpyaku oh paw hynh-e bya balyn hynh nae thinlung kya ccykekuh oh; e kawbya kya-e bya balyn hynh nae ccaaw hae nynh zuakute a zui nawlan hae, minmin kha kawbya hawte pya oh. E hynh nanning hanlan huatawpaw uccaw thua khyh, thuasalama nae hiinnaw ccaccing nynh thua; hynh-e liate ccou khylan Jordan vaw na zuanua cih oh paw ram kya nae she asae cih," a cipya hae.
Crianças e o reino
Deixai vir a mim as crianças. Jesus honrou as crianças como modelo de fé e humildade para todo o seu povo.
Thuasalama Jesu nynh, "Imua hae kha ka kalan oun cceih hae sah, khee nan oh; pawccecize vaawlang peenaw tuh hynhcihawpaw ccungccaw hae elang nynh thua," a ci.
Thuasalama Jesu nynh, "Imua hae kha ka kalan oun cceih hae sah, khee nan oh; pawccecize vaawlang peenaw tuh hynhcihawpaw ccungccaw hae elang nynh thua," a ci.
Tuh ccyh lyakhe zuitu hae nynh Jesu kalan oun thua hae zah, "Vaawlang peenaw kya hummou a lesaehua?" cite a khia hae. Jesu nynh imua taraw lu kheit kha a kalan ko zah minmin ngaelaku khe nung zah, "Byaccaccing kae hopya oh, nanning nynh na rulaeku khyh oh zah imua taraw hawte na thua khyh oh ze, vaawlang peenaw lungkhu lang papin na tee lan khyh oh. Tukeiccuze humhung zemah e imua hawte zakaw a sangsakuhpaw tuh vaawlang peenaw kya a lesae huapaw nynh thua.
"Byaccaccing kae hopya oh, nanning nynh na rulaeku khyh oh zah imua taraw hawte na thua khyh oh ze, vaawlang peenaw lungkhu lang papin na tee lan khyh oh. Tukeiccuze humhung zemah e imua hawte zakaw a sangsakuhpaw tuh vaawlang peenaw kya a lesae huapaw nynh thua. Humhung zemah e tahawpaw imua lu kheit kha ka min te leh a khanpaw tuh kae kha leh yn khanpaw nynh thua.
"E imua taraw hae hynh lu kheit sanmah na dothatheih khyh nawlan oh raeringkuh oh; pawccecize kae hopya oh, imua hae a thungkhawtu vaaw hae nynh vaawlang umpaw ka Paaw mitmae kha tyty a muih hae.
Tuh ccyh lyakhe Jesu nynh tho zah, "Vaaw te laephi Bawipaw, pou Apang, na kalan lungtuabya ka ho; pawccecize e uccaw hae hynh a haw hae paw te a thya hae paw kyate na thuruh zah nosi hae kha na phypya hae.
Daenaw raetu hae tuh lungtua hae paw nynh thua; pawccecize minmin tuh Pachia ccaaw hae cite ko athua cih hae.
Ccungccaw hae nynh imua taraw hae kha Jesu kalan haesah khylan oun cciakhae hae; a zuitu hae nynh oun cciakhaetu hae kha a pe hae. Jesu nynh tuh-e tuh he a muih te, a thinria zah minmin kha, "Imua taraw hae kha ka kalan oun cceih hae sah, kang nan oh; pawccecize Pachia peenaw tuh hynhcihawpaw hae elang nynh thua.
Imua lu kheit kha lah zah mih laku khe a nung; te a kuih kya dua zah, "Humhung zemah e tahawpaw imua lu kheit kha ka min te leh a khanpaw tuh kae kha leh yn khanpaw nynh thua; humhung zemah kae kha leh yn khanpaw tuh kae kyalya kha leh yn khanpaw thua leite kae yn sawtupaw kha mah leh a khanpaw nynh thua," cite a hopya hae.
Jesu tuh pyn lante thuasah, hawnaw lante thuasah yn lethung zah, Pachia malang te ccungccaw malang maehoynaw a mue.
Awkhua looh a ae kou hae te, Jesu nynh Simon Peter kha, "Johan ccapaw Simon, hynh-e hae nynh yn sungsah hae laeze kae hynh nae sungsahua tou?" cite a khia. Simon nynh, "Ou, Bawipaw, kae sungsah cipaw phe na ny," a cipya. Jesu nynh, "Ka tuutaw hae kha looh la dang hae," a cipya.
Identidade e crescimento
Somos filhos de Deus pelo Espírito de adoção. Crescer em Cristo é amadurecer em fé, obediência e amor ao próximo.
Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae.
Pawccecize Pachia Muisaw nynh a cciakhae hae paw balyn tuh Pachia ccaaw hae nynh thua hae.
Pawccecize nanning nynh bua a rihthyapaw see thinlung kha Pachia kyate mue leite, ccaaw thinlung kha nynh na mue oh. "Ka Paaw! Ka Paaw!" cite aening nynh ah sia vae oh ze,
aening tuh Pachia ccaaw hae nynh ah thua oh cipaw Muisaw amaw ccaccei nynh aening muisaw ryte ccaekia a khan.
Pawccecize raepaw uccaw hae nynh Pachia ccaaw hae oun langku lan hae paw kha myarya ngaehoite a ngawdae hae.
pawccecize nanning balyn tuh zynnaw liate Khri Jesu kya Pachia ccaaw hae nynh na thua oh. Pawccecize Khri kya baptisma a in vae hae paw nanning balyn tuh Khri kha boeining hawte phe na lawkuh vae oh.
Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae.
Sungsah hae, atu aening tuh Pachia ccaaw hae nynh ah thua oh. Nyalang aening tuh pawte nynh ah thua cih oh cipaw langkuh loh khyh. Thuasalama Khri he yn langkuh te, aening tuh amaw te loku bua lan cipaw ah ny oh; pawccecize aening nynh amaw kha athuanaw thathyhte ah muih cih oh. Khri kya ngaehoinaw a hoipaw miakaw tuh Khri nynh ccipapya lan a um hawte ccipapya lan nynh a umbua.
Ka ccaaw hae, Bawipaw min liate
nae seinaw kha ngaethya
athua vae keiccuze
nae kalan ccaw ka zei.
Ka ccaaw hae, zohtuh hae kha la sibia oh. Amen.
a innbyn kha kou hoy lan a ukpaw, a ccaaw hae kha aphuinphuin te kawngae thyanaw te sawtua thyanaw a hoisah hae paw athua cih;
Lukhakheit nynh a puizia hae kha a do-oih khyh lanze, abyapi lante a innbyn hae kha a do-oih khyh lanze, zynnaw a vuapaw thua zah zynleitu laeze houh athah huapaw nynh thua.
Ccaaw hae kya hopya hawte nanning hopyapaw hyynaw bya kha na ning vae oh tou? Tuh-e bya tuh:
"Ka ccapaw, Bawipaw thuiheinaw kha
pawlangria leite um nan,
amaw nynh ae thuihei ze
na lungthang nan sah.
Pawccecize Bawipaw nynh
a sungsahpaw kha a thuihei,
ccaaw lante a ccoupaw miakaw kha
de a tah," acikuh.
Thuiheinaw kha na ngaesang oh ze, Pachia nynh ccaaw hae hawte ae ccuepe cih oh; pawccecize paaw nynh a thuihei leipaw ccaaw a um zawtou? Thuasalama ccungccaw miakaw nynh a mue hae paw thuiheinaw kha na muebua khyh oh ze, ccaaw ccaccing na thua khyh oh, ccalah nynh na thua oh. Tuhlaeze aening oun thuiheipaw pynsaw lante paaw hae ah hoi oh zah, minmin kha saw ah tua oh; tuhlaeze muisaw lante ah Paaw kaw kha houh ngaete ah hiin lan khyh oh tou?
Thuiheinaw miakaw teing lya tuh lungpawnaw laeze ngaethyanaw cite tua lan a umhua; thuasalama thuiheinaw te kia athua hae paw hanlan, tuh-e nynh nyalang tuh daenaw te asekuhpaw dingnaw thae kha a thuakhaepya hae.
Minmin nynh, "Bawipaw Jesu Khri kha zyn lah nang tuh khum na thua cih, te na innbyn hae mah khum athua cih hae," a cipya hae.
Ccangvae lya-e chiisaw rynaw kha sibia lah, athyaapaw thinlung te Bawipaw a ko hae paw ryte dingnaw, zynnaw, sungsakunaw te daenaw hoi lanpaw kha la zuaku.
Ccaekia hae patae malang kamaw kyate na thae vae paw uccaw hae kha ming hae a ccangpah kho cih hae paw, a lungzipaw ccungccaw hae kalan la ap hae.
Transmitir a fé
Contaremos à geração vindoura os louvores do Senhor. O legado de fé é o maior presente que damos aos nossos filhos.
Na ccaaw hae balyn kha Bawipaw nynh
a ccangpah cih hae zah,
na ccaaw hae tuh myarya a hoirum cih hae.
Na ccaaw hae balyn kha Bawipaw nynh
a ccangpah cih hae zah,
na ccaaw hae tuh myarya a hoirum cih hae.
Atunin kae nynh
kae thehoysah hawte
ahiin hae paw,
ahiin hae paw rou nynh
ae thehoysah cih hae;
paaw hae nynh ccaaw hae kya
na lungzinaw kha a nysah cih hae.
Nopinung nynh a matei a zusahpaw
ccaaw kha a ning kho cih tou?
A saahkupaw a ccaaw kha
ngaethyaumsah leite a um kho cih tou?
A nung nynh a ccaaw kha a la ning heize,
nang kha kae ning lan khyh.
Dotua, ka kuihphe vawlan
nang kha kae zei vae;
khualungrua tuh ka malang po a um.
E hae balyn kha ka dopah kou hae te, ka thadyn zah cciakhaetu hae, bawi hae te tuhlaepaw ccungccaw hae kyakhe, "Minmin kha rih nan oh. Alesaepaw te ri lan umpaw Bawipaw kha ning nan oh lah, nae vaeccaw hae, nae ccapaw hae, nae ccanung hae, nae zu hae te nae inn nae loo hanlan rhawtuk oh," ka cipya hae.
Imuapaw Samuel tuh Eli kuihkaw kya Bawipaw rya kha a lah. Tuh ccyh lya tuh Bawipaw bya tuh azya; vizin hae mah azya.
Ka ccaaw hae nynh byaccing kya a hiin hae cipaw ka thaepaw lungtuanaw laeze ale huapaw lungtuanaw ka hoi khyh.
Ka ccaaw hae nynh byaccing kya a hiin hae cipaw ka thaepaw lungtuanaw laeze ale huapaw lungtuanaw ka hoi khyh.
Tuh-e bya hae tuh ah ccaaw hae kha
thuruhpya lei lan hae;
Bawipaw kya-e alesaepaw
ryalaw hae,
a thawzung te a la cyipaw
ngaeangnaw hae kha
yn thua cih paw she e
ccungccaw hae kya hopya lan hae.
Jakob ciihan kya
phunglang kha tynsah zah,
Israel hae kya upadi kha a nung,
tuh-e tuh mih ccaaw hae kya
ccangpya khylan ah minpaaw hae kha
kaw a la pya hae paw nynh thua.
Tuhcite a pui loh lei hae paw
malang she e mih ccaaw hae nynh
a nyhbua cih hae, minmin tuh
oun lethung cih hae zah,
mih ccaaw hae kha
a hopah pathy cih hae,
tuhteze nynh Pachia kha
a ngaehoikuh cih hae zah,
Pachia ryalaw kha ning leite
a kawbya kha a zui cih hae.