Cura

5 Hianagi tagri kumitigu hu’za avufagafina karugrua nere’za, tagri kefo zantigu hu’za ahe’za avufga agu’za ru’naze. Agri’ma kanama nemi’za, atama ami’naza zamo tagritera tarimpa frua avreno ne-egeno, agri avufgama rutraga trago’ma hu’naza zamo, tagrira tazeri kanamre’ne.

4 Tamagerfa huno ana ne’mo’a tagri knazane, tasunku zanena agra’a erigofi’ne. Tagrama antahunana Anumzamo’a kna amino azeri haviza hunaku atregeno knazamo’a azeri havizantfa nehie huta antahi’none. 5 Hianagi tagri kumitigu hu’za avufagafina karugrua nere’za, tagri kefo zantigu hu’za ahe’za avufga agu’za ru’naze. Agri’ma kanama nemi’za, atama ami’naza zamo tagritera tarimpa frua avreno ne-egeno, agri avufgama rutraga trago’ma hu’naza zamo, tagrira tazeri kanamre’ne.

24 Agra avufare kumiti erino rugeka zafare hantinegu, tagra kumi’ma hu’zampina nefrita, fatgo tavutava’ma huzampina, kasefa huta manigahune. Na’ankure Agri avufgama aguzama ru’nazazamo, tagrira tazeri so’e hu’ne.

Ne’zama eri atruhu vahe’mofo naneke

35 Ananteti Jisasi’a osi kumate’ene rankumatera vano nehuno osi mono nompi rempi hunezmino, Anumzamofo mona kumakura mono nanekea nezamasmino, mika kri eri amane hu’ne.

8 kria eri amane nehutma, fri vahera zamazeri o’netitma, fugo namure’nea vahera zamazeri so’e nehutma, hankrora ahenatitreho. Hankavea amane tamuanki, amane zamiho.

12fu’a Aposolo naga huzmantege’za vu’za e’za hu’naza naneke

1 Jisasi’a amage’ma nentaza disaipol nagara zamagi hige’za ageno, zamagrama hankro’ma ahe natinetre’za, ruzahu ruzahu krima zamagu’afi me’nea vahe’ene, krima erinesaza vahe’ma zamazeri so’e hanaza hanavea zami’ne.

12 Hagi Jisasi’ma anankema nentahino’a amanage hu’ne, Kri’zamima omane’nesia vahe’mo’za tusa (dokta) netera ovugahaze, hagi krima eri’nesaza vahe’mo’zage tusa netera vugahaze.

Jisasi kri eri amne hu’nea erizamofo naneke

23 Jisasi’a maka Galili kaziga vano nehuno, osi mono nozmifi (sinagog) marerino Knare Musenkea (gospol) mona kuma’mofo naneke rempi hunezmino, maka zamufa haviza hu’nea kri vahe’ene krimo amu’nozmifi me’nea vahera zamazeri so’e huzmante’ne.

9 Ana kumate kri erinesaza vahera krizmia zamazeri so’e nehutma, anage hutma zmasamiho. Anumzamofo kumamo’a tamagrite erava’o nehie hiho!

18 Ramofo avamumo Nagrane emani’ne. Na’ankure agra huhampri nanteno, zamunte omane vahepi Knare Musenkea huama huo huno hunante’ne. Agra hunanteno huama hugeno, kinafi mani’nesaza vahe’mo’za katufe’za nevnageno, zamu suhu vahe’mo’za negesageno, vahe’mo’za zamazeri haviza nehanaza nagamoza fru hu’za nemanisagena,

14 Jisasi’a nezmageno amanage huno zamasmi’ne, Tamagra vuta pristi vahete tamavufga ome zamaveri hiho, hige’za nevazageno fugo namuzmimo’a amne higeza agru hu’naze.

Jisasi’a mani fruhu kna zupa mago ara azeri so’e hunte’nea naneke

10 Mani fruhu (Sabati) knazupa Jisasi’a osi mono nompi umrerino rempi hunezmigeno, 11 mago ara 18ni’a kafu zagefi havi avamumo amagena azeri fagagigeno, pripri huno vano nehuno, oti fatgo huno vano nosia ara, 12 Jisasi’a negeno ke higeno egeno, Ama a’moka, krimofo kinafintira katufegantoe. 13 Nehuno ana a’mofo agofetu azana antegeno, ame huno ana kri’amo’a vagaregeno oti fatgo nehuno, agafa huno Anumzamofo agi erisaga hu’ne. 14 Hianagi osi mono nonte kva ne’mofona rimpa he’ne. Na’ankure Jisasi’ma mani fru knazupa (sabat) ana a’mofo eri so’e hunte’negu, maka veara amanage huno zamasmi’ne. 6si’a eri’za eneruna kna me’negu, tamazeri so’e hanie hanutma, e’i ana knafi egahaze. Hanki mani fruhu (Sabati) knazupa tamazeri so’e hanie hutma omeho. 15 Hianagi Ramo’a ana kenona’a anage huno asami’ne, Tamagra tavre vahe mani’naze. Makamotma mani fruhu (sabat) knazupa bulimakaotamifi, donki tamimofona kegina zamifinti ti nesnagu katufeta zamavareta novazo? 16 Hanki ama ara Abraha mofakino, Sata’a zaza kna 18ni’a kafuzagefi kina rentegeno mani’nege’na, mani fruhu (sabat) knazupa katufe netrogeta, mani fruhu knagi anahura osuo hutma nehazo? 17 Anagema nehigeno’a, ke ha’ma rentaza vahe’mo’za zamagazegu nehazageno, maka veamo’za hirozantfama hu’nea zankura muse hu’naze.

50 Hianagi Jisasi’a ananke nentahino, anage huno kenona hu’ne. Kagra korora osuo, kamentinti hugeno ana mofamo’a knamareno manino.

34 Jisasi’a anage huno ana akura hu’ne, Mofa, kagri ka’a kamentintimo kazeri knare hianki, karimpa frune vugeno krikamo’a atreganteno.

23 Higeno Jisasi’a anage huno ana mofavremofo nefana asami’ne, Na’a higenka kagrama azahuga hunesunka azeri otio hunka nehane? Hagi mago’moma amentinti huno, maka’zana fore hugahie hanimofontera, amane maka’zana fore hugahie.

52 Higeno, Jisasi’a anage huno asami’ne, Kamentintimo kazeri so’e hianki vuo higeno, ame huno avurgamo’a ete hari higeno amage' avaririno kantega vu’ne.

17 Hagi zamentinti hanamo’za amanahu avame’za erigahaze. Nagri nagirera havi avamura hunente’za, kasefa zamageru arugahaze. 18 Ha' osifa’vea zamazanu azeneri’za, avuataga zama nesnaza’zamo’a zamazeri haviza nosinke’za, kri vahete zamazama antesageno’a, krizamimo’a amane hinke’za, knare hu’za manigahaze.

34 Pita’a anage huno asami’ne, Ainiasiga, Jisas Kraisi’a krika’a kazeri so’e huganteanki, otinka tafeka’a atrenka vuo, higeno anante ame huno oti’ne.

26 Ana nehuno anante Ra Anumzamo’a anage hu’ne, Rantimi Anumzamofo ageru’ma antahitama fatgo zama Agri avufima nehutma, kasege’agu’ma tamagesa anteta nentahitma, mika ke’ama amage’antesazana, magore hu’na kria tamavatera ontegahue, Isipi vahe’ma zmi’noankna kria ontamigahue. Na’ankure Nagra Ra Anumzamo’na, kritamima eri netromo’ne.

25 Hagi Anumza Rantamimofona Agrike monora hunentenke’na, ne’zama nesaza zane, tima nesaza zana asomu huneramante’na kria amu’notmifintira eritra’neno.

3 Anumzamo’a maka kumini’a eri netreno, maka krini’a eri netreno,

3 Knazamo’ma higeno zamagu’amo’ma havizama hu’nea vahera ete zamazeri so’e nehie. Ana nehuno namuma zamare’nea zana anaki nezamante.

20 Anumzamo’a naneke’a huntegeno eno zamazeri neganamreno, frinaku’ma nehazafintira eme zamagu’vazi’ne.

2 Ra Anumzana nagri Anumzamoka, kagrama naza huogu’ma nunamuma hugenka, kagra nazeri kanamr40 'nane.

8 Zamavu’ma asuhu’nea vahera Ra Anumzamo’a zamavua eri hari nehuno, knazamo’ma zamazeri fenkami atre’nea vahera zamazeri sga nehuno, fatgo avu’ava zama nehaza vahera avesi nezamante.

3 Hagi krima erizageno’a, Ra Anumzamo’a kegava hunezmanteno krizmia zamazeri negnamare.

19 Fatgo zamavu’zmava’ma nehaza vahe’mo’za rama’a hazenkefi ufretere hugahazanagi, Ra Anumzamo’a ana hazenkefintira zamaza huno zmagu’vazitere hugahie.

17 Hianagi Nagra tamavufga tamazeri knare nehu’na, tamagri namuna eri hagege hugahue. Na’ankure zamagra hu’za tagri vahera omani’naze nehu’za, Saioni kumara amneza me’neankino mago vahe’mo’a antahi nomie hu’za nehaze.

6 Hianagi henka’a ama rankumara Nagra ete eri knare nehu’na, vahe’enena zamazeri kanamaregahue. Ana hanuge’za knare nomani’zampi muse hu’za nemanisage’za mago’enena hara eme huozamantegahaze.

14 Ra Anumzamoka krifintira nazeri kanamarege’na kanamare’na nemani’na, nagu’vazinka navarege’na knare hu’na manisue. Na’ankure kagri kagige’za husga hunegantoe.

14 Amunontamifina mago’mo’ma krima erinenuno’a, Agra mono kva vahe ke hanige’za, nunamu eme hunente’za Anumzamofo agifi masave frenteho. 15 Hagi zamentinti nehu’za nunamu huntesageno, Ramo’a kri’ma eri’nea vahera azeri neganamreno azeri onetino, kumi’ma hunesiana, kumi’a atrentegahie.

14 Amunontamifina mago’mo’ma krima erinenuno’a, Agra mono kva vahe ke hanige’za, nunamu eme hunente’za Anumzamofo agifi masave frenteho. 15 Hagi zamentinti nehu’za nunamu huntesageno, Ramo’a kri’ma eri’nea vahera azeri neganamreno azeri onetino, kumi’ma hunesiana, kumi’a atrentegahie. 16 E’ina hu’negu kumitamia huama hutma kumira otrente atrente nehutma, nunamuna ohunte ahunte nehinkeno, Ramo’a tamazeri kanamareno, fatgo ne’mofo nunamumo’a hanavenentake hu’neankino eri’za erigahie.

16 E’ina hu’negu kumitamia huama hutma kumira otrente atrente nehutma, nunamuna ohunte ahunte nehinkeno, Ramo’a tamazeri kanamareno, fatgo ne’mofo nunamumo’a hanavenentake hu’neankino eri’za erigahie.

7 Na’ankure oku’ma me’nea knare’zantafa Anumzamo naveri hige’na ke’noe. Hianagi e’ina zante nege’na ra nagi erizankura, nekazagna zamo navufgafi nenreana, e’i Sata eri’za vahe’mo nata nenamino, nazeri haviza nehianki’na navufga ra osnugu anara nehie. 8 Ama ana natama negriazana Ramo eritrenantesiegu, 3'a zupa kazigazi hu’na antahige’noe. 9 Hianagi Ramo’a amanage huno nasmine, Nagri nasunkuzamo’a knare kagrira hugantene. Na’ankure hanave ka’a omanesirera, Nagri hanavemo’a knare hugantegahie. E’ina hu’negu, Ramofo hankavemo’a knarezantfa huno refite nantegahiankina hanaveni’a omanesifina muse nehu’na navufga ra hugahue.

14 Nagri vaherema hu’noa vahe’mo’zama zamagu’a erinterami’za, nunamuma nehu’za, nagri navugosagu’ma nehake’za, kefo avu’ava’zama nehaza zama atresage’na, monafintira nunamu’zmia nentahi’na kumizmia atre’nezmante’na, mopazmia eri knare hugahue.

5 ete rukrahe hunka vahenimofo kva ne' Hezekai’ante vunka, Ra Anumzana negageho Deviti Anumzamo’a amanage hie hunka ome asamio, kagrama hana nunamunka’a hago antahi’na, zavi’ma atana kavunura hago ke’noe. E’ina hu’neanki’na Nagra kazeri kanamresugenka, tagufa zage kna manitenka, marerinka Ra Anumzamo’na mono nompi monora ome hunantegahane.

29 Hankavezmima omne’nea vahera Ra Anumzamo’a hankavea nezamino, hankavezamima omanegezama kasrokasarama nehaza vahera mago’ene hihamua sotu huno nezamie.

2 Hianagi Nagri nagigu’ma koro’ma nehuta, nagoraga’ama nemaniza vahe’motarera, hanavenimo’a tamagrite’ma efore’ma haniana, fatgo avu’avaza zamo’a zagemo’ma hiaza huno remsa hunermanteno, tamazeri knamarena bulimakao anentamo’ma keginafinti’ma atiramino ne-eno muse huno haru huno takaure takaure huno vano hiankna hugahaze.

22 Musema huno mani’zamo’a, tusazamo vahe’ma azeri so’e higeno maniankna nehie. Hianagi vahe’mofo antahi’zamo’ma havizama haniana, havi krimo zaferinafi me’neno azeri haviza hiankna hu’ne.

13 Hagi kagamoma vania kana erintefatgo nehugeno, hanavezmi nomanegeno zamagamo haviza hu’nesia vahe’mo’za, oti hanavenetiza trakara osu’za kavaririza viho.