Tomar uma decisão
Tomar decisões com sabedoria é um dos maiores desafios da vida. A Bíblia nos ensina a buscar a Deus em oração, na Palavra e no conselho, confiando que Ele dirige os nossos passos.
Buscar a Deus
Se algum de vós tem falta de sabedoria, peça a Deus. Ele dá generosamente e sem repreensão a todos os que pedem.
पर जे तुसा बीचा ते केसी खे बी दमाको री कमी ओ, तो परमेशरो ते माँगो, जो बिना ल़वामे ते सबी खे उदारता ते खुशिया साथे देओआ; और परमेशर सबी खे देओआ।
और आसा खे परमेशरो रे सामणे जो हियाव ओआ, से ये कि जे आसे तेसरी इच्छा रे मुताबिक कुछ मांगूए, तो से म्हारी सुणोआ।
जे आसे आपणे पापो खे मानी लऊँ, तो से म्हारे पाप माफ करने और आसा खे सारेया पापो ते शुद्ध करने रे विश्वासो जोगा और तर्मी ए।
तैं आपणियां समजा रा साअरा नि लणा,
बल्कि पूरे मनो ते यहोवे पाँदे परोसा राखणा।
तुसे जो कुछ बी करोए तिदे यहोवे खे याद राखो,
ओर तेस तुसा खे सई बाट दखाणी।
तुसे जो कुछ बी करोए तिदे यहोवे खे याद राखो,
ओर तेस तुसा खे सई बाट दखाणी।
कऊँकि यहोवे री ये बाणी ए कि जो शान्तिया री योजना आऊँ तुसा रे बारे दे करूँआ, आऊँ तिना खे जाणूंआ, सेयो नुकशाणो रिया नि ए, बल्कि पलाईया रिया ए ओर मां अन्तो दे तुसा री उम्मीद पूरी करनी।
Conselho e direção
Onde não há conselho os planos se frustam. Toda Escritura é útil para nos guiar nas decisões da vida.
जेते देशो दे अक्लमंद परदान नि ऊँदा, तेथो री प्रजा मुसीबता रे पड़ी जाओई,
पर सई सलाह देणे वाल़ेया रिया बजा ते तेते शईरो रा बचाव ओआ।
न्याय करने रिया तँईं चिट्ठी पाई तो जाओई,
पर तिजी रा निकल़ना यहोवे रिया तरफा ते ओआ।
जो माणूं ओरी ते मिली की नि रंदा, से आपणी ई इच्छा पूरी करने खे एड़ा करोआ,
जो गल्ला ओरी सबी खे ठीक लगोईया तिना खे से सुणने खे बी ना करी देओआ।
मूर्ख माणूंए रा मन समजा रिया गल्ला रे नि लगदा, से बस आपणे ई मनो री गल्ल बताणा चाओआ।
जेती बुरिया गल्ला ओईया तेती बेज्जती बी ओई ओर नरादर ओर निंदा बी ओई।
बुद्धिमान माणूंए रे मुंए रिया गल्ला समुद्रो रे डूगे पाणिए जेड़िया गईरिया ओईया,
ओर बुद्धिया री सूबल बह्यींदिया नदिया जेड़ी ओई।
दुष्टो कनारो खे ऊणा ओर तर्मिये साथे अन्याय करना, ठीक नि ए;
मूर्खो रिया गल्ला मुकद्दमा खड़ा करने वाल़िया ओईया,
ओर से आपू खे मार खाणे जोगा करी देओआ।
मूर्खो रा नाश तेसरी आपणियां गल्ला ते ई ओआ,
ओर तेसरिया गल्ला ई तेसरे प्राणो खे फन्दा बणोईया।
चूगली करने वाल़े रिया गल्ला स्वाद खाणे जेड़िया लगोईया;
सेयो पेटो दे पची जाओईया।
जो काम करने रे आल़स करोआ, से चीजा खे नाश करने वाल़े रा पाई ठईरोआ।
यहोवे रा नाओं मजबूत गढ़ो जेड़ा ए;
तर्मी तिजी रे नठी की सारिया बुराईया ते बचोआ।
अमीर माणूं ये सोचोआ कि तेसरा पैसा शईरो रे चऊँ कनारे रिया ऊच्चिया दवाला रे जेड़ा तेसरी रक्षा करोगा।
कमण्डी माणूं नाश ऊई जाओआ,
ओर नम्र सबाओ रे माणूंए खे महिमा मिलोई।
मूर्ख माणूं बिना गल्ल सुणे जबाव देओआ,
ओर तेसरी बेईजती बी ओई।
बमारिया रे माणूं आपणियां ईम्मती ते सम्बाल़ूँआ,
पर जेबे से ईम्मत ई आरी जाओ तो तेसखे मरने रा ई इन्तजार करना चाईयो।
पूरा पवित्र शास्त्र परमेशरो री प्रेरणा ते रचेया राए। ये पवित्र शास्त्र उपदेश देणे, गल़ती करने पाँदे डांटणे खे, सुदारने और धार्मिकता री शिक्षा खे फायदेमंद ए।
ताकि परमेशरो रा जन हर एक खरे कामो खे करने जोगा बणो और त्यार रओ।
तेबे तिने मूसिया प्रदेशो रे नेड़े पऊँची की बितूनिया नगरो खे जाणा चाया, पर प्रभु यीशुए रे पवित्र आत्मे सेयो जाणे नि दित्ते।
अन्ताकिया नगरो री मण्डल़िया रे कई भविष्यबक्ता और उपदेशक थे। जिंयाँ-बरनबास, शमौन जेसरा दूजा नाओं नीगर बी बोलोए, लूकियुस कुरेनी और चौथाई देशो रे राजे हेरोदेसो साथे पल़ेया-बड़ेया रा पाई मनाहेम और शाऊल। जेबे सेयो बअरतो साथे प्रभुए री भक्ति करने लगी रे थे, तेबे पवित्र आत्मे बोलेया, "मेरी तँईं बरनबासो खे और शाऊलो खे तेस काम करने खे लग करी देओ, जेतेरी खातर मैं सेयो बुलाई राखे।" तेबे तिने बअरत और प्रार्थना करी की और तिना पाँदे आथ राखी की सेयो परमेशरो रा काम करने खे पेजे।
Confiar e seguir
Seja o que for que façais, fazei tudo para a glória de Deus. O sábio ouve a Deus antes de agir.
तो तुसे चाए खाओ, चाए पियो, चाए जो कुछ करो, सब कुछ परमेशरो री महिमा खे करो।
आसा रे चऊँ कनारे बऊत सारे लोका री जिन्दगिया रे एड़े उदारण ए जो आसा खे बताओ कि विश्वास क्या ए। इजी खे आओ, हर एक रोकणे वाल़ी चीज और उल़जाणे वाल़े पापो खे दूर करी की से दौड़ जो आसा खे दौड़नी, सब्रो साथे दौड़ो।
जेबे सुलैमान गिबोनो दे था, तेबे यहोवे राती सुफने रे जरीये तेसखे दर्शण देई की बोलेया, "जो कुछ तूँ चाएआ कि आऊँ ताखे देऊँ, से मांते माँग।" सुलैमाने बोलेया, "तूँ आपणे दास मेरे बाओ दाऊदो पाँदे बड़ी कृपा करदा रया, कऊँकि से आपू खे तां सामणे जाणी की तां साथे सच्चा, वफादार ओर ईमानदार था। तैं तेस पाँदे एथो तक करूणा कित्ती थी कि तेसखे तेसरी गद्दिया पाँदे बैठणे वाल़ा एक पाऊ देई राखेया, जेड़ा कि आज सामणे ए। ओर एबे ओ मेरे यहोवा परमेशर! तैं आपणे दास मेरे बाओ दाऊदो री जगा पाँदे राजा बणाई राखेया, पर आऊँ छोटे पाऊए जेड़ा ए जो एसा जिम्मेदारिया खे निबाणा नि जाणदा। पर तेरा दास तेरी चूणी री प्रजा रे बऊत लोका बीचे ए, जिना री गिणती बऊत जादा ऊणे रिया बजअ ते नि ऊई सकदी। तूँ आपणे दासो खे आपणी प्रजा रा न्याय करने खे समजणे खे एड़ी शक्ति दे कि आऊँ खरे-बुरे खे परखी सकूँ, कऊँकि एड़ा कुण ए जो तेरी इतणी बड़ी प्रजा रा न्याय करी सको?" एते गल्ला ते परमेशर बऊत खुश ऊआ कि सुलैमाने एड़ा वरदान मांगेया। तेबे परमेशरे तेसखे बोलेया, "कऊँकि तैं एड़ा वरदान मांगी राखेया ओर ना तो लाम्बी उम्र, ना पैसा ओर ना आपणे दुश्मणा रा नाश मांगेया, पर समजणे खे विवेको रा वरदान मांगी राखेया, इजी री खातर सुण, आऊँ तेरे मांगणे रे मुताबिक करूँआ, ताखे अक्ल ओर विवेको साथे परेया रा मन देऊँआ, एथो तक कि तां जेड़ा ना तो तांते पईले कोई ऊआ ओर ना बादो ते कोई कदी ऊणा।
तेबे तेसरी लाड़िए तेसखे बोलेया, "तूँ एबे बी परमेशरो पाँदे परोसा कऊँ राखेया? तूँ तेसखे स्राप देई की कऊँ नि मरी जांदा?"
तेबे अय्यूबे ज्वाब दित्तेया, "तूँ एक मूर्ख जवाणसा री जी गल्ल करने लगी री, क्या आसे परमेशरो रे आथो ते जो सुख लऊँए, तो दु:ख नि लईये?" इतणा सब कुछ ऊणे ते बाद बी अय्यूबे आपणे मुंए ते कोई बी पापो री गल्ल नि कित्ती।