5 Ne ame aɖe hiã nunya la, nebia Mawu, ame si naa nu ame sia ame faa kple dɔmekɔkɔ, eye Mawu anae fɔbubumanɔmee.

14 Kakaɖedzi sia le mía si le tete ɖe Mawu ŋu me, be ne míebia nu si sɔ ɖe eƒe lɔlɔ̃nu dzi la, eɖoa to mí.

9 Gake ne míeʋu míaƒe nu vɔ̃wo me la, ekema Mawu si nye nuteƒewɔla kple dzɔdzɔetɔ la atsɔ míaƒe nu vɔ̃wo ake mí, eye wòaklɔ madzɔmadzɔnyenye katã ɖa le mía ŋuti.

5 Ɖo ŋu ɖe Yehowa ŋu kple wò dzi blibo,

mègaku ɖe wò ŋutɔ wò nugɔmesese ŋu o;

6 ɖo ŋu ɖe eŋu le wò mɔwo katã dzi

ekema awɔ wò toƒewo dzɔdzɔe.

6 ɖo ŋu ɖe eŋu le wò mɔwo katã dzi

ekema awɔ wò toƒewo dzɔdzɔe.

11 Yehowa be, menya ɖoɖo siwo mewɔ ɖe mia ŋu, mewɔ ɖoɖo be nu nadze edzi na mi, menye mawɔ vɔ̃ mi o, be mana mɔkpɔkpɔ mi eye ŋu nyui aɖe hã nake na mi.

14 Dukɔ aɖe dzea anyi, ne mɔfiala meli o,

ke dziɖuɖu vana to aɖaŋuɖola geɖewo dzi.

33 Wolɔa hotsui ɖe akɔ hetsɔna kaa nui,

ke nyametsotso ɖe sia ɖe tso Yehowa gbɔ.

1 Ɖokuitɔdila dia eɖokui ko tɔ

eye meɖoa to nunyanya siwo gblɔm wole la o.

2 Bometsila medoa vivi ɖe gɔmesese ŋu o,

ke boŋ ekpɔa dzidzɔ le eya ŋutɔ ƒe susuɖegblɔ ŋu.

3 Ne vɔ̃ɖivɔ̃ɖi va la, vlododo kplɔnɛ ɖo

eye ne alɔmeɖeɖe va la, ŋukpe dzea eyome.

4 Ame ƒe numenyawo nye tɔ goglo,

ke nunya ƒe vudo nye ta si le dzidzim.

5 Menyo be woade ame vɔ̃ɖi dzi

alo atrɔ ame maɖifɔ ƒe nya dzɔdzɔe atsyɔ anyi o.

6 Bometsila ƒe nuyiwo denɛ dzre me

eye eƒe nu hea ƒoƒo vaa edzii.

7 Nu si bometsila ƒe nu gblɔ la,

metso eya ŋutɔ gbɔ o, eye eƒe nuyi nye mɔka na eƒe luʋɔ.

8 Amenyagblɔla ƒe nyawo vivina

abe nuɖuɖu vivi si woka de nu me la ene;

woyina ɖe ame ƒe dɔgbowo me ke.

9 Ame si wɔa alɔgblɔdɔ le eƒe dɔ

ŋuti la nye nugblẽla nɔvi.

10 Yehowa ƒe ŋkɔ nye mɔ sesẽ,

ame dzɔdzɔewo sina yia eme eye wonɔa dedie.

11 Kesinɔtɔwo ƒe kesinɔnuwo nye woƒe du sesẽ

eye wobuna be wonye gli kɔkɔ si ame aɖeke mate ŋu aflɔ o.

12 Hafi ame aɖe nadze anyi la,

dada nɔa eƒe dzi me,

ke ɖokuibɔbɔ doa ŋgɔ na bubu.

13 Enye bometsitsi kple ŋukpe na ame,

be wòaɖo nya ŋu hafi ase nu si gblɔm wole.

14 Ame ƒe gbɔgbɔ lénɛ ɖe te le dɔléle me,

ke ame ka ate ŋu atsɔ gbɔgbɔ si gbã gudugudu?

16 Mawu tsɔ eƒe nya la na mí to eƒe Gbɔgbɔ si wɔ dɔ le amewo me la dzi, eya ta Biblia nyo hena nufiafia tso nu siwo nye nyateƒe la ŋu kple ale si wòana míadze si nu siwo nye nu vɔ̃ le míaƒe agbenɔnɔ me. Edaa mí ɖe mɔ dzɔdzɔe dzi, eye wòkpena ɖe mía ŋu be míawɔ nu si nyo, eye wòdze.

17 Eyae nye Mawu ƒe mɔ si dzraa mí ɖo nyuie le go sia go me hena nyuiwɔwɔ na ame sia ame.

7 Woto Misia liƒo dzi heyina Bitinia lɔƒo. Ke Yesu ƒe gbɔgbɔ gaxe mɔ na wo, eya ta womete ŋu yi Bitinia o,

1 Nyagblɔɖila kple nufiala aɖewo nɔ Antioxia Hame la me ɣe ma ɣi, eye wo dometɔ aɖewoe nye Barnabas kple Simeon si wogayɔna be Niga, Lukio tso Kirene, Manain (si nye Fia Herodes nɔvi) kple Saulo. 2 Gbe ɖeka la, esi ame siawo nɔ Aƒetɔ la subɔm, nɔ nu tsim nɔ dɔdɔm la, Gbɔgbɔ Kɔkɔe la gblɔ na wo be, "Mitia Barnabas kple Saulo be woaɖawɔ dɔ tɔxɛ si ta meyɔ wo ɖo la nam." 3 Wogayi edzi wɔ nutsitsidɔ hedo gbe ɖa ɣeyiɣi aɖe, eye le esia megbe la, woda asi ɖe Barnabas kple Saulo dzi, do gbe ɖa ɖe wo ta, eye wodo mɔ wo be woayi.

31 Nu si ta megblɔ esia ɖo lae nye be ele be miawɔ nu sia nu na Mawu ƒe kafukafu, le miaƒe nuɖuɖu kple nunono gɔ̃ hã me.

1 Eya ta esi ɖaseɖilawo ƒe ha gã aɖe ƒo xlã mí ta la, mina míaɖe mɔxenu ɖe sia ɖe kple nu vɔ̃ si bla mí sesĩe la ɖa, eye mina míake duɖime si woɖo ɖi na mí la kple vevidodo.

5 Yehowa ɖe eɖokui fiae le zã ma me eye wògblɔ nɛ be, "Bia nu sia nu si dze ŋuwò la eye matsɔe ana wò!"

6 Solomo ɖo eŋu be, "Èwɔ dɔmenyo gã na wò dɔla, fofonye, David elabena eɖi anukware na wò. Ewɔ nu dzɔdzɔe eye eƒe dzi to mɔ ɖeka. Èyi edzi, ɖe amenuveve gã sia fiae eye nèna viŋutsue be wòanɔ eƒe fiazikpui dzi egbea.

7 "Azɔ la, Oo Yehowa, nye Mawu, èɖo wò dɔla fiae ɖe fofonye, David teƒe, ke nye la, ɖevi sue ko menye, nyemenya ale si mawɔ nye dɔdeasiwoe o. 8 Azɔ la, wò dɔla le afii, le wò ame tiatiawo dome, dukɔ si lolo eye ameawo sɔ gbɔ ale gbegbe be womate ŋu axlẽ wo o. 9 Na dzi nyanu wò dɔla ale be wòate ŋu aɖu wò dukɔ dzi eye wòade vovototo nyui kple vɔ̃ dome elabena ame kae ate ŋu aɖu wò dukɔ gã sia dzi?"

10 Edzɔ dzi na Aƒetɔ la be Solomo bia nu sia 11 eya ta Mawu gblɔ nɛ be, "Esi nèbia esia eye menye agbe didi loo alo kesinɔnuwo na ɖokuiwò o loo alo wò futɔwo ƒe ku o ke boŋ dzi nyanu be yeatsɔ atso afia nyui ta la, 12 mawɔ nu si nèbia la na wò. Mana dzi nyanu kple dzi si sea nu gɔme la wò ale be tɔwò tɔgbi aɖeke manɔ anyi fifia loo alo akpɔ gbeɖe o.

9 Srɔ̃a va egbɔ biae be, "Ɖe nègalé wò blibodede la me ɖe asi koa? Do ɖiŋu na Mawu ne nàku!"

10 Hiob ɖo eŋu nɛ be, "Èle nu ƒom abe nyɔnu bometsila ene. Ɖe míaxɔ nu nyuiwo ko tso Mawu gbɔ eye menye vɔ̃ hã oa?"

Le nu siawo katã me la, Hiob mewɔ nu vɔ̃ le eƒe nuƒoƒo me o.