5 Nanning lukhakheit nynh hawnaw abou ze, Pachia kha ngiakuh sah, pawccecize seibe leite ccungccaw balyn kha hysahte a pyatu Pachia nynh tuh-e paw tuh hawnaw a pya cih.

14 Pachia kya aening rawhoynaw ah hoi oh paw tuh e hynh nynh thua: Aening nynh amaw rynaw thyhte ccangkhakheit kha ah ngiaku oh ze, Pachia nynh oun thaepya.

9 Aening nynh ah seinaw kha ah phyku oh ze, Pachia tuh a lungzipaw te a dingpaw athua keiccuze ah seinaw kha oun ngaethya cih zah dingleinaw balyn kyate oun thyaasah cih.

5 Bawipaw kha na thinlung balyn te

doliakuh lah,

na hawnaw khate la rinkuh nan.

6 Na ccianaw laanpi takyh kya

amaw kha nyh lah,

na laanpi kha ae lawsahpah cih.

6 Na ccianaw laanpi takyh kya

amaw kha nyh lah,

na laanpi kha ae lawsahpah cih.

11 Bawipaw nynh a hopaw tuh: Nanning hanlan ka hoipaw paccynnaw hynh ccaerarih lan ka ny, tuh-e paccynnaw tuh nanning hanlan vawsawnaw thua leite hoynaw thua zah, ngaehoinaw a umpaw malang ccyh kha pya khylan nynh thua.

14 Cciakhaenaw a um leinaw tuh

ram a khuliakuh,

thuasalama tuanaw hoypaw pyatu

alungnaw kya tuh khynnaw a um.

33 Ccungthydungnaw kha

mih angkizaw lungkhu khe a rae hae,

thuasalama byapaenaw tuh

Bawipaw kya-e nynh thua.

1 Milae te a mungkuh leipaw tuh

amaw rynaw kyalya te

a um rypaw nynh thua,

ahoypaw hawnaw miakaw kha

a nawccah khyh.

2 Mingaee nynh tuh

amaw tuanaw kyalya kha

langsakuh zah, nythyanaw kyakhe

a lungrythua khyh.

3 Hoyleinaw he yn thua vae ze,

dothatheihnaw mah athuabua;

maethyanaw te thethyanaw tuh

a thuakheih hae.

4 Ccungccaw khalang kya-e

bya tuh akhupaw tui hawte thua zah,

hawnaw tuidy tuh

aluapaw vaw hawte nynh thua.

5 Aseipaw ccungccaw kha

maedopaw te byapianaw kyaze

seinaw a hoi leipaw kha

shungsahpaw tuh hme khyh.

6 Mingaeepaw munglae nynh

pekunaw a thuakhae,

a munglae nynh

ccungbua kha a ngiaku.

7 Mingaeepaw khalang tuh

amaw ronaw thua zah,

a mung tuh amaw elang

kaang nynh thua.

8 Ccungccaw lawtypaw byaho tuh

aepaw athuapaw te lokuh zah,

pyn lungkhu lang po a tee.

9 Ryalawnaw kya

a thawnawpaw tuh amaw uccaw kha

alakaw lan a rosahpaw ccungccaw te

uno nynh athua hae.

10 Bawipaw min tuh

tynkarangpaw rhawviainn nynh thua;

miding hae nynh tuh-e inn lungkhu lang

ccue hae zah a khyn hae.

11 Mihoipaw nynh tuh a hoirumnaw kha

atynpaw khuapi thua zah,

ahangpaw khua hohung te nynh

aloku cite a tua.

12 Thinlung hangsahkunaw tuh

ronaw laeze laan a mawty,

zakawsangsakunaw tuh

sawtuanaw laeze laan a mawty.

13 Bya hoyte a thae mawze,

bya a khungpaw ccungccaw tuh

a ngaeepaw te maethya

a lawkuhpaw nynh thua.

14 Ccungccaw thinlung nynh

ccinaw a e-ia kho;

thuasalama lungronaw kha

hummou a teing kho cih?

16 Ccathyaa balyn tuh Pachia hysawnuapaw thua zah, ccangpyakunaw hanlan, seinaw langsaku nawlan, raethuinaw hanlan, dingnaw kya thuiheikunaw hanlan athanepaw nynh thua.

17 Tuhcite Pachia ccungccaw tuh accingpaw athua nawlan te ahoypaw ryalaw miakaw hanlan paccynpaw athua nawlan nynh thua.

7 Misia ramri he a thua hae te, Bithynia ram lang ccia lan a zuaku hae, thuasalama Thyaa Muisaw nynh ua khyh hae,

1 Antiok khua kya a umpaw khriccaawbuu kya profeh hae te ccangpahtu hae a um hae. Tuh-e hae tuh: Barnabas, Nika a ci hae paw Simeon, Sairin khuapaw Lusias, uktu Herod ryte a lethungkheih hae paw Manaen te Saul nynh thua hae. 2 Minmin nynh Bawipaw kha beik hae zah looh-ae a sung lya hae khe, Thyaa Muisaw nynh, "Ka konua hae paw rya kha law khylan Barnabas te Saul kha kamaw hanlan ccangte yn phiapah oh," a ci. 3 Looh-ae sung hae zah saw a sang kou hae te, tuh-e hae tungvaw kya mih kuih khang hae zah a saw hae.

31 Tukeiccuze na ae oh zemah thuasah, na nia oh zemah thuasah, pawpaw na cyi oh zemah, pawpaw balyn tuh Pachia phu-enaw hanlan cyih oh.

1 Tukeiccuze aening mah ccaekia athuapaw maeking pi nynh phang oun koihlu keiccuze zoikadeih lan kaang oun kaesahpaw seinaw te phupaw miakaw kha ccanglang dae nung oh sih lah, aening malang a umpaw ccuetaekunaw kyakhe lungsaenaw te ccue oh sih.

5 Gibeon khua kya khuazi a mang kyakhe Bawipaw tuh Solomon kalan yn langkuh zah, Pachia nynh, "Pawmou kae pya cih, yn ngiakuh," a cipya. 6 Te Solomon nynh, "Na ryalahtupaw ka paaw David tuh namaw malang lungzinaw te, dingnaw te, thinlung hmerarih te a um keiccuze alepaw te atynpaw sungsahnaw kha na langsapyaku vae; amaw hanlan hynh-e alepaw te atynpaw sungsahnaw kha na nungpah zah, atunin a bawitungkhung kya a haung cih paw ccapaw kha na pya vae. 7 Atu tuh, pou Bawipaw ka Pachia, imua taraw ka thua zemah, na ryalahtupaw hynh ka paaw David hmin kya siapharan lang nae nung vae; kae tuh pawtemou pou lan zah pawtemou tee lan cipaw ka nykuh khyh. 8 Te milu riatae leipaw myarya lung hae paw minphuin pi, namaw nynh na popaw ccungccaw hae laku kya nynh na ryalahtupaw tuh ka um. 9 Tukeiccuze na ccungccaw hae hynh uk kho nawlan, ahoypaw te athahpaw phia khonawpaw nythyanaw thinlung kha na ryalahtupaw hynh beih yn pya; pawccecize hynh-e na minphuin pi hynh hum nynh mou a uk kho cih?" a ci.

10 Tuhcite Solomon nynh a ngiapaw bya nynh Bawipaw kha a lungry a thuasah. 11 Pachia nynh amaw kha, "Nang nynh hiinshe saenaw, hoirumnaw te na rhaw hae hiinnaw kha ngiaku leite, namaw hanlan ahmepaw nythya nawlan hawnaw kha nae ngiaku, 12 na bya thyhte ka cyih cih. Hawnaw te nythyanaw thinlung kha kae pya; nang na mawze nang ae lopaw lu kheit san la um boi khyh zah, nang na koute mah nang ae lopaw lu kheit san langkuh vae lan khyh.

9 Tetuh a zu nynh Job kha, "Na lungzinaw kya ccavyng na tyn ung cih tou? Pachia kha thyalaw lah, chih ccavae," a cipya. 10 Thuasalama Job nynh a zu kha, "Angaeepaw nopi nynh bya a ho hawte na ho. Pachia kuih kyate hoynaw ah mue zah, hoyleinaw kha mah mue lei lan tou?" a cipya. E vawsawnaw balyn hynh a teing zemah Job nynh a munglae te heize sei khyh.