Desejos
Os desejos revelam o que há no coração. A Bíblia nos ensina a purificar nossos desejos, submeter a carne ao espírito e buscar as coisas que são de cima.
Desejos da carne
A carne milita contra o espírito. O cristão é chamado a vigiar, resistir e não satisfazer os desejos da natureza pecaminosa.
Nono Mudu Murubuglo duglo boramga paugwa
Na diga i, ene Mudu Murubuglo duglo bogl meglbi, deno muduno goglo pogglau boran, ene ta yage sikraiglkwa.
Agrama abarama wagle, ene prio! God ene lo mina atne kane paikre, yoko kaima moraiglmedi agle dugwa. Ba ene kane paikrumnedi prisre, deno muduno goglo duglo boglkrio! Ene yoko kaima munedi prisre, ene ikne ikne wakai kan, niglno kogono ere teo!
Kaya mokna yubo siragl mere sudiglmere i, si yunaiglkwa
Agrama abarama wagle, agro mo abaro ta tadaglme mina yage sinan, ene tau Mudu Murubuglo duglo bogl moraiglkwa i, kiede moglsre, ye morabara pi aglke kor adrabedi erio. Ba ye tadaglmemo i mina ama yage si dinamnedi kan kun erio.
Yagl kide ene kinano si dinabedi kor mogl, kamage ere, ugl paikrio. Ene nomano mina wakai eramnedi prikwa ba ene ogono nagino mina yobuglno paikrumiwe dugwa.
Te, ege mere yagl kide kigln koglmara magigl pi dinaiglmedi ersre,
Yagl kide no si dinabedi no ere yo
di, ene kamage yegl eraiglme dugwa.
Ene nomano mina pre pogl sidre, kan kun ere molo. I siragl pre Satan, ene kudano ikne moglkwa i, laion taragl ta si nenagledi be di wan moglmere yegl, ye ene sinagledi ere moglkwa.
I siragl pre yoba mabuno kide deno muduno mina pogglau boglko, eramnedi prisre, taragl kane kane bubuno gogl, yene kagno ake mitna ede, yoba kan atne edidre, erikwa i, makadigle mabunono yegl paugwa ba Neno Kade ta tekrukwa.
Mabunono i yoba gun yei teigwa ba mabunono i dumo makan bogl akie dudinabrika magigl erukwa. Dudunabuka ba yoba ta God prumere erabuka i, ye aimadi kamin God bogl si dakagl morabrika.
Yegl pre ene deno muduno goglo pogglau borabuka i, si golo! Si gogltre, ene yagl abu ta bogl kunogl nekre, mabuno deglbi ama kide kodio. Te, deno muduno pgglau boran, ake atne edidre, yoba mabuno kide ere tenamnedi prikre, makandigle taragl ama bubuno goglkrio! Yoba bona mere sinamnedi bubuno geglkwa i, ye god kibi kagno kade teimere mere kuno yegl erikwa.
Purificar os desejos
Guarda o teu coração. Das profundezas do interior do homem saem os desejos — bons ou maus, conforme o coração.
I siragl pre yoba mige moni bubuno geglkwa igne, mabuno kide kane kane plau dugwa. Yoba tau mige moni bubuno geglkwa i pre ye God kamo pre mediglkwa i kide kodo, ede eglke pidre, yubun idre, giugl kane kane prisre, erikwa.
Nono ogno nagno mina mabuno tau eun, God kagie kade inabuka i keme eramga paugwa
Ana ene tau digwa i, No God yobama mogl kodumga pre mabuno kane kane ta eramnedi pramga i, eramga aglau ta paikrumiwe digwa. Ene yegl digwa ba i ta kuno erekrukwa. Ene mabuno kide eribi, mabuno i ene ta ake ple di tekrabuka ba ene si kane sinabuka pre ene erekrio.
Wakai paugwa ba ene prio. Ene mabuno kide mina yage sidre, yagl abu ta bogl kunogl nenaiglkwa mabuno i, kide paugwa pre ene yagl swara swarade abu ibi, te abu swara swarade yagl ebi, wakai panabuka.
Ene pro! Tadaglme ta ene den mudn mina pogglau boran, ene ere mogl, tadaglme i na swara moglmara pogglau boglmedi prikro. Nono yoba munga i, kuno yegl keme munga. Nono yegl munga ba God ye ege ege ka dumara adigl moglsre, ake ple di noro moglkwa pre ye kanige eran, tadaglme ene si atne edekrabuka. Tadaglme ene den mudn mina pogglau borabuka ba God ege ege ene tadaglme ta ere dinatnedi konbauna si tenabuka.
Desejos santos
Como a corça deseja as correntes de água, minha alma suspira por ti, ó Deus. Os desejos do Espírito produzem vida e paz.
Edidre, ye ka wakai yene, bubuno erukwa promis di padigl norukwa. Ye promis di padigl norukwa i, ene pre gi dibi, God dem muduo pamere ama ene deno muduno yegl panabuka. Panan, yoba mudu tadaglme mina u kide pi meglkwa i, ama mokono tenamga pre promis i norukwa. Yoba tadaglme gun yei teigwa pre u kide pi kodigwa pre diga.
Ene taragl tau bubuno goglsre, yoba pere jelas ere teigwa ba ene taragl ta inamnedi prikwa i, ikrikwa pre ene aglke kor nonga didre, kuda mere yegl bogl, agroma abaroma ikne ikne si geglkwa mere yegl paugwa. Ba ene taragl tau ikrikwa i, i siragl pre ene God agle di prikrikwa.
Ana yoba ta tadaglme ye dem muduo mina pogglau boran, ye God di boglsre, God na tadaglme eratnedi erumiwe di, yegl ta dikrabuka paugwa. I siragl pre God moglkwa i, mabuno kide ta ye dem muduo mina pogglau boglkruko, te ye yoba swara ta mabuno kide erabedi erekrukwa.
God lomo i, nono tadaglmeno i nogugl edugwa
Yegl paugwa pre God lomo kide yome dinamno? Ka kaima yegl ta dikramga. I siragl pre ye lomo i mina nono tadaglme mabuno siragl mere paugwa i pre kan erumga. God lomo, Bubuno goglkriota dikruma, na mabuno kide ta erekriedi priko.
Yagl abu bogl inaiglkwa mabuno pre mitna edio. Te marit ere kide ere dinamnedi kunogl nekrio. I siragl pre kumugl abai mo yagl abu ta ye yagl abu pere bogl kunogl nenaiglkwa i, God ye ka tage tenabuka.
Ene dumo aglo mere ta bona sinaiglkwa i, dumo i keme ene nomano mina kau sinabuka pre heven ibo keme bona sinamnedi erio di, Jisas yegl dugwa.