26 यीसु उनही देखत कथै, मनसे के निता लिखडी नेहको हबै, पय भगवान के निता सगलू कुछ लिखडी हबै।

27 यीसु चेलन पल्ला देखिस अउ कथै, मनसे ई काम नेहको कर सकथै, पय भगवान लग सगलू कुछु कर सकथै, काखे ओखर लग सगलू कुछ लिखडी हबै।

27 यीसु कथै, ऊ बात जउन मनसे के निता बोहत दिग्गत हबै, पय भगवान के निता सगलू बात बोहत लिखडी हबै।

34 मरियम स्वरगदूत लग कथै, "हइ कसके सम्भव होही? काखे मै तो कुमारी हव।"

35 स्वरगदूत जबाब देथै, "तोर लिघ्घो पवितर आतमा आही, अउ परम परधान के सक्ति तोके अपन छाया हे लइ लेही, हइमेर ऊ पइदा लय बाले पवितर लरका भगवान कर टोरवा कहाही। 36 अउ देखबे तोर बेहन इलीसिबा के डोकरी हे टोरवा होय बाले हबै, अउ ओखर लादा हे छय माह के हबै, मनसे कथै, कि ऊ बांझ हबै। 37 काखे जउन बचन भगवान के निता कुछु कठिन नेहको हबै।"

38 मरियम कथै, देख मै परभु के हरवाहिन हव, तोर बचन के जसना होय तब ऊ स्वरगदूत ओखर लिघ्घो लग कढ गइस।

13 तब भगवान अब्राहम लग कथै, "सारा काखे हसिस? ऊ काखे बोलिस, कि मै डोकरी हुइ गय हव, का लरका के पइदा कर सकिहों? 14 का भगवान के निता कउनो काम मुस्किल हबै? मै आमै बाले टेम हे तोर लिघ्घो आहुं, अउ सारा कर लरका पइदा हुइ।"

20 यीसु उनखर लग कथै, तुम्हर भित्तर बिस्वास कर कमी हबै, मै तुम्हर लग सही कथो कि अगर तुम्हर लिघ्घो राई के दाना के बरोबर बिस्वास हबै, ता तुम हइ डोंगर लग कइहा इछो लग उछो कढ जा, ता ओसनेन होही अउ तुम्हर निता कुछु काम कठिन नेहको होही।

23 यीसु ओखर लग कथै, असना तुम काखे गुठेथा, कि अगर तै कर सकथस, ता बिस्वास करिहा ता, सब कुछु हुइ सकथै।

24 इहैनिता मै तुम्हर लग कथो, कि जउन कुछु तुम बिनती करके मांगथा, ता बिस्वास करै कि ऊ तोके मिल जही, अउ तुम्हर निता ओसनेन हुइ जही।

23 ऊ यीसु के भगवान सही योजना अउ निस्चित ग्यान के जसना तुमही धराय गय हबै अउ तुम पापी मनसेन के सहयोग लग उके क्रूस हे टंगाय के मार डाला। 24 पय भगवान उके मरै के पीरा लग छंडाइस अउ फेरै लग जियाइस, मिरतू हे एतका सक्ति नेहको रथै, कि उके बन्दी बनाय के रखै।