O Deus do impossível

26 Bɔŋ Jiso lɛ́nə bɔŋ ghɔ̀ŋ mbɔ, "Yɔ̄ŋ-yə nɔ chàa ghʉəʼ-woməsʉʉ-kə, bɔŋ nubə inchəŋ yùhə tʉ Nyii."

27 Jiso lɛ́nə bɔŋ ghɔ̀ŋ mbɔ, "Yɔ̄ŋ-yə nɔ chàa ghʉəʼ-woməsʉʉ-kə, bɔŋ nubɛʼkə kaa ghɔ ndə i chàa Nyii fɛ. Bʉʼka nubə inchəŋ nɔ yùhə tʉ Nyii."

27 Jiso bə̀ŋhə mbɔ, "Nubə ndə i chàa ghʉəʼ-woməsʉʉ-kə, nɔ yùhə tʉ Nyii."

34 Mɛli bíʼtə tʉ mbʉ wontəŋNyii mbɔ, "Bəkɔ yɔ̄ŋ-yə bɛ təka təmə mɔ kínə woləŋ fɛ?" 35 Mbʉ wontəŋNyii bə̀ŋhə tʉ ɔŋ mbɔ, "LyʉʉhəNyiikə bu shíʼ ndəŋ aŋ, ghʉəʼ-Chaabəfɔŋ-kə bu bɔ̀ŋ aŋ, bʉʼka yɔ̄ŋ-yə, mbʉ vaa tʉ́ʉnə bəshʉ-Nyii, bə bu kə́ tíi ɔ nə VaaNyii. 36 Nyíɛ! Elisabi liŋ-aŋ ndə ɔ nɔʼ kə dùɔŋ, bə kə́ tíi ɔ nə dəŋ, nɔ bɛ gʉʼnə nə vaabələŋ ndə bəchi ntʉʼʉ. 37 Bʉʼka mbɔ nubɛʼkə bɛ ghɔ ndə i chàa Nyii fɛ."

38 Mɛli bə̀ŋhə mbɔ, "Mɔ nɔ bɛ fʉə-Tiekətʉ, tə ɔ fɔ̀ʼ tʉ mɔ haʼ ndə a nɔʼ gìe nɔ." Mbʉ wontəŋNyii gɛ̀ nə wi.

20 Ɔ ghɔ̀ŋ tʉ bɔŋ mbɔ, "Bʉʼka bii mɔ̀ʼfyiihə-ii ndəŋ mɔ məniʼ. M̈ɔ shyíi bii nə shʉəŋ mbɔ kaʼ məmɔʼfyiihə-ii ndəŋ mɔ kʉ̂ʉ buŋ tə́ʼ tə bɛ nə ŋgwie-kîa, bəkɔ bii ghɔ̀ŋ tʉ kwɔŋ-ɔ̄ŋ mbɔ, ‘Lɔ̀ hə fɛ̄ŋ gɛ̀ fīi,’ i bɔŋ lɔ̀, nubɛʼkə yi shʉ́ə chàa bii fɛ."

23 Jiso bə̀ŋhə mbɔ, "Məghɔ̀ŋ mbɔ, ‘Kaʼ bɛ mbɔ bəkɔ a chìi nukə’? Bəkɔ nubə inchəŋ tòʼ kaʼ wo bɛ́ŋ Nyii."

24 Ndə nɔ, nukə təmiyɔŋ ndə bii bíʼtə hə kəghɔ-Nyii, b̈ii bɛ́ŋ mu fyii-bii mbɔ bii la nɔʼ kie, i bu bɛ yii-yə.

23 Jiso-ɔ̄ ndə bə kə chɔ̀ʼhə ɔŋ kɔ́ haʼ ndə Nyii nɔʼ nə shʉ̀tə bɔŋleʼ kínə, bii lʉ̀ ɔ, kwɛ̀ŋ ɔŋ, yí nə ghɔ-bʉə-bʉ̂ʼʉ-kə. 24 Nyii bɔŋ kə bʉ̀nə kóʼhə ɔŋ, fyúhə ɔŋ hə ndə məliŋ-kwu bʉʼka kwu kə mə yá ɔ nə ghʉəʼkə-i tʉ́ʼ fɛ.