Deus é nosso refúgio

ጌላኦ ናይታ ኤዶ ጌቴቲዛ ዬን ቆሬ ናይቲ ዛማሬታ ካቦስ ዬጺዳ ማዛሙሬ

1 ጾሲ ኑኒ ሺቂ ኣቲዛሶኔ

ኑስ ዎልቃ፤

ኑና ሜቶይ ጋኪዛ ዎዴ

ማዳናስ ኢዚ ኡባቶ

ማታን ዴስ።

ኑና ናጊዛ ጾሳስ ዬጼቲዳ ማዛሙሬ

1 ኡባፌ ቃ ጎዳን

ዜምፒ ዴኢዛይ፥

ኡባ ዳንዳይዛ

ጾሳ ኩዋን ኣቄስ።

2 ታኒ ጎዳ፥

«ኔኒ ታስ ዜምፖ፥

ሚጻኔ ታኒ ኔናን

ኣማኔቲዛ

ታ ጾሳ» ጋና።

3 ኢዚ ኔና ሻንካንቻታ ጊቴፔ፥

ዎዛ ኢታ ሃርጌፌካ

ኣሻና።

4 ኢዚ ባ ዋንጎታን

ኔና ካማና፤

ኢዛ ቄፌታ ጋርሳን

ኔኒ ቆቴታ ኣታና፤

ኢዛ ኣማኔቴይ

ኔስ ጎንዳሌኔ

ዜምፖ ጊዳና።

ጎዳይ ሳኦሌ ኩሼፔኔ ኢዛ ሞርኬታ ኡባ ኩሼፔ ኣሺዳ ዎዴ ጎዳ ኣይሌ ዳዊቲ ዛማሬታ ካቦስ ጎዳ ጊሻስ ዬጺዳ ማዛሙሬ

1 ኣቤት ጎዳዉ!

ኔ ታስ ዎልቃ ኢሚዳ ጊሻስ

ታ ኔና ሲቃይስ።

2 ጎዳይ ታስ ዛላ፤

ታኒ ኦላፔ ናጌቲዛ ሚጻ፤

ኢዚ ታና ኣሺዛይሳ፤

ታ ጾሳይ ታኒ ኢዛን

ጌሜታ ኣቲዛ ዎጋ ዛላ።

ኢዚ ታስ ጎንዳሌ፤

ኢዚ ታና ኣሺዛ ካጬ፤

ታስ ኢዚ ሚኖ ዜምፖ።

3 ጋላታይ ቤሲዛ ጎዳ

ታኒ ጼይጋይስ፤

ኢዚ ታ ሞርኬታፔ ታና ኣሼስ።

ዳዊቴ ዎሳ

1 ኣቤት ጎዳዉ!

ታ ባቃታ ኣቲዛሶይ ኔና፤

ኔ ኪኦን ታና ቆታ።

ዳዊቴ ማዛሙሬ

1 ጎዳይ ታስ ፖኦኔ

ታና ኣሺዛይሳ፤

ሂስቲን ታኒ ኦናስ ያያኔ?

ጎዳይ ታ ሼምፖይስ

ኣቲዛ ሚጻ፤

ሂስቲን ታኒ ኦናስ ባባኔ?

2 ኢታ ኣሳቲ፥ ታ ሞርኬቲኔ

ታ ባልጋራቲ

ታና ዎናዉ

ታኮ ሆርዶፊ ዪዛ ዎዴ፥

ኢስቲ ባስ ጴቲዲ ኩንዳና።

3 ሞርኬ ቶራይ

ታና ዶዲዛኮካ

ታ ዎዚናይ ያዬና፤

ኦላይ ታ ቦላ ዎራጂዳኮካ፥

ታኒ ጎዳን ኣማኔታይስ።

ዳዊቲ ዛማሬታ ካቦስ ዬጺዳ ማዛሙሬ

1 ኣቤት ጎዳዉ!

ኔ ታስ ኩዋ ጊዳና ማላ

ታ ኔኮ ያዲስ፤

ኣይዴካ ታና ዬላሶፓ፤

ኔ ጺሎቴን ታና ኣሻ።

2 ኔ ሃይ ታኮ ዛራ፤

ኤሶን ታና ኣሻ፤

ኔኒ ታና ጌንዛ ዛላ ጊዳ፤

ታና ኣሺዛ ሚኖ ሚጻ

ታስ ጊዳ።

3 ኤ፥ ኔኒ ታስ ዛላ፤

ታ ኢዛን ጌላ ኣቲዛ ሚጻ፤

ኔ ሱን ጊሻስ

ታኒ ባና ኦጌ

ቤሳኔ ካሌ።

4 ኔኒ ታስ ዜምፖ ጊዲዛ ጊሻስ፥

ኢስቲ ታስ ዋጺ ዎዳ

ናርጻፌ ታና ኔ ናጋ።

5 ኣቤት ጎዳዉ ቱሙ ጾሳዉ!

ታኒ ታ ሼምፖ

ኔ ኩሼን ሃዳራ ኢማይስ፤

ኔኒ ታና ዎዛ።✝

3 ኔ ታስ ኡባ ዎዴ

ጌሜታ ኣቲዛ

ሚኖ ዛላ ጊዳ፤

ታና ኣሻናስ ኔ ኣዛዛ፤

ታስ ሚኖ ሚጻይኔ

ዛላይ ኔና።

8 ኣሳን ኣማኔቴፌ

ጎዳን ኣማኔቴይ ሎኦ።

9 ዳናታን ኣማኔቴፌ

ጎዳን ኣማኔቴይ ሎኦ።

5 ታ ሼምፖዬ!

ዎፑ ጋዳ ጾሳ ጻላ ናጋ፤

ታስ ሂዶታይ ኢዛፔ ያና።

6 ኢዚ ጻላ ታስ ዛላኔ

ታና ኣሺዛይሳ፤

ታ ቆቴታ ኣቲዛሶ ጊዲዳ ጊሻስ

ሙሌካ ሂርጊኬ።

7 ታስ ኣቶቴኔ

ቦንቾይ ቤቲዳይ ጾሳፌ፤

ኢዚ ታ ቆቴታ ኣቲዛሶኔ

ታስ ሚኖ ዛላ።

8 ኣሶ! ኡባ ዎዴ

ጾሳን ኣማኔቲቴ፤

ኢዚ ኑስ

ቆቴቲ ኣቲዛሶ ጊዲዳ ጊሻስ

ኢንቴ ዎዚና ቆፋ ኢዛስ ዮቲቴ።

17 ኣቤት ጾሳዉ!

ታ ዎልቃይ ኔና፤

ኔ ታስ ሚጻ፤

ኔ ሜርና ሲቆን ታና ሲቃሳ፤

ሄሳ ጊሻስ ጋላታ ዬን

ታ ኔና ሳባና።

ጾሳ ኣስ ሙሴይ ዎሲዳ ዎሳ

1 ጎዳዉ! ኔኒ ኑስ

ዬሌታፔ ዬሌታ

ጋካናስ ሺቂ ኣቲዛሶ ጊዳዳሳ።

2 ዙማቲ ሜታናፔ ካሴ፥

ዎይኮ ኔኒ ሳኣ

ኦናፔ ካሴ

ሜርናፔ ሜርና ጋካናሲ

ኔኒ ጾሳ።

9 ጎዳይ ኡንኤቲዳይታስ

ባቃቲ ኣቲዛሶ፤

ሜቶ ዎዴታንካ

ቆቴቲ ኣቲዛሶ።

10 ኔ ሱን ኤሪዛይቲ

ኔናን ኣማኔቴቴስ፤

ኣይስ ጊኮ ጎዳዉ!

ኔኒ ኔና ኮይዛይታ

ዬጋ ኣጋቤካ።

7 ኣቤት ጾሳዉ!

ኔ ሜርና ሲቆይ

ኣይ ኬና ኣልኦ!

ኣሳይ ኔ ቄፌ ጊዶን

ጌሚ ኣቴስ።

7 ጎዳይ ሎኦ፤

ሜቶ ጋላሲካ ቆቴቲ ኣቲዛሶ።

ኢዛን ኣማኔቲዛይታ ናጌስ።

4 ኔኒ ሂዬሳታስ ዜምፖ፤

ሜቶታንቻታስ ሜቶ ዎዴ

ኔኒ ዜምፖ፤

ጎቴ ጫርኮፌ ጌሚ ኣቲዛሶ፤

ኣዋ ሴላፔ

ኩዋቲዛሶ ጊዳዳሳ።

ጋሶይካ ሜንጼ ኢታታ ፔኖይ

ኬ ጎዳራ ኢጬቲዛ

ጎቴ ጫርኮ ማላ።

26 ጎዳስ ያዪዛ ኣሳስ

ሚኖ ሚጻይ ዴስ፤

ኢዛ ናይታስካ

ባቃቲ ኣቲዛ ሶሆይ ዴስ።

29 ጎዳ ኦጌይ ጺሎታስ

ባቃቲ ኣቲዛሶሆ፤

ኢታ ኦዛይታስ ጊዲኮ ባሻ ሶሆ።