Deus é nosso refúgio

En fangana Ala nan na

1 Koraa diine Ala tantun sigina, bɛti baane kuntigin xa. Sungutunne xa a ba.

Ala nan en yigiya kɛndɛn na

1 Naxan na yigiya Kore Xɔnna Ala ma,

na bata lu Ala Sɛnbɛ Kanna makantanna bun.

2 N na a falama Alatala xa nɛn, n naxa,

"N yigiyaden nun n kantan yinna nan i tan na.

N ma Ala nan i tan na

n yigin saxi naxan yi."

3 A i ratangama nɛn luti ratixine birin ma,

e nun faxa furene.

4 A i ratangama nɛn,

i yi i luxun a yi,

alo tɔxɛ ngana a gabutɛne soma

a diine xun na kii naxan yi.

A lannayaan yi findi i yɛ masansan wure lefaan na.

Barika birana nɔ sɔtɔna fe ra

1 Alatalaa walikɛɛn Dawudaa bɛtin bɛti baane kuntigin xa. A bɛtini ito baxi nɛn Alatala to a ba a yaxune birin yii e nun Sɔli yii.

2 Alatala n fangana, n bata i xanu!

3 Alatala nan n kantan fanyen na,

n ma yinna, n xunba muxuna.

N ma Ala nan n kantan gɛmɛ gbeen na,

n na n luxunma naxan yi.

A tan nan n yɛ masansan wure lefaan na,

e nun marakisi tiina

naxan luxi

alo n ma faran makantanxina.

Ala maxandina yigina fe ra

1 Dawuda Ala maxandi faɲina.

Ala, n kantan,

bayo n bata n luxun i yi.

Marakisi Tiina Alatala

1 Dawuda gbeena.

Alatala nan n ma kɛnɛnna nun n ma kisin na.

N xa gaxu mundun yɛɛ ra?

Alatala nan n ma dunuɲa yi gidin

xun mayɛngɛ muxun na.

Nde n magaxuɛ?

2 Muxu ɲaxine na keli n xili ma

alogo e xa n halagi,

yaxune na n yɛngɛ,

e tan nan dagalanma ayi nɛn,

e bira.

3 Hali sofa ganla na n nabilin,

n bɔɲɛn susuma nɛn.

Hali yɛngɛ gbeen na keli n xili ma

n yigin tixi.

Yigi sa fena Ala fari

1 Dawudaa bɛtina, bɛti baane kuntigin xa.

2 Alatala, n bata n luxun i yi.

I nama tin n yi yarabi!

N natanga i ya tinxinyana fe ra.

3 I tuli mati n na,

i yi n xunba iki sa!

Findi n yigiya gɛmɛn na,

e nun n makantan yinna.

4 N ma gɛmɛ gbeen nun

n ma yinna nan i tan na.

Ti n yɛɛ ra,

i yi n maxaran i xinla a fe ra.

5 N natanga na luti ratixin ma n yɛɛ ra,

bayo i tan nan n xun mayɛngɛma.

3 Ala, findi n kantan fanyen na,

n luxundena,

n luma sigɛ dɛnaxan yi.

Yamarin fi, i yi n nakisi.

Amasɔtɔ, n kantan fanyen nun

n ma yinna nan i tan na.

8 A fisa muxun yi a yigin sa Alatala yi

benun a xa a yigin sa adamadiine yi.

9 A fisa muxun yi a yigin sa Alatala yi

benun a xa a yigin sa mangane yi.

5 E waxi muxune ragodo feni tun,

keli a binyeni.

E e yoron wuleni.

E duban tima e dɛni,

koni e dangan tima e bɔɲɛni.

Bɛti xuini te.

6 N bɔɲɛ xunbenla sɔtɔma Ala nan xɔn.

A tan nan n yigin na.

7 A tan nan n kantan fanyen na,

n nakisimana.

N ma faran makantanxin nan a ra.

Yaxune mi n nɔɛ mumɛ!

8 N ma kisin nun n ma binyena Ala nan yii.

N kantan fanyen sɛnbɛmaan nan Ala ra.

N ma yigiyana a tan nan na.

17 Koni n tan i sɛnbɛn matɔxɔma nɛn bɛtini.

Xɔtɔnni, n na n ma bɛti xuini tema nɛn

i ya hinanna fe ra.

Bayo, n ma faran makantanxin nan i tan na,

n na n yigiyama dɛnaxan yi tɔrɔ waxatine yi.

Nabi Musaa bɛtina

1 Nabi Musa, Alaa xɛrana maxandina.

Marigina, i tan nan findixi nxu yigiyaden na,

keli waxati danguxine ma han habadan.

2 Benun geyane xa da,

benun bɔxɔ xɔnna nun dunuɲa yɛtɛɛn xa da,

xabu a fɔlɔni, han to,

han habadan i tan nan Ala ra.

9 A dunuɲa makitima tinxinni.

A sariya kɛndɛn sama yamane xa.

10 Muxu yigbɛtɛnxine faran makantanxin nan Alatala ra,

e luxundena tɔrɔ waxatine yi.

7 I ya tinxinna gbo alo geyane.

I ya kiti sa kiin tilin alo fɔxɔ igena.

Daɲɔxɔne nun subene i tan nan yii, Alatala.

7 Alatala fan.

Luxunden nan a tan na tɔrɔ waxatine yi.

A yengi muxune xɔn

naxanye na e yigiya a yi.

4 Luxunden nan i tan na yiigelitɔne xa,

sɛnbɛtarene luxundena

e na bira lanbaranni,

e nun yigiyadena tule gbeen bun,

e nun nininna soge xɔlɛn bun.

Muxu ɲaxine xɔlɔn luxi nɛn

alo tule foye gbeen na dɔxɔ sansanni,

26 Naxan gaxuxi Alatala yɛɛ ra,

na ratangaxi,

yigiyadena a diine xa.

29 Alatalaa kiraan findixi yigiyaden nan na tinxin muxune xa,

koni a fe ɲaxi rabane kalama nɛn.