28 Pachia kha sungsah hae zah amaw a eenaw thyhte ko athua hae paw hanlan tuh Pachia nynh pawpaw balyn kha ahoy lante cci nynh pynkheihlan rya a law cipaw ah ny oh. 29 Pawccecize Pachia nynh a Ccapaw kha uno hae patae laku kya ccatawccaw lang a tang ccaw cite Pachia nynh a ny typaw ccungccaw hae kha a Ccapaw muinsan te losaku khylan ccangte a nung hae. 30 Tuhte ccangte a nung hae paw kha ko mah a ko hae; te a ko hae paw kha thyaa a ccousah hae; thyaa a ccousah hae paw kha phu-enaw a ccousah bua hae.

18 thaethya nawlan nae thinlung mit ae awsah oh zah, nanning ae konua oh paw ngaehoinaw tuh pawmou athua cipaw na ny nawlan oh thuasah, mithyaa hae nynh a ccou hae paw rho a phu-enaw tuh hohcihmou ale cipaw na ny nawlan oh thuasah, 19 alesaepaw a thungnaw nynh rya a law thyhte, a zyn hae paw aening hanlan a thungnaw tuh tou kho um lei lan hohcihmou ale cipaw na ny nawlan oh thuasah saw kae sangpya oh.

8 Tukeiccuze ah Bawipaw kya-e ccaekia kha thuasah, amaw keiccu thong a ccahpaw kamaw kha thuasah mae oun thyakhae nan; thuasalama Pachia thungnaw liate thehoypaw hanlan kamaw ryte teingbua. 9 Tuh-e Pachia nynh aening kha phe oun khum vae zah athyaapaw konaw te oun ko vae; tuh-e tuh aening ah ryalawnaw keiccu thua leite, amaw a eenaw te a thawccinaw keiccu nynh thua. Tuh-e a thawccinaw tuh laephi atho mawze Khri Jesu liate aening kha oun pya vae. 10 Tuh-e thawccinaw tuh aening oun Khumtu Khri Jesu yn langkunaw liate atu alangkuh vae. Tuh-e Jesu nynh chinaw kha zosah zah hiinnaw te chi kho leinaw kha thehoypaw liate awnaw kalan a thuakhae.

10 Khri Jesu liate zungzae tynpaw a phu-enaw kalan ae kotu oh paw, thawccinaw balyn a hoitupaw Pachia nynh sosoh na teing kou oh te, nanning kha ae ccingsah cih oh, ae thadynsah cih oh, thaw ae saesah cih oh zah ae tynsah cih oh.

5 "Na nung vue lungkhu

kae rae mawze nang kha kae ny vae;

na pui mawze nang kha

kae thyaasah vae;

minphuin hae hanlan nang kha

profeh lang kae khang vae," a ci.

44 Kae yn sawtupaw Paaw nynh a soih khyh lanze hum ccungccaw sanmah ka kalan thua kho lan khyh, ka kalan yn cceihpaw ccungccaw kha nyathya nin kya ka thoosah cih.

26 Uteno hae, nanning konawpaw konglang hynh tuaku tua oh; pynsaw lante a hawpaw patae, a thungpaw patae te sawtua hae paw patae tuh ko thuabua khyh hae. 27 Thuasalama Pachia nynh a haw hae paw maethyasah khylan laephi kyaze a ngaee hae paw kha a po hae, te Pachia nynh athungpaw maethyasah khylan laephi kyaze a nyaa hae paw kha a po hae.

5 Ka sungsahpaw uteno hae, la ngaetua oh. Hynh-e laephi kya-e ryachi hae hynh zynnaw kya hoirum khylan thuasah, amaw a sungsah hae paw hanlan bya a kinpyaku vae hae paw, peenaw rho kha ccou khylan thuasah Pachia nynh po khyh hae tou?

13 Aning nynh aening kha mohnaw huhan kyate oun luesah zah a sungsahpaw a Ccapaw kya-e peenaw lungkhu lang oun teesah. 14 Ccapaw liate seingaethyanaw athuapaw shawkhawnaw kha ah mue oh.✝

38 Peter nynh minmin kha, "Nae seinaw ngethya athua nawlan ngaesikuh oh lah, nae balyn te Jesu Khri min te baptisma in oh; tetuh Thyaa Muisaw lasung kha na mue cih oh. 39 Pawccecize Pachia byakin tuh nanning hanlan, nae ccaaw hae hanlan te ah Bawipaw Pachia nynh a ko hae paw laansaw lang um hae paw balyn hanlan nynh thua," a cipya hae.

10 Tukeiccuze uteno hae, nanning konaw te ponaw kha tynsah khylan zuakuh paleih oh; pawccecize tuhte na cyi oh ze, na khuliakuh boi lan khyh oh. 11 Tuhcite nanning tuh ah Bawipaw te oun Khumtu Jesu Khri kya-e zungzae atynpaw peenaw lungkhu lang teenaw kaw kha phe ccing lan ae pya cih oh.

6 Nanning kya ahoypaw ryalaw a thotu Pachia nynh Jesu Khri Nin a thua cia tuh-e rya tuh a ccingsah cih cite zynkunaw ka hoi.

14 Pawccecize kopaw tuh alung, thuasalama popaw tuh azya," a ci.