Deus nunca falha

14 «ቤኢቴ ታስ ሃኢ ሃይቆ ዎዴይ ጋኪዴስ፤ ጎዳ ኢንቴ ጾሳይ ኢንቴስ ኢሚዳ ሎኦ ሂዶታ ኡባፌ ኢሲኖካ ኢዚ ኣሾንታይሳ ኢንቴ ኩሜ ዎዚናፔኔ ኩሜ ሼምፖፌ ኤሬታ፤ ኢዚ ኢንቴስ ኢማና ጊዳ ሂዶታይ ፓጬይ ባይንዳ ሙሌራ ፖሌቲዴስ።

45 ጎዳይ ኢስራኤሌ ኣሳስ ኢማና ጊዳ ሎኦ ቃላ ኡባ ፖሊዴስ ኣቲን ኢሶይኔ ሳኣን ዎ ኣቲቤና።

56 «ኢዚ ካሴ ኢሚዳ ሂዶታ ቃላ ማላ ባ ዴሬ ኢስራኤሌስ ሼምፖ ኢሚዳ ጎዳስ ጋላታይ ጊዶ፤ ኢዚ ባ ኣሽካራ ሙሴ ባጋራ ኢሚዳ ሂዶታ ቃላ ኡባ ፖሊዴስ።✝

19 ጾሲ ኣሳ ማላ ዎርዶቴና፤

ኢዛ ቆፋይ

ኣሳ ቆፋ ማላ ላሜቴና፤

ኢዚ ባ ኢሚዳ ሂዶታ

ኡባ ፖሌስ፤

ኢዚ ባ ዮቲዳ

ኡባ ኦስ።

11 ጎዳ ሃልቾይ

ሜርናስ ኤቂ ዳና፤

ኢዛ ዎዚና ቆፋይካ ዬሌታፔ

ዬሌታ ጋካናዉ ዳና።

6 ፑዴ ቁ ጊዲ ሳሎታ ጼሊቴ፤

ዚቂ ጊዲ ዱጌ ሳኣካ ጼሊቴ።

ሳሎቲ ጩዋ ማላ

ቲምኢ ጊ ያና፤

ሳኣይካ ኣፋላዳን ጬጋና፤

ኢዚን ዴኢዛ ኣሳይ ኡዱንጼ ማላ

ኤሶን ያና፤

ታ ኣቶቴይ ሜርናስ ዳና፤

ታ ጺሎቴስካ

ዉርሴ ዴና።»

140 ኔ ቃላይ ፓጬቲ ጌዪዳዛ፤

ታኒ ኔ ኣይሌይ ኢዛ ሲቃይስ።

13 ዬሌታፔ ዬሌታ ጋካናስ

ኔ ሃራና፤

ኔ ካዎቴይ ሜርናሳ።

ጎዳይ ባ ጊዳ ቃላን

ኣማኔቲዛይሳ፤

ኢዚ ባ ኦሶ ኡባን ኪያ።

14 ጎዳይ ጋንዲጋርዛይታ ካፌስ፤

ኩንዲዳይታካ ዴንስ።

5 ኢዚን ዲዛ ጎዳይ ኢዚ ጺሎ።

ሙሌካ ባሌቲ ኤሬና፤

ማላዶ ማላዶ ሱሬ ፒርዴስ፤

ኡባ ጋላሲካ ዳቡሪ ኤሬና፤

ጊዶ ኣቲን ማካላንቻታስ

ዬላይ ዴና።

3 ኔ ኣጁታዚ

ባስ ኢሜቲዳ ዎዴ ናጌስ፤

ኢዚካ ዉርሴ

ጊሻስ ዮቴስ፥

ዎርዶቴና።

ጋምኣና ሚሳቲኮካ ናጋ፤

ኢዚ ቱማፔ ያና፤

ሙሌካ ጋምኤና።✝

20 ጾሳፌ ኢሜቲዳ ሂዶታቲ ዉሪካ፥ «ኤ» ጊዲዳይ ኢዛና፤ ኑኒካ ኢዛ ባጋራ ጾሳ ቦንቾስ፥ «ኣሚን» ጊዛይ ሄሳ ጊሻሳ። 21 ሄሳ ጊሻስ ኢንቴካ ኑኒካ ኪርስቶሳን ሚኒ ኤቃና ማላኔ ባ ኦሶስ ዶሪዳይ ጾሳ። 22 ኑ ኢዛይታ ጊዲዳይሳ ኤሪሳናስ ባ ማታሜ ኑ ቦላ ሾጪዳይኔ ኑኒ ሲንፌ ዴማና ሚሻስ ኣያና ዋሴቴ ኑ ዎዚናን ዎዳይ ኢዛ።

23 ኑስ ሂዶታ ቃላ ኢሚዳዴይ ኣማኔቲዛዴ ጊዲዳ ጊሻስ ኑኒ ኣማኒዲ ኢዛ ጊሻስ ማርካቲዛ ሂዶታፔ ያኔ ሃ ጎንታ ኣኔ ሎኤ ኦይኮስ።

13 ኢንቴካ ቃሴ ቱማ ቃላ ሄሲካ ኢንቴና ኣሺዛ ሚሺራቾ ቃላ ሲዪዲ ኪርስቶሳን ኣማኒዴታ፤ ኢዛ ኣማኒዲ ካሴ ኢሜታና ጌቴቲዳ ጺሎ ኣያና ማታሜን ኣታሜቲዴታ። 14 ሄ ኣያናዚካ ኢዛ ቦንቾ ጋላታን ቆንጪሳና ማላ ጾሲ ባስ ጊዲዳይታ ኡባታ ዎዛና ጋካናስ ኑ ላታስ ኦይሶ።

12 ፓጬን ሚኒ ኤቂዳዴይ ኢዚ ኣንጄቲዳዴ፤ ጋሶይካ ኢዚ ፓጬራ ኤቄቲሺን ጾሲ ባና ዶሲዛይታስ ኢሚዳ ሂዶታ ዴኦ ኣኪሊሌ ኢዚ ኤካና።