14 bɔŋ Jiso ghɔ̀ŋ mbɔ, "B̈ii mɛ̀ʼtə v̈âambuɔ gwè tʉ mɔ, kə bii mə chíe bɔŋ fɛ, bʉʼka nɔ bɛ ntɛ bʉə nɔ ndə Sɔ́ʼ Fɔŋ Yuo bɛ tʉ bɔŋ."

1 Nɔ kə bɛ ndʉʉ-ghɔ̄, vâafɔʼɔ Jiso gwè tʉ ɔŋ kə́ bíʼtə mbɔ, "Bɛ nda bɛ fɔŋ wokwɛʼtəŋ mu Sɔ́ʼ Fɔŋ Yuo?"

2 Ndʉʉmɛ, ɔ tíi vaambuɔ tîetîe mbʉə ɔ, tʉ́ʼ ɔ ntəŋntəŋ bɔŋ, 3 ghɔ̀ŋ mbɔ, "Nɔʼ m̈ɔ shyíi bii nə shʉəŋ mbɔ kaʼ bii gòʼ təmə kíahə bɛ nə vâambuɔ fɛ, bii mə nə ŋíi mu Sɔ́ʼ Fɔŋ Yuo fɛ. 4 Wo ndə ɔ lʉ̀ ŋwɔŋ-ɛŋ sê nə vaa-ɔ̄ŋ, ɔ bu bɛ fɔŋ wokwɛʼtəŋ mu Sɔ́ʼ Fɔŋ Yuo.

10 "B̈ii láa lɛ mbɔ bii mə yi dʉ̀ʉhə mbyu vaatîetîe mu vâa-bɔ̄ŋ fɛ. M̈ɔ shyíi bii mbɔ bʉəntəŋNyii-bʉə yuo nɔ tʉʼ nyíɛ shʉ Tie-ɔ ndə ɔ bɛ chɔ.

15 Ndʉʉ ndə bətiefɛ̀ʼndɛŋNyii ghɔŋbə bʉə dàhə nuʼ-Mushi kə nyíɛ nuchíechubə ndə ɔ kə chìi, bɔŋleʼ yʉ́ ndə vâambuɔ kə́ tíitə mu chunjaafɛ̀ʼndɛŋNyii, kə́ ghɔ̀ŋ mbɔ, "Osana tʉ Vaa-Dɛbi!" tʉʉ-yʉə byʉ́ʼ. 16 Bɔ̂ŋ ghɔ̀ŋ tʉ ɔŋ mbɔ, "A yʉ́ nukə ndə vâa-bɔ̄ŋ tʉʼ gìe mɛ?" Jiso ghɔ̀ŋ tʉ bɔŋ mbɔ, "Əŋ, bii chʉʼ nə tíi mu ŋwɔʼnə-Nyii ndə i ghɔ̀ŋ mbɔ, ‘A nɔʼ dàhə vâambuɔ ghɔŋbə vâabuɔbuɔ ndə mələ̀ʼtə a,’ fe?"

15 Nɔʼ m̈ɔ shyíi bii nə shʉəŋ mbɔ wotəmiyɔŋ ndə ɔ gòʼ təmə kɔ́ ŋwɔŋ-ɛŋ mbɔ Nyii sɔ́ʼ ɔ nə vaambuɔ fɛ, ɔ mə nə ŋíi mu Sɔ́ʼ-Nyii fɛ." 16 Ɔ kwétə bɔŋ chu fyii-ɔ, mɔ̀ʼ ghɔkə-i ndəŋ bɔŋ túu biʼkə kɔ́ tʉ bɔŋ.

36 Ɔ lʉ̀ vaambuɔ tîetîe tʉ́ʼ ɔ ntəŋntəŋ bɔŋ, kʉ̂ʉ chɔ̀ʼhə mbʉ vaa ghɔʼ ndəŋ kwiitə-i, ghɔ̀ŋ tʉ bɔŋ mbɔ, 37 "Wotəmiyɔŋ ndə ɔ lʉ̀ vaambuɔ nə yɔ̄ŋ-yə yie-mɔ, nɔ lʉ̀ mɔ, bɔŋ wotəmiyɔŋ ndə ɔ leʼ lʉ̀ mɔ, lʉ̀ bə mɔ fɛ, ɔ nɔ lʉ̀ wo ndə ɔ tə́ŋ mɔ."

20 Vâambuɔ, bii nɔ kie ndə məyʉ́ chu bətie-bii ndə nubə inchəŋ, bʉʼka i nɔ tʉʼ kɔ́ tʉʉjyu tʉ Tiekətʉ. 21 Bətie-vâa, kə bii mə kə́ byìi tʉʉ vâa-bii fɛ, təmə mbʉəhə-ʉə bu lʉ́ʉtə.

1 Vâambuɔ, bʉʼka bii bɛ fɔkə imɔʼ biibə Tiekətʉ, b̈ii yʉ́ chu bətie-bii, nɔ bɛ nukə ndə i kʉ̀ʼnə. 2 Bə nɔ nyɔ̀ʼ mu ŋwɔʼnə-Nyii mbɔ, "Kɔ́ kuŋhə tʉ naa-aŋ ghɔŋ tie-a." Nɔ bɛ fəŋ ŋkahə nɔ ndə i kie ŋkɔʼnə, 3 "mbɔ nubə inchəŋ chʉʼ bʉ̀ʉ tʉ a, a bɔŋleʼ chí kəwʉʉnəmbi dɔ̀ŋnə." 4 Bətie-vâa, kə bii mə kə́ byìi tʉʉ vâa-bii fɛ, b̈ii chìi b̈ɔ̂ŋ kóʼ nə nuʼ ghɔŋbə tʉ̂ʼ-Tiekətʉ.