Dia das crianças

14 यीसु ना कव्हयो "लेकरा गिनला मोरो, जवर आवन देव, उनला रोको नोको, काहे का सरग को राज असोच हुनको से।"

सरग राज मा मोठो कोन?

1 ✝वय बेरा चेला गीन यीसु को जवर आयके, पुसन लगीन "सरग राज मा सब लक मोठयो कोन से?"

2 तबा यीसु ना एक लेकरा ला आपरो कठा, बुलाईस अना बीच मा उभो करके कहीस। 3 ✝"मी तुमरो लक खरो कव्हसू, का जबा तकन तुमरो मन लेकरा गीन को जसो नही होयेत, तुमी सरग को राज मा कभी नही धस सकत। 4 सरग को राज मा सब लक महान वा से जोन खुद ला नरम* राखा सेत, अना लहान लेकरा जसो बन जासे।

गुमी हुयी मेढ़ा को उदाहरन

10 ✝"चोवो ऐना लहान मा लक कोनी, एक ला भी बेकार नोको समजो। काहेका मी तुमी लक कव्हसू, इनको सरगदूत सरग मा हमेसा मोरो परमेस्वर दाआजी को पुढा रव्ह सेत।"

15 मंग जबा मुखिया याजक अना मोसे को नियम को गुरूगिन असो अचँभो काम ला जोन ओना करयो होतो, अना टुरागिन ला मंदिर मा " दाऊद की सन्तान को बड़ाई होय" आवाज करता चोवके वय "लाल पिवरा भय गईन।"

16 अना ओला कव्हन लगीन, "तु आयक यो काजक कव्हासेत?" यीसु ना उन लक कहीस, "हव का तुमी ना गीरंथ मा यो कबच नही वाचिसेव? टूरागीन अना दुध पिवता लेकरा को टोन्डलक तु ना गजब स्तुति कराईसेस।"✝

15 मी तुम लक खरो कव्हसु, "जोन कोनी परमेस्वर को राज लेकरा को समान नही अपनाहेत, वय ओमा कभी धस नही पाहेत"।✝ 16 अना ओना ओला कन्हिया मा राखके ओको पर हात राखीस अना उनला आसीस देइस।

36 अना एक नहानो सो टूरा ला आपरो कन्हिया मा धरके कव्हासे। 37 ✝जो कोनी मोरो नाव लक असो टूरा मा लक कोनी एकच ला भी अपनावसे उ मोला अपनावासे अना जो कोनी मोला अपनावासे, उ मोला नही मोरो धाड़न वालो परमेस्वर ला अपनावासे।

20 हे टुरागीन सब गोस्टी मा आपरो माय दादजी को हुकूम पालन करोह। काहेकि पिरभु ला खुसी होवासे।

21 हे टुरावालो आपरो टुरागीन ला सतावहो नोको। कही असी न होहे का उनको हिम्मत कम होय जाये।

लेकरा अना माय बाबूजी

1 अरे लेकरागीन, पिरभु मा आपरो माय-बाबूजी को हुकूम ला मानोह, काहेकि योच बेस से। 2 "आपरो माय बाबूजी को आदर करो", यो पयली हुकूम से, जोको सँग परन भी से। 3 "जोको लक तोरो सँग साजरो होय अना तु धरती पर लगत दिवस जित्तो रव्हजोस।" 4 अगो बाबूजी गीन, तुमी आपरो लेकरागीन ला गुस्सा नोको दिलाने, पर पिरभु को सिक्सा अना दियो गयो हुकूम मा उनको पालन पोसन करहो।