1 मीना दिन को खाल्या मा एक बुराई चोयोसेऊ जोन को बोझा लक मानूस दड़पो रव्हासे, 2 कोनी मानूस जोनला परमेस्वर ना धन-माया अना मान देईसेस, जोन लक वोला काहि चीज की कमी नहाय तो भी परमेस्वर वोला वापरन नोको देवासे अना वोको मजा दूसरो लेसे, या भी बेकार अना बुरी गोस्टि से। 3 अना कोनि मानूस सम्बर टूरा को बाप से, अना बेझा बरस तक जिन्दो रव्हसे। चाहे वोकी उमर का बरस बेजा से पर ऊ अपरो उमर भर मा साजरी चीजगिन ला वापरा नही सकेत अना वोको किरीया करम नही करयो गयो । ता मोरो कव्हनो से का असो मानूस लक मरयो हुयो जलम लियो लेकरा साजरो से। 4 काहेकि ऊ बेकार मा आवासे, अना इन्धारो मा चली जासे, अना वोको नाव भी इन्धारो मा लुकाय लियो जासे। 5 वोना ना दिन ला नही चोयो ना वो काही चीज जाननो पायो, वोला उ मानूस लक जादा चैन भेटयो। 6 चाहे उ दूई हजार बरस तक जीवतो रव्हे, पर वोना काही चीज साजरी नही वापरी, का सब एकच जाघा मा नही जाहेत? 7 मानूस की पूरी मेहनत वोको जेवन करन लाई होसे, पर वोको मन कभ्भू सन्तोस नही होय। 8 अक्कलवर मूरख लक कोनतो गोस्टी लक बढके से? अखीन कंगाल ला भी मालूम सेत का यो जिन्दगी मा वोला कसो चलनो पाहिजे वा वोको लक कोन गोस्टी मा बढके से? 9 डोरा लक चोवनो, इच्छा राखन लक साजरो से पर यो भी बेकार से, वारा ला धरन जसो से।
10 जोन काही भयी चोवा से उनको नाव पहलेच लियो जाय चुकयो से, मानूसपन काजक से, यो मालूम भयी गयो से कोनी भी असो मानूस लक बलवान से। 11 लगत सो असो कारन सेत जोनको कारन अखीन बेकार होवासे वोको लक मानूस ला काजक फायदा से? 12 काहेका जेला यो मालूम से का वोको पूरो जीवन मा मानूस लाई का साजरो से, अपरो जीवन को जरा सा सालगिन मा वा दिन को खाल्या एक सावली जसो बितावासे, काहेका कोन मानूस सांग सकासे का वोको बाद का होहे?