Dia das crianças
As crianças são preciosas aos olhos de Deus. Jesus as acolheu, abençoou e ensinou que delas é o Reino dos Céus — modelos de fé, pureza e humildade.
Jesus e as crianças
Deixai vir a mim as crianças. Jesus abraçou, abençoou e honrou as crianças como modelo de fé para os adultos.
Thuasalama Jesu nynh, "Imua hae kha ka kalan oun cceih hae sah, khee nan oh; pawccecize vaawlang peenaw tuh hynhcihawpaw ccungccaw hae elang nynh thua," a ci.
Hummou A Lesaehua?
Tuh ccyh lyakhe zuitu hae nynh Jesu kalan oun thua hae zah, "Vaawlang peenaw kya hummou a lesaehua?" cite a khia hae. Jesu nynh imua taraw lu kheit kha a kalan ko zah minmin ngaelaku khe nung zah, "Byaccaccing kae hopya oh, nanning nynh na rulaeku khyh oh zah imua taraw hawte na thua khyh oh ze, vaawlang peenaw lungkhu lang papin na tee lan khyh oh. Tukeiccuze humhung zemah e imua hawte zakaw a sangsakuhpaw tuh vaawlang peenaw kya a lesae huapaw nynh thua.
Tuu Azopaw Tousenaw
"E imua taraw hae hynh lu kheit sanmah na dothatheih khyh nawlan oh raeringkuh oh; pawccecize kae hopya oh, imua hae a thungkhawtu vaaw hae nynh vaawlang umpaw ka Paaw mitmae kha tyty a muih hae.
Jesu nynh a raepaw ngaeangnaw hae te imua hae nynh beikinn kya, ‘David Ccapaw kya Hosanna thua sah,’ cite a sia hae paw kha, ranpibawi lepaw hae te kawbya sazae hae nynh he muih hae tuh mih thinria zah, Jesu kha, "E imua hae nynh a ho hae paw tuh na thae tou?" a cipya hae. Jesu nynh, "Ou, ka thae;
‘Imua hae te matei zu hae paw
nosi hae munglae kyate
namaw thehoysahnaw kha
na paccyn vae,’
acikuhpaw kha na ria boi
khyh oh tou?" a cipya hae.
Byaccaccing kae hopya oh, humhung zemah Pachia peenaw kha imua taraw hawte a lawku khyh ze, tuh-e peenaw lungkhu lang tee lan khyh," a cipya hae. Imua hae kha dua hae zah mih tungvaw kya a kuih khang zah hythua a pya hae.
Imua lu kheit kha lah zah mih laku khe a nung; te a kuih kya dua zah, "Humhung zemah e tahawpaw imua lu kheit kha ka min te leh a khanpaw tuh kae kha leh yn khanpaw nynh thua; humhung zemah kae kha leh yn khanpaw tuh kae kyalya kha leh yn khanpaw thua leite kae yn sawtupaw kha mah leh a khanpaw nynh thua," cite a hopya hae.
Instruir e proteger
Instrui a criança no caminho de Deus. Elas são herança do Senhor — presentes sagrados que devemos educar com amor.
Imua nynh a zui lanpaw
laan dingpaw kha ccangpah lah,
he yn piccan te, tuin kyate
cceihsei vae lan khyh.
Na ccaaw hae balyn kha Bawipaw nynh
a ccangpah cih hae zah,
na ccaaw hae tuh myarya a hoirum cih hae.
Ccaaw hae tuh Bawipaw kyate
ccoupaw rho ccaccing thua hae zah,
lasung nynh thua hae.
Ccaaw hae, pawpaw kya balyn nae nung nae paaw hae kaw la ngae oh, pawccecize tuh-e tuh Bawipaw lungrypaw nynh thua. Paaw hae, nae ccaaw hae kha thinriasah nan oh, mih lung oun rohsei cih.
Ccaaw hae te Nungpaaw hae
Imua hae, Bawipaw kya nae nung nae paaw hae bya kha ngae oh, pawccecize tuh-e tuh ahmepaw nynh thua. "Na nung te na paaw kha sawtua"—hynh-e hynh byakinpyakupaw te asekuhpaw masaty kawbya nynh thua, tuh-e byakinpyakunaw tuh, "tuhteze nynh hiinhoy te na um cih zah laephi vawlan na hiinshe sae cih," acikuh.
Paaw hae, nae ccaaw hae kha thinriasah nan oh, thuasalama Bawipaw kya-e ccangpyanaw te thuiheinaw khate minmin kha cciakhae thung oh.
Bawipaw nynh hythua ae pya oh sah lah, ae do-oih vae oh sah;
Bawipaw nynh nae tungvaw a mitmae awsah sah lah, thaw ae ccih vae oh sah;
Bawipaw nynh nae tungvaw maehoynaw ae pya oh sah lah, daenaw ae pya vae oh sah.