Dia dos pais

6 आपणैं लान्हैं लै डाहणीं होछ़ी उझै बुध खोज़ी कि तिन्‍नां केही ज़िन्दगी लोल़ी ज़िऊई,

सह रहणीं तिन्‍नां सारी अमरा आद।

24 ज़ुंण आपणैं शोहरू-माठै लै झ़ूरा, सह डाहा तिन्‍नां नैरी बी,

पर ज़ुंण नांईं झ़ूरदअ, सह दैआ तिन्‍नां कज़ेही करनै।

7 तिंयां लान्हैं आसा भागा आल़ै,

ज़सरै ईज-बाब मानदार आसा अर ज़ुंण भलअ करा।

24 धर्मीं मणछे ईजा-बाबा भेटा खुशी,

ज़ै लान्हैं अक्ली आल़ै हुऐ, तेता पोर्ही निं घमंड करना लै किज़ै होर आथी।

26 बिधातो अदर करी एछा भरोस्सअ,

तेता करै हआ तेऊ मणछ अर तेऊए टबरे फाज़त अर तेथ भेटा तेऊए लान्हैं सुन्हैं बी शरण।

12 "आपणैं ईजा-बाबो करै अदर, तेता करै हणीं थारी तैहा ज़ैगा खास्सी अमर ज़ुंण ज़ैगा मुंह बिधाता तम्हां लै दैणीं।✝

3 असली बर्गत हआ लान्हैं सुन्हैं हणैं,

तिंयां हआ बिधाता हाम्हां लै

आप्पू बाखा दैनी दी भैंट।

4 खारकी पलका खास्सै शोहरू-माठै हआ

शूरबीरा का खास्सै कतीरा ज़िहै

5 सोभी का खुशी हआ तेऊ मर्धा लै ज़सरी किर्ली इना इहै कतीरा करै भरी हआ,

तेऊए दुशमण निं तेऊ झ़गल़ै लै फेरा-फेर गोट दैई बी

नसाफ करने ज़ैगा पांच़ी लै हारी सकदै।

15 ज़ै तम्हैं बिधाते च़ाकरी नांईं करनी च़ाहंदै, तैहा गल्‍ला लआ आझ़ ई सोठी कि तम्हां कसरी च़ाकरी करनी? तै तम्हां फरात दरैऊआ पार तिन्‍नां देबते च़ाकरी करनी ज़सरी च़ाकरी थारै दाद-बाब करा तै? कि इधी तिन्‍नां अमोरीए देअआ-देबीए च़ाकरी करनी ज़सरी ज़ैगा तम्हैं एभै आसा बस्सै दै? रही मेरी गल्‍ल, मुंह ता करनी आपणैं टबरा संघी सदा बिधाते च़ाकरी।"

अदर अर खिरी हुकम दैणअ

13 बिहुदै रहा, विश्वासा दी रहा बणी, भलाई रहा करदै लागी, अर विश्वासा दी रहा पाक्‍कै।✝

20 "इहअ सोठी डेऊअ सह तिधा का आपणैं बाब सेटा लै। ज़ांऊं सह आपणैं घअरा नेल़ पुजअ, तेऊए बाबै हेरअ सह भाल़ी अर सह तेऊ फिरी तेऊ शोहरू भाल़ी झींण अर ठुर्हअ तेऊ सेटा लै संघा दैनी तेऊ लै पिड्डी मल़्हैची तेखअ लागअ तेऊ लै मल़्हैची दैंदअ। 21 तेखअ बोलअ तेऊ शोहरू, ‘बाब, मंऐं किअ तेरी आछी अर तेऊ परमेशरे खलाफ पाप ज़ुंण स्वर्गै आसा। ऐबै निं हुंह एता जोगी आथी कि तूह मुल्है आपणअ शोहरू बोली सके।’

22 "पर तेऊए बाब शादै आपणैं दास संघा बोलअ तिन्‍नां लै, ‘ओर्ही आणा छ़ेक्‍कै सोभी का बधिया नऊंऐं झिकल़ै बन्हैऊंआं एऊ लै, हाथै बन्हैऊंआं एऊए सुन्‍नें मुंदल़ी अर खूरा लै दैआ नऊंऐं पोलल़ै। 23 खुढै ढाकअ द बडअ गाभू काटी खैऊआ सोभी लै खुशीए धाम।