Dificuldades
As dificuldades são parte da vida, mas Deus é refúgio certo em todo tempo de angústia. A Bíblia promete que nenhuma adversidade pode separar os filhos de Deus do seu amor.
Deus é refúgio
Deus é nosso refúgio e fortaleza, socorro bem presente nas angústias. Nada poderá nos separar do amor de Cristo.
Mulungu kaubanzi wetu
Mulungu ni kimbililo jetu na nguvu yetu.
Siku zose kaisasala kuchitaza,
muna ulusita lose lwa magayo.
Ivo hachizadumba,
hata one isi yahagudemeka na milima yahatingisika na kugwa muna ibahali,
hata one mazi yake yahakuluma na kutibuka, milima nayo yahagudemeka ng’hani, hachizadumba.
Nomulongela Mndewa Mulungu,
"Weye niiyo kimbililo jangu na mhongono yangu,
Mulungu wangu yonikuhuwila."
Mweye wanhu muhuwileni yeye siku zose,
mgubulileni yeye mizoyo yenu,
kwaviya Mulungu niiyo kimbililo jetu.
Mndewa Mulungu ni mhongono ya wanhu wowoneligwa,
yeye ni mhongono chipindi cha uzidilwa.
Wanhu wakumanyile weye Mndewa Mulungu wokuhuwila,
kwaviya weye Mndewa Mulungu huwasa wanhu wokuzahila.
Weye kotawala bahali ili na beho kulu,
lusita mawimbi makulu voyokwiza koyemiza.
Mndewa Mulungu kana ukulu ng’hani uchanyha kuulanga,
kana nguvu kufosa mbumo wa bahali,
kana nguvu kufosa mbumo wa mazi mengi.
Kanyamaliza tibwilitibwili,
na mawimbi yahupika.
Yelihi yondayadahe kuchibagula kulawa muna ulondo wa Chilisito? Yodahika uzidilwa hebu kugaya hebu manhesa hebu nzala hebu ungayengaye wa kupuwa viwalo hebu ng’hondo hebu ifa? Fana viya Yamaandiko Yelile viyolonga,
"Kwa ichimu chako weye chamuna uzidilwa wa ifa lusita lose.
Chiwa fana viya ng’hondolo wowogaligwa kuchiigwa."
Mbali kwa vinhu vino vose chipata kuhuma kwa kufosela yeye yoyachilondile cheye! Kwaviya nivimanya habule chinhu chochidaha kuchibagula kulawa muna ulondo wake, si ifa, wala ugima, si wasenga wa kuulanga, wala watawala wa kuulanga, wala ludabwa, si vinhu va sambi wala vikwiza, si yeli uchanyha wala hasi, wala chinhu chochose chiumbigwe, habule chochidaha kuchibagula na ulondo wa Mulungu uli mgati ya Yesu Chilisto Mndewa wetu.
Provisão nas dificuldades
O Senhor provê mesmo nos tempos mais difíceis. Ele sustentou Elias, protegeu Israel e cuida dos seus com fidelidade eterna.
Mulungu katanda wingu mchanyha kuwagubika,
na kagala moto ulave bung’hulo ichilo.
Viwapulile kawagalila ng’hwale,
kawegutiza ndiya ya kuulanga.
Kautula luwe, mazi yalawa,
na yakilima muna dibwilingu fana lwanda.
Nikala mbwanga, sambi namulala,
sinawona munhu yotenda mbuli zinogile kalekigwa na Mulungu,
hebu wanage kupula ndiya.
Mndewa Mulungu kowakaliza wanhu welibule ubananzi,
na uhazi wawo wizakuwa wa siku zose.
Lusita lwa wihi luhafika, hawezapata chinyala,
na siku za nzala wezakwiguta.
Nizaitilila mazi isi ili na ng’hilu,
na kukilima mazi hanhu hanyalile.
Nizawitila muhe wangu fana mazi muna uwelesi wako,
nizawatemela mate wanago.
Kwaviya weye kuwa hanhu ha kukimbilila ngayengaye,
na hanhu ha kukimbilila wachiwa muna yamanhesa yawo,
weye kuwa hanhu ha kukimbilila lusita lwa vulavumbi,
na mbeho lusita lwa vuke.
Mhumuzi za wanhu wasede zilinga fana beho disung’ha mhongono,
Bung’hulo jake dizakuwa chiheha cha kuwakaliza na vuke da imisi, iviya dizakuwa hanhu ha kukimbilila lusita lwa mvula nyingi.
Muhafosa muna yamazi mengi,
nizakuwa hamwe na mweye,
muhafosa muna zinyanda hamwizakulusigwa,
iviya mwahagenda muna umoto hamwizalunguzigwa,
lambi da moto hadizamulunguzani.
Força nas provas
Em tudo somos atribulados, mas não esmagados. O Senhor é bom e é fortaleza no dia da angústia — Ele conhce os seus.
Chogazigwa banzi zose, mbali hachididimizwa bule, chokwazanywa mbali hachibwela kuchisogo, kuna wehi wengi, mbali hachilekigwa chiidumwe bule, na chogwisigwa, mbali hachibanangigwa bule.
Mndewa Mulungu kanoga,
yeye niiyo mhongono ya kukimbilila lusita lwa uzidilwa.
Yeye kowakaliza wanhu wose wokimbilila kumwake.
Yesu kawalongela, "Mweye muli na uhuwilo mdodo!" Habali mwodumba vino? Maabaho kenuka na kadibwakila dibeho ijo na mawimbi, na dilamba dikala zinziwa.
Wanhu wose wazanywa na wauza, "Ino munhu waki? Mbaka beho na mawimbi vomuhulika!"
Fana Mulungu koyayawaza ivo mayani ya kumbago, diyelo yabaho, igolo yokwaswa muna umoto. Vino Mulungu hadaha bule kumuyawazani mweye? Wanhu muli na uhuwilo mdodo!
"Ivo sekemuwe na yungwayungwa, ‘Chizakuja choni? Hebu chizakung’wa choni? Hebu chizayawala choni?’
Mwanamke ija kakimbilila kuchuwala kwili na hanhu hoyasasaliligwe na Mulungu muladi yaloleswe kwa lusita lwa siku alufu imwe na magana maidi na malongo sita.
Tegelezeni! Nimwing’hani udaho mweye, ivo mwizabojoga zoka na inge, mwizakuwa na udaho kwa wehi wenu wose. Habule chinhu chonda chiwalumizeni.