1 "Mweye wakulu wa nhambiko, tegelezeni,

mweye Waisilaili, kingeni digutwi,

mweye wanhu wa kaye ya mfalume, tegelezeni.

Mwizatagusigwa kwa kuwalanguliza wanhu kutali na Mulungu,

kwaviya mukala fana mtego uko Misipa,

na lwavu lutandigwe uko Taboli.

2 Wanhu wanilekile waiyoha kukoma,

mbali niye Mulungu nizawatagusa wose.

3 Niwamanya Waisilaili kwa chila chinhu,

habule chinhu chiwatendile kwa kunifisa.

Kwaviya Waisilaili walamula kutambikila nyang'hiti,

fana mwanamke malaya viyoibandama na mulume.

Wambula mwiko kumwangu.

4 "Sang'hano zawo hazizawaleka wambwelele Mulungu wawo,

mizoyo yawo imema ugoni,

hawanimanyile niye Mndewa Mulungu.

5 Magoda ya Waisilaili yowoneka funhu funhu,

ivo Waisilaili woikwala kwa ichimu cha uhasanyi wawo,

iviya wanhu wa Yuda woikwala hamwe nawo.

6 Wezahita na mabumbila yawo ya ng'hondolo na ng'ombe kumzahila Mndewa Mulungu,

mbali hawadaha kumpata,

kwaviya kainega nawo.

7 Wamtendela mbuli zihile Mndewa Mulungu,

kwaviya weleka wana wa mmbago,

lelo madugila yawo ya mwezi ukwima yezawananga hamwe na migunda yawo.

8 "Toweni mhalati uko Gibea

na toweni mhalati uko Lama,

guteni nyangi uko Besi Aveni,

mweye wanhu wa Benyamini mwihi wenu kakuchisogo.

9 Muna isiku ya nhaguso, Isilaili izalekigwa fana matongo,

nigong'onda mbuli yondailawilile muna iisi ya Isilaili.

10 Walangulizi wa Yuda walinga fana wanhu wokwesa mhaka za isi,

nizawagidila ludoko lwangu fana mazi.

11 Isilaili kagazigwa,

na nhaguso yake imuhonda,

kwaviya kailunga kusondelela ubozi.

12 Niye niwa fana sondo kwa wanhu wa Isilaili,

niwa fana mbiki wouwola kwa wanhu wa Yuda.

13 Isilaili viyauwone utamu wake,

na Yuda viyachiwone chilonda chake,

Isilaili kahita Ashulu,

kawatuma wanhu kwa mfalume mkulu.

Mbali yeye hadahile kuwalagula,

iviya hadaha kuwahonya vilonda vawo.

14 Kwaviya nizakuwa fana simba kwa Isilaili,

nizakuwa fana mwanasimba mtatali muna ikaye ya Yuda.

Nizawavavatula na kusegela,

nizawagwila na habule munhu yondayawalopole.

15 Nizabwela hanhu hangu mbaka vondawasame uhasanyi wawo na kuchizahila chihanga changu,

wahawa muna uuzidilwa wezanizahila."