1 Mndewa Mulungu kanilongela, "Hita ukamulaguse muke wako kuwa komulonda, ingawa katenda ugoni na mulume imwenga, fana Mndewa Mulungu viyowalonda Waisilaili ingawa watambikila milungu imwenga na walonda kulava nhosa za chibugulu cha zabibu zinyalile zikigwe hakwe."

2 Ivo nimgulila muke iyo vihande longo na vitano va hela na chilo gana na malongo matano za mhule.

3 Maabaho nimulongela, "Kolondeka ukale na niye kwa siku nyingi bila kutenda ugoni hebu kuwa muke wa munhu imwenga na niye nizakuwa mwaminika."

4 Ivo Waisilaili wezakala siku nyingi bila mfalume hebu mulangulizi hebu nhambiko hebu mhanda za kutambikila hebu mkulu wa nhambiko digogogo hebu nyang'hiti za milungu.

5 Hamwande Waisilaili wezabwela na kumzahila Mndewa Mulungu, Mulungu wawo na kumzahila mfalume wawo wa kulawa muna uwelesi wa Daudi. Wezakwiza wogudemeka kwa Mndewa Mulungu, Mulungu wawo, iviya wezatemeligwa mate muna ulusita lwa uhelelo.