1 Ang Diyos ang ating kanlungan

at kalakasan.

Siyaʼy laging nakahandang sumaklolo

sa oras ng kagipitan.

2 Kaya huwag tayong matatakot

kahit lumindol man,

at gumuho ang mga bundok

at bumagsak sa karagatan.

3 Humampas man at umugong

ang mga alon na naglalakihan,

at mayanig ang kabundukan.

2 Ito ang masasabi ko tungkol sa Panginoon,

"Siya ang kumakalinga

at nagtatanggol sa akin.

Siya ang aking Diyos

at sa kanya ako nagtitiwala."

8 Kayong mga mamamayan ng Diyos,

magtiwala kayo sa kanya

sa lahat ng oras!

Sabihin sa kanya ang lahat

ng inyong suliranin,

dahil siya ang ating kanlungan.

9 Panginoon, kayo ang kanlungan

ng mga inaapi,

at kublihan sa panahon ng kahirapan.

10 Sa inyo nagtitiwala

ang nakakakilala sa inyo,

dahil hindi nʼyo itinatakwil

ang mga lumalapit sa inyo.

9 Nasa ilalim ng kapangyarihan nʼyo

ang nagngangalit na dagat,

pinatatahimik ninyo

ang mga malalaking alon.

4 Ngunit Panginoong nasa langit,

higit kayong makapangyarihan

kaysa sa mga nagngangalit na alon.

29 Pinatigil niya ang malakas na hangin

at kumalma ang dagat.

35 Walang makapaghihiwalay sa atin sa pag-ibig ni Kristo, kahit dumanas pa tayo ng mga pagsubok, paghihirap, pag-uusig, gutom, kawalan,* panganib, o maging kamatayan. 36 Gaya nga ng sinasabi sa Kasulatan:

"Alang-alang sa iyo,

palaging nasa panganib

ang aming buhay;

para kaming mga tupang kakatayin."*

37 Ngunit kahit ganito ang kalagayan natin, ganap ang ating tagumpay sa tulong ni Kristo na nagmamahal sa atin. 38,39 Sapagkat natitiyak ko na walang makakapaghiwalay sa atin sa pag-ibig ng Diyos na ipinakita sa atin sa pamamagitan ni Kristo Hesus na ating Panginoon. Maging kamatayan o buhay, mga anghel o anumang makapangyarihang espiritu, ang kasalukuyang panahon o ang hinaharap, ang mga kapangyarihan, ang mga nasa itaas o mga nasa ibaba, o kahit ano pang mga bagay sa buong mundo ay hindi makapaghihiwalay sa atin sa pag-ibig ng Diyos.

16 Hindi nauubos ang harina sa banga at hindi rin nauubos ang langis sa tapayan, ayon sa sinabi ng Panginoon sa pamamagitan ni Elias.

39 Naglagay ang Diyos ng ulap na lililim sa kanila

at kung gabi namaʼy apoy

upang magbigay sa kanila ng liwanag.

40 Ang mga taoʼy humingi ng makakain,

at pinadalhan sila ng Diyos ng mga pugo,

at binusog niya sila ng pagkaing

mula sa langit.

41 Pinabitak niya ang bato at bumukal ang tubig.

Umagos ito na parang ilog sa tuyong lupa.

25 Akoʼy naging bata at ngayoʼy matanda na,

ngunit hindi ko pa nakita kahit kailan

na ang matuwid ay pinabayaan ng Panginoon

o ang kanyang mga anak

ay namalimos ng pagkain.

18 Araw-araw, inaalagaan ng Panginoon

ang mga taong matuwid.

At tatanggap sila ng gantimpalang

pangwalang hanggan.

19 Sa panahon ng kahirapan

hindi sila malalagay sa kahihiyan.

Kahit na taggutom,

magkakaroon pa rin sila ng kasaganaan.

3 Sapagkat binigyan kita

ng tubig na pamatid-uhaw

at babasa sa iyong lupang tigang.

Ibibigay ko ang aking Espiritu

sa iyong lahi

at pagpapalain ko sila.

4 Ikaw ang takbuhan ng mga dukha

at ng mga nangangailangan

sa panahon ng kahirapan.

Ikaw ang kanlungan sa panahon ng bagyo

at lilim sa panahon ng tag-init.

Sapagkat ang paglusob

ng mga malulupit na tao

ay parang bagyong humahampas sa pader,

6 at parang kubol kapag araw na magsisilbing lilim sa init at kublihan sa panahon ng bagyo at ulan.

2 Kapag dumaan ka sa tubig,

akoʼy kasama mo.

Kapag tatawid ka sa mga ilog,

hindi ka malulunod.

Kapag dumaan ka sa apoy,

hindi ka masusunog;

at sa ningas nitoʼy hindi ka magliliyab.

8 Ginigipit kami sa lahat ng paraan, ngunit hindi nalulupig. Nalilito kami, ngunit hindi nawawalan ng pag-asa. 9 Inuusig kami, ngunit hindi kami pinapabayaan ng Diyos. Pinapabagsak kami, ngunit hindi tuluyang nalulugmok.

7 Ang Panginoon ay mabuti;

matibay siyang kanlungan

sa oras ng kagipitan,

at inaalagaan niya ang nananalig sa kanya.

8 Ibinabalot niya ang ulan

sa makakapal na ulap,

ngunit hindi ito napupunit

gaano man kabigat.

9 Tinatakpan niya ng makapal na ulap

ang bilog na buwan.*

10 Nilagyan niya ng hangganan

ang langit at dagat

na parang hangganan din

ng liwanag at dilim.

21 Iingatan ka niya

kung sisiraan ka ng iba,

at wala kang katatakutan

kung dumating man

ang kapahamakan.

26 Sumagot si Hesus, "Bakit kayo natatakot? Kay liit ng inyong pananampalataya." Bumangon si Hesus, pinatigil ang hangin at ang mga alon, at naging payapa ang lahat.

27 Namangha ang mga alagad niya at sinabi, "Anong klaseng tao ito? Kahit ang hangin at mga alon ay napapasunod niya!"

30 Kung ganito dinadamitan ng Diyos ang mga damo sa parang, na buhay ngayon ngunit bukas ay itatapon sa apoy, kayo pa kaya? Tiyak na bibihisan niya kayo nang higit pa sa mga ito. Napakaliit naman ng inyong pananampalataya! 31 Kayaʼt huwag kayong mag-alala at magsabi, ‘Ano ang kakainin namin?’ o ‘Ano ang iinumin namin?’, o ‘Ano ang susuotin namin?’

6 Ang babae naman ay tumakas sa ilang, sa isang lugar na inihanda ng Diyos para sa kanya, upang maalagaan siya roon sa loob ng 1,260 araw.

19 Binigyan ko kayo ng kapangyarihang tapakan ang mga ahas at mga alakdan, at ang lahat ng kapangyarihan ng kaaway. At walang anumang makapipinsala sa inyo.