15 Mandânə, tshə pâ kə ə̂kpû azü nə ə pa: «E bäta tə̂ e ndə kə pa əgo kə sɔtə̂ aərə mi e mi ne, mbrə ə̂në sorô əzü sə sə lə aərə nə̂ ye ne, kədə tshə â sə də aərə â ro pâ nə.»

21 Mbrə ə̂në tə̂ ətshe ə̂në aərə nə̂ zə sə tə̂ nə, lɔsu zə ndje sə kə sə mâ je.»

21 Âgbɔ̂ əzü nə̂ ye nə pâ kə ətshə ə pa: "Ə̂rɔ̂nə! Bə sə tə ə̂rɔ̂ əyïkosəra ə̂në kə ma tə̂ zə sə də äwänə. Bə sə tə ə̂rɔ̂ əzü lə aaya aərə, mə sə kə za əbə gâ pâ aərə ə̂në ə ngba ə ngba kɔ. Nä gâ əmə, e də âgbɔ̂ əzü nə̂ zə du ə̂rû."

9 Bale, azü ə̂në əndje yində kə sɔtə̂ aərə tshepashɔ ngbatshe kɔ, əndje sə kə te gâ lə ərə ə̂në ə frɔ əndje kɔ, ə te gâ lə ə̂kû, ə te gâ lə adongo aəmbrʉ aəgo əndɨ nɔ̂ ə̂në ə sə kə ndɨ əzü, ə̂në ə sə kə na də əzü gâ tə̂ äwä kuzu kɔ.

17 Zä ama kə alayï kə sə də aərə tshepashɔ ndə kə pa əndje da əkro əndje da ne, ə za lɔsu əndje za gâ pâ aərə ə̂në ə sə kə ro ə ro kɔ ne, bale əndje zä lɔsu əndje gâ pâ Ndjapä ə̂në tshə sə kə ko aərə nɔ̂ kə əzə̂ tə ambanə ndə kə pa a sə də ə̂rû tə̂ äwä nə kɔ.

5 Kə mbrə tə̂ e sə̈ sə̈ tə̂ äwä əgo ngendja ne. E zä tshelə e kʉ gâ tə̂ ərə ə̂në e sə də nə kɔ, mbrə ə̂në Ndjapä də ə̂tə̂ ye pâ: «Mə sə sə kə katə̂ zə bale ne, mə sə sə kə tshi əbə tʉ bale ne.»*

7 E kö aərə ə̂në ə lï ndə kə pa e ko kə azü kɔ, kə azü nə: e pïyi lapɔ kə alayïlapɔ nə, ə pïyi ngendja alabə̈ aərə kə piyi nə kə alayïnga nə, ə kpë rawa azü ə̂në e lï ndə kə pa e kpe rawa əndje kɔ, ə lʉ̈ azü ə̂në e lï ndə kə pa e lʉ əndje kɔ.

6 Mbrə nə ndje də̂ e piyi lapɔ kɔ. Mbrə ə̂në aaworɔ ngendja lapɔ nə sə tə alayïkosəra nə̂ Ndjapä, alɔ ə̂në əndje sə kə mbrə kosəra nə kɔ.