35 Yeso ákedzuu m’ãla y’ãbviil mbueel, ndɛ ákeyiool m’ãnzɔ m’ãbuɛɛn ã bɔ, áketsal Nsia yi Ngesɛ yi Okwɛn o Nziã bvool ákeboo ãluu mbueel y’elyam bvieel.

8 Eboo ba y’ãluu, eseel b’ákwi, esuul ba y’ãluu me leba akal tsɛtsɛ, etswɛɛl ɛ̃fel mi ẽbi-ẽbi. Awi byɛ ngwel, ewa hɛ̃ ngwel.

8 Eboo ba y’ãluu, eseel b’ákwi, esuul ba y’ãluu me leba akal tsɛtsɛ, etswɛɛl ɛ̃fel mi ẽbi-ẽbi. Awi byɛ ngwel, ewa hɛ̃ ngwel.

16 M’ãnkunkwal, ayi Yeso ye baal bibi b’áluul m’ɛ̃fel mi ɛ̃bi-ɛ̃bi. Ndɛ otswɛɛl ɛ̃fel omyɛ̃ kɛn a m’eyɛɛn ngelemɔ̃, bvool obvuul anga-ãluu bueel. 17 M’emfa okyɛ, ŋ’ãsi m’élieel ɔ̃liaal-ɛ̃kiɛɛn Nziã Edzayi, ndiri:

«Ndɛ owel elyam e bia-byɛ,

bvool obiri ãluu ã bia-byɛ✝.»

36 Mɛ̃ éli odzuũ, byɛ éwi mɛ̃ ekɔ. Mɛ̃ éli y’ãluu, byɛ éwueel a mɛ̃. Mɛ̃ éli onse bwal, byɛ éyi mɛ̃ otal." 37 Obobɔ, baal ba dzu akieel abveel ndɛ ndiri: "Ke Mfam, tsoo emã li émwɛn bee yɛ áli ye nzal, bee bu ewi yɛ bvi-odza, wuo li éli yɛ ye nzuaal, bee bu ewi yɛ ãdza? 38 Tsoo emã li émwɛn bee yɛ áli ɔ̃nzii, bee bu eyɔɔ yɛ ola bee, wuo li éli yɛ odzuũ, bee bu ewi yɛ ekɔ? 39 Tsoo emã li émwɛn bee yɛ y’ãluu, wuo onse bwal, bee bu eyi yɛ otal?" 40 Ɔ̃kwɛn akieel abveel bɔ ndiri: "Taa-taa bam, mɛ̃ eyɛɛn byɛ wɛn, nsa yueel yi ési byɛ obobɔ me ngɔmɔ̃ wu obvool mbee onse baan-ngoo a mɛ̃ ba, ŋ’ési me mɛ̃."»

17 Onge bɛn Yeso oyoo k’eyɛɛn bɔ, ndɛ olieel bɔ ndiri: «Baal ba kɛɛ-kɛɛ k’ali ye kɔɔ li ɔ̃boo wɛ, b’ali ye kɔɔ e ndɛ kɛn anga-ãluu. Mɛ̃ ke ngyi baal ba dzu mbel ota wɛ, beyenta mɛ̃ mbel kɛn anga-ãbi.»

9 Eboo baal b’ali y’ãluu oŋɔ̃, bvool eyɛɛn baal bam bueel bubu: "Okwɛn o Nziã osyel tsotsoo a byɛ!"

1 Tsoo ngelemɔ̃, Yeso obvool antam a ndɛ ange-kuun ye buaal, bvool owi bɔ waan y’omfam b’atswɛɛl ɛ̃fel myam mvieel mi ɛ̃bi-ɛ̃bi, ye b’aboo anga-ãluu. 2 Ndɛ otam bɔ k’ayetsal Nsia yi Ngesɛ yi Okwɛn o Nziã, bvool m’oyeboo anga-ãluu.

2 Ndoo a dzii, mɛ̃ nzii kwɛn ãndɔɔ mbueel ãkal ngesɛ me ndɔɔ a yɛ bvool kwɛn yɛ kal nzuru kɛɛ-kɛɛ onge b’eli ɔ̃fel a yɛ kɛɛ-kɛɛ.

14 Ngɔmɔ̃ onse byɛ oli y’ãluu? Yɔɔl ndɛ ata akuul-kuul b’Ebvɔɔn mbel, kwɛn bɔ abuɛɛn me ndɔɔ a ndɛ, bvool asɛɛn ndɛ mbaal me nkuũ a Mfam. 15 Ebuɛɛn li y’okiool èbvuul nga-ãluu bvool Mfam àtɛɛl ndɛ. Okɛɛn ndɛ asi ãbi, àdzeel ndɛ mɔ̃.

14 Ngɔmɔ̃ onse byɛ oli y’ãluu? Yɔɔl ndɛ ata akuul-kuul b’Ebvɔɔn mbel, kwɛn bɔ abuɛɛn me ndɔɔ a ndɛ, bvool asɛɛn ndɛ mbaal me nkuũ a Mfam. 15 Ebuɛɛn li y’okiool èbvuul nga-ãluu bvool Mfam àtɛɛl ndɛ. Okɛɛn ndɛ asi ãbi, àdzeel ndɛ mɔ̃.

16 Oŋɔ̃ esɔɔ odzeel b’ãbi onse byam-a-byam, bvool ebuɛɛn me ndɔɔ a bakyɛ, kwɛn oŋɔ̃ byɛ ebvuul. Ebuɛɛn li mbuul wa dzu esal ye mpɛn ngamfɛn.

7 Kɛn a me ndɔɔ yɛn mɛ̃ mbee okal y’ondɛɛl o nzuru me ndɔɔ emwɛn bvi ɛ̃kam obvɛ, awi mɛ̃ fool lɛn onge nsiɛɛn yi apio onse nzuru, onge ãnzwel m’eyuɔɔl Satana, me ndɔɔ yi atuaal mɛ̃ mpal, kwɛn mɛ̃ mbee y’ondɛɛl o nzuru okal. 8 Nsa tyel, mɛ̃ mbuɛɛn Mfam, kwɛn ndɛ ambaal mɛ̃ nsiɛɛn oyɔ. 9 Kɛn a ndɛ obveel mɛ̃ bubu: «Nyiĩ a mɛ̃ eluɔ ki ekoo me yɛ, ke ngwel wɛ, waan e mɛ̃ ebemɔɔn ŋ’eli yɛ onse okwal.» Obobɔ, mɛ̃ èbɛɛl ntwel a mɛ̃ ɔ̃kwal ngɔmɔ̃ onse okwal o mɛ̃, kwɛn waan e Mãsia emɔɔn onse mɛ̃. 10 M’emfa okyɛ, mɛ̃ esia mpaa onse okwal, onse ɛ̃tswɛ, onse otuaal o mpal, onse ãwua, me ndɔɔ a Mãsia. Ngwanyã, ŋendi mɛ̃ onse okwal, ŋendi mɛ̃ ye mpɛn.

13 Byɛ eyɛɛ ãndɔɔ m’ãbwel. Mɔ̃ m’ãsi kwɛn mɛ̃ yentee byɛ Nsia yi Ngesɛ sa yi ɛ̃kwel. Mɛ̃ éli y’oluu, 14 nzuru a mɛ̃ k’éli ngesɛ m’otal wɛ. Byɛ k’eyiri mɛ̃ wɛ, k’ebyel mɛ̃ hɛ̃ wɛ. Kɛn a byɛ eyɔɔ mɛ̃ onge ãnzwel ã Nziã, bam onge Yeso Mãsia ndyam.

23 Abee kɛn ãdza obenywã, anywã hɛ̃ embal-mbal e bvine me ndɔɔ a mwiĩ wu abesa yɛ, nzal-a-ŋɛn yɛ abeluu bibi.

4 Ndɛ akieel akiɔɔn ãnsia mbueel me mviil ã bɔ. Epfu kieel k’ebekal bvool wɛ, ndwɔɔ k’ebekal wɛ, onkyam olel, onkyam mpal, ke ngwel wɛ ãndɔɔ mã tsɔɔn ŋ’ãbwel.»