Domínio próprio

22 Ach is e toradh an Spioraid gràdh, aoibhneas, sìth, fad-fhulangas, caomhalachd, maitheas, creideamh,

23 Macantas, stuaim: an aghaidh an samhail sin chan eil lagh.

11 Oir dh’fhoillsicheadh gràs slàinteil Dhè do na h-uile dhaoine;

12 A’ teagasg dhuinn gach mì-dhiadhachd agus ana-miann saoghalta àicheadh, agus ar beatha a chaitheamh gu stuama, gu cothromach, ach gu diadhaidh anns an t-saoghal seo an làthair;

13 Air dhuinn sùil a bhith againn ris an dòchas bheannaichte sin, eadhon foillseachadh glòir an Dè mhòir, agus ar Slànaighir Iosa Crìosd:

7 Oir cha tug Dia dhuinne spiorad na geilt; ach spiorad a’ chumhachd, agus a’ ghràidh, agus na h-inntinn fhallain.

5 Agus a thuilleadh air seo, air dèanamh an uile dhìchill dhuibh, cuiribh ri ur creideamh deagh-bheus; agus ri deagh-bheus eòlas;

6 Agus ri eòlas stuaim; agus ri stuaim foighidinn; agus ri foighidinn diadhachd;

7 Agus ri diadhachd gràdh bràthaireil; agus ri gràdh bràthaireil seirc.

32 Is fheàrr an tì a tha mall a-chum feirge na gaisgeach; agus an tì a riaghlas a spiorad fhèin na esan a ghlacas àrd-bhaile.

28 Mar mhòr-bhaile briste sìos gun bhalla, tha am fear aig nach eil ceannsal air a spiorad fhèin.

11 Cuiridh amadan an cèill a inntinn uile; ach cumaidh duine glic a-staigh i gus an dèidh sin.

19 Ann an lìonmhorachd bhriathar cha bhithear saor o pheacadh; ach tha esan a chaisgeas a bhilean glic.

24 Nach eil fhios agaibh iadsan a tha a’ ruith anns a’ bhlàr-rèise, gun ruith iad uile, ach is aon duine a gheibh an duais? Guma h-amhail a ruitheas sibhse, ionnas gun glac sibh an duais.

25 Agus tha gach uile ghleacair measarra anns na h-uile nithean: a-nis tha iadsan a’ dèanamh sin a-chum gum faigh iad crùn truaillidh; ach sinne airson crùin neo-thruaillidh.

26 Uime sin is amhail a tha mise a’ ruith, chan ann mar gu neo-chinnteach: is amhail a tha mi a’ cur catha, chan ann mar neach a bhuaileas an t-adhar:

27 Ach tha mi a’ trom-bhualadh mo chuirp, agus ga chur fo smachd: air eagal air chor sam bith an dèidh dhomh searmonachadh do dhream eile, gun cuirear mi fhèin air cùl.

9 Gidheadh mura faodar leo iad fhèin a ghleidheadh geamnaidh, pòsadh iad: oir is fheàrr pòsadh na losgadh.

13 Cha do thachair deuchainn air bith ribh, ach nì a tha coitcheann do dhaoine: ach tha Dia dìleas, nach leig dhuibh a bhith air ur feuchainn thar ur comais; ach a nì maille ris an deuchainn slighe gu dol as mar an ceudna, a-chum gum bi sibh comasach air a giùlan.

8 Bithibh stuama, dèanaibh faire; do bhrìgh gu bheil ur nàmhaid an diabhal, mar leòmhann beucach, ag imeachd mun cuairt a’ sireadh cò a dh’fhaodas e shlugadh suas:

9 Cuiribh-se na aghaidh, air dhuibh a bhith daingeann anns a’ chreideamh, agus fhios a bhith agaibh gu bheil na fulangasan ceudna air an coileanadh nur bràithrean, a tha anns an t-saoghal.

7 Ach tha crìoch nan uile nithean am fagas: uime sin bithibh measarra, agus dèanaibh faire a-chum ùrnaigh.

1 Uime sin, o dh’fhuiling Crìosd air ar son-ne anns an fheòil, armaichibh-se mar an ceudna sibh fhèin leis an inntinn cheudna: oir an tì a dh’fhuiling anns an fheòil, sguir e de pheacadh;

2 A-chum nach caitheadh e fuidheall aimsir anns an fheòil, a rèir ana-miannan dhaoine, ach a rèir toil Dhè.

3 Oir is leòr dhuinn a’ chuid a chaidh seachad de aimsir ar beatha gu toil nan Cinneach a dhèanamh, nuair a shiubhail sinn ann am macnas, ann an ana-miannan, ann an anabarr fìona, ann an geòcaireachd, ann am pòiteireachd, agus ann an iodhal-adhradh ain-dligheach:

4 Nì anns a bheil iad a’ gabhail iongantais, do bhrìgh nach eil sibhse a’ ruith maille riu anns an neò-mheasarrachd cheudna gun tomhas, a’ labhairt uilc umaibh:

5 Muinntir a bheir cunntas dhàsan, a tha ullamh gu breith a thoirt air na beòthan agus air na mairbh.

4 Gum b’aithne do gach aon agaibh a shoitheach fhèin a shealbhachadh ann an naomhachd, agus ann an urram;

5 Chan ann ann am fonn ana-miannach, mar a nì na Cinnich aig nach eil eòlas air Dia:

22 Beannaichibh an Tighearna, a obraichean uile, anns gach àite de a thighearnas; beannaich an Tighearna, O m’anam!

13 Is rìoghachd shìorraidh do rìoghachd-sa, agus mairidh d’uachdaranachd air feadh nan uile ghinealach.

13 Chunnaic mi ann an aislingean na h-oidhche, agus, feuch, thàinig neach cosmhail ri mac an duine le neòil nèimh, agus thàinig e a-chum Aosda nan Làithean, agus thug iad e dlùth na làthair.

14 Agus thugadh dha uachdaranachd, agus glòir, agus rìoghachd, a-chum gun tugadh na h-uile shlòigh, chinnich agus theangannan seirbhis dha: a uachdaranachd is uachdaranachd shìorraidh i, nach siubhail thairis, agus a rìoghachd cha sgriosar i.

2 Chunnacas ceart dhòmhsa gun cuirinn an cèill na comharraidhean agus na mìorbhailean a dh’obraich an t-àrd Dhia dom thaobh.

3 Cia mòr a chomharraidhean! Agus cia cumhachdach a mhìorbhailean! A rìoghachd-san is rìoghachd shìorraidh i, agus tha a uachdaranachd o linn gu linn.

6 Oir rugadh dhuinne duine-cloinne, thugadh dhuinne mac; agus bidh an uachdaranachd air a ghualainn; agus goirear mar ainm dheth, Iongantach, Comhairliche, an Dia cumhachdach, an t-Athair sìorraidh, Prionnsa na sìthe.

7 Air fàs a uachdaranachd, agus air a shìth, cha tig crìoch, air cathair rìoghail Dhaibhidh, agus air a rìoghachd; a-chum a daingneachadh agus a socrachadh le breitheanas agus le ceartas, o seo a-mach agus gu sìorraidh: bheir eud Tighearna nan sluagh seo gu crìch.

13 A shaor sinn o chumhachd an dorchadais, agus a dh’atharraich sinn a-chum rìoghachd Mac a ghràidh-san:

14 Anns a bheil againn saorsa tre a fhuil, eadhon maitheanas nam peacaidhean:

20 A dh’obraich e ann an Crìosd, nuair a thog e o na mairbh e, agus a chuir e na shuidhe air a dheaslàimh fhèin e anns na h-ionadan nèamhaidh,

21 Gu ro-àrd os cionn gach uile uachdaranachd, agus cumhachd, agus neirt, agus tighearnais, agus gach ainme a dh’ainmichear, chan e a-mhàin anns an t-saoghal seo, ach anns an t-saoghal ri teachd mar an ceudna:

20 Oir tha ar caitheamh-beatha-ne air nèamh, an t-ionad as a bheil dùil againn fòs ris an t-Slànaighear, an Tighearna Iosa Crìosd;

21 A chruth-atharraicheas ar corp dìblidh, a-chum gun dèanar e co-chosmhail ra chorp glòrmhor fhèin, a rèir a obrachaidh leis a bheil e comasach air na h-uile nithean a chur fo a cheannsal fhèin.

9 Air dhuinn fios a bhith againn air do Chrìosd èirigh o na mairbh, nach bàsaich e nas mò; chan eil tighearnas aig a’ bhàs nas mò air.

8 Uime sin chan urrainn iadsan a tha anns an fheòil Dia a thoileachadh.

9 Ach chan eil sibhse anns an fheòil, ach anns an Spiorad, ma tha Spiorad Dhè a’ gabhail còmhnaidh annaibh. A-nis mura eil Spiorad Chrìosd aig neach, cha bhuin e dha.

22 Oir mar ann an Adhamh a tha na h-uile a’ faghail a’ bhàis, is amhail sin mar an ceudna a nìthear na h-uile beò ann an Crìosd.

23 Ach gach uile dhuine na òrdagh fhèin: Crìosd an ciad-thoradh, na dhèidh sin iadsan as le Crìosd aig a theachd.

24 An sin bidh a’ chrìoch dheireannach, nuair a bheir e suas an rìoghachd do Dhia, eadhon an t-Athair; nuair a chuireas e as do gach uile uachdaranachd, agus gach uile ùghdarras, agus chumhachd.

25 Oir is èiginn gun rìoghaich e gus an cuir e a naimhdean uile fo a chasan.

2 Tha tighearnas agus eagal maille ris-san: nì e sìth na ionadan àrda.