22 ሽን አያና አይፈይ፥ ሲቆ፥ ኡፋይስ፥ ሳሮተ፥ ዳንዳአ፥ ኬሀተ፥ ሎኦተ፥ አማኖ፥ 23 አሽከተ፥ ባና ሃሮ። ሀይሳ መላባታ እፅያ ህገይ ባዋ።

11 አሰ አሽያ ፆሳ አ ኬሀተይ አሳ ኡባስ ቆንጭስ። 12 ሄ አ ኬሀተይ፥ ኑ ናጋራነ ሀ አላምያ አሙዋ አግድ፥ ሀ ዎድያን ኑና ሃርድ፥ ቱማ አያና ደኡዋንነ ፅሎተን ዳና መላ ኑና ታማርሴስ። 13 ኑኒ አንጀትዳ ኡፋይሳ ግድዳ ግታ ፆሳነ ኑና አሽያ የሱስ ክርስቶሳ ቦንቾ ቆንጨ ናጎስ።

7 አይስ ጊኮ፥ ፆሳይ ኑስ ዎልቃ፥ ሲቆነ ኑ ሁጰ ሃርያ አያና እሚስፐ አትሽን፥ ያሻ አያና እምቤና።

5 ሄሳ ግሾ፥ ምንድ፥ ህንተ አማኑዋ ቦላ ሎኦተ፥ ሎኦተ ቦላ ኤራተ፥ 6 ኤራተ ቦላ ባና ሃሮ፥ ባና ሃሮ ቦላ ገንጫ፥ ገንጫ ቦላ ፆሳ ዳኖ፥ 7 ፆሳ ዳኖ ቦላ እሻተ ኬሀተ፥ እሻተ ኬሀተ ቦላ ሲቆ ጉጅተ።

32 ዎልቃማ አስ ግዳናፐ ዳንዳአ አስ ግዶይ ሎኦ፥

ዳሮ ካታማታ ኦልድ ኦይካናፐ ባና ሃሮይ አስ።

28 ባና ሃሮና አስ

ድርስ ላለትዳ ካታማ መላ።

11 ኤያ አስ ባ ሀንቁዋ የድ በሴስ፤

ሽን ጭንጫ አስ ባና ሃሬስ።

19 ዳሮ ሃሳያ ግዶን ናጋር የና፤

ሽን ባ ዶና ሺሽያ አስ ጭንጫ።

24 ዎን ጋደትያ ኡባይ ዎፄስ፥ ሽን እሱዋ ፃላል ዎይቶ ኤከይሳ ኤረከቲ? ሄሳዳ ህንተካ ዎይቶ ኤካናዉ ዎፅተ። 25 ጋደትያ አሳ ኡባይ ኡባባን ባንታና ሃሬስ። ኤንቲ ሄሳ ዳቡረይ ይያ ዎይቶ ኤካናሳ። ሽን ኑኒ ዳቡረይ መርና ዎይቶ ኤካናሳ። 26 ሄሳ ግሾ፥ ታኒ ቆፍ ባይና አሳዳ ዎፅከ። ጫርኮ ይምፕያ አሳዳ ጮ ኩሸ የድከ። 27 ሽን ታኒ ሀራታስ ዎንገላ ኦድዳፐ ጉየ፥ ታኒ ታ ሁጰን የገትዳ አስ ግዶና መላ ታ አሳተ ዎልቃን ሃራዳ ታዉ ኪተታና መላ ኦይስ።

9 ሽን አሞን ፁገተይሳፈ ኤከይስነ ገለይስ ሎኦ ግድያ ግሾ፥ ኤንቲ ባንታና ሃራናዉ ዳንዳኦና እፅኮ፥ ኤኮነ ገሎ።

13 አሰ ኡባ ጋክያ ፓጨፐ አትሽን፥ ዱማ ፓጨይ ህንተና ጋክቤና። ህንተ ዎልቃይ ዳንዳኤይሳፈ አያ ፓጨን ህንተ ፓጨቶና መላ አድ እሞና ፆሳይ አማነትዳይሳ። ህንተና ፓጨይ ጋክያ ዎደ ሄ ፓጭያ እ ህንተና ዳንዳእሳና። ቃስ ሄ ፓጭያፐ ህንተ ከያና ኦግያ እ ጊግሳና።

8 ህንተ ሞርከይ ፃላሄይ፥ ምትያባ ኮይድ፥ ጋሞዳ ጉድሸ ህንተ ማታራ ዩይያ ግሾ ህንተና ሃርተነ ባርክተ። 9 አላመን ደእያ ህንተ እሻት ሄሳዳ ዋየ ኤከይሳ ኤርድ፥ አማኖን ምንድ፥ ፃላህያራ ኤቀትተ።

7 ህዛ፥ ኡባባስ ዉርሰይ ማታትስ። ሄሳ ግሾ፥ ዎሳናዉ ዳንዳኤታና መላ ዎፑ ግዳ ዎዛን ደኦ፤ ማራራ ደእተ።

1 ሄሳ ግሾ፥ ክርስቶስ ባ አሹዋን ኑስ ዋየትዳ ግሾ ህንተካ ሄ ቆፋን ህንተና ዳንጭስድ ምንድ ኤቅተ። ክርስቶሳ ግሾ ግድ ባ አሹዋን ዋየ ኤክዳ ኡራይ ናጋራ ኦከ ግድ ቃንፅዳ አስ። 2 ሄ ኡራይ ባ አትዳ ላይን ፆሳ ሸነ ኦናዉ ኮዬስፐ አትሽን፥ ኢታ አሾ አሞን ዴና። 3 ካሰ ህንተ አማኖና አሳይ ደእዳይሳዳ ደእደታ። ህንተ ኢታ አሞን፥ ላይማተን፥ ማን፥ ቱናተ ደንያ የን፥ ፖክያ ኤቃ ጎይኖን ካሰ ደእዳ ዱሳይ ግዳና። 4 አማኖና አሳራ ህንተ ሾር ባይና ኦሱዋ ኦና ግሾ ማላለትድ ህንተና ጫዮሶና። 5 ሽን ኤንቲ ፓፃታ ቦላነ ሀይቅዳ አሳ ቦላ ፕርዳናዉ ደእያ ፆሳስ ዛሮ እማና።

4 ህንተ እሶይ እሶይ፥ ህንተ ማቸታራ ጌሻተንነ ቦንቾን ዳናዉ በሴስ። 5 ፆሳ ኤሮናነ አማኖና አሳዳ ላይማተ አሞን ፁገቶፍተ።

22 ህንተኖ፥ እ ሃርያ በሳ ኡባን፥

ደእያ መተቶ፥ ጎዳ ጋላትተ!

ታ ሸምፐ ጎዳ ጋላታ!

13 ነ ካዎተይ መርና ካዎተ፤

ነ ማታይ የለታ ኡባ ሃሬስ።

ጎዳይ ባ ግዳ ቃላ ኡባን አማነቴስ፤

ባ ኦሶ ኡባን ኬሀ።

13 "ታኒ፥ ቃማ ቆንጨን፥ አሳ ናአ ዳነይስ ሳሎፐ ሻራራ ይሽን በአስ። መርናዉ ደኤይሳኮ ሺቅን፥ እያ ስን አዶሶና።✝ 14 እያዉ ማት፥ ቦንቾይነ ካዎተ እመትስ፤ ደረይ፥ ካዎተትነ ዱማ ዱማ ዶናን ኦደትያ ኡባይ ሃረትዶሶና። እያ ማታይ መርናዉ ሻረቶና ማታ፤ እያ ካዎተስ ዛው ባዋ።

2 ኡባፈ ቃ ፆሳይ ታዉ ኦዳ፥ ማላልስባነ ኦራባ ታ ህንተዉ ኦዳናዉ ኮያይስ።

3 እያ ማላታይ አይባ ግተ!

እ ኦያ ኦራባይ አይባ ምኖ!

እያ ካዎተይ መርና ካዎተ፤

እ የለታፐ የለታ ጋካናዉ ሃሬስ።

6 ኑስ ናእ የለትስ! አደ ናእ ኑስ እመትስ! ካዎተ ማት እያ ሀሽያን ግዳና፤ እያ ሱንይ፥ "ማላልስያ ዞራንቾ፥ ዎልቃማ ፆሳ፥ መርና አዋ፥ ሳሮተ ሀላቃ" ጌተታና። 7 እያ ካዎተ ዳልጋተስነ እያ ሳሮተስ ዛው ባዋ። ሀችፈ ዶምድ፥ መርና ጋካናዉ ሱረ ፕርዳንነ ፅሎተን ምንናዉነ ኤሳናዉ ዳዊታ አራታንነ እያ ካዎተን እ ካዎታና። ኡባፈ ዎልቃማ ጎዳ ቃናተይ ሀይሳ ኦና።✝

13 እ ኑና ማ ዎልቃፈ አሽድ ባ ዶስያ ናኣ ካዎተኮ ኤህስ። 14 እያን ዎዘትድ እያ ሱን ናጋራ አቶተ ደምዳ።✝

20 ክርስቶሳ ሀይቆፐ ደንድ፥ ሳሎን ፆሳፈ ኡሻቻ ባጋራ ኡትስዳ ግታ ዎልቃይ እስኖ።✝ 21 እያ ሱንይ፥ አይሰይሳታፐነ ማታ አዋታፐ፥ ሃረይሳታፐነ ጎዳታፐ፥ ቦላ ግድድ ሀ አላምያ ፃላላን ግዶናሽን፥ ስንፈ ያና አላምያንካ ሀራ ሱንታ ኡባፈ ቃ።

20 ኑ ቢታይ ሳሉዋና። ሳሎፐ ይድ ኑና አሽያ ጎዳ የሱስ ክርስቶሳ ናጎስ። 21 ክርስቶስ ኡባባ ባ ማታፐ ጋርሳን ኦናዉ ዳንዳእያ ባ ዎልቃን ኑ ዳቡራንቾ አሳተ ላምድ ባ ቦንቾ አሳተ ዳንሳና።

9 ክርስቶስ ሀይቆፐ ደንድዳ ግሾ፥ ዛር እ ሀይቆናይሳነ ሀይቆይ ስንፈ እያ ሃሮናይሳ ኑ ኤሮስ።

8 ባንታ አሾ አሙዋስ ሃረተይሳት ፆሳ ኡፋይሳናዉ ዳንዳኦኮና።

9 ሽን ፆሳ አያናይ ህንተናን ደእኮነ ህንተና ሃርኮ፥ ህንተ አያና ሸነን ደኤታፐ አትሽን፥ ህንተ አሾ አሙዋስ ሃረተከታ። ክርስቶሳ አያናይ ባይና ኦንካ ክርስቶሳባ ግደና።

22 አዳመ ባጋራ አሳ ኡባይ ሀይቅዳይሳዳ ክርስቶሳ ባጋራ አሳ ኡባይ ደኦን ዳና። 23 ሽን እሶይ እሶይ ባ ማራን ማራን ደንዳና። ክርስቶስ ኡባፈ ካሰትድ ደንድስ፤ ሄሳፈ ጉየ፥ ክርስቶሳይሳት እ ያ ዎደ ደንዳና።

24 ሄሳፈ ጉየ፥ ክርስቶስ ሀላቃተ፥ ማታነ ዎልቃ ኡባ ይስድ፥ ካዎተ ፆሳ አዋስ እምያ ዎደ ዎድያ ዉርሰይ ያና። 25 ፆሳይ እያ ሞርከታ ኡባ እያ ቶሁዋፐ ጋርሳን ዎና ጋካናዉ ክርስቶስ ሃራናዉ በሴስ።✝

2 "ፆሳይ ሃረይሳነ ያሸይሳ፤

እ ቃ ሳሉዋ ሳሮተን ሃሬስ።