Domínio próprio

22 Bale, ərə ə̂në Âgbɔ̂ Yîrə̂ nə sə kə mbrə nə lə əzü kɔ kə də̂: kə yi tə̂, ə̂rû, blatshe, kə ru tshelə, ə̂rɔ̂ lɔsu, ə̂rɔ̂tə̂, kə sə tə əzü ə̂në tshə lï ndə kə pa azü za lɔsu nɔ̂ kə ətshə, 23 kə mbrə tə̂ əzü lə zɨtɨ nə, kə wusə̂ äwä kə ru tə̂ əzü; âgbɔ̂ əpʉ wəra tə̂ ye wəra tə̂ marä tə̂ aərə səke ne.

Kə ka mbrə alɔ kə gu Jezu Kristə

11 Ngâ, ə̂rɔ̂tə̂ Ndjapä, ə̂në ə sə tə̂ äwä kə tshɔ lə kuzu tə̂ nə mbrə azü nɔ̂ kɔ, Ndjapä nə yîsə̂ nə gashu kə azü nɔ̂ gâ ye. 12 Ə sə kə yisə̂ äwä kə əzə̂ ə pa a wəra tə̂ əzə̂ tə̂ äwä əmbrʉ ərə gâ ye, ə wəra tə̂ əzə̂ tə̂ äwä aəgo aərə tshepashɔ səye, ə mbrə tə̂ əzə̂, kpəsəye, tə̂ äwä kə tegbɔ kumu əzə̂ ə mbrə ərə də äwänə ə tɔ popo Ndjapä, 13 kanika ə ka tə̂ ə̂rɔ̂ əlo ərə ə̂në a za lɔsu əzə̂ gâ pâ nə kɔ də alɔ kə wutu ə̂yî âgbɔ̂ Ndjapä nə̂ əzə̂ də Awoshe əzə̂, Jezu Kristə nə, gashu.

7 Mbrə ə̂në ə də̂ Yîrə̂ awa də̂ Ndjapä nə zâ kə əzə̂ kɔ ne, bale Yîrə̂ awlra, də ənə̂ əpʉ kə yi tə̂ gâ ndə ənə̂ kə wusə̂ kə ru tshelə tə̂ ərə də̂ tshə zâ kə əzə̂ kɔ.

5 Mbrə əpʉ səkɔ ndje, e mbrə̈ nɔ̂ ndə kə pa, gâ pâ əpʉ lɔsu e nə, e za əpʉ kə mbrə aərə tə ə̂rɔ̂nə; gâ pâ əpʉ kə mbrə ərə tə ə̂rɔ̂nə, e zä əpʉ djatra kə wusə̂ ərə; 6 gâ pâ əpʉ djatra kə wusə̂ ərə nə, e zä əpʉ kə wusə̂ kə ru tshelə e tə̂ aərə; gâ pâ əpʉ kə ru tshelə e tə̂ aərə nə, e zä əpʉ kə ru ə ru lə aərə nɔ̂; gâ pâ əpʉ kə ru ə ru lə aərə nɔ̂ nə, e zä əpʉ kə tɔ popo Ndjapä; 7 gâ pâ əpʉ kə tɔ popo Ndjapä nə, e zä əpʉ kə yi tə̂ tə alaye; gâ pâ əpʉ kə yi tə̂ tə alaye nə, e zä əpʉ kə yi tə̂.

Äwä kə tra tə̂ alayïärɔ̈

24 E wusə̂ nə wu ə pa azü ə̂në əndje kpe ärɔ̈ pâ lɔndɔ ə̂rû kɔ, kʉtə̂ əzü bale kə sɔtə̂ ərə ärɔ̈ nə ne a? Rəkɔ, e kpë ärɔ̈ nə ndə kə pa e sɔtə̂ ərə ärɔ̈ nə. 25 Aawowla awlra sə kə ru tshelə əndje tə̂ adongo aərə nɔ̂ lə kə gamba tə̂ əndje. Əndje, əndje sə kə mbrə rə ndə kə pa əndje sɔtə̂ kpɔtɔ piyi ə̂në ə lo lo ne kɔ. Ənə̂ əzə̂, əzə̂ mbrə rə ndə kə pa əzə̂ sɔtə̂ kpɔtɔ ngerə ə̂në ə ndɨ ndɨ tə̂ ərə ne kɔ. 26 Rəkɔ, əmə, mə kpe ärɔ̈ nə, mə kpe kpe təbu təbu ne. Mə sə tə awodu kutubɔ ə̂në mə sə sə kə da tshelə əyi ne. 27 Bale, mə sə kə gi əyo tə̂ akwa əmə ə ru tə̂ əmə ngbatshe ndə kə pa əndje gi əmə gi gashe mandânə ə̂në mə yîsə̂ əpʉ nə kə angâ əmə gâ ye kɔ ne.

9 Bale, kədə əndje lï lï ndə kə pa əndje ru əgo tshelə əndje ne, əndje kö ayashe də akoshe. Mbrə ə̂në ə sə tə ə̂rɔ̂nə ndə kə za yashe wala koshe ə ro ndə kə pa əgo tshekotə̂ ju e tə əwo.

13 Aərə kə tra lɔsu e nɔ̂ ə̂në ə te gâ tə̂ e kɔ ə sə tə aərə ə̂në ə sə kə wutu gâ tə̂ azü nɔ̂ kɔ kə sə̂. Ndjapä sə kə mbrə ndəma ye alɔnɔ̂, tshə sə sə kə katə̂ e ndə kə pa aərə nə tra lɔsu e ə ro pâ e ne. Bale, lə ərə kə tra lɔsu e nə, tshə sə kə za awlra kə e ndə kə pa e ru ə ru ə za äwä kə e ndə kə pa e wutu lə nə.

8 E sə̈ də ə̈kü ala e, ala e gbɔ̈! Əyïkowɔ nə̂ e, djablo, sə kə na djitshe djitshe mata bamara ə̂në tshə sə kə lea nə ə sə kə pra əzü ndə kə zɨ ətshə kɔ. 9 E kä tə akoshe ətshi ye ə kä kpirə̂ gâ pâ əpʉ lɔsu, ə wüsə̂ nə ə pa alaye e pâ ashɔ sə kə wu ndje kʉtə̂ marä tə̂ aərə əyo səkɔ.

Kə mbrə tə̂ lə aangbɔ

7 Alɔ kə nglɔ aərə nɔ̂ ndô trö gâ ye. Rəkɔ, e sə̈ tə aawowusə̂ ərə ə sə̈ də ə̈kü ala e ka e lï ndə kə pa e yu Ndjapä.

Tafa kə sə azü nə̂ Kristə

1 Mata ə̂në Kristə nə wû əyo tə̂ tshekotə̂ ye gâ ye kɔ, rəkɔ, e-e ndje, e zä kʉtə̂ əpʉ sə̂ bale gâ lə kumu e tə ə̈bə̈ ərə koshe. Mbrə ə̂në, əzü ə̂në tshə wû əyo lə akwa ye gâ ye kɔ, tshə tshî äwä nyaka tʉ gâ ye, 2 kanika ə sə sə kwatə̂ye də sorô ndə kə mbrə aərə Lïndə̂ aəgo lɔsu əzü ne, bale tshə sə də sorô nə mbrə ərə ə̂në tshelə Ndjapä yində nə lə ə̂dû alɔ ə̂në tshə daka pə tə sorô lə əzü tə̂ ye kɔ. 3 Mbrə ə̂në, leme-e, e mbrə̂ aərə ə̂në tshelə azü ə̂në əndje wusə̂ Ndjapä wu nə kɔ yində nə kɔ ngbatshe gâ ye, ə̂në e yî tə̂ e gâ lə ə̂trû, gâ lə aəmbrʉ aəgo, gâ lə kə ndju ə̂pî ə mbrə e alɔnɔ̂, gâ lə kə zɨ rəgo fro fro də kə ndju ərə rô pâ nə, gâ ndə kə vrɔ aamba andjapä ə̂në ə sə tə ərə gana kɔ. 4 Kpəsəye, kumu azü nə kpe pâ əndu əndje mbrə ə̂në e gbɔgbɔ tə̂ e gbɔgbɔ kwatə̂-e də aəndje gu nə ndə kʉtə̂ aərə kene ro pâ nə kɔ ne, â əndje sə kə pa tə̂ e. 5 Bale, əndje ka gâ ətshi ətshə ə̂në tshə sə trö ndə kə wa ngbanga asorô də akuzu kɔ ə yisə̂ âdâ əpʉ je.

4 Əzü bale bale lə takpa tə̂ e wüsə̂ äwä kə za yashe tə̂ äwä ə̂në ə sə tə ə̂rɔ̂nə kɔ, tə̂ äwä kə lʉ tə̂ ye*, 5 kanika əgo aəmbrʉ aərə ro pâ e ro ne, mata adulu ə̂në əndje wusə̂ Ndjapä wu ne kɔ.

13 Ndjapä nə djɔ̂ əzə̂ tshekudu awlra əbutshe gâ ye â kô əzə̂ ə rô də əzə̂ gâ lə əgɔngerə nə̂ Ɨrɨ nə ə̂në tshə yində ye rô pâ nə kɔ gâ ye. 14 Tə̂ äwä Ɨrɨ nə səkɔ də̂ tshə djɔ̂ əzə̂ lə əmbrʉ ərə gâ ye â gbâ tshelə anyaka lə kumu əzə̂ gâ ye kɔ.

20 Ndjapä nə yîsə̂ nə gashu gâ ye lə Kristə nə, alɔ ə̂në tshə shê ətshə lə takpa tə̂ akuzu gâ ye â zâ ətshə â tshə sə gâ tʉ gâ ndə ndəkɔ ye mâ lafɔ kɔ. 21 Â Kristə nə sə gâ pâ aərə nɔ̂ ə̂në ə sə də awlra, ə̂në ə sə kə za ama kɔ, ə̂në ə sə kə mbrə ngerə kɔ, gâ pâ əɨrɨ tshe kpəsəye nɔ̂ ndje də əɨrɨ tshe dambʉ nɔ̂.

20 Ənə̂ əzə̂, əgɔ nə̂ əzə̂ sə mâ lafɔ-e, â mâ je də̂ Âgbɔ̂ Əyïngerə Jezu Kristə ə to â gu, ə̂në a sə kə ka mbrə ətshə tə Awoshe azü kɔ. 21 Mbrə ə̂në tshə do tshekotə̂ əzə̂ nə̂ gana nə mata tshekotə̂ ye nə̂ ə̂yî je tə̂ äwä awlra ə̂në tshə lï ndə kə ko aərə nɔ̂ də nə gâ tshekudu ye kɔ.

9 Ä wusə̂ nə ə pa Kristə nə ə̂në tshə shê lə takpa tə̂ akuzu gâ ye kɔ, tshə sə sə kə tshu kwatə̂ye ne; kuzu sə sə də awlra gâ pâ ye kwatəndje ne.

8 Azü ə̂në əndje sə kə mbrə tə̂ əndje Lïndə̂ lɔsu əndje kɔ, əndje lï lï ndə kə fʉ lə ala Ndjapä ne.

9 Ənə̂ e, e sə sə kə mbrə tə̂ e Lïndə̂ lɔsu e nə̂ əzü ne, bale e sə kə mbrə tə̂ e Lïndə̂ Âgbɔ̂ Yîrə̂ nə, mbrə ə̂në Âgbɔ̂ Yîrə̂ nə sə lə e. Əzü ə̂në tshə sə sə də Yîrə̂ Kristə nə ne, tshə sə sə tə əzü nə̂ ye ne.

22 Bale, ə̂në azü nɔ̂ sə kə tshu nə mbrə ə̂në əndje sə tə angwa Adamə kɔ, äwä bale ndje, azü nɔ̂ sə kə sɔtə̂ sorô lə Kristə nə, 23 bale əzü bale bale kpə ə̂sə̂ ye: Kristə nə tə kumu nə, mandânə, azü nə̂ Kristə nə sə kə she nə alɔ ə̂në tshə sə kə gu nə. 24 Gâ mandânə, aərə nɔ̂ sə kə nglɔ nə, alɔ ə̂në Kristə nə sə kə za ngerə gâ lə kəna Abä də Ndjapä, mandânə ə̂në tshə lîwu awlra nɔ̂ də alayïworɔgbɔ nɔ̂ ə̂në əndje sə gâ pâ aərə nɔ̂ kɔ gâ ye. 25 Mbrə ə̂në Kristə nə lï ndə kə pa tshə sə də ngerə gâ pâ aərə nɔ̂ ʉrrr Ndjapä ko alayïkowɔ nə̂ Kristə nə nɔ̂ gâ tshekudu ə̈nü ye gâ ye kane.