34 तब् येशू मनैनहे और अपन चेलनहे अपन थेन बलैलाँ, और येशू ओइन्हे कलाँ, "यदि तुहुरे मोरिक संग आई चहथो कलेसे, तुहुरिन्हे अपनहे बिस्राई परी। तुहुरिन्हे मोरिक लग दुःख सहे परी, यहाँसम कि तुहुरिन्हे मुअक लग फेन तयार हुई परी। तब् तुहुरे मोरिक चेला बनक लग अपन क्रूस उठाके मोरिक संग आई सेक्बो।

31 फेनदोस्रे दोसुर सक्कुहुनसे खास आज्ञा यी हो, ‘दोसुर जहनसे फेन ओत्रै प्रेम करो, जतरा प्रेम तुहुरे अपनहे करथो।’ परमेश्वर यी दुईथो आज्ञासे भारी कौनो आज्ञा नै देले हुइँत।"

20 यी असिन हो जब ख्रीष्ट क्रूसमे मुलाँ ते मै फेन मुगिनु। आब मै नै होके ख्रीष्ट मोरिकमे जिथाँ। यी अब्बे शरीरमे जिलक जीवन मै परमेश्वरके छावकमे विश्वास करके जिअतुँ। जे महिन्हे अतरा प्रेम करलाँ कि मोरिक लग अपन ज्याने दैदेलाँ।

3 स्वार्थ या घमण्डसे कुछु ना करो, पर जतरा आदर तुहुरे अपनहे करथो, उहिसे धेउर आदर तुहुरे दोसुर जहनहे करो।

24 पर मै अपन जीवनहे कौनो मोलके और अपन लग दुलार नै मन्थुँ। बेन अतरा किल चहथुँ, कि परमेश्वरके अनुग्रहक खुशीक खबरके गवाही देहक लग मोरिक दौड़ और प्रभु येशूकमेसे मिलल मोरिक सेवकाई मै पूरा करे सेकुँ।"

24 केऊ फेन अपन किल भलाई ना खोजिँत। पर दोसुर जहनके लग फेन भलाई करना कोशिस करे परत।

4 जोन मनै दोसुर जहनहे प्रेम करथाँ, ओइने धिरजतासे और दयासे काम करथाँ। ओइने बिह्रे नै मुथाँ, ओइने अपन प्रशंसा नै करथाँ, और ओइने घमण्ड फेन नै करथाँ। 5 प्रेम करुइया मनै दोसुर जहनहे अनादर नै करथाँ। ओइने स्वार्थी नै रथाँ, ओइने झत्ते नै रिसैथाँ, और ओइन्के विरोधमे कलक खराब बात ओइने महा सहजसे बिस्राजिथाँ।

18 अपनहे धोखा देना बन्द करो। यदि तुहुरिन्मेसे केऊ फेन मै यी संसारके मनैनके विचारमे समझदार बतुँ कहिके सोँचत कलेसे तुहुरिन्हे यी संसारके मनैनके नजरमे अपनहे मूर्ख बनाई परी, ताकि तुहुरे जात्तिकमे परमेश्वरके नजरमे बुद्धिमान बने सेको।

2 हम्रे प्रत्येक जाने दोसुर जहनके विश्वासहे बल्गर बनाइक लग ओइन्हे खुशी बनैना काम और ओइन्हे सहयोग करे परत।

16 काकरेकी जहाँ तुहुरे अपन-अपन मनमे डाह और स्वार्थ धर्बो कलेसे वहाँ अशान्ति और हरेक मेरके दुष्ट काम हुई।