10 Taani neenana de’iyaa diraw yayyoppa; taani ne S’oossaa gidiyaa diraw dagammoppa. Taani neena minisana; k’ay taani neena maaddana. Taani neena ta s’ooniyaa ushechcha kushiyan zemppisaade oyk’k’ana.

2 Neeni haatsaa gidduwaana pinniyaa wode, taani neenana gidana. Neeni shaafatuwaa gidduwaana pinniyaa wodekka unttunttu neena muukkikkino. Neeni tamaa giddona aad’d’iyaa wode, s’uugettakka; lac’uukka neena meenna.

4 Neeni ta sintsan al"anne bonchcho gidiyaa dirawunne, taanikka neena siik’iyaa diraw, ne laamiyaw asaa, ne shemppuwaa laamiyawukka kawutetsatuwaa immana.

5 «Taani neenana de’iyaa diraw yayyoppa; taani ne zeretsatuwaa wulahaappenne dolahaappe shiishshaade ahana.

4 «Yayyoppa; ayaw gooppe, neeni yeellatakka. Dagammoppa; ayaw gooppe, neeni kawushakka. Neeni ne yalagatetsaa yeellaa dogana; ne am"etetsaa boriyaakka hawaappe sintsan hassayakka.

1 S’oossay hawaadan yaagee; «Taani taana oochchibeennawanttoo k’onc’c’aad; k’ay taana koyibeennawanttoo beettaad. Taani ta suntsaa s’eesibeenna kawutetsaw, ‹Ta hawaana! Ta hawaana!› yaagaade koyaad.✝

31 Shin Med’inaa Godaa ammanettiide naagiyaawanttu, barenttu wolk’k’aa ooratsana. Unttunttu arggantsatuwaadan, k’efiyaan pude kesana; wos’s’iide daaburikkino; hamettiidekka wolk’k’aa wurikkino.

8 Hewaappe guyyiyaan Goday, «Oona kiittoo? Nuw oonee baanawe?» yaagishin sisaad. Hewekka, «Hekko, taana kiitta» yaagaad.

9 Minna; s’ala! Ne biyaasa’aa ubbaan taani Goday ne S’oossay neenana de’iyaa diraw, yayyoppa! Hirggoppa! gaade taani neena azazaad» yaageedda.

9 Minna; s’ala! Ne biyaasa’aa ubbaan taani Goday ne S’oossay neenana de’iyaa diraw, yayyoppa! Hirggoppa! gaade taani neena azazaad» yaageedda.

16 Asay zaariide, «Med’ina Godaa aggi bashiide, hara s’oossatoo goynnanawe nuuppe haakko! 17 Gibs’e gadiyaappe, ayiletetsaa golliyaappe, nuunanne nu aawotuwaa kessiide aheedawe, he wolk’k’aama malaatatuwaa nu s’eellishin ootseeddawe, nuuni beedda ogiyaa ubbaaninne aad’d’eeda biittatuwaa ubbaa gidduwaan nuuna naageeddawe, Med’ina Godaa nu S’oossaattenne.

6 Minnite; ayinne baawa; yayyoppite. Unttuntta be’iide dagammoppite. Ayaw gooppe, Med’inaa Goday hintte S’oossay hinttenanna gidanawaa. I hinttena yeggenna woy aggena» yaageedda.

8 I Med’inaa Goday bare huup’iyaw neenana gidiide neena kaaletsana. I neena olenna; ayinekka neena aggena. Hewaa diraw, yayyoppa; ne wozanaan dagammoppa» yaageedda.✝

31 Yaatina, nuuni hawaa ubbaa waaganee? S’oossay nu bagga gidooppe, nuuna ooni ek’ettanawe?

15 Ayaw gooppe, nuuni nu kooshshaa d’ok’k’u ootsiide, «Abbaa! Ta Aabboo» yaagiide s’eesiyaa, nuuna S’oossaa naanaa kessiyaa Geeshsha Ayaanaa S’oossaappe akkeeddoppe attin, laa’entsuwaa yayyanaw ayile kessiyaa ayaanaa akkibeykko.

2 Nuuni huup’iyaan huup’iyaan nu ishaa maaddanaw, ammanuwaan Aa minisanawunne nashechchanaw bessee.

5,6 Hinttenttu ubbay itti wozana gidiide, itti k’aalaan S’oossaa, nu Godaa Yesuusi Kiristtoosa Aawuwaa, bonchchana mala, genc’c’uwaanne minotetsaa immiyaa S’oossay, hinttenttoo Kiristtoosi Yesuusi ootseeddawaadan, ittuu ittuwaanna ittippe de’iyaa itti k’ofaa immo.

11 Ayaw gooppe, taani hinttentta minisanaw, hinttenttunna ittippe Ayaanaa imotaa shaakkana mala, hinttentta be’anaw laamotay. 12 Taani giyaawe, hinttenttukka takka itti wode minettana. Hinttenttu ta ammanuwaan, k’ay taanikka hintte ammanuwaan minettana.

13 Kiristtoosi taw immeedda wolk’k’an, ubbabaa ootsanaw taani danddayay.

6 K’ay hinttenttu giddon lo"o oosuwaa doommeedda S’oossay, Kiristtoosi Yesuusi simmiyaa gallassay gakkanaw polanawaa eray.

17 Hewaa diraw, ooninne Kiristtoosanna de’ooppe, ooratsa med’etaa; c’imay aad’d’eedda; be’ite, ubbabaykka ooras’s’eedda.

16 Hewaa diraw, nuuni salettokko; nuw haray atto, bolla bagga asatetsay wook’k’inttokka, garssa bagga asatetsay gallassan gallassan ooras’s’ee.

17 Ayaw gooppe, ha"iw waayettiyaa ha guutsa waayyii, ubbaappe loytsi dariyaa med’inaa bonchchuwaa nuw beetissana.

7 Shin ubbaappe aad’d’iyaa wolk’k’ay S’oossawaappe attin, nuussa gidennawaa bessanaw nuw ha minjjay urk’k’aappe med’etteedda miishshaa gideedda nu giddon de’ee.

8 Nuuni ubbaa bagganakka un"etteeddo; shin me’erettibeykko; k’ay itti itti wode sid’eetto; shin nu ubbaannakka aggibeykko. 9 Nuuni yederssetteeddo; shin S’oossay nuuna olibeenna; k’ay nu morkketuu nuuna oli aggeeddino; shin nuuni d’ayibeykko. 10 K’ay Yesuusa de’uu nu asatetsan beettana mala, nuuni ubbaa wode Aa hayk’uwaa nu asatetsan tookki yuuyyeetto. 11 Ayaw gooppe, hayk’k’iyaa nu asatetsaa bolla Yesuusa de’uu beettana mala, pas’a de’iyaa nuuni Aa diraw, ubbaa wode hayk’k’eetto.

11 Hewaa diraw, nuuni S’oossaw yayyussay ayentto eriide, hewaadan k’ay asaakka ammantseetto; S’oossay nuuna ubbaanna eree; k’ay hinttekka hintte wozanaa k’ofaan nuuna eriita yaagaade k’oppay. 12 Beettiyaaban c’eek’ettiyaawanttuppe attin, wozanaan de’iyaawan c’eek’ettenna asatoo hintte odi zaariyaabay de’ana mala, hintte nuunan c’eek’ettanaadan, nuuni hinttenttoo gaasuwaa gidanaw koyyiyaawaappe attin, nuuna galatanaw koyyokko. 13 Nuuni gooyiyaawaa gidooppe, S’oossaa bonchchuwaassa; woy k’ay wozanaanna de’iyaawaa gidooppekka, hinttena go"anaassa. 14 Kiristtoosa siik’uu nuuna giddee; ayaw gooppe, itti Asay asaa ubbaw hayk’k’eeddawaa nuuni akeekeeddo; hewaa gidooppe Asay ubbay aanana hayk’k’eedda. 15 Pas’a de’iyaawanttu barenttu diraw hayk’k’eeddawoonne k’ay hayk’uwaappe denddeeddawoo de’anaappe attin, sintsappe barenttu huup’ew de’enna mala, I asaa ubbaa diraw hayk’k’eedda.

16 Hewaa diraw, nuuni hawaappe sintsaw oonanne asaa k’ofaan pirddokko; haray atto, nuuni Kiristtoosa kase asaa k’ofaan pirddeeddawaa gidooppekka, simmi sintsappe hewaadan pirddokko. 17 Hewaa diraw, ooninne Kiristtoosanna de’ooppe, ooratsa med’etaa; c’imay aad’d’eedda; be’ite, ubbabaykka ooras’s’eedda. 18 Kiristtoosa baggana nuuna barenanna sigetseedda S’oossay ubbabaakka ootseedda; k’ay I nuw haratuwaa barenanna sigetsiyaa oosuwaa immeedda. 19 S’oossay Kiristtoosa baggana asaa ubbaa barenanna sigetsee; asaa nagaraakka asaa bolla paydenna; k’ay asaa barenanna sigetsiyaa kiitaakka nuw immeedda.

20 Simmi S’oossay nu baggana hinttenttoo haasayiyaawaadan, nuunikka Kiristtoosa diraw haasayiyaa I kiitteeddawantta; k’ay nuuni hinttena, «S’oossaanna sigettite» giide, Kiristtoosa diraw woosseetto. 21 Nuuni S’oossaa s’illotetsaa Kiristtoosa baggana akkana mala, nagaraa erenna Kiristtoosa nu diraw, S’oossay nagaranchcha ootseedda.

12 Ayaw gooppe, itti uray immanaw loytsi koyyooppe, I barew de’eedda keenaa immanaappe attin, aw baynnawaa aappe akkena.

3 S’oossaa nu Godaa Yesuusi Kiristtoosa Aawuwaa, maarotetsaa Aawuwaanne mentsetsuwaa ubbaa S’oossaa galatay gakko; 4 S’oossay nuuna nu huup’ew mentsetseedda mentsetsuwaadan, daro waayiyaa waayettiyaawantta nuunikka mentsetsanaadan, nu waayiyaa ubbaan I nuuna mentsetsee.

33 Hinttenttu Ta giddon de’iidde, saro de’ana mala, Taani hawaa hinttenttoo odaaddi. Alamiyaan hinttenttu waayettana. Shin minnite; Taani alamiyaa s’oonaad» yaageedda.

33 Hinttenttu Ta giddon de’iidde, saro de’ana mala, Taani hawaa hinttenttoo odaaddi. Alamiyaan hinttenttu waayettana. Shin minnite; Taani alamiyaa s’oonaad» yaageedda.

27 «Taani sarotetsaa hinttenanna wotsay; Ta sarotetsaa hinttenttoo immay. Taani alamii immiyaa sarotetsaa malaa immikke. Hinttenttu hirggoppitenne yayyoppite.

27 «Taani sarotetsaa hinttenanna wotsay; Ta sarotetsaa hinttenttoo immay. Taani alamii immiyaa sarotetsaa malaa immikke. Hinttenttu hirggoppitenne yayyoppite.

18 Siik’uwaan yashshi baawa; gaasuukka tumu siik’uu yashshaa kessi olee. Yashshaynne muray ittippe biyaa diraw, yayyiyaa uraa siik’uu kumentsaa gidenna.

28 «Daaburanchchatoo, dees’uwaa tookkowanttoo ubbatoo, taakko haa yiite; taani hinttentta shemppissana.

28 Ashuwaa wod’iyaawanttoo yayyoppite; unttunttu, shemppuwaa wod’anaw danddaykkino. Shin shemppuwaanne ashuwaa Gaannamiyan d’ayissanaw danddayiyaa S’oossaw yayyite.

22 Ne tookuwaa Med’inaa Godaan wotsa;

I neena zemppissana.

S’oossay awudenne s’illotuu

shabbarettanaadan ootsenna.

4 Neeni ta S’oossay taananna de’iyaa diraw,

Taani d’ip’p’i go d’umaa zanggaaraa gidduwaanna booppekka,

iitabaw yayyikke.

Ne gatimaynne ne guufii taana mintsetsiino.

4 Neeni ta S’oossay taananna de’iyaa diraw,

Taani d’ip’p’i go d’umaa zanggaaraa gidduwaanna booppekka,

iitabaw yayyikke.

Ne gatimaynne ne guufii taana mintsetsiino.

1 Med’inaa Goday taw poo’onne taana ashshiyaawaa;

yaatina, taani ow yayyanitaa?

Med’inaa Goday ta de’uu naagettiyaa miis’aa;

yaatina, taani ow dagammanitaa?

14 Med’inaa Godaan hidootaa wotsa;

minnaadenne wozanaamaade, Med’inaa Godaan hidootaa wotsa.

24 Hinttenoo, Med’inaa Godaan hidootaa ootsiyaawanttoo,

minnitenne wozanaamite.

8 S’oossay, «Taani neena erissananne,

neeni baanaw bessiyaa ogiyaa neena tamaarissana;

Taani neena zorananne naagana.

1 S’oossay nuuni naagetti attiyaa saanne nuw wolk’k’aa.

Nuuna metuu gakkiyaa wode,

maaddanaw I ubbaa gede matan de’ee.

2 Hewaa diraw, biittay k’aas’s’inttokka,

woy deretuu abban kunddinttokka,

Nuuni yayyokko.

3 Abbaa beetay guummiide, hoommuwaa mayninttokka,

Aa wolk’k’aama hobbiyan deretuu yiik’k’iyiik’k’inttokka,

nuuni yayyokko.

3 Taani yayyeedda wode,

neenan ammanettay.

4 Taani S’oossan ammanettay;

Taani Aa k’aalaa galatiyaa S’oossan

ammanettaynne yayyikke.

Asay taana ayaa ootsanee?

17 Godaa nu S’oossaa keekkatetsay nu bollan gido;

nu kushiyaa oosuwaa nuw suurissa.

Ee, nu kushiyaa oosuwaa suurissa.

1 Taani d’ok’k’u gaade wogga deretuwaa s’eellay;

taw maaduu hak’appe yanddeeshsha?

2 Taw maaduu

saluwaanne sa’aa med’d’eedda Med’inaa Godaappe yee.

8 Taani ubbaa gede Med’inaa Godaa taappe sintsayay✝

I taappe ushechcha baggana de’iyaa diraw,

taani hirggikke.

9 Med’inaa Goday un"etteeddawanttoo bak’ati attiyaawaa;

meto wodiyaankka geli attiyaa geessuwaa.

10 Ne suntsaa eriyaawanttu neenan ammanettiino;

ayaw gooppe, Med’inaa Godaw, neeni neena koyiyaawantta yegga agga beykka.

7 I hinttenttoo k’oppiyaa diraw, hinttena hirggissiyaa ubbabaa Aa bolla olite.

6 Ha"i guutsaa wodew haray atto dumma dumma paac’iyaan hintte paac’ettanaw koshshooppekka, hawaan daro nashettite.

13 Hintte lo"obaa ootsanaw amottooppe, hinttena k’ohanawe oonee? 14 Shin haray atto, s’illotetsaa diraw hintte waayettooppekka, anjjetteeddawantta. Asaw yayyoppitenne hirggoppite.✝

11 Hewaa diraw, hinttenttu k’ay ha"i ootsiyaawaadan, haratuwaa mentsetsitenne ittuu ittuwaa dichchite.

11 Hewaa diraw, hinttenttu k’ay ha"i ootsiyaawaadan, haratuwaa mentsetsitenne ittuu ittuwaa dichchite.

24 Ittuu ittuwaanna waan siik’ettanenttonne k’ay lo"o oosuwaa wooti ootsanentto, ittuu ittoo k’oppeetto. 25 Ittuu ittuu shiik’uwaa dooyaa ootsiide shiik’iyaawaadan, nuunikka ittippe shiik’iyaawaa aggokko; shin Godaa gallassay matattiyaawaa hinttenttu be’iyaa diraw, ittuu ittuwaa mentsetseetto.

5 Miishshaa siik’uwaappe hinttentta naagite; hinttenttoo de’iyaawe hinttenttoo gido. Ayaw gooppe, S’oossay bare huup’ew,

«Taani neena ubbaakka yeggikke

woy aggikke»

yaageedda.✝

6 Hewaa diraw, nuuni s’aliide,

«Goday taana maaddiyaawaa;

taani yayyikke.

Asay taana ay ootsii?»

yaageetto.✝

58 Taani siik’iyaa taanaadan ammaniyaawanttoo, hewaa diraw, k’aas’s’ennaan min ek’k’ite. Hinttenttu daaburay Godaa baggana mela gidennawaa eriide, ubbaa wode Godaa oosuwaa azallenan ootsite.

13 Beegottite. Ammanuwaan min ek’k’ite. S’alite. Goobite.

13 Beegottite. Ammanuwaan min ek’k’ite. S’alite. Goobite.

7 Ayaw gooppe, S’oossay nuw wolk’k’aa, siik’uwaanne nu huup’iyaa naagiyaawaa immiyaa Geeshsha Ayaanaa immeeddappe attin, yashshaa ayaanaa immibeenna.

20 Hewaappe guyyiyaan, Daawite bare na’aa Solomona, «Aynne baawa; minna! Oosuwaa ootsa! Med’inaa Goday S’oossay, ta S’oossay neenana de’iyaa diraw, yayyoppa; dagammoppa! Med’inaa Godaa Geeshsha Golliyaa kiitay polettana gakkanaw, S’oossay neena yeggennanne aggena.

17 Med’inaa Goday ne S’oossay ne giddon de’ee; I new s’oonuwaa immiyaa olanchchaa. I neenan nashettana; I bare siik’uwaan neena ooras’s’isana; Asay baala gallassi yes’s’iyaawaadan, I neenan nashetteedawaa mazamuriyaa yes’s’iide bessana» yaagana.

11 Ayaw gooppe, taani hinttew halchchiyaa halchchuwaa taani Med’inaa Goday eray; hewekka, hinttew sintsa hidootaanne nashshechchaa immana mala, saro halchchuwaappe attina, iita halchchuwaa gidenna.

23 Minniide ootsiyaawaan ubbaan go"ay de’ee; shin c’oo mela haasayay hiyeesatetsaa s’alala ayee.

17 Yaatiide unttuntta, «Taana kaallite; taani hinttentta moliyaa oyk’k’iyaawaadan asaa taakko ahiyaa ogiyaa tamaarissana» yaageedda. 18 Hewaappe guyyiyaan unttunttu ellekka barenttu dabbaa aggiide, Yesuusa kaalleeddino.

2 S’oossay k’amma akumuwaan Aa, «Yaak’ooba, Yaak’ooba» yaageedda.

I, «abee» giide koyeedda.

11 S’oossaa kiitanchchay akumuwaan taana, ‹Yaak’ooba› yaageedda; taani, abee yaagaadde koyaad.

11 Shin Med’inaa Godaa kiitanchchay saluwaappe Aa, «Abrahaamee, Abrahaamee» yaagiide s’eeseedda.

I, «Abee» giide koyeedda.

4 I be’anaw yaa beeddawaa Med’inaa Goday be’iide aac’aa giddoppe S’oossay Aa, «Muse! Muse!» yaagiide s’eeseedda.

Muse, «Abee» giide koyyeedda.

16 Eeli Sammeela, «Ta na’aw Sammeelaa» yaagiide s’eeseedda.

Sammeeli, «abee» giide koyeedda.

10 Damask’k’on itti Hanaaniyaa giyaa kaalliyaawe de’ee; Goday sas’aan Aa, «Hanaanew» yaageedda.

Hanaanii, «Ta Godaw, hawaan de’ay» yaageedda.

38 Mayraamakka, «Taani Godaa ayilatto; neeni goowaadan hano» gaaddu. Hewaappe guyyiyaan kiitanchchay izi matappe beedda.

6 «Ichcheshu suunniyaa kafatuu santtimiyaan shamettikkinooyye? Hewanttuppe ittinnonne usa S’oossay dogenna. 7 Shin haray atto hinttenttu huup’iyaan de’iyaa binnaanay ubbaykka paydetteeddawaa; hawaa diraw yayyoppite; hinttenttu c’ora suunniyaa kafatuwaappe dariita.