Encorajamento
O encorajamento é uma das vocações mais lindas do cristão. A Bíblia transborda de palavras de ânimo: não temas, levanta-te, Eu sou contigo. Deus nos encoraja para encorajarmos outros.
Não temas
Deus diz repetidamente: não temas, Eu sou contigo. Ele fortalece, sustenta e caminha ao nosso lado em cada desafio.
तम्हैं निं डरी आथी, तम्हां संघै आसा हुंह!
हुंह आसा थारअ परमेशर, तम्हां निं कोही का डरने ज़रुरत आथी!
तम्हां लै बल दैणअ मुंह अर थारी मज़त बी करनी मुंह।
तम्हैं नढैऊणैं मुंह हाथै ढाकी संघा डाहणैं बच़ाऊई।
ज़ेभै तम्हैं डुघअ दरैअ टपे, हुंह हणअ तेभै तम्हां संघै,
हुंह निं तम्हां तेथ डुबणै दैंदअ।
ज़ै तम्हैं भकी दी आगी बाती डेओए, तेता करै निं हुंह तम्हां दझ़णैं दैंदअ,
तम्हैं निं धख बी झल़ुशणैं आथी।
थारी ज़िन्दगी बच़ाऊंणे पिछ़ू छ़ाडणैं मुंह सोभ देश,
किल्हैकि तम्हैं आसा मुल्है सोभी मणछा का खास अर किम्मती।
किल्हैकि हुंह झ़ूरा तम्हां लै खास्सअ अर हुंह करा थारअ अदर।
तम्हैं निं डरी आथी, तम्हां संघै आसा हुंह आप्पै!
तम्हैं आणनैं मुंह पुर्ब-पछ़म दूरा-दूरा का
थारै घअरा लै बापस फरेऊई।
तूह निं डरी आथी, ताह निं ऐबै भिई शर्मिंदी हणअ पल़णअ,
तूह निं हैअ चोल़ी आथी।
तूह जाणीं तेऊ विश्वास घाता बिस्सरी ज़ुंण तंऐं ज़ुआनी दी किअ,
ऐहा गल्ले माल़ी निं च़ेती कि तूह छ़ुटी बिधबा बेटल़ी ज़ेही कल्ही।
बिधाता बोला इहअ, "हुंह त मेरी परज़े हर गल्ला लै ज़बाब दैणा लै तैर, पर तिन्नैं निं मुखा अरज़ ई किई! हुंह त भाल़अ लागअ द कि तिंयां मुंह लोल़े, पर तिंयां निं धख लोल़ै भाल़ै बी लागै! ज़ुंणीं देशै मुंह सेटा अरज़ बी नांईं किई, तिन्नां लै बी रहअ हुंह बोल्दअ लागी, ‘हुंह आसा इधी, हुंह करूं थारी मज़त।’
पर ज़ुंण बिधाते आसरै रहा, अर ज़ुंण तेऊ का मज़त मांगा,
तिन्नां भेटणअ ताज़अ ज़ोर।
तिन्नां लागणै मुक्षरलै ज़िहै नऊंऐं फैंख,
तिन्नां बाहणीं ठुहर पर तिन्नों शाह निं फुलणअ,
तिंयां निं हांढी-हांढी बी दुबल़ै हणैं।"
तेखअ शूणअ मंऐं मालक इहअ बोल्दअ, "हुंह कहा छ़ाडूं? हाम्हां बाखा कुंण डेऊणअ?"
मंऐं दैनअ ज़बाब, "हुंह आसा भाल़ इधी! मुंह छ़ाड!"
इहअ डाहै आद कि ताल्है आसा मंऐं हुकम किअ द, तूह डाहै हैअ! तूह निं डरी आथी अर नां हैअ चोल़ी। किल्हैकि ज़िधी-ज़िधी तूह डेओए, तिधी-तिधी रहणअ हुंह तेरअ परमेशर बिधाता ताह संघै आप्पै।"
इहअ डाहै आद कि ताल्है आसा मंऐं हुकम किअ द, तूह डाहै हैअ! तूह निं डरी आथी अर नां हैअ चोल़ी। किल्हैकि ज़िधी-ज़िधी तूह डेओए, तिधी-तिधी रहणअ हुंह तेरअ परमेशर बिधाता ताह संघै आप्पै।"
तेखअ दैनअ सारी परज़ा ज़बाब, "बिधाता छ़ाडी होरी देअआ-देबीए पूज़ा निं हाम्हैं कधि लोल़ी किई! अह परमेशर आसा म्हारअ सह ई बिधाता ज़ुंणी म्हारै दाद-बाब मिसर देशे गलामी का आणै काढी, हाम्हैं आसा तेऊए बडै-बडै नुआहरै च़मत्कार आपणीं आछी भाल़ै दै। ज़हा-ज़हा देशा जैंदरा बाती हाम्हैं आऐ: तेऊ किई तेथ हर ज़ैगा म्हारी फाज़त।
"तम्हैं निं आपणअ हैअ चोल़ी! नां तम्हैं जरदण पार बस्सै दै तेऊ देशे लोगा का डरी आथी। किल्हैकि बिधाता हणअ सदा तम्हां बाखा आप्पै अर सह निं तम्हां कल्ही छ़ाडदअ"
बिधाता पजैल़णैं तैहा ज़ैगा तम्हैं आप्पै अर तेऊ निं तम्हैं कल्ही छ़ाडणैं, तूह निं आपणैं दुशमणा का डरी अर नां हैअ चोल़ी।"
Deus está conosco
Se Deus é por nós, quem será contra nós? Tudo posso naquele que me fortalece. Ele nos encoraja pela sua presença.
इना सोभी गल्लो नचोल़ निखल़ा इहअ कि, ज़ै परमेशर हाम्हां बाखा होए, तै निं हाम्हां का कोहै ज़िती सकदअ।
किल्हैकि तम्हां निं एही आत्मां आथी भेटी दी ज़ुंण तम्हां गलाम बणांए ज़हा डअर हआ लागी दी। पर तम्हां आसा पबित्र आत्मां भेटी ज़ुंणी तम्हैं आपणीं लुआद हणां लै भोसल़ै ढाकै। ज़हा लै हाम्हैं बाबा, बाबा बोली हाक्का लाआ।
हाम्हां सोभी लागा इहअ भलअ करनअ ज़ेता करै होरीए दिल खुश होए अर ज़ेता करै तिन्नां विश्वासा दी पाक्कै हणां लै मज़त होए।
हुंह करा परमेशरा का तम्हां लै एही प्राथणां कि सह तम्हां लै सबर अर हैअ दैए अर तेता करै तम्हां मसीहा ईशू दी एक हई मिल़ी-ज़ुल़ी रहणें मज़त होए।
किल्हैकि मेरअ दिल आसा तम्हां सेटा एछणा लै चाछल़दअ लागअ द, कि हुंह तम्हां लै आत्मिक बरदान दैई सकूं ताकि तम्हैं परमेशरे झींण अर विश्वासा दी पाक्कै होए। मेरअ बोल़णैंओ मतलब आसा इहअ कि हुंह च़ाहा इहअ कि हाम्हैं एकी-दुजै लै आपणैं मसीहा दी विश्वास करने बारै खोज़ी करै हैअ दैई सके।
मसीहा ज़ुंण मुल्है शगती दैआ तेऊ दी सका हुंह सोभ किछ़ करी।
मुंह आसा ऐहा गल्लो भरोस्सअ कि ज़ुंणी परमेशरै तम्हां दी बधिया काम करनअ शुरू किअ, तेऊ ई करनअ सह ईशू मसीहे फिरी एछणें धैल़ी तैणीं पूरअ।
तै ज़ै ज़ुंण कुंण मसीहा दी विश्वास करा, सह आसा नऊंईं देही पराणीं गल्ला गई बिति भाल़ा, सोभै गल्ला हुई नऊंईं।
म्हारअ मन्न निं धिठअ हंदअ, ज़ेभै म्हारी देही बागा का हर धैल़ै पराणीं लागा हंदी, परमेशर बणाआं हाम्हां भितरा का म्हारी आत्मां दी हर धैल़ै नऊंऐं।
किल्हैकि घल़ी-पलो हल़कअ ज़िहअ कष्ट करा हाम्हां लै ज़रूरी सदा रहणैं आल़ी ज़िन्दगी अर प्रतप्प पैईदा।
हाम्हां का आसा ऐबै अह प्रैश्शअ म्हारै दिलै लागअ द च़मकदअ पर हाम्हैं आसा माट्टे भांडै ज़िहै ज़ेथ अह धन आसा डाहअ द, एता करै हआ अह गल्ल साफ कि अह नथहई शगती निं हाम्हां बाखा आथी पर अह आसा परमेशरा बाखा।
हाम्हां लै च़ऊ बाखा खरी, एछा, पर हाम्हां निं तेते परबाह हंदी। हाम्हैं कई बारी, झाखिआ पर आशा निं छ़ाडदै। हाम्हां दुख; हआ, पर हाम्हैं निं कल्ही आथी, हाम्हां दैआ लोग उंधै दाबणी पर हाम्हैं उखल़ा भिई उझै। हाम्हैं हआ हर बगत मौते खातरै दी ताकि लोग म्हारै कामां करै मसीहा ईशूए ज़िन्दगी भाल़े।
किल्हैकि हाम्हैं हआ ज़िऊंदी-ज़िता प्रभू ईशू पिछ़ू सदा मौते खातरै दी कि ईशूए ज़िन्दगी बी म्हारी ऐहा देही दी प्रगट होए ज़ुंण एकी धैल़ी खतम हणीं।
इहअ करै समझ़ाऊआ हाम्हैं प्रभूए डरा दी रही लोगा कि सत्ता दी करा विश्वास। परमेशरा का आसा म्हारै बारै सोभी गल्लो थोघ। हुंह डाहा एही आशा कि तम्हां का बी आसा इना सोभी गल्लो थोघ। हाम्हैं निं आपणीं बड़ैई थारै सम्हनै करदै आथी, पर हाम्हैं दैआ तम्हां लै आपणैं बारै दी घमंड करनैओ मोक्कअ, ताकि तम्हैं तिन्नां लै ज़बाब दैई सके ज़ुंण दिला दी निं पर दखाऊटी गल्ला दी करा घमंड।
ज़ै लोग हाम्हां लै इहअ बोला कि ईंयां आसा बेगरै! हाँ ठीक आसा हाम्हैं आसा परमेशरा लै। पर ज़ै हाम्हैं सोठी-समझ़ी बोला तै तेता बोला हाम्हैं थारै फाईदे तैणीं। किल्हैकि मसीहे झ़ूरी करा हाम्हां आपणैं बशै। ज़ै हाम्हैं विश्वास करा कि मसीहा मूंअ हाम्हां सोभी लै, हाम्हैं करा इहअ विश्वास बी कि हाम्हैं सोभै बी मूंऐं म्हारी पराणीं ज़िन्दगी लै। मसीहा मूंअ एते तैणीं सोभी लै कि ज़ुंण ज़िऊंदअ आसा, सह निं आजू पोर्ही आप्पू लै ज़िऊई, पर तेऊ लै ज़िऊऐ ज़ुंण तिन्नां लै मूंअ अर बादा का हुअ ज़िऊंदअ।
एभा पोर्ही निं हाम्हां कोहिओ नसाफ मणछे सोठणें साबै करनअ। हाम्हैं किअ एकी बारी मसीहो नसाफ बी मणछे साबै पर ऐबै निं हाम्हां तिहअ करनअ। तै ज़ै ज़ुंण कुंण मसीहा दी विश्वास करा, सह आसा नऊंईं देही पराणीं गल्ला गई बिति भाल़ा, सोभै गल्ला हुई नऊंईं।
ईंयां सोभै गल्ला आसा परमेशरा बाखा का, ज़ुंणी मसीहा करै हाम्हैं आप्पू सेटा लै मेल़-ज़ोल़ करी बापस आणै, अर परमेशरा सेटा होरी मेल़-ज़ोल़ करी बापस फरेऊंणे च़ाकरी आसा तेऊ हाम्हां लै दैनी। मतलब परमेशरै हेरै मसीहा करै आप्पू संघै संसारो बी मेल़-ज़ोल़ करी, अर ज़ुंण मणछै पाप बी किऐ, तेतो बी निं तिन्नां लै दोश लाअ आथी अर परमेशरै आसा हेरअ द अह मेल़-ज़ोल़ करनैओ समाद हाम्हां का सभाल़ी।
इहअ करै आसा हाम्हैं मसीहे राज़दूत, इहअ समझ़ा कि परमेशर करा हाम्हां बाती होरी मणछा का अरज़, हाम्हैं करा मसीहा बाखा अरज़, "परमेशरा संघै कर मेल़-ज़ोल़।"
मसीहा निं किछ़ै पाप किअ, सह ई बणाअं परमेशरै म्हारै पापा दी साझ़ू ताकि हाम्हैं मसीहा करै परमेशरा का धर्मीं शुझिए।
ज़ेतरअ बी दान तम्हैं दिला का खुशी-खुशी दैए सह हेरनअ हाम्हां मनी। तम्हैं दैऐ तेता ज़ुंण तम्हां का आसा तेता निं दैई ज़ुंण तम्हां का नांईं आथी।
म्हारै परमेशरो अर प्रभू ईशू मसीहे बाबो शूकर, ज़ुंण हाम्हां लै झींण करनै आल़अ अर सोभी रंगे शांती दैणैं आल़अ परमेशर आसा। सह दैआ म्हारी सोभी खरी दी हाम्हां लै शांती ताकि हाम्हैं बी तिहै ई होरी लै शांती दैई सके। ज़ेभै तिंयां खरी दी होए पल़ै दै तेभै लोल़ी हाम्हैं बी तिन्नां लै शांती दैणैं आल़ै हुऐ ज़ेही परमेशर हाम्हां लै शांती दैआ।
Ânimo nas lutas
No mundo tereis aflições, mas tende bom ânimo — Eu venci o mundo. O Senhor é refúgio seguro em toda tribulação.
"ईंयां गल्ला बोली मंऐं तम्हां का तै कि तम्हां मुंह दी शांती भेटे, संसारै हआ तम्हां भारी कष्ट, पर हैअ डाहै, मंऐं हेरअ संसार ज़िती।"
"ईंयां गल्ला बोली मंऐं तम्हां का तै कि तम्हां मुंह दी शांती भेटे, संसारै हआ तम्हां भारी कष्ट, पर हैअ डाहै, मंऐं हेरअ संसार ज़िती।"
"हुंह दैंऊं तम्हां लै शांती, ज़िहअ संसारे मणछ फिकर दैआ, तिहअ निं हुंह तम्हां लै दैंदअ, मुंह दैणीं तम्हां लै आपणीं शांती ताकि थारअ मन्नैं फिकर नां पल़े अर नां डरे।
"हुंह दैंऊं तम्हां लै शांती, ज़िहअ संसारे मणछ फिकर दैआ, तिहअ निं हुंह तम्हां लै दैंदअ, मुंह दैणीं तम्हां लै आपणीं शांती ताकि थारअ मन्नैं फिकर नां पल़े अर नां डरे।
हाम्हां निं डरने ज़रुरत आथी किल्हैकि हाम्हैं डाहा परमेशरा संघै असली दी झ़ूरी, ज़ुंण परमेशरा संघै झ़ूरी डाहा तिन्नां निं तेऊ का डरने ज़रुरत आथी। किल्हैकि डरा करै हआ कष्ट अर ज़ुंण डरा सह निं झ़ूरी दी पाक्कअ हंदअ।
Promessas de conforto
Vinde a mim os cansados e sobrecarregados. Lança sobre Ele tuas ansiedades, pois Ele cuida de ti.
"तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्नां सोभी गल्ला का बशैघ।
"तम्हैं निं तिन्नां का डरी आथी ज़ुंण थारी देही च़ाहा मारनअ, तिंयां निं थारी आत्मां मारी सकदै। पर डरनअ सिधअ तेऊ परमेशरा का ज़ुंण देही अर आत्मां दुही सका जम्परी खतम करी।
हे बिधाता, हाम्हैं आसा तेरै,
हाम्हैं खोज़ा आपणीं खरी ताखा
अर तूह निं धर्मीं मणछा हारनै दैंदअ।
ज़ै हुंह नटिप्प न्हैरै बाती बी हांढे,
हुंह निं तेथ बी डरदअ किल्हैकि
तूह बिधाता हआ मुंह संघा।
तेरी कुंगल़ी चुंडीए शोठी करा मेरी फाज़त।
ज़ै हुंह नटिप्प न्हैरै बाती बी हांढे,
हुंह निं तेथ बी डरदअ किल्हैकि
तूह बिधाता हआ मुंह संघा।
तेरी कुंगल़ी चुंडीए शोठी करा मेरी फाज़त।
बिधाता आसा मेरअ प्रैश्शअ ज़ुंण मुंह बच़ाऊआ।
हुंह निं कोही का डरदअ।
बिधाता करा मेरी फाज़त आप्पै अर
हुंह निं कधि फिकर करदअ।
सबर डाही रहणअ बिधाता न्हैल़ै-भाल़ै लागी।
हैअ विश्वास डाहणअ पाक्कअ,
हाँ, सबर डाही रहणअ बिधाता न्हैल़ै-भाल़ै लागी।
ओ लोगो, ज़ुंण बिधाता दी आशा डाहा,
तम्हैं डाहा हैअ अर तम्हैं लोल़ी पाक्कै रहै।
हे बिधाता, तूह बोला मुल्है इहअ,
"हुंह खोज़ूं ताखा तैहा बाता ज़ेथ ताह हांढणअ लागा,
हुंह रहूं ताल्है सलाह दैंदअ अर ताह भाल़अ लागी।
म्हारअ बल अर शरण लणें ज़ैगा आसा परमेशर,
खरीए पलका करा सह ई म्हारी मज़त सदा।
च़ाऐ धरती दी केही बी ज़ाज़री होए,
बडै-बडै पर्बत ढूल़ी समुंदरै डुबे, तैबी बी निं हाम्हां किछ़ै डअर।
समुंदर च़ाऐ ज़िहअ बी क्रुंगे, तेता का ज़ेही बी शेफा निखल़े
अर बडी-बडी धारा तेते छ़ाल्ली करै च़ुक्के।
पर हे परमेशर, ज़ेभै बी मुंह डअर लागा,
हुंह डाह तेभै तेरअ ई भरोस्सअ।
हे परमेशर, मेरअ भरोस्सअ आसा ताह ई दी कि मुंह डअर नां लागे,
ज़ुंण तंऐं ज़बान आसा दैनी दी हुंह करा तेते बड़ैई,
तेखअ निं कोहै मणछ मेरअ किछ़ बगाल़ी सकदै।
ए म्हारै मालक, हाम्हां लै लोल़ी तेरी बर्गत हुई।
हाम्हां कर हर कामां दी सफल।
हुंह भाल़ा उझै उछ़टी धारा बाखा लै,
मुल्है मज़त किधा का एछणी?
मेरी मज़त करा सह बिधाता आप्पै
ज़ुंणी सारअ भ्रमंड आसा बणाअं द।
मुंह रहा इहअ धैस्स लागी कि तूह बिधाता आसा हर बगत मुंह संघै,
मुंह निं कोहै डरैऊई सकदअ किल्हैकि तूह आसा मुंह सेटा आप्पै।
रैनै-गरीबा लै शरण आसा तूह बिधाता ई,
किल्हैकि आफ़तीए पलका लुक्कणा लै ज़ैगा आसा तिन्नां का तूह बिधाता ई।
ज़हा का ताह बिधाते बारै थोघ आसा, तिन्नां हआ तेरअ भरोस्सअ,
ज़ुंण ताह सेटा एछा, तेऊ निं तूह कल्ही छ़ाडदअ।
अर आपणीं सारी फिकर छ़ाडा तेऊ दी, किल्हैकि तेऊ आसा थारअ धैन-खैल।
इना सोभी गल्ले बारै लागा तम्हां खुश हणअ च़ाऐ एभै थोल़ी घल़ी कई रंगे तकलिफी तम्हां दुखी किल्है निं करे।
ज़ै तम्हैं हर बगत भली गल्ला करने कोशिश करे, तै निं कोही लाऐ तम्हैं च़िक्की। पर ज़ै कुंण म्हारै धर्मीं बभार हणैं पिछ़ू दुख दैए, तै भेटणीं असली दी हाम्हां बर्गत। तिहअ करा ज़िहअ ईशायाह आसा लिखअ द, "तिन्नां मणछा का निं डरी ज़ुंण हाम्हां लै धमकी दैआ अर ऐहा गल्ले फिकर निं करी कि लोगा किज़ै सका करी।"
Encorajar uns aos outros
Encorajai-vos mutuamente e edificai-vos uns aos outros. Não desanimemos — a bondade do Senhor é nova a cada manhã.
एते तैणीं दैआ एकी-दुजै लै हैअ अर एकी-दुजै लै करा परमेशरा दी विश्वास पाक्कै हणां लै मज़त, ज़िहअ तम्हैं करा बी।
एते तैणीं दैआ एकी-दुजै लै हैअ अर एकी-दुजै लै करा परमेशरा दी विश्वास पाक्कै हणां लै मज़त, ज़िहअ तम्हैं करा बी।
ऐहा गल्लो डाहणअ खास धैन कि आप्पू मांझ़ै एकी दुजे किहअ करै सका झ़ूरी अर भलै कामां करना लै मज़त करी। आप्पू मांझ़ै कठा हणअ निं छ़ाडी, ज़िहअ कि कई भैस्स आसा, पर एकी-दुजै रहा समझ़ाऊंदै लागी, अर ज़िहअ-ज़िहअ प्रभूए फिरी एछणें धैल़ै तम्हैं नेल़ एछदअ भाल़े, तिहअ-तिहअ रहै होर बी खास्सै मिलदै-ज़ुल़दै लागी।
थारअ सभाब निं ढब्बैओ मांण करनै आल़अ लोल़ी हुअ। ज़ुंण तम्हां का आसा तेता ई दी रहा खुश। किल्हैकि परमेशरै आसा आप्पै इहअ बोलअ द,
"मुंह निं तम्हैं कधि कल्ही शोटणै
अर हुंह निं तम्हां लै दैणअ कधि बिस्सरदअ।"
तैही एछा हाम्हां इहअ बोल़णें हिम्मत,
"मेरी फाज़त करनै आल़अ आसा परमेशर,
तैही निं हुंह डरदअ आथी।
संसारे मणछ निं मेरअ किछ़ै बगाल़ी सकदै।"
एते तैणीं बोला हुंह ए मेरै पैरै भाईओ, विश्वासा दी रहा पाक्कै अर गलत शिक्षा करै निं कबाता पेठी, ज़ुंण बी तम्हैं प्रभू लै करा परमेशरा दैणअ तम्हां लै तेतो फल।
बिहुदै रहा, विश्वासा दी रहा बणी, भलाई रहा करदै लागी, अर विश्वासा दी रहा पाक्कै।
बिहुदै रहा, विश्वासा दी रहा बणी, भलाई रहा करदै लागी, अर विश्वासा दी रहा पाक्कै।
परमेशरै निं हाम्हैं डरैल्हू आथी बणाऐं दै। पर तेऊए आत्मां करा म्हारै दिला पाक्कै, सह करा म्हारी होरी लै झ़ूरी करने मज़त अर सह दैआ हाम्हां लै सबर।
तेखअ बोलअ राज़ै दाबेदै आपणैं शोहरू सुलैमाना लै इहअ, "तूह निं हैअ चोल़ी, हिम्मत कर संघा कर आपणअ काम शुरू। एता का निं तूह किछ़ू गल्ला करै पिछ़ू हटी। परमेशर बिधाता ज़सरी च़ाकरी हुंह करा, सह हणअ ताह संघै आप्पै। सह निं ताह शोटी डाहंदअ। तेऊ करनी ताह संघै रही आपणैं भबने काम पूरै करना लै तेरी मज़त।
थारअ परमेशर बिधाता आसा तम्हां संघै।
सह आसा बलबान अर तेऊ हेरनै तम्हैं बच़ाऊई।
तेऊ हणीं तम्हां करै खास्सी खुशी! सह झ़ूरा च़ुपच़ाप तम्हां लै।
तेऊ बोल़णीं गिह किल्हैकि सह आसा तम्हां करै खास्सअ खुश।"
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।
ज़ै तम्हैं मैन्थ करे, तेता करै हआ सदा नफअ ई,
पर बृथा गल्ला दी बगत ज़ांऐं करी एछा गरीबी।
ईशू बोलअ तिन्नां लै, "ज़ेही तम्हैं म्हाछ़ली कठा करदै आसा लागै दै, मुंह संघै च़ाल्ला, हुंह सखाऊं तम्हां मेरै च़ेल्लै हणां लै मणछ कठा करनै।" तिंयां बी लागै तेभी ज़ज़ाल़ा छ़ाडी तेऊ संघै हांढदै।
Deus chama pelo nome
Ao longo da Bíblia, Deus chamou seus servos pelo nome — Abraão, Moisés, Samuel, Paulo — encorajando cada um pessoalmente.
तैहा बैल़ी किई बिधाता धैनै-सुपनै इज़राईला संघै गल्ला, संघा बोलअ इहअ, "याकब, याकब।"
याकबै बोलअ, "किज़ै बोला मेरै मालक?"
"तेखअ बोलअ बिधाते एकी दूतै मेरअ नाअं बोली मुल्है सुपनै, ‘याकब,’ मंऐं दैनअ ज़बाब, ‘मेरअ मालक, किज़ै बोला?’
पर बिधाते एकी दूतै पाई उझै का हाक्का, "आबराम! आबराम!"
आबरामै बोलअ, "किज़ै हुकम मेरै मालक?"
ज़ांऊं बिधाता भाल़अ कि मोसा फिरअ तेता भाल़अ पिछ़ू, तेखअ बोलअ परमेशरै झ़ाकल़े आगी मांझ़ा का, "हे मोसा, मोसा, ए मोसा," मोसा बोलअ, "हुकम मेरै मालक।"
एली शादअ सह संघा बोलअ इहअ, "शमूएल, बेटैआ!"
शमूएलै बोलअ, "ज़ी, किज़ै बोला।"
दमिश्क नगरी थिअ एक हनन्याह नाओं परमेशरे डरा हेठै रहणैं आल़अ च़ेल्लअ। प्रभू ईशू बोलअ तेऊ लै, दर्शण दैई करै, "हनन्याह!"
तेऊ दैनअ ज़बाब, "हाँ प्रभू हुंह आसा शूणअ लागअ द।"
मरिअमै बोलअ तेऊ स्वर्ग दूता लै, "भाल़, हुंह आसा प्रभूए दासी, ज़िहअ तूह बोला तिहअ ई लोल़ी मुल्है हुअ।" सह स्वर्ग दूत डेऊअ तेखअ तिधा का।
दूई चाम्बे ढब्बै करै कै पांज़ च़ेल्ली निं बिक्कदी? तैबी निं परमेशर तिन्नां मांझ़ै एकी बी बिस्सरदअ। इधी तैणीं कि तेऊ आसा थारै मुंडे शराल़ बी सोभ गणै दै। तैही बोला हुंह डरी निं आथी, तम्हैं आसा तिन्नां च़ेल्ली का खास्सै किम्मती।