Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
सारू पवित्रशास्त्र परमेशरेरे अगवैई सेइं लिखोरू, ते इन लोकन शिखालनेरे लेई मद्दतगारे, तैन ज़ोनेरे लेई कि ज़ैन तैनेईं कियूं तैन गलते, तैन केरि गेलती सुधारनेरे लेई, ते तैन केरनेरे लेई शिखालनेरे लेई ज़ैन सही आहे। ताके परमेशरेरो मैन्हु हर किसमेरां रोड़ां कम्मां केरनेरे लेई तियार भोए।
घर बनानेबाले दूई मैन्हु। अक्लमन्द ते बेवकूफ।
"एल्हेरेलेइ ज़ै मेरी गल्लां शुनते ते तैन पुड़ अमल केरते त तै तैस अक्लमन्द मैन्हेरो ज़ेरो भोल्हो, ज़ैनी अपनु घर शफड़ी पुड़ बनेवरूए।
मसीहेरे वचन अपने दिलन मां रोड़ेच़ारे बस्सने देथ; ते सारे ज्ञाने सेइं एक्की होरि शिखाला, ते नसीहत देथ, ते अपने-अपने मन्न मां अनुग्रहे साथी परमेशरेरे लेई भजन ते स्तुति ते आत्मिक गीत ज़ोते राथ।
ज़ेत्री गल्लां पेइली पवित्रशास्त्रे मां लिखोरिन, तैना इश्शे शिक्षारे लेई लिखोरिन, कि अस सबरी ते पवित्रशास्त्रे करां हिम्मत हासिल केरम ताके असन उमीद भोए (परमेशर तैन्ने केरेलो ज़ेसेरे बारे मां तैनी वाधो कियोरोए)।
अक्लमन्द भोनेरी शुरुआत
दाऊदेरे मट्ठे सुलैमान इस्राएलेरे राज़ेरी कहावतां:
इन कहावतां केरो पढ़नेबालो अक्ल ते शिक्षा हासिल केरे,
ते समझ़री गल्लां समझ़े,
ते अक्लमन्द ज़िन्दगी गुज़ारने मां माहिर,
ते धर्म, न्याय ते बगैर तरफदैरारे बारे मां अनुशासन हासिल केरे;
ताके सिद्धे-सादन होशियारी,
ते जुवाने ज्ञान ते तमीज़ मैल्हे;
कि अक्लमन्द शुन्तां अपनु ज्ञान बधाए,
ते समझ़दारे अक्लरो उपदेश मैल्हे,
ज़ैस सेइं तैना कहावतन ते मसालन,
ते अक्लमन्दा केरि गल्लां ते तैन केरे भेदन समझ़न।
यहोवारो डर मन्नो अक्लरी शुरुआते;
अक्ल ते शिक्षाई बेवकूफ लोक घटिया समझ़तन।
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
तू अपने परमेशर यहोवा सेइं अपने सारे मन, ते सारे प्राण, ते सैरी ताकती सेइं प्यार केरां। ते इना हुक्म ज़ैना अवं अज़ तीं शुनाताईं तैना तेरे मने मां बनोरे रान ते तू इन्न अपने बाल-बच्चन समझ़ेइतां शिखैलां, ते घरे मां बिश्शोरे, बत्तां च़लते, लेटते, उठते, इन केरि गलबात केरां।
बुरी सलाही करां बच़नू
हे मेरे मट्ठा, अपने बाजी केरि शिक्षा शुन,
ते अपने अम्मरी शिक्षाई न शार;
किजोकि तैन मन्ना तेरे क्रोड़रे लेई शोभारू ताज,
ते तेरे गलेरे लेई माला भोल्ही।
व्यभिचार केरने करां होशियार रानू
हे मेरे मट्ठा, अपने बाजी केरो हुक्म मन्न,
ते अपनि अम्मरी शिक्षा न शार।
तैन्न अपने दिले मां हमेशा ड्लन्ठ बेंद्धतां रख;
ते अपने गलेरो हार बना।
तै तेरे च़लते वक्ते तेरी अगवाई,
ते झ़ुलते वक्त तेरी हिफाज़त,
ते बींझ़ते वक्ते तीं शिक्षा देली।
प्रभुएरो हुक्म त दीयोए ते शिक्षा लौ,
ते अनुशासनेरे लेई दित्ती गानेबाली डांट ज़िन्दगरी बत्ते,
अक्ल हासिल केर, समझ़ भी हासिल केर;
तैन बिसरां न, ते मेरी गल्लां न शैरां।
अक्ल न शार ते तै तेरी हिफाज़त केरेली;
तैस सेइं प्यार रख ते तै तेरो पहरो देली।
अक्ल उच्चीए एल्हेरेलेइ तैस हासिल केरनेरे लेई कोशिश केर;
अपनु सब किछ खर्च़ केर ताके ज़ैन किछ तीं मैल्हे तैस मां समझ़ हासिल केरि सकस।
तैसेरी बडीयाई केर, तै तीं बधाली;
ज़ैखन तू तैस सेइं लिपटस, तैखन तै तेरी आदर केरेली।
शिक्षाई ट्लेइतां रख, तैस न शार;
तैसेरी हिफाज़त केर, किजोकि तैए तेरी ज़िन्दगीए।
दुष्टां केरि बत्ती मां पव न रख,
ते न बुरे लोकां केरे बत्ती पुड़ च़लनू।
सेभना करां जादे अपने मनेरी हिफाज़त केर;
किजोकि ज़िन्दगरो असली ज़िरियो तैए आहे।
टारी गल अपने ऐशी सेइं न ज़ो,
ते चालबाज़ी गल्लां ज़ोनी तीं करां दूर रान।
तेरी एछ़्छ़ी सामनेरे पासे लगोरी रान,
ते तेरां पुनठां अग्रोवं जो खुल्ला रान।
अपने पव रखनेरे लेई बत सिद्धी केर,
तैखन तेरी सब बत्तां ठीक रहेली।
न त देइने पासे मुड़नू, ते न बांए पासे;
अपने पव्वन बुरैइारे बत्ती पुड़ च़लने करां हटा।
अक्लमन्देरी शिक्षा ज़िन्दगरो नागे,
ते तैसेरे ज़िरिये लोक मौतरे फंदन करां बेच़ी सकतन।
यहोवारो डर मन्नो अक्लरी शुरुआते,
ते परमपवित्र परमेशर ज़ाननो ही समझ़े।
परमेशर ते तैसेरे लोक
हे मेरे लोकव, मेरी शिक्षा शुना;
मेरे गल्लां केरे पासे ध्यान देथ!
अवं अपनि ज़बान कहावतां ज़ोनेरे लेई खोलेलो;
अवं पुराने ज़मानेरी छ़ेपोरी गल्लां बियान केरेलो।
ज़ैना गल्लां असेईं शुनी, ते असन पतो लग्गो,
ते इश्शे दादे पड़दादेईं असन सेइं ज़ोवं।
तैन अस अपने खानदाने करां छ़ुपेइतां न रखमेले,
पन एजने बैली पीढ़रे लोकन करां,
यहोवारी तारीफ़ ते तैसेरी शक्ति
ते चमत्कारां केरे बारे मां ज़ोमेले।
ते यहोशूएरे पीढ़रे सारे लोक मेरि जे; तैखन तैसेरां बाद ज़ै होरी पीढ़ी भोइ तैसेरे लोक न त यहोवाए ज़ानते थिये ते न तैसेरे कम्मे ज़ैन तैनी इस्राएली लोकां केरे लेई कियोरू थियूं।
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
ज़ै बुज़ुर्ग रोड़े च़ारे कम केरते तै आदर हासिल केरनेरे ते बराबर तनखाएरे काबले, खास केरतां तैना ज़ैना परमेशरेरू वचन शुनाने, ते शिखालने मां बड़ी मेहनत केरतन। किजोकि पवित्रशास्त्रे मां इन लिखेरूए, "कि तू जोट्लोरे दांतेरू आशी न बेन्धां," किजोकि, "मज़दूर अपने मज़दूरारो हकदारे।"
पन बेकार ते बेवकूफ गल्लन करां दूर राए, किजोकि एरी गल्लां परमेशरे करां दूर केरतिन। ते तैन केरि गल्लां मैन्हेरे शड़ोरे ज़खमेरी ज़ेरि फैलतां लोकां केरे विश्वासे नाश केरतिन। ते हुमिनयुस ते फिलेतुस तैन केरे ज़ेरे आन।
अगर कोई मैन्हु मसीहेरी शिक्षाई पुड़ लगातार न च़ले पन तैस मां होरू किछ ज़ोड़ते त तैसेरो रिश्तो परमेशरे सेइं साथी नईं, तैस कां परमेशर नईं। पन अगर कोई मसीहेरी शिक्षाई मां बनोरो रहते, तैसेरो रिश्तो बाजी परमेशर ते तैसेरे मट्ठे यीशु मसीह सेइं भी आहे।
तिहारे मां यीशुएरी शिक्षा
ज़ैखन तिहारेरे अध्धे दिहाड़े बीते, त यीशु मन्दरेरे अंगने मां गेइतां शिक्षा देने लगो। तैखन यहूदी लीडरेईं हैरान भोइतां ज़ोवं, "एनी त पवित्रशास्त्रेरी शिक्षा केन्ची करां नईं पढ़ोरीए, फिरी एस केन्च़रे एना गल्लां एई?" यीशुए तैन जुवाब दित्तो, "मेरी शिक्षा मेरी अपनि नईं, बल्के परमेशरेरे तरफां आहे, ज़ैने अवं भेज़ोरोईं। अगर कोई तैसेरी मेर्ज़ी पुड़ च़लनू चाए, त तै इस शिक्षारे बार मां ज़ानेलो कि ऐह परमेशरेरे तरफांए या अवं अपने तरफां ज़ोताईं। ज़ै अपने तरफां किछ ज़ोते तै अपनि बडीयाई चाते, पन ज़ै अपने भेज़ने बालेरी बडीयाई चाते तै ईमानदार आहे, ते तैस मां कोई बेइमानी नईं।
Este artigo te tocou? Faça uma oração!
+581 estão orando agora.
Junte-se à corrente de oração.