16,17 ጾሳ ማጻፋ ኡባን ጾሳ አያናይ ደኤ። ቃይ ሄ ማጻፋቱ ጾሳዉ ኦያ አሳይ ኩመንነ ሎኦ ኦሱዋ ኡባዉ ጊጌዳዋ ግዳና ማላ፥ ቱማተ ታማርሳናዉ፥ ባላ ሴራናዉ፥ ባይዙዋ ሱርሳናዉነ ጽሎተ ደኦ ዞርያ እማናዉ ማዲኖ።

24 "ሄዋ ድራዉ፥ ሀዋ ታ ቃላ ስሲደ ኦያ ኡባይ ምኖ ዛላ ቦላ ባረ ጎልያ ኬጼዳ ዎዛናማ አሳ ማላ።

16 ክርስቶሳ ቃላይ ህንተንቱ ዎዛናን ኩሚደ ደኦ፤ ህንተንቶ ደእያ አዳ ኤራተ ኡባን እቱ እቱዋ ታማርስተነ ዞርተ፤ ህንተንቱ ዎዛናን ጾሳ ጋላቲደ፥ ዎሳነ ማዝሙርያ፥ ጾሳ ሱን ቁ ኦያ የ የጽተ።✝

4 ጾሳ ማጻፋይ ኑዉ እምያ ገንጫንነ ምኖታን ኑን ደማና ጊደ ናሸቻን ናግ ኡቴዳዌ ደአና ማላ፥ ጾሳ ማጻፋን ጻፈቴዳ ኡባባይ ኑና ታማርሳናዉ ጻፈቴዳ።

1 ሀዋንቱ እስራኤልያ ካትያ ዳዊታ ናኣ ሶሎሞና ሌምሳቱዋ።✝ 2 ሌምሶቱ አሳይ አዳ ኤራተ፥ ሴራነ ኤራ ሃሳያ አኬካናዉ ማዲኖ። 3 ኡንቱንቱ አዳ ኤራተን፥ ደአና ደኡዋ፥ ጽሎተ፥ ሱረ ፕርዳነ ሱረተ ታማርስያዋንታ፥ 4 ቦዛቶ አኬካ፥ ዎዳላቶ ኤራተነ ዎዛናማተ እምያዋንታ። 5 አዳ ኤራንቻቱ ሀ ሌምሳቱዋ ስሲደ፥ ኤራ ጉጂኖ፤ አኬካንቻ አሳቱካ ሎኦ ዞርያ አኪኖ። 6 ሄዋዳን ሌምሳቱዋነ ኡንቱንቱ ብለ፥ አዳ ኤራንቻቱዋ ሃሳያነ ኡንቱንቱ ቃንእሸቱዋ አኬካናዉ ዳንዳየቴ።

7 አዳ ኤራተዉ ዶመይ መና ጎዳዉ ያይያዋ፤ ሽን ቦዛቱ አዳ ኤራተነ ሴራ ካኖ።✝

5 ኔን መና ጎዳ ነ ጾሳ ነ ኩመን ዎዛናፐ፥ ነ ኩመን ሸምፑዋፐነ ነ ኩመን ዎልቃፐ ሲቃ።✝ 6 ሀቼ ታን ኔና አዛዝያ ሀ አዛዞቱዋ ነ ዎዛናን ዎ።✝ 7 ሀ አዛዛቱዋ ኔን ነ ናናቱዋ ታማርሳ፤ ኔን ነ ሶን ኡትያ ዎደ፥ ኦግያን ሀመትያ ዎደ፥ ግስያ ዎደነ ደንድያ ዎደካ ኡንቱንታ ሃሳያ።

8 ታ ናአዉ፥ ነ አቡ ዞርያ ስሳ፤ ነ ዳያ ታማርስያዋካ ዶጎፓ። 9 ሄዌ ነ ሁጲያዉ ቦንቾ ካላቻ፤ ነ ቆያዉካ ሀብልያ ግዳናዋ።

20 ታ ናአዉ፥ ነ አቡ አዛዙዋ ፖላ፤ ነ አታ ኔና ታማርሴዳዋካ አጎፓ፤ 21 ኡንቱንታ ኡባ ገደ ነ ዎዛናን ኦይቃ፤ ነ ቆያንካ ቃቻ። 22 ኔን ሀመትያ ዎደ፥ ኡንቱንቱ ኔና ካለና፤ ኔን ግስያ ዎደ፥ ኡንቱንቱ ኔና ናጋና፤ ኔን ቤጎትያ ዎደካ፥ ኡንቱንቱ ኔና ዞራና። 23 አያዉ ጎፐ፥ ሀ አዛዞቱ ጾምፕያ፤ ትምርተቱካ ፖኡዋ፤ ቃይ ሴራይካ ደኡዋኮ አፍያ ኦግያ።

5 አዳ ኤራተነ አኬካ ደማ፤ ታን ነዉ ኦዴዳዋ ዶጎፓ፤ ታ ቃላፐ ከሶፓ። 6 አዳ ኤራተዉ ዞክያ ዛሮፓ፤ አያዉ ጎፐ፥ እ ኔና አሻና፤ አ ሲቃ፤ እ ኔና ናጋና። 7 አዳ ኤራተይ ኡባፐ አያ ድራዉ፥ አዳ ኤራተ ደማ። አኬካይ ነ ደእያዋ ኡባ ዉርስ አኮፐካ አ ደማ። 8 ኔን አ ቦንቻ፤ እካ ኔና ቁ ቁ ኦና፤ ኔን አ ኦይቆፐ፥ እ ኔና ቦንቻና።

13 ታማሬዳዋ ሀሳያ፥ የዶፓ፤ ትምርቲ ነዉ ደኡዋ ግዴዳ ድራዉ፥ ሎይ ናጋ። 14 ናጋራንቻቱዋ ኦግያ የፓ፤ ኢታ አሳቱዋ ኦግያንካ ሀመቶፓ፤

23 ኡባባፐካ ነ ዎዛና ምንሳደ ናጋ፤ አያዉ ጎፐ፥ ደኡ አፐ ፑልቴ። 24 ነ ዶናፐ ገነ ሃሳያ ድጋ፤ ዎርዶ ሃሳያ ነ ዶናፐ ድጋ። 25 ስት ጋደ ስንዉ ጼላ፤ ነ አይፊ ነ ስንን ደእያዋ ትሽ ኦደ ጼሎ። 26 ነ ገድያዉ ሀመትያ ኦግያ ሱርሳ፤ ሱረ ኦግያ ጻላላን ሀመታ።✝ 27 ሱረ ኦግያፐ ኡሸቻ ሀድርሳ ጎፓ፤ ነ ገዲ ኢታሳ ቤናዳን ናጋ።

14 አዳ ኤራንቻይ እምያ ትምርቲ ደኡዋ ፑልቶ፤ ሄዌ አሳይ ሀይቁዋ ጲርያፐ ከስ አካናዉ ማዴ።

10 አዳ ኤራተዉ ዶመይ መና ጎዳዉ ያይያዋ፤ ጌሻ ጾሳ ኤርያዌ አኬክያዋ።✝

1 ታ አሳዉ፥ ታን ህንተና ታማርስያዋ ስስተ፤

ታ ዶናፐ ከስያ ቃላ ሀይዝተ።

2 ታን ኡንቱንቶ ሃሳይያ ዎደ፥

ሌምሱዋን ሃሳያይ፤✝

በኒደፐ ጌሜዳ የዎቱዋ ቆንጭሳና።

3 ኑን ስሴዳነ ኤሬዳ የዎቱዋ፥

ቃይ ኑ አዎቱ ኑዉ ኦዴዳ የዎቱዋ ሃሳያና።

4 ሄ የዎቱዋ ኑን ኡንቱንቱ ናናቱዋፐ ቆሶኮ፤

መና ጎዳዉ በስያ ጋላታ፥

አ ዎልቃነ ማላልስያ አ ኦሱዋ፥

ይያ የለታዉካ ኑን ኦዳና።

10 ሄ የለታ ኡባይ ሀይቂ ባረ ማይዛን ጋከቴዳዋፐ ጉይያን፥ መና ጎዳ ዎይ እስራኤልያ አሳዉ እ ኦዳዋ ኡባ ኤረና ሀራ የለታይ ደንዴዳ።

17 ሎይ ሄምያ ጭማቱ፥ ቃይ ኡባፐ አደ፥ ቃላ ኦድያዋንነ ታማርስያዋን ዳቡርያዋንቱ፥ ዳኮ ቦንቹዋ አካናዉ በሲኖ። 18 አያዉ ጎፐ፥ ጾሳ ማጻፋይ፥ "ኡዱማን ካ የያ ቦራ ዶና ቃቾፓ" ቃይ፥ "ኦሳንቻይ ባረ ድርጉዋ አካናዉ በሴ" ያጌ።✝

16 ሽን ሀ ሳአዉ እንጀትያ ማደና ሃሳያፐ ኔና ናጋ። አያዉ ጎፐ፥ ሄዌ ጾሳፐ አሳ ሃሴ። 17 ቃይ ኡንቱንቱ ታማርስያዌ ቦላ ጭቱዋዳን ኡባሳ ጋካናሳ። ሄ ታማርስያዋንቱፐ ላአቱ ሄመነዮሳነ ፕሊጾሳ።

9 ክርስቶሳ ትምርትያፐ ሃክያ ኡራዉነ ቃይ አ ትምርትያን ደኤና ኡራዉ ጾሳና እትፐተይ ባዋ። ክርስቶሳ ትምርትያን ደእያ ኡራዉ ጾሳ አዉዋናነ አ ናኣና እትፐተይ ደኤ።

14 ባላ ቦንችያ ጋላሳ ባጋን፥ የሱስ ጌሻ ጎልያ ቢደ፥ ታማርሱዋ ዶሜዳ። 15 አይሁዳቱ ማላለቲደ፥ "ሀ ብታኒ አይነ ታማረናን ሀዋ ኬና ዋን ኤሬዴ?" ያጌድኖ።

16 ሄዋ ድራዉ፥ የሱስ ዛሪደ፥ "ታና ታማርስያዌ ታና ኪቴዳ ጾሳ ማታፐ ይያዋፐ አትን፥ ታዋ ግደና። 17 ጾሳ ሸንያ ኦናዉ ዶስያ ኦንነ ሀ ታን ታማርስያዌ ጾሳ ማታፐ ይንቶ ዎይ ቃይ ታን ታፐ ሃሳያይታንቶ ኤራና። 18 ባረዋ ሃሳይያ ኡራይ ባረ ሁጲያዉ ቦንቹዋ ኮዬ፤ ሽን ባረና ኪቴዳዌ ቦንቼታና ማላ ኮይያ ኡራይ ቱማንቻ፤ አን ዎርዶባይ ባዋ።