16 GALA Sɛʋɛi pɛ feeʋɛ GALA saalai zu, ná-kulanumai wɔɔlɔʋɛ kalagi wo fai zu, zɛɛi zakpe fai zu, kaka faiti sɔle fai zu, ta telebodai ma ɠalagi wo fai zu, 17 naa ɠa a kɛ, GALA nui laazeeli, kɛʋele ɓɛtɛ kɛɛwoti ʋagɔi pɛ kɛɛ vai ma.

24 «Naa ɠa é ba, zɔi nɔpɛ é gòoi niiti mɛnisu, é ti ɠɛ, naama nui ɠɛɛʋɛ eɠɛ ɠima nui, nii é ná-pɛlɛi logai fasai ma.

16 Kilista laawooi yɛ wo zaama ga bɔɔlɔa. À ɓɔɠɔ ɠala, wo ɓɔɠɔ lɛnɛ wo ɠilagilagi ɠimalai pɛ su. À GALA guyeiti too, ta GALA dɛbi wuyeiti, naa ʋɛɛ guyeiti ba Zɛnvu Ɲadegai ti lɛɛzu ga woye. À ti loo GALA bɛ ga yii pɛ ta faanɛɛ wuuɠwɛɛgai.

4 Tama fai niiti kpein ti zɛʋɛai mɔungi, naati sɛʋɛʋɛ de ɠala fai ma, naa ɠa a kɛ ade kitogi zɔlɔɔ ziilɔɔi maaʋele ma ta gaanɛɛnɛi, GALA Sɛʋɛi ti veezu de ya.

1 Salomɔn é ɠɛni ga Davide ná-doun zunui, ta Izilayɛle masagi, naa ná-tɛnɛ faalaaliiti:*

2 Ti ɠɛ ungi ɠa ga ti nu ɠala ga ɠimalai, ti nu ɠɛʋele ɓɛtɛ,

é kpɔɛiti gaaɠa, niiti ti woni ga keleɠelegi.

3 Ti nui ɠala ga siɛ ʋelei ná-eteai zu, keleɠelegi ʋɔ,

é lelebo, é zɔle, é zoloo su.

4 Ti ɠi pagɔi ve naati zea, niiti ti la dɛ faa mɔinmɔin kwɛni,

ti faaɠwɛgi ta kidafaawui ve zunu loungoiti zea.

5 Ɠima nui woilo, toɠa ta ɓɔ ná-soofaalai ʋa,

zɔi keleɠelegai, naa ɠa ziɛ ʋele ʋagɔi zɔlɔɔ.

6 Ta zoo ti tɛnɛ faalaalii ma lɔɔɠuzu vai tanigaani kwɛɛ,

ta ɠima nuiti daawooiti ma lɔɔɠuzu vaiti poluʋɛti.

7 Ɠɔoɠɔ GALAGI ɠaazuluabai ɠa é ga faaɠwɛgi lɔɔzeizuʋɛ,

faaɠaaɠalala nui ɠa ɗa ɠimalai ʋɛlɛʋɛlɛ ta kalagi.

5 Ɗa Ɠɔoɠɔ GALAGI ɗa-ƓALAGI nɛɛ ʋɛ ga è-yii pɛ, è-yɛnvui pɛ, ta è-zuvikɛi pɛ. 6 Wooi niiti gè ti veezu è ya za, ta ɠɛ è-yiimaʋɛ. 7 È-lointi kala ga tiye, è yɛpɛ la ti ma, ɗa ɠɛna zeini ɗa-ʋɛlɛi wu, ta ɗa ɠɛna ziaa pelei zu, ɗa ɠɛna laa, ta ɗa wuzeɠena.

8 Dòun zunu, woilo, è dama ga faaɠwɛgi, è sɔlɔɔsu è-ɠɛɛ ya,

mina è-lee ná-tɛnɛ gooiti da ɠoba.

9 Mazɔlɔɔ ta ɠɛ ga masa bɔɔlɔ pagɔi è unba,

ta ɠɛ ga kɔbu ani ʋagɔi è ɠɔbu.

20 Dòun zunu, ɠizɛ è-ɠɛɛ ná-deveiti su,

mina è-lee ná-tɛnɛ gooiti too ya!

21 Makɛ ti ma yeenɔpɛ è-yiimaʋɛ,

ti zɛlɛ ɠɔbu.

22 Ta lo è luɠɔ ɗa-ziɛi zu,

ti è makɛ è-laazuʋɛ,

ti yɛpɛ è ʋɔ, ɗa wuunna.

23 Mazɔlɔɔ devei ɠa ga lanboi,

kalagi ɠɛ ga wozakalagi,

zelilogi ta maaɠoloi, ta ga pelei é lo zɛnvui ʋa.

5 Ɠimalai ɠaiziɛ, ta keleɠelegi,

mina yeema dàawooiti ma, mina zeɠe ti ʋa.

6 Mina ɠɛlɛ ɠimalai ʋa, toɠa ɓɔ è ʋa,

nɛɛ ʋɛ, toɠa ɓaa è maazu.

7 Wɛlɛ ɠimalai lɔɔzeigi ʋa: Ɠimalai ɠaiziɛ,

keleɠelegi ɠaiziɛ ga è-zɔlɔɔ ganii kpein.

8 Bɔɔlɔ, toɠa è wuzeɠe,

ni ɗa ɠilina ba, toɠa ɠɛ ga lɛbiya è ʋɛ.

13 Ɠili kpaan è maaɠolo vai ʋa, nii è sɔlɔɔgai, mina too ya,

yɛ ɠilini ba, mazɔlɔɔ naa ɠa è-yɛnvui su.

14 Mina ziɛ ga nu ɲɔiti ta-ʋelei,

mina ʋilɛ naati kɛʋelei ʋolu, niiti ti faa ɲɔi ɠɛɛzu.

23 Makɛ è-yii ma, é leʋe anii pɛ ba,

mazɔlɔɔ toɠa zɛnvui wo fai ma ungi su.

24 Mina ɓe è-laaʋɛ ʋa, é ʋa ɗa zɛɛiti bo,

mina è-lakɔlɔgiti zɛ ná, ti ʋa ɗa yaava ɓɔɛiti bo.

25 Ɠaazulo ɠakala ʋelei ʋa,

wɛlɛ ɠakalaʋɛ ga pagɔ.

26 Pelei zuɓɛtɛ, ʋɛ è ziɛzu ná,

pelei è laai da, ziɛ ga naa.

27 È mina zeɠe ba, è ʋa li ga yeezazu ʋelei, ɓaa ɠɔʋɛzu ʋelei,

ɠɔɠɔɠula faa ɲɔu ɠɛɛ vai zu.

14 Ɠima nui ná-kalagi ɠa ga zɛnvu ɗɛungi,

toɠa ɗa kaka faiti kpudɛ nu maazu, niiti ta ɠɛ ga nu zaa vaa.

10 Ɠɔoɠɔ GALAGI ɠaazuluabai ɠa é ga ɠimalai lɔɔzeizuʋɛ,

è GALA Ɲadegai ɠwɛɛ,* é ga kidafaawui.

1 Azafe ná-kidafaawui.

Nà-nuɓusɛiti, à woilo nà-kala gooiti ma,

wo ɠida dàawooiti bu!

2 Nà ɓɔɛzu faalaalii zu,

gè kidafaawu vaiti dɛɛ, niiti ti leʋegai wɔlɔwɔlɔi.

3 Nii ade mɛnini, ade kwɛɛ,

nii ade-ɠɛwolani ti boni ade ma,

4 ade la dɔɔɠua ade-lointi ba,

ada bo naati kpein ma, niiti ti ʋilɛsu ade ʋolu,

Ɠɔoɠɔ GALAGI ná-kɛɛwoti maayikia wolaiti,

ná-zobogi ta ná-laavɔɔ vaa mɔinmɔingiti.

10 Ma ɠɛɠalamaiti kpein ɓalaa ti zeɠeni ná, ti za. Ɠɛɠalama ɠili ge wuzeɠeni naati poluma, nii é la ɠɛni Ɠɔoɠɔ GALAGI ɠwɛɛ, anɛɛ kɛɛwotii nii é kɛɛni Izilayɛle ná-faa ma.

17 Totuɠɔiti ti losu Egilisii luɠɔ ga pagɔ, naati maanɛɛʋɛ ti lɛbiya zeizu felegɔ zɔlɔɔ, ma un ge daa ma ga naati, niiti ti tɛnɛgi wosu ta kalagi. 18 Mazɔlɔɔ GALA Sɛʋɛi ɠa bosu, é ɠɛ ma: «Mina nikɛi laaʋɛ ɠili, a ɠɛna moloi ɠaalia ga.»*. É bogɛ mɔnɔ, é ɠɛ: «Botiɠɛ nui maanɛɛʋɛ é zalai zɔlɔɔ.»*.

16 Yeeɠula wafuun kpɔɛzuɠulaiti su, niiti ti la zolooni kidaaleʋei ma, mazɔlɔɔ zɔiti ti ʋilɛsu naati polu, naati ta ɗa li nɔ luɠɔma, GALA gaazuluabalalai zu. 17 Kalagi ti bosu, naa ɠa luula eɠɛ palai, su ɗa li ga wɔɔlɔa. Yimené ta Filɛteni ta ga naama nui ta.

9 Nu-o-nu é la ɠɛ yɛni Kilista ná-kalagi ʋa, a zeɠena ba, é li yɛ, GALA ge la naama nui ʋa. Zɔi é yɛsu niima ɠalagi zu, Ɠɛɛɠɛ ta Doun Zunui ta ɠili ma nui ʋa.

14 Ti ɠɛni niina ɠulani fɛtii zaama, eyɛsu Yesu lɛ GALA sei ʋɛlɛi wu, é ɗa kalagi wo. 15 Zuifuiti ta-ɠundiɠiiti ti wola laavɔɔni, ti ɗa ɓɔɠɔ ɠaazaɠa ga: «É GALA sɛʋɛiti kwɛɛgɛ ɠale, tɛigi é la lɔɔni kala bu?»

16 Yesu ti wooɠaaʋoteni, é ɠɛ ma: «Nii kpein gè feezu ga kalagi, tanɔpɛ ge la zeɠezu nà ɓɔɠɔi pɔ, kɛlɛ ta zeɠezu naa ʋɔ, nii é tèʋegai. 17 Zɔi nɔpɛ é pɔ ga é GALA ziimai ɠɛ, naama nui ɠa kwɛɛ ni kalagi niiti gè ti wosu, ta zeɠezu GALA pɔ, ɓaa ni nà bosu ga nà ɓɔɠɔ nà-zobogi. 18 Zɔi é ɓɔɛzu tɔ ɓɔɠɔ daaseigi zu, naa ɠa lɛbiyai ɠaiziɛzu ɓɔɠɔ ʋɛ. Kɛlɛ nu nɔpɛ é pɔ ga é lɛbiya ve naama nui ʋɛ, nii é tɔun teʋegai, naa ɠa ga gaama nui, ta telebotala vaa nɔpɛ ge la ma nui yiimaʋɛ.