16 ጌሻ ማፃፋ ኡባይ ፆሳፈ እመትዳ ቃላ። ሄ ማፃፋይ ቱማ ታማርሳናዉ፥ ባልዳይሳታ ሴራናዉ፥ ሱርሳናዉነ ፅሎተ ዱሳስ ኮሽያ ዞረ እማናዉ ማዴስ። 17 ፆሳ አስ ፖሎነ ሎኦ ኦሶ ኡባ ኦናዉ ጊግዳይሳ ግዳና መላ ማዴስ።

24 "ህዛ፥ ሀ ታ ቃላ ስእድ ኦያ ኦንካ ባ ኬ ሹቻ ቦላ ኬፅዳ ዎዛናማ አሳ መላ።

16 ክርስቶሳ ቃላይ ህንተ ዎዛናን ኩምድ ደኦ። ጭንጫተ ኡባን እሶይ እሱዋ ታማርስተነ ዞርተ። ማዝሙረን፥ ሳባንነ አያና የን ፆሳ ዎዛናፐ ጋላትሸ የፅተ።✝

4 ጌሻ ማፃፋይ እምያ ገንጫንነ ምንዋን ኑ ኡፋይሳ ኤካና መላ ጌሻ ማፃፋን ፃፈትዳ ኡባይ ኑና ታማርሳናዉ ፃፈትስ።

1 ሀይሳቲ እስራኤለ ካዋ ዳዊታ ናኣ ሶሎሞነ ሌምሶታ። 2 ሌምሶት አሳይ ጭንጫተ፥ ሴራነ ኤራ ሃሳያ አኬካናዉ ማዶሶና። 3 ኤንቲ ጭንጫተ፥ ፅሎተ፥ ሱረ ፕርድነ ሱረ ዎዛን ዳና መላ ታማርሶሶና። 4 ኤያታስ አኬካ እሜስ፤ ናአተታስ ኤራተነ ካሃማተ እሜስ። 5 ጭንጫት ሀ ሌምሶታ ስእድ፥ ኤራ ጉጆሶና፤ አኬካንቾት ሎኦ ዞረ ኤኮሶና። 6 ሄሳን ሌምሶታነ ኤንታ ብርሸ፥ ጭንጫተ ኦዳነ ኤንታ ቃንእሸታ አኬካናዉ ዳንዳኤቴስ።

7 ጎዳስ ያሽ ጭንጫተስ ዶመ፤ ሽን ኤያት ጭንጫተነ ሴራ ካኦሶና።

5 ነ ጎዳ፥ ነ ፆሳ ነ ኩመ ዎዛናፐ፥ ነ ኩመ ሸምፑዋፈነ ነ ኩመ ዎልቃፈ ዶሳ። 6 ሀች ታ ነና ኪትያ ሀ ኪታ ነ ዎዛናን ዎ። 7 ኤንታ ኔኒ ነ ናይታ ታማርሳ፤ ኔኒ ነ ሶን ኡትያ ዎደ፥ ኦገ ሄመትያ ዎደ፥ ዝንእያ ዎደነ ደንድያ ዎደ ኤንታባ ሃሳያ።

8 ታ ናአዉ፥ ነ አዋ ዞርያ ስአ፤

ነ አየ ትምርትያ ካፓ።

9 ሄስ ነ ሁጵያስ ቦንቾ ካላቻ፤

ነ ቆያስ ጎዝዳ ግዳና።

20 ታ ናአዉ፥ ነ አዋ ኪታ ፖላ፤

ነ አየ ትምርትያ አጎፋ።

21 ኤንታ ኡባ ዎደ ነ ዎዛናን ኦይካ፤

ነ ቆያን ቃቻ።

22 ነ ሄመትያ ዎደ ኤንቲ ነና ካለና፤

ነ ዝንእያ ዎደ፥ ኤንቲ ነና ናጋና፤

ነ ባርክያ ዎደ ኤንቲ ነና ዞራና።

23 ጎዳ ኪታይ ፆምፐ፤ እያ ትምርተይ ፖኦ፤

እያ ሴራይ ደኦኮ ኤፍያ ኦገ።

5 ጭንጫተነ አኬካ ደማናዉ ምና፤

ታ ነዉ ኦድያባ ዶጎፓ፤ እያፐ ካረ ከዮፓ።

6 ጭንጫተስ ዞኮ ዛሮፓ፤ እያ ነና አሻና፤

እዮ ዶሳ፤ እያ ነና ናጋና።

7 ጭንጫተ አያ ግሾ እዮ ደማ፤

ነዉ ደእያባ ዉርስድ ኤክኮካ አኬካ ደማ።

8 ነ እዮ ቦንቻ፤

እያ ነና ቁ ቁ ኦና፤

ነ እዮ ኦይክኮ፥ እያ ነና ቦንቻና።

13 ታ ትምርትያ ሎይ ናጋ፤ የዶፋ፤

ትምርተይ ነዉ ደኦ እምያ ግሾ ሎይ ናጋ።

14 ናጋራንቾታ ኦግያራ ቦፓ፤

ኢታ አሳታ ኦግያን ሄመቶፋ።

23 ደኦይ እያፐ ፑልትያ ግሾ፥

ኡባፈ አዳ ነ ዎዛና ምንዳ ናጋ።

24 ነ ዶናፐ ኢታ ሃሳያ ድጋ፤

ዎርዶ ሃሳያ ነ ማታፐ ሃሳ።

25 ስት ጋዳ ስን ፄላ፤

ነ አይፈይ ነ ስንን ደእያባ

ትሽ ኦድ ፄሎ።

26 ነ ቶሁዋ ኦግያ ጊግሳ፤

ሱረ ኦገ ፃላላን ሄመታ።

27 ሱረ ኦገፐ ኡሻች ሀድርስ ጎፓ፤

ነ ቶሆይ ኢታ ኦገ ቦናዳ ናጋ።

14 ጭንጫተ እምያ ትምርተይ ደኦ ፑልቶ፤ ህገይ አሰ ሀይቆ ፅሄፐ ከስ ኤካናዉ ማዴስ።

10 ጎዳስ ያሽ ጭንጫተስ ዶመ፥ ጌሻ ጎዳ ኤሮይ አኬካ።

1 ታ አሳዉ፥ ታ ትምርትያ ስእተ፤

ታ ዶናፐ ከይያ ቃላ ሀይዝድ ስእተ።

2 ታኒ ታ ዶና ሌምሶን ዶያና፤

በንፐ ጌምዳ ፁራ ቆንጭሳና።

3 ኑኒ ስእዳይሳነ ኤርዳይሳ፥

ኑ አዋት ኑስ ኦድዳይሳታ ኦዳና።

4 ሄሳታ ኑኒ ኤንታ ናይታፐ ቆሶኮ፤

ጎዳስ በሲያ ጋላታ፥

እያ ዎልቃነ ማላልስያ እያ ኦሱዋ፥

ያና የለታስ ኦዳና።

10 ሄ የለተ ኡባይ ሀይቅድ ባንታ ማይዛታን ጋሄትዶሶና። ሄሳፈ ጉየ ጎዳ ዎይኮ ጎዳይ እስራኤለ አሳስ ኦዳባ ኤሮና ሀራ የለተ ደንድስ።

17 ዎሳ ኬ ሎይ ሄምያ ጭማት፥ ኡባፈ አድ፥ ቃላ ሳባኮንነ ታማርሶን ዳቡረይሳት ዳኮ ቦንቾ ኤካናዉ በሴስ። 18 ጌሻ ማፃፋይ፥ "ዉዱማን ካ የያ ቦራ ዶና ቃቾፋ" ሄሳዳካ፥ "ኦሳንቾይ ባ ዳሞዝያ ኤካናዉ በሴስ"✝ ያጌስ።

16 ሽን ሀ አላምያስ እንጀትያ ጎኦና ኦዳፐ ባቃታ። ሄሳ መላ ኦዳይ አሰ ፆሳፈ ሃሴስ። 17 ሄሳ መላ ኦዳይ አሳተ ምድግያ ፓፆና ዎይዛዝረ ማዱን መላ። ሄሳ መላ ኦዳ ኦደተይሳታ ግዶፈ ሄመነዮስነ ፍልፆስ ደኦሶና።

9 ክርስቶሳ ትምርትያን ዶናይሳስነ እያፐ ሃክያ ኡራስ ፆሳይ ባዋ። ክርስቶሳ ትምርትያን ደእያ ኡራስ አዋይነ ናአይ ደኦሶና።

14 ባልያ ቦንችድ ግዶ ጋያ ዎደ የሱሲ ፆሳ ኬ ብድ ታማርሶ ኦይክስ። 15 አይሁደት፥ "ሀ አደይ ትምርተ ታማሮና ሀይሳ ኡባ ዋት ኤርዴ?" ያግድ ማላለትዶሶና።

16 የሱሲ ዛሪድ፥ "ታ ታማርስያ ትምርተይ ታና ኪትዳ ፆሳ ማታፐ ያ ትምርተፈ አትሽን፥ ታባ ግደና። 17 ፆሳ ሸንያ ኦናዉ ኮይያ ኦንካ ሀ ትምርተይ ፆሳ ማታፐ ያኮነ ዎይኮ ታኒ ታፐ ኦድያኮ ኤራና። 18 ባባ ኦድያ ኦንካ ባ ሁጰ ቦንቾ ኮዬስ። ሽን ባና ኪትዳይሳ ቦንቹዋ ኮይያ ኦንካ እ ቱማንቾ፤ እያን ዎርዶይ ባዋ።