Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
Sun le bürüwañubei tidan Lererun Bungiu, Bungiu guánarügü íchugubalin haritagunrugun wügüriña lun habürüdüni, ani huutu lun tarufudahan, lun tadeinhan, adügatu lun hígiruni gürigia katei le mabuidunbei ani arufudahatu houn gürigia lidan richaguaü. Lun aranseñu hamá lubúeingu Bungiu lun hadügün sun luwuyeri wadagimanu buiti.
«Le aganbutina, adügaléi le nubeibei, ítara liña kei aban wügüri gunfurandati le adügübei luban ligibuagu dübü.
Buíngüdaloun luganute Kristu hanigi le gumuti. Arufudaha humá húmawagua eweridiragua huguyame húmawagua lau lichú aau. Heremuha luagu luéirigun Bungiu lau eteingiruni lun tidan hanigi lau sálumu luma burí uremu.
Sun le ariñawagúbei tidan Lererun Bungiu lúmagiñe binarü, lun larufudahóun woun labürühóua; bürüwati meha dimurei burí ligía lun wanügün gurasu luma dǘgüdaguaü lídangiñe, gayara láamuga wemenigidúntima luagu Bungiu.
Anihán burí ariñawagúni le labürühabei Salomón,
lurúeite Ísüraeli, le liráü Dawidi.
Labürühanbalin dimurei burí le
lun larufudahan houn lumutuniña
lun habagaridun lau lichú aau,
richaguaü, ísuruni luma arumani.
Lun líchugun aban igaburi lánina ibagari
le richati ani úaraguati houn.
Lariñaga: «Busentina lun lachuuduba lan
hau gürigia ha harumabaña anigi,
luma lun narufudahan houn nibureintiña
ida luba lan hagagibudagun
ani aranseha hameime turobuli lidan ibagari le!»
Gürigia chu tau ha aganbuti dimurei le,
lachuudatimaba hau,
ánhañati nibureintiña gunfurandatimahañame
ani gayaraahalime haransehan turobuli le hénrenguti.
Linebenwa Bungiu lagumesehabei lichú aau.
Hárügüñanu ibidiouguabaña aau máhabaña lun arufudahani
ru hagía mebereseni lun lichú aau.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
—Hínsiñela Babureme le Bubungiute bun tau sun banigi, tau sun buani luma lau sun bere.
—Areidabei sun katei le ariñaga náalibei bun lidan bisaminan, arufudahabei houn birahüñü súnwandan; adimurehabá houn luagu, dandu búbiñe kei luagu béibuguniwagu, danme le barounrun luma danme le básaarun.
Niráü, aganbabéi lererun búguchi,
teni buguyame lun tarufudahan búguchu;
ladüga ítara luba kei aban uéndeni bun,
kei aban iñari o kei lan aban ridi.
Niráü, areidabei hagumadin bagübürigu
luma harufudahan lidan bisaminan súnwandan.
Barübei tidan banigi súnwandan,
gürabei luagu bigiina.
Ladundehabadibu lidan buéiyasun,
lóunigirubadibu dan le barumugun,
layanuhaba buma dan le bagagudun.
Lidan inarüni, gumadi luma arufudahani,
ítara liña kei aban igemeri durunguati;
adeinhani luma eweridihani,
ligía lémeribei ibagari.
Ibihabá lichú aau luma lubuidun ichügü,
mabulieidabei le nubeibei bun.
Hínsiñela lichú aau bun,
mabulieidabei, ábame lóunigirunibu.
Lubaragiñe furumiñeguarügü katei,
ibihabá lichú aau luma lubuidun ichügü.
Hínsiñela bun, ábame liñuragunibu;
Hóuburabei, ábame líchugun inebesei bun;
Ragüba luagu arufudahani, mabulieidaguabá luéi;
areidabei, ladüga ligía lan bibagaribei.
Mafalarabaña ha salufuribaña,
mafalarabéi luriban hóuserun.
Lídangiñe sun katei ubouagu,
góunigiboun banigi,
ladüga tídangiñe liabin ibagari.
Mariñagabá le mámagu ligía,
díreiba luéi iyeeni.
Bubaruaguounlá bariha súnwandan
mágurabei barihin múarugun lau busiganu.
Arihabá buidu halía lan bíchigei bugudi,
ítara luba bararamun buidu súnwandan.
Madireirabá luéi bémeri;
méibugaba lidan lagübüri üma.
Lísensen ibagari larufudahan le chubei aau,
ani sefu lumutiña gürigia lídangiñe óunweni.
Linebenwa Bungiu lagumesehabei lichú aau;
lasubudirúniwa Bungiu, le Sándutimabei,
ligía luálinbei ichügü.
Nánigu, teni humá lun narufudahan;
aganba huméi le nariñagubei hun!
Nadimureha lau hénpulu;
nadimureha luagu burí katei
le meha aramudaguati lúmagiñe binadu dan.
Le aganba wamaalibei subudi waméi,
le habahüdagubei meha wagübürigu woun;
maramudun wabéi hawéi wasaanigu.
Walawahabei Aburemei hama
iseri gürigia ha lúnbaña hayabin,
wadimurehaba luagu lubafu
luma burí luagu katei buiti le ladügübei.
Hati águrahoubaña lárigiñe, ibidiñeti ni kata houn luagu Wabureme, ni luagu sun katei le bugaha ladügübei luagu lufulesein Ísüraeli.
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
Ábutigu ha adundehabarun ligilisi, ha adügübalin hawadigimari buidu, lunti hafayeirúniwa buidu, hátima gafisiutebalin apurichihani luma arufudahani. Tariñahare Lererun Bungiu: «Míchiga humá busali luagu liyuma bulu bágasu dan le luadigimaridun lidan léferehouniwa lila nadü». Ariñagatu giñe: «Garichati nadagimeinti lun libihini lafayeiruaha».
Disebá luéi dimurei burí málati le lánina ubóu le, lugundun ha adimurehabaña ítara, hóudintimaña lidoun wuribani; ábame laburuchagun harufudahan kei kánserü. Anihán le suserebei lun Imenéu luma Filetu;
Furumiñeguarügü le adireiruti ani meredeti lidan larufudahan Kristu, úati Bungiu luma; ánheinti le erederuti lau larufudahan Kristu, anihein Bungiu Úguchili luma, luma Bungiu Irahü.
Lamidounhali fedu lúmagua, ligía lebelurun Hesusu ténpulurugun, aba lagumeserun arufudaha. Aba taweiridun hanigi huríu, aba hariñagun:
—Ida liña san lasubudirunbei le saragu katei, maturiahanga ligía?
Aba lariñagun Hesusu houn:
—Le narufudahabei, mama númagiñeti, lúmagiñeti le óunahabalina. Anhein anihein lubéi aban le aranseti lun ladügüni le labusenrubei Bungiu, lasubudirubei anhein lúmagiñeti lubéi Bungiu le narufudahabei lumoun luagu lan nani nungua nadimureha. Le adimurehabei luagu lani lungua, ladügüni lun luéirigun guánarügü; le áluahabei uéiriguni lun le óunahabalin, ligía ariñagubalin inarüni, ani úati marichaü lidan.