Ensinar
Ensinar é mandamento e dom. A Bíblia exorta pais, líderes e mestres a transmitir a verdade divina com fidelidade, paciência e sabedoria para as próximas gerações.
Ensinar a Palavra
Toda Escritura é útil para ensinar. Quem ouve as palavras de Jesus e as pratica é como o homem sábio que construiu sobre a rocha.
Ya urngin e thin ni bay u lan e babyor nib thothup e Got e yib i pi’ nga laniyan’ e girdi’ ngar yoloyed nga babyor, me ir e ba ga’ fan ya ma fil e tin nib riyul’ e thin ngodad, ma be yal’uweg e tin ni be oloboch e girdi’ riy, ma be fulweg e girdi’ ko ngongol ni bfel’, ma be fonownag e girdi’ u rogon e ngongol ni ngar pired riy ni ir e bmat’aw u mit Got, ya en ni be pigpig ngak Got e nge par nike bung rogon nrayag ni nge rin’ urngin mit e ngongol ni bfel’.
"Ere gubin e girdi’ ni rung’ag e pi thin rog ney miyad fol riy e yad bod be’ nib gonop ni toy e naun rok nge daken e war.
Thin ni ir e bth’ab feni fel’, ni weliy Kristus e thangri i par ni polo’ u lanin’med. Um filed ngomed ma gimed be fonow nagmed ngay u fithik’ e gonop. Umon’ed e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Got ni gimed be pining e magaer ngak Got u wun’med.
Ya urngin ban’en nni yoloy ngalan e babyor nib thothup e ni yoloy ni nge fonow nagdad, ni bochan e nge yag e l’agan’ ngodad u fithik’ e gumaen’ nge athamgil laniyan’ ni be pi’ e thin ko babyor nib thothup ngodad.
Thin nib gonop ni taban e thin rok Solomon ni fak David ma pilung nu Israel. Ba’aray e pi thin ni bay e gonop u fithik’ nra ayuwegnem ngam nang e gonop nge fonow ni bfel’, ma ga nangfan e pi thin nib to’ar fan. Pi thin ney e rayag ni fil ngom rogon ni ngu’um ngongol u fithik’ e tamilangan’, nge rogon ni ngu’um par ni gab yul’yul’, ma ga ba yal’uw ni ga ba gol. Ppi thin ney e rayag ni nge ayuweg e pi’in ndawori yo’or ban’en nike guy nge tamilangan’rad, me fil ngak e pi’in pagel rogon ni ngu’ur gonopiyed ban’en. Pi thin ney ni bay e gonop u fithik’ e rayag ni nge ga’nag e llowan’ ko pi’in kayad ba gonop, ma rayag ni ngi i pow’iy e pi’in ka yad ba sukul, ma aram me yag nra nanged fan e pin’en ni be par nib mith u fithik’ fapi taban e thin ni bay e gonop riy, nge fapi fanathin nge salipow nma yog e pi’in nib gonop.
Ra nge tamilangan’um, ma som’on e thangri yib madgun SOMOL u lanin’um. Girdi’ ni balyang e dariy fan e gonop u wun’rad, ma daburad ni ngar folgad ko fonow.
Instruir as gerações
Ensina a criança nos caminhos de Deus. A geração que não conhece o Senhor perde a herança espiritual da fé.
Ngari t’uf SOMOL ni Got rom u polo’ i leam rom, ngu polo’ i lanin’um, ngu polo’ i gelngim. Ma ri dab mu paged talin e pi motochiyel ney ni kug pi’ ngomed e daba’. Mu filed ngak pifakmed; um weliyed murung’agen ngorad ko ngiyal’ ni gimed bay u tabinaw nge ngiyal’ ni gimed be milekag, nge ngiyal’ ni gimed be toffan nge ngiyal’ ni gimed be maruwel.
Fakag, mu telim ko tin be machibnag e chitamam ngom, ma ga uthum e lim ko tin be yog e chitinam. Ya machib rorow ngom e ra fal’eg pangim ni bod ba kiy i te’eliyaw ni bfel’ ara ba kiy i churuwo’ nra fal’eg ya’am ngam gamog.
Fakag, mu rin’ e n’en ni be yog e chitamam ngom, ma dariy bi’id ni ngam pagtalin e n’en nike fil e chitinam ngom. Mu cha’riy e thin rorow ni gubin ngiyal’, mu michigiy u lan gum’ircha’em. Machib rorow e ri i pow’iyem u nap’an ni ga be milekag, ngi i yororiyem nnep’, me fanow nigem ni rran. Pi fonow rorow e ba magal ni be mat’; chep ni yow be tay ngom e rayag ni nge fil ngom rogon e par.
Nge yag ngom e gonop nge nangan’! Ma dab mu pagtalin ara mu sabalbalyang ko n’en ni gu be yog. Dab mu n’ag e gonop ya ir e ra yoror rom; mu t’ufeg me tem ni dabi buch ban’en rom. Gonop ni nge yag ngom e ireram e n’en th’abi ga’fan ni ga ra rin’. Ma tin kabay ni nge yag ngom e nangan’. Nge t’uf rom e gonop, ya ir e ra gel nigem. Mu gamuchmuch ngak, me tolang nagem.
Mu tay uwun’um e n’en kamfil ni gubin ngiyal’. Tin kamfil e aram e yafos rom — mu chathowliy ni bfel’ rogon. Dab mman u kanawo’en e girdi’ ni kireb. Dab mu falwok ko pi’in kireb.
Mmokol ayuw u rogon ni ga be leam; ya lanin’um e be duwgiliy rogon e yofos rom. Dariy e ngiyal’ ni ngamog ban’en nde riyul’. Mu pithgem ko ban nge felfel’igun. Mu duwgiliy e changar rom u puluwom nga m’on nib pagan’um ngom; mu pug owchem ngalang ni dab mu tamra’. Mu fal’eg i gonpiy e n’en ni ga be rin’, ma demturug e n’en ga ra rin’ mra yib i aw nib mat’aw. Mu pithigem ko kireb ngam man u puluwom nga m’on. Dab mu chaf nga wuru’ e wo’.
Machib ko pi’in gonop e ba athang’el ko yafos, ra ayuwegnem ngam thay ko ngiyal’ ni ga be yan u thathren e riya’.
Ra ngam gonop ma som’on e thangri yib madgun SOMOL u lanin’um. Fa’anra gamnang Fa’anem nib Thothup, ma aram e ba tamilang lanin’um.
Mmotoyilgad, e girdi’ rog, ko machib rog,
mi gimed tiyan’med ko n’en ni gu be yog.
Bay gu welthin u fithik’ e fanathin;
ngug weliy e pin’en ni kakrom nda un nangfan,
bogi ban’en ni ud rung’aged kadnanged
ni bogi ban’en ni yog e pi chitamangidad ngodad.
Dab da mithaged rok pifakdad,
nga dogned ko bin migid e mfen
murung’agen SOMOL nib gel nge gafarig rok ni bfel’
nge pi maang’ang ni i rin’.
Miki yim’ ga’ngin e binem e mfen, me bin migid e mfen e ra paged talin SOMOL nge pin’en ni i rin’ ni fan ngak piyu Israel.SOMOL
Fidelidade no ensino
Quem ensina com fidelidade merece dupla honra. Cuidado com doutrinas falsas — permaneçam na doutrina de Cristo.
Pi’in pi’ilal ko galesiya ni bfel’ e maruwel ni yad be tay ni aram e yad be gagiyegnag girdi’en e galesiya e susun e ngan tafinaynag ni bay rogorad ni nge bagayad min pi’ puluwon nike l’agruw yay, ni ba ga’ ni pi’in nrib gel e machib ni yad be tay nge thin rok Got ni yad be fil ngak e girdi’. Babyor nib thothup e be ga’ar, "Dab ni m’ag l’ugun ba garbaw ko ngiyal’ ni be yot’yot’ wom’ngin e woldug ni yima ngongliy e flowa riy ni aram e be gunugunuy," ma ki ga’ar, "En ni be maruwel e bay mat’wun ni ngan pi’ puluwon ngak."
Dab mu’un i yog e thin nma yog e pi’in ndariyfan Got u wun’rad nge thin ko balyang, ya kemus nra mal’afnag e girdi’ nga orel rok Got. Ya n’en ni yad be fil ngak e girdi’ e ra yan i bod rogon ba malad ni be longuy e ufin u dowey. L’agruw ni’ ko pi tamchib ney e Himeneus nge Filetus.
En nder par nib yul’yul’ ko tin ni yib i fil Kristus ngodad, machane me yan nge thum’ nga wuru’, e de moy Got rok.
Ke chugur ni nge taw nga lukngun fare madnom me yan Jesus ngalan e Tempel me tabab ko machib. Me ri gin e pi tolang ko Jew ngak, miyad yog ni lungurad, "I di’in me nang e re mo’on ney e pin’ey ni ireray urngin ndawori un nga sukul bi’id?"
Me fulweg Jesus ni ga’ar, "N’en ni gu be machibnag e gathi gag e yib rog, ya yib rok Got, ni ir e ke l’oegeg ku gub. En nib m’agan’ ngay ni nge rin’ e tin ni ba’adag Got e ra nang ko tin ni gu be machibnag e yib rok Got, ara gu be weliy ni gag e thin rog. Ya en ni thin rok e be weliy e be guy rogon ni nge mang ir e yog e girdi’ e sorok ngak. Machane en ni be guy rogon ni nganog e sorok ngak e en ni l’oeg nge yib e ba yul’yul’, ma tin riyul’ e be yog.