Esperança
A esperança cristã não é desejo vago — é certeza inabalável fundamentada nas promessas de Deus. Ela é âncora da alma, firme e segura, que penetra até o interior do véu.
Esperança viva
Bendito seja Deus que nos gerou de novo para uma esperança viva, mediante a ressurreição de Jesus Cristo.
म्हारै प्रभू ईशू मसीहे बाब अर परमेशरो करा शूकर। अह आसा तेऊए महान झींण कि म्हारअ हुअ नऊंअ ज़ल्म। किल्हैकि तेऊ किअ प्रभू ईशू मसीहा मरी करै ज़िऊंदअ। ऐबै ज़िऊआ हाम्हैं म्हारी ज़िन्दगी पूरी आशा डाही।
म्हारै प्रभू ईशू मसीहे बाब अर परमेशरो करा शूकर। अह आसा तेऊए महान झींण कि म्हारअ हुअ नऊंअ ज़ल्म। किल्हैकि तेऊ किअ प्रभू ईशू मसीहा मरी करै ज़िऊंदअ। ऐबै ज़िऊआ हाम्हैं म्हारी ज़िन्दगी पूरी आशा डाही।
पर आपणैं दिलै दैआ मसीहा लै ज़ैगा अर तेऊओ करा प्रभू मनी अदर। हर बगत रहणअ ज़बाबा दैणा लै तैर ज़ै कुंण तम्हां का इहअ पुछ़े कि थारी आप्पू लै परमेशरा का किज़ै आशा आसा। पर ज़बाब दैणअ तिन्नां सिधै-सादै सभाबा संघै।
पर आपणैं दिलै दैआ मसीहा लै ज़ैगा अर तेऊओ करा प्रभू मनी अदर। हर बगत रहणअ ज़बाबा दैणा लै तैर ज़ै कुंण तम्हां का इहअ पुछ़े कि थारी आप्पू लै परमेशरा का किज़ै आशा आसा। पर ज़बाब दैणअ तिन्नां सिधै-सादै सभाबा संघै।
ज़ुंण बी मसीहा दी आशा डाहा, सह हआ आप्पू बी तिहअ शुचअ ज़िहअ प्रभू आसा पबित्र आसा।
Esperança que não decepciona
A esperança não decepciona, pois o amor de Deus é derramado em nossos corações pelo Espírito Santo.
अर आशा डाहणें निं शरम हंदी, किल्हैकि ज़ुंण पबित्र आत्मां परमेशरै हाम्हां लै आसा दैनअ द, तेता संघै आसा परमेशरै हाम्हां लै म्हारै मन्नैं आपणीं झ़ूरी बी भरी दी।
अर आशा डाहणें निं शरम हंदी, किल्हैकि ज़ुंण पबित्र आत्मां परमेशरै हाम्हां लै आसा दैनअ द, तेता संघै आसा परमेशरै हाम्हां लै म्हारै मन्नैं आपणीं झ़ूरी बी भरी दी।
ज़ै हाम्हैं परमेशरै हाम्हैं विश्वासा करै धर्मीं आप्पू संघै धर्मीं आसा बणाऐं दै, तै आसा म्हारअ परमेशरा संघै मेल़-ज़ोल़ तेता करै हुअ द ज़ुंण म्हारै प्रभू ईशू मसीहा हाम्हां लै किअ। किल्हैकि मसीहा ज़ुंण काम हाम्हां लै किअ सह आसा इहअ कि तेऊ खोल्हअ हाम्हां लै तिधा डेऊणा लै एक दुआर ज़िधी परमेशरा हाम्हां लै झींण करा, तेता लै हणअ हाम्हां खुश किल्हैकि हाम्हैं करा बडै भरोस्सै दी आशा कि परमेशरा करनी खुल्है दिलै हाम्हां संघै आपणीं महान गल्ला साझ़ू।
सिधअ इहअ ई निं, हाम्हां लागा बूरै बगता दी बी परमेशरे प्रतप्पो इहअ सोठी करै घमंड करनअ कि बूरै बगता संघै सबर, अर सबर करी बूरै बगता दी खरै निखल़णैं करै हआ आशा पैईदा,
ज़ेभै हाम्हैं परमेशरै बच़ाऊऐ तेभै दैनी तेऊ हाम्हां लै आशा। ज़ै तम्हैं तिन्नां गल्ले आशा करे ज़ुंण तम्हां का पैहलै ई आसा, तेता लै निं आशा डाहणीं बोल्दै अर तै निं कोही आजू आशा डाहणीं। पर अज़ी निं हाम्हां तिंयां सोभै गल्ला भेटी ज़ुंण हाम्हां लै परमेशरै आसा दैणीं किई दी, तैही आसा हाम्हां अज़ी बी तिन्नां गल्ला भेटणें आशा। हाम्हैं करा सबर अर हाम्हैं रहा तिन्नां गल्ला तेभै तैणीं न्हैल़ै लागी ज़ेभै तैणीं हाम्हां तिंयां भेटी निं जाए।
पर अज़ी निं हाम्हां तिंयां सोभै गल्ला भेटी ज़ुंण हाम्हां लै परमेशरै आसा दैणीं किई दी, तैही आसा हाम्हां अज़ी बी तिन्नां गल्ला भेटणें आशा। हाम्हैं करा सबर अर हाम्हैं रहा तिन्नां गल्ला तेभै तैणीं न्हैल़ै लागी ज़ेभै तैणीं हाम्हां तिंयां भेटी निं जाए।
ज़ुंण तम्हां आशा आसा तेता लै रहा खुश अर खरी दी कर सबर अर प्राथणां दी रहा हर बगत लागी।
हुंह करा परमेशरा का अरज़ ज़ुंण आशा दैणैं आल़अ आसा, तम्हैं ज़ै विश्वास डाहे, तम्हैं लोल़ी तेऊ सोभी रंगे नंद अर शांती करै भरी दैनै, ताकि पबित्र आत्में शगती संघै थारी आशा बढदी रहे।
हुंह करा परमेशरा का अरज़ ज़ुंण आशा दैणैं आल़अ आसा, तम्हैं ज़ै विश्वास डाहे, तम्हैं लोल़ी तेऊ सोभी रंगे नंद अर शांती करै भरी दैनै, ताकि पबित्र आत्में शगती संघै थारी आशा बढदी रहे।
A fé é a certeza
A fé é a certeza do que se espera. Mantenhamos firme a confissão da esperança, pois fiel é o que prometeu.
विश्वास आसा एतो निहंचअ कि हाम्हां भेटणीं तिंयां गल्ला पाक्कै दी ज़ेते हाम्हैं आशा डाहा अर भरोस्सअ करनअ कि ज़ुंण च़िज़ा हाम्हैं भाल़ी निं आथी तिंयां आसा असली दी।
विश्वास आसा एतो निहंचअ कि हाम्हां भेटणीं तिंयां गल्ला पाक्कै दी ज़ेते हाम्हैं आशा डाहा अर भरोस्सअ करनअ कि ज़ुंण च़िज़ा हाम्हैं भाल़ी निं आथी तिंयां आसा असली दी।
आपणीं आशा दी डाहणअ पाक्कअ विश्वास। किल्हैकि ज़ुंणी करार आसा किई दी, सह परमेशर आसा शुचअ।
आपणीं आशा दी डाहणअ पाक्कअ विश्वास। किल्हैकि ज़ुंणी करार आसा किई दी, सह परमेशर आसा शुचअ।
हाम्हैं सोभै विश्वासी आसा एकी ई देहीए आंगा ज़िहै अर हाम्हां सोभी आसा एकी रंगे पबित्र आत्मां भेटी दी, ज़ेही तम्हां लै आशा आसा भेटी दी ज़ेभै तम्हैं परमेशरे आपणैं हणां लै आसा छ़ांटै दै।
हुंह करा प्राथणां बी कि परमेशर थारै दिलै तैहा गल्ला प्रगट करे ज़ेता सह हाम्हां लै दैणअ च़ाहा, ताकि तम्हां का थोघ लागे कि ज़ेते हाम्हां तेऊ का आशा आसा तिंयां गल्ला हाम्हां लै केतरी महान आसा। अर तिन्नां सोभी लै बी ज़ुंण तेऊ पबित्र हणें तैणीं शादै दै आसा।
परमेशर च़ाहा इहअ कि तिन्नां का लोल़ी थोघ लागअ कि मसीहे ज़ैदात अर प्रतप्प आसा तम्हां होरी ज़ातीए लोगा लै बी। अह भेद आसा इहअ कि मसीहा रहा तम्हां दी। अह दैआ तम्हां लै परमेशरे प्रतप्पा दी साझ़ू हणें आशा।
किल्हैकि हाम्हैं शूणअ इहअ कि मसीहा ईशू दी आसा थारअ विश्वास अर सोभी पबित्र लोगा संघै डाहा तम्हैं झ़ूरी। तम्हैं करा एता तैहा च़िज़े आशा डाही करै ज़ुंण तम्हां लै स्वर्गै आसा डाही दी, ज़ेते बारै तम्हैं तेऊ खुशीए समादे शुचै बैणा दी तिन्नां का शूणीं आसा मुक्कै दै ज़ुंण तम्हां सेटा शुरू दी आऐ।
Esperança e confiança
Eu sei os planos que tenho para vocês — planos de paz e esperança. Deus é a fonte de toda esperança.
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।
ज़ुंण मंऐं थारै बारै सोठी आसा डाहअ द, तेते बारै ज़ाणा सिधअ हुंह, मेरी सोठ आसा थारै भलाईए तैणीं, सह निं थारी हान्नी करने आथी। मेरी सोठ हणीं एही ज़ेथ आजू तम्हां आशा रहे।
ओ लोगो, ज़ुंण बिधाता दी आशा डाहा,
तम्हैं डाहा हैअ अर तम्हैं लोल़ी पाक्कै रहै।
ओ लोगो, ज़ुंण बिधाता दी आशा डाहा,
तम्हैं डाहा हैअ अर तम्हैं लोल़ी पाक्कै रहै।
इहअ किल्है चुटअ मेरअ हैअ?
मुंह किल्है निस्सअ उझ़ुई नां बेशी राम हई?
मुंह डाहणअ परमेशरा दी भरोस्सअ,
मुंह लणअ त एकी बारी भिई परमेशरा सेटा डेऊई
आपणैं उद्धार करनै आल़ै परमेशरो शूकर करी।
इहअ किल्है चुटअ मेरअ हैअ?
मुंह किल्है निस्सअ उझ़ुई नां बेशी राम हई?
मुंह डाहणअ परमेशरा दी भरोस्सअ,
मुंह लणअ त एकी बारी भिई परमेशरा सेटा डेऊई
आपणैं उद्धार करनै आल़ै परमेशरो शूकर करी।
मेरी शरण लणें ज़ैगा अर मुंह बच़ाऊंणै आल़अ आसा तूह ई।
मेरअ आसरअ आसा सिधअ तेरअ बैण ई।
मेरी शरण लणें ज़ैगा अर मुंह बच़ाऊंणै आल़अ आसा तूह ई।
मेरअ आसरअ आसा सिधअ तेरअ बैण ई।
हे बिधाता, हुंह च़ाल्लअ शुक्की-मुक्की, न्हैल़अ लागअ द कि ताह बच़ाऊंणअ हुंह,
हुंह आसा सिधअ तेरै बैणे आसरै रहअ द।
तिन्नां मणछा लै भाल़ केही बर्गत हणीं ज़सरी मज़त याकबो परमेशर करा
अर ज़ुंण परमेशर बिधाते आसरै रहा।
हे परमेशर, मुंह आसा तेरअ ई भरोस्सअ।
तूह बच़ाऊ मुंह हारने बेइज़ती हणैं का,
मेरै दुशमणा निं मेरी हारने खुशी दी नाच़-खेल्ह करनै दैई।
ज़ुंण ताह दी भरोस्सअ करा, तिंयां निं कधि हारी सकदै,
पर ज़ुंण छ़ेक्कै धोखअ दैआ, तिंयां हणैं शर्मिंदै।
Esperança eterna
Somos salvos na esperança. Aquele que prometeu é fiel. A esperança está guardada nos céus para os que creem.
परमेशरै किअ इहअ तै कि सह आपणैं जशा करै हाम्हां आप्पू संघै धर्मीं बणांए अर हाम्हैं बी तेऊए लुआद बणी सके अर हाम्हां तेऊ संघै सदा लै ज़िन्दगी भेटे ज़ेते हाम्हैं आशा आसा।
हाम्हैं करा मैन्थ अर कठण काम ऐहा ज़िन्दगी पाणें तैणीं किल्हैकि हाम्हैं डाहा ज़िऊंदै परमेशरा दी आशा ज़ुंण सोभी मणछो उद्धार करनै आल़अ आसा अर खासकर तिन्नों आसा ज़ुंण तेऊ दी विश्वास करा।
सह आसा एक्कै ज़ुंण सदा रहणअ ज़िऊंदअ। सह रहा स्वर्गै प्रैश्शै दी तेतो झ़ामण आसा इहअ खास्सअ कि तिधी तैणीं निं कोहै पुजी सकदअ! सह ई आसा ज़ुंण आझ़ तैणीं कोही निं हेरअ अर नां कुंण मणछ तेऊ भाल़ी सकदअ! हुंह च़ाहा इहअ कि तेऊओ अदर किअ अर तेऊओ राज़ अर शगती लोल़ी सदा रही! एवमस्तू
एऊ संसारे सेठा लै बोल इहअ कि घमंड निं करा अर नां आपणीं धन-माया दी डाहा भरोस्सअ ज़ुंण थोल़ी घल़ी लै आसा, पर परमेशरा दी डाहा आशा ज़ुंण म्हारी ज़रुरतीए सोभै गल्ला खुल्है हाथै दैआ ताकि हाम्हैं तिन्नां करै नंद करी सके।
हाम्हैं करा हर बगत आपणैं बाब परमेशरा सेटा थारै विश्वासे काम, झ़ूरी लै मैन्थ, अर म्हारै प्रभू ईशू मसीहा दी पाक्की आशा अर परमेशरा लै काम करनअ आद।
भाईओ, हाम्हैं निं च़ाहंदै कि तम्हैं तिन्नें बारै ज़ुंण मरी आसा गऐ दै, तिन्नें बारै नज़ाण रहे, इहअ निं हआ कि तम्हैं होरी ज़िहअ शोग करे, ज़हा मरनै का बाद आशा ई निं आथी। किल्हैकि, ज़ै हाम्हैं भरोस्सअ करा कि प्रभू ईशू मूंअ अर ज़िऊंदअ बी हुअ, तिहअ ई ज़ुंण मसीहा दी मूंऐं दै आसा तिंयां बी आणनैं परमेशरा मसीहा संघै बापस।
इहअ करै बोला हाम्हैं एतरी आशा अर हैअ डाही करै।
पर ऐबै लागा हाम्हां ईंयां चअन च़िज़ा करनी, परमेशरा दी विश्वास करनअ, परमेशरे करारा दी आशा अर होरी संघै झ़ूरी करनी। पर इना चिई मांझ़ै आसा असली दी सोभी का महान होरी संघै झ़ूरी डाहणीं।
Expressões de esperança
Vinde a mim todos os que estais cansados. A esperança adia a dor e floresce na presença do Senhor.
"तम्हैं सोभै एछा मुंह सेटा लै ज़ुंण शास्त्री अर सैणैं खोज़ै दै बधाना मनणे भरपूर कोशिश करा, ज़ुंण तम्हां प्रैंदै बोझ़ आसा हुंह दैंऊं तम्हां लै तिन्नां सोभी गल्ला का बशैघ।
मालक बिधाता पाई मुंह दी आपणीं आत्मां।
तेऊ छ़ांटअ हुंह संघा छ़ाडअ हुंह
रैनै-गरीबा लै खुशीए समादा खोज़दअ,
दुखी दिले मणछा नरोगै करदअ अर
कैद किऐ दै मणछा अर गलाम हुऐ दै मणछा लै
आज़ाद हणें खुशीए खबर खोज़दअ।
पर ज़ुंण बिधाते आसरै रहा, अर ज़ुंण तेऊ का मज़त मांगा,
तिन्नां भेटणअ ताज़अ ज़ोर।
तिन्नां लागणै मुक्षरलै ज़िहै नऊंऐं फैंख,
तिन्नां बाहणीं ठुहर पर तिन्नों शाह निं फुलणअ,
तिंयां निं हांढी-हांढी बी दुबल़ै हणैं।"
हुंह बोला दिला का इहअ,
"मेरी हर ज़रुरत आसा बिधाता, तैही रहा हुंह तेऊए आसरै।"
रही मेरी गल्ल, मुंह रहणअ तेता भाल़ै लागी ज़ुंण बिधाता करनअ। मुंह रहणअ बिधाता न्हैल़ै लागै ज़ुंण मुंह बच़ाऊआ। मुखा आसा थोघ कि सह हेरा मेरी गल्ला शूणीं।
ज़ेभै आशा खतम हआ, तेभै चुटा दिल बी,
पर ज़ेभै मानत पूरी हआ, सह ज़ाण्हिंआं ज़िन्दगी दैणैं आल़ै हरै बूटा ज़िहअ।
ज़ेभै आशा खतम हआ, तेभै चुटा दिल बी,
पर ज़ेभै मानत पूरी हआ, सह ज़ाण्हिंआं ज़िन्दगी दैणैं आल़ै हरै बूटा ज़िहअ।
Firmeza na esperança
Esperai no Senhor! O cavalo é vaidade para a segurança, mas o Senhor guarda os que nele esperam.
हे बिधाता, हाम्हां लै दै आपणीं बर्गत,
हाम्हां लै कर झींण, ज़ेही हाम्हैं ताखा आशा डाहा।
हे बिधाता, हाम्हां लै दै आपणीं बर्गत,
हाम्हां लै कर झींण, ज़ेही हाम्हैं ताखा आशा डाहा।
हे बिधाता, हाम्हैं आसा तेरै आसरै,
तूह कर म्हारी मज़त, हाम्हां डाह बच़ाऊई।
घोल़ै आसरै निं जुध ज़िती सकदै,
तिन्नों खास्सअ बल बी निं मणछा बच़ाऊई सकदअ।
पर बिधाता रहा तिन्नां भाल़अ लागी ज़ुंण तेऊओ अदर करा,
अर ज़ुंण तेऊए झींण करने आशा डाहा।
सह बच़ाऊआ तिन्नां मरनै का,
घोर नकाल़ा जैंदरी बी डाहा तिन्नां ज़िऊंदै।
हुंह रहअ ताह न्हैल़अ भाल़अ लागी कि ताह हेरनी मेरी मज़त करी,
अर हुंह रहा तेते आसरै ज़ुंण तंऐं ज़बान आसा दैनी दी।
हुंह रहा परमेशरे आसरै अर
हुंह डाहा तेऊ ई दी आशा।
ए म्हारै परमेशर, तंऐं बच़ाऊऐ हाम्हैं,
तंऐं दैनअ हाम्हां ज़ताऊई करै म्हारी प्राथणों ज़बाब।
सारै संसारे मणछ अर दूर समुंदरे बाढै रहणैं आल़ै
लोग करा ताह ई प्रैंदै भरोस्सअ।
हे मेरै मालक, तै हुंह किज़ै न्हैल़ूं?
आशा डाहा हुंह तेरी।
मुखा शखैल़ आपणैं सत्ता दी ज़िन्दगी ज़िऊंणीं,
मेरअ परमेशर आसा तूह ज़ुंण मुंह बच़ाऊआ।
हुंह रहा सदा तेरै ई भरोस्सै।
ए मेरै बिधाता, तूह शूणां दोत्ती मेरै बोल,
धैल़अ निखल़णैं का आजी करा हुंह, ता सेटा अरज़
संघा रहा हुंह ताखा ज़बाबा न्हैल़अ लागी।
रैनै-गरीब निं सदा बिस्सरी डाहणैं,
नां तिन्नें आशा सदा लै खतम हणीं।
बिधाता काढणअ तूह आफ़ता का बच़ाऊई,
तेऊ बच़ाऊंणअ तूह मरनै का।
बिधाता करनी आझ़ा पोर्ही सारी सदा,
एछदी-नांहंदी तेरी फाज़त।
मुंह रहा इहअ धैस्स लागी कि तूह बिधाता आसा हर बगत मुंह संघै,
मुंह निं कोहै डरैऊई सकदअ किल्हैकि तूह आसा मुंह सेटा आप्पै।