Esperar no Senhor
Esperar no Senhor é ato de fé e confiança. A Bíblia promete que os que esperam em Deus renovam as forças, recebem direção e experimentam a fidelidade divina no tempo certo.
Renovar as forças
Os que esperam no Senhor renovam as forças. Sobem como águias, correm e não se cansam, caminham e não se fatigam.
Espera paciente
Esperei com paciência no Senhor e Ele se inclinou para mim. Confie nele e descanse — Ele agirá no tempo certo.
Confiança e perseverança
Confie no Senhor de todo o coração. Sede pacientes na tribulação — o Senhor é fiel e cumprirá todas as suas promessas.
Jamí ra̱ꞌkhá i̱ndo̱ó rúꞌkhue̱n, rí mangaa máꞌ nadxu a̱kia̱nꞌlóꞌ ná awúun jamínu̱ꞌ, numuu nduꞌyáálóꞌ rí jamínu̱ꞌ naꞌne rí ma̱ꞌngo̱o̱ a̱kia̱nꞌlóꞌ inuu mbá xúgíí. Jamí xí na̱ꞌngo̱o̱ a̱kia̱nꞌlóꞌ inuu mbá xúgíí rá, nadxu a̱kui̱in Ana̱ꞌlóꞌ e̱ꞌne̱lóꞌ. Jamí xí nadxu a̱kui̱in Ana̱ꞌlóꞌ e̱ꞌne̱lóꞌ, rúꞌkhue̱n naꞌne rí ga̱jma̱á mbá jañii a̱kia̱nꞌlóꞌ mu̱waꞌthi̱ínlóꞌ rí wéje̱ ma̱ri̱gá.
Xúꞌkhue̱n máꞌ nu̱nda̱ꞌáa̱xo̱ꞌ rí ma̱ꞌne gúkuáanꞌlaꞌ ga̱jma̱á mbá xúgíí ski̱yu̱u̱ꞌ Ana̱ꞌlóꞌ rí phú wáá, kajngó ma̱ꞌngo̱o̱ a̱kia̱nꞌlaꞌ jamí ma̱wajún-gúkuálaꞌ inuu mbá xúgíí gaꞌkho̱.
Ikhaa jngó, a̱ngui̱nꞌ, ga̱ꞌngo̱o̱ a̱kia̱nꞌlaꞌ asndo mbiꞌi rí ma̱ꞌkha̱a Táta̱. Gu̱ya̱xe̱laꞌ xómá eꞌne xa̱bo̱ tsí nañajun xanáá, gíꞌthu̱u̱n máꞌ xúꞌkhue̱n rí maguu̱ rí mitsaan ma̱jma̱a̱ ná tsu̱du̱u̱ ju̱ba̱ꞌ rí niꞌdii̱, jamí gíꞌthu̱u̱n máꞌ xúꞌkhue̱n rí ma̱ga̱nú mbiꞌi rí naxnúu ruꞌwa. Xkuaꞌnii máꞌ gúne̱ mangáanꞌlaꞌ, gu̱ne̱ gakhe̱ a̱kia̱nꞌlaꞌ jamí ma̱xáꞌne níꞌnga̱ꞌlaꞌ rí mu̱waꞌthi̱ínlaꞌ, numuu rí inu máꞌ ma̱ꞌkha̱a Táta̱.
Ikháánꞌlóꞌ na̱ju̱ma̱ꞌlóꞌ rí phú gagi júwa̱ꞌ xa̱bo̱ tsí na̱ꞌngo̱o̱ a̱kui̱ín rí mu̱míni̱í. Ikháanꞌlaꞌ ni̱dxawíínlaꞌ xáne ni̱ꞌngo̱o̱ a̱kui̱in Jób rí mamínu̱u̱ꞌ mi̱ndaꞌkho, jamí ndu̱ya̱álaꞌ máꞌ rí phú mba̱a̱ rí máján nijanáa̱ nda̱wa̱á neꞌne Táta̱. Numuu rí Táta̱ phú nañáwíin a̱kuii̱n jamí phú mba̱a̱ a̱kuii̱n.
Nákhí rí ikháanꞌlaꞌ ni̱drígúlaꞌ ajngáa rí gakon ga̱jma̱á majñu̱u̱ Xu̱u̱ꞌ Ana̱ꞌlóꞌ, a̱ꞌkhue̱n neꞌne-jaꞌwu̱u a̱kia̱nꞌlaꞌ kajngó ma̱ꞌne gakon rí nandalaꞌ ju̱ñu̱ú a̱ngia̱nꞌlaꞌ. Ikhaa jngó, ga̱galaꞌ ju̱ya̱-mijnálaꞌ ga̱jma̱á mbá jañii a̱kia̱nꞌlaꞌ. Numuu rí ikháanꞌlaꞌ ni̱gu̱ma-nuxáanꞌlaꞌ, ra̱ꞌkhá ga̱jma̱á majñu̱u̱ ri̱jyu̱u̱ꞌ xa̱bo̱ numbaa rí wéje̱ ma̱mbáa, rí ga̱jma̱á majñu̱u̱ ajngáa rawuun Ana̱ꞌlóꞌ tsí ndaꞌya jamí xtáa jámuu. Numuu rí xkuaꞌnii ka̱ma naꞌthán ná i̱yi̱i̱ꞌ ajngóo Ana̱ꞌlóꞌ:
«Jámba̱a̱ xa̱bo̱ numbaa xómá iná jaꞌnii̱,
jamí mbá xúgíí rí gíꞌdoo numuu̱ xómá ri̱ꞌyu̱u̱ iná jaꞌnii ne̱.
Rí iná nojndoo ne̱, jamí rí ri̱ꞌyu̱u̱ iná na̱ráka ne̱,
xómáꞌ rí ajngáa rawuun Táta̱ rá, jámuu ríga̱ ne̱».
Jamí ikhaa máꞌ ajngáa rúꞌkhue̱n ñajuun ajngáa máján rí waꞌthánlaꞌ.
Ra̱ꞌkhá máꞌ numuu rí naꞌne-gajyúu Táta̱ rí ma̱ꞌne-mbánuu rí nixuda-mina̱ꞌ, xómá rí nu̱ndxa̱ꞌwa̱-mijná mbá tikhuun xa̱bo̱, rí i̱ndo̱ó máꞌ numuu rí phú mba̱a̱ a̱kuii̱n gíꞌdáa̱nꞌlaꞌ. Tsíyoo Ana̱ꞌlóꞌ rí ma̱ja̱ñúu nimbáa xa̱bo̱, rí nandoo̱ rí mbá xúgíin xa̱bo̱ ma̱thanga̱a a̱kui̱ín ná inuu̱ ikhaa̱.