Espírito
O espírito humano é a parte mais profunda do nosso ser — onde Deus habita, onde a fé se ancora e de onde brota a verdadeira adoração. A Bíblia nos chama a viver pelo Espírito.
A natureza do espírito
O espírito está pronto, mas a carne é fraca. A batalha entre carne e espírito é constante e exige vigilância.
Agagudúañu humá, afurieida huguyame, mábürühan humaamuga lidoun óuchawaguni. Inarüni luagu anha tan huani lun katei le buídubei; ánheinti húgubu, débiliti.
«Fuleseiwatiña ha asubudirubalin luagu megei hamani lídehan Bungiu,
ladüga ménrengubei houn lun hebelurun lidoun larúeihan Bungiu sielu.
Ladüga múaradunti Sífiri luma layumahan ǘgürügü; múaradun ligía ǘgürügü luma layumahan Sífiri. Gáganiguati aban luma le aban; ligía lásiñarunbei hadügüni katei le habusenrubei yebe hadügün.
Anihán katei le nariñagubei hun: Abagarida humá kei labusenruni Sífiri, ítara luba michu humá gúnfuli lun layumahan ǘgürügü.
Ánheinti igaburi le líchugubei Sífiri: Ínsiñehabuni, ugundani, darangilaü, gaguraasuni, areiduni, lubuidun igaburi, úaraguni, ǘnabuguni, ragüguaü unguaü. Úaraguati burí igaburi le luma furumiñeguarügü lúrudu.
Ítara kei wabagaridun lídangiñe Sífiri, lunti giñe wígirun lun ladundehaniwa Sífiri lidan sun le wadügübei.
Dan le habagaridun gürigia según igaburi lánina figóu le hádanbei, barǘ lumutiña lidoun óunweni; ánheinti dan le habagaridun keisi lugundan Sífiri Sandu, barǘ lumutiña lidoun ibagari tímatimaati luma darangilaü.
O Espírito de Deus em nós
Vosso corpo é templo do Espírito Santo. Deus fortalece com poder no homem interior pelo seu Espírito.
Ibidiñeti funagia hun luagu luban lan Sífiri Sandu wágubu, le líchugubei Bungiu woun lun laganóun wadan? Mama wagía laburiñabei wágubu; Bungiu laburemebei. Agañeiha lumutiwa Bungiu seru lun lánigu wamá. Ligía lunti lubéi wíchugun uéiriguni lun Bungiu lau wágubu.
Gama lumoun le óundaruti lumoun Kristu, aba ábanmeme lan sífiri luma.
Ka hádangiñe gürigia gayaraabei lasubudiruni ka lan tídanbei lanigi aban gürigia, luéidigia sífiri le lídanbei gürigia ligía? Ítara liña giñe, lánirügüñein Bungiu Sífiri asubudirei sun katei le lídanbei Bungiu.
Káteiti lunbei wadügüni? Lidan adamurini gayaraati wafurieidún lidan dimurei terencha, gama lumoun lunti giñe wafurieidún lidan dimurei le gunfurandawati. Gayaraati weremuhan lidan dimurei terencha, gama lumoun lunti giñe weremuhan lidan dimurei gunfurandawati.
Amuriahatina luma Bungiu lun líchugun erei luma ubafu hun según lueirin ubafu le lúmabei, lun hidin hubaruaguóun lau Sífiri Sandu le hídanbei. Amuriahatina giñe luma lun laganóun Kristu tidan hanigi, lau sun hafiñen luagu, lun ínsiñeniba lan lílagüle luma liderebugu hibagari,
Amuriahatina luma Lubungiute Wabureme Hesukrístu, Úguchili Wéiriguti, lun líchugun subudi íñugiñeti hun lun gunfuranda humani le lasubudirágüdübei hun, lun giñe hasubudirunitima Bungiu buidu.
Sífiri Sandu le heresibirubei, mama aban sífiri lánina idamuni lunya hanufudedun; Sífiri le heresibirubei, ligía le adügübalün lun lirahüñü humá Bungiu. Ligía gayara lubéi wagúaruni Bungiu Baba: Gefenti lani Bungiu Sífiri woun luagu lirahüñühadiwa lan Bungiu.
Gefenti lani Bungiu Sífiri woun luagu lirahüñühadiwa lan Bungiu.
Sífiri Sandu le heresibirubei, mama aban sífiri lánina idamuni lunya hanufudedun; Sífiri le heresibirubei, ligía le adügübalün lun lirahüñü humá Bungiu. Ligía gayara lubéi wagúaruni Bungiu Baba:
Anhein winwan lubéi lani Kristu Sífiri hidan, wínwanboun huani ladüga richaguagüda laadün Bungiu, lau sun lóunweba lan húgubu ladüga figóu le lídanbei ubóu le.
Sun ha ladundehabaña lani Bungiu Sífiri, lirahüñü Bungiu hagía.
Ítarameme giñe, íderagua lumutiwa Sífiri Sandu lidan wadebilin. Lugundun mayumuraguaditiwa kei lubudubu, gama lumoun ayumuraguati Sífiri Sandu wawagu lun Bungiu lau amumehani le siñati lariñawagúniwa lau dimurei.
Mamagualigu humá lidan luadigimari Wabureme; seriwi huméi tau sun hanigi.
Bungiu, le íchugubalin emenigini woun, buíngüdalaün lau ugundani luma darangilaü lidan hafiñerun luagu, lun buinñu humá lau emenigini, lau lubafu Sífiri Sandu.
Vida no Espírito
Deus é Espírito e importa que os que o adoram o adorem em espírito e em verdade. O Espírito vivifica e transforma.
Sífiri Bungiu; ani ha áhuduragubaña lun, lunti hadügüni lau sun hani sífiri luma hanarün.
Lachülürüba oura, ani anihán oura ligía, lun láhudurawaguba lan lun Bungiu lau sífiri luma inarüni, ladüga ítara liña labusenrun Úguchili lun láhudurawagun lun. Sífiri Bungiu; ani ha áhuduragubaña lun, lunti hadügüni lau sun hani sífiri luma hanarün.
Ligía sun lubéi wagía, gidawaaru belu luéi wagibu arufudeinei luéirigun Bungiu ítara, kei hamuga tidan aban isubusei; asansiragueina wagíati lun lenegebadiwa lan, ladüga aganwoundeina liña luéirigun Bungiu wadan. Lasuseredunbei ítara ladüga ladügüni Wabureme lau lani Sífiri.
Ítara liña lubeiti, niduheñu hínsiñetiña nun, anihán burí füramasei le ladügübei Bungiu woun. Ligía lunti lubéi wachibuni sun luwuyeri iwiyei wawariua, dandu luéi wágubu kei tuéi wawani. Houcha wamá lun sandu wamá ligibugiñe Bungiu, lau lueirin inebesei le wawagubei lun.
Ladüga míchugunti Bungiu aban Sífiri lánina anufudei woun, aban Sífiri lánina ubafu, ínsiñeni, luma ragüguaü unguaü líchugubei woun.
Ladüga míchugunti Bungiu aban Sífiri lánina anufudei woun, aban Sífiri lánina ubafu, ínsiñeni, luma ragüguaü unguaü líchugubei woun.
ladüga subudi numuti luagu esefurunibei lan sun katei le nun, seremei lun hayumuragun lun Bungiu nuagu luma ladüga líderagunina lani Hesukrístu Sífiri.
Binilaün Wabureme Hesukrístu sun huguya.
Promessas do Espírito
Derramarei o meu Espírito sobre toda a carne. O Espírito revela, guia e capacita os filhos de Deus.
Ru huméi harigei lun narufudahan,
ábame nabuinchagüdünün lau nani sífiri;
nasubudiragüdübei nisaminan hun.
Buiti sun le hadügübei gürigia lidan haritagun,
gama lumoun Bungiu aguseragüdübalin saminaü.
Lárigi pantaü liabin günringuaü;
lárigi anaaguni unguaü liabin ábürühani.
Buítimati banaagun bungua ǘnabugu hama gudemetiña
sügǘ lau gafanran ban lidan harisin ha pántabaña.
Buítimati gaguraasuni sügǘ lau ganigi,
buítimati lágüdaagun gürigia lungua
sügǘ lau lagañeirun uburugu burí.
Ítara liña Sífiri le líchugubei Bungiu houn gürigia,
kei igemeri lun larugoungadagüdüni habagari.
Lariñaga nun:
—Luganute Wabureme le lun Sorobaweli: "Mama hau súdaragu, ni lau erei, lauba nani Sífiri, liña lariñagun Bungiu Suntigabafu".
Anihein lani Bungiu sífiri nuagu,
lugundun anúadira láadina Bungiu;
óunaha láadina apurichihei iseri uganu houn gudemetiña,
awalidaguagüdaña ha nidiheribaña,
adimureha houn adaürǘtiña ha furisunrugubaña luagu áfuriduni;
Nagidaruboun anigi deretu kei dübü to hawaguboun, ábame níchugun aban iseri anigi luma iseri sífiri houn. Ábameti habagaridun úaragua luma nilurudun, ábame hadügüni le nubeibei. Hagíaba numutuniña, aume Habungiute.
Lariñahare Aburemei hun: "Níchiga awaraguni lánina ibagari hidoun lun háguyugun.
Cuidar do espírito
Cria em mim um coração puro e renova dentro de mim um espírito reto. O espírito quebrantado Deus não rejeita.
Adügabá aban anigi to harumatu nidan, Nubungiute!
Ru buguyame aban iseri sífiri le gúnfuliti nidoun!
Magidarabana biñuarürugugiñe,
magidarunbeime bani sífiri le sándubei nuéi.
Sandigüdayabei ugundani le lánina besefuhan nun;
ágüdahabana lau lareini bani sífiri,
Aban sífiri le gagariguti lárigi figóu,
ligía edewehani aubei lagundaara Bungiu,
Nubungiute, mamahantibu tun aban anigi gagarigutu!
Yarafati Aburemei lun lesefuruniña
ha gáribei hasandirunu hanigi,
ha féridi hamaalibei hemenigin.
Míchiga huméi hafiñen hawagun gürigia wéirigutiña,
wügüriña ha siñati hesefuhan,
ladüga dan le hounwen, aba hasaliragun kalikime,
ani lídanmeme weyu ligía
lagumucha le hasaminarubei hadügün.
Ladüga wínwantu Lererun Bungiu ani gabafu tuguya. Hamanatu sügǘ tau aban eféin to biánguati tamana, belú tuguya chülǘ tumoun wawani luma wani sífiri. Furangugüda tumuti sun waritagun luma sun le wabusenrubei, arufudatéi ka lan tídanbei wanigi.
Ítara kei hilañu liña lan úgubu anhein ua tubéi uani lidan, hilañu liña giñe hafiñen anhein marufudun humá lau katei buiti le hadügübei.
Niduheñu hínsiñetiña nun, mafiñera humá houn sun ha ariñagubaña luagu Bungiu lan adimurehabei hayumulugugiñe; houcha humaña lun harihini anhein Sífiri Sandu lubéi hádanbei o mama lan ligía. Lugundun buin liña ubóu hau profetagu yéetiña.
Anihán lébubei gayara lan wachoururuni luagu lídanñadiwa lan aban luma Bungiu, ani lídanñein lan giñe aban wama: Luagu ru laali lan lani Sífiri Sandu woun.
Gíchigadihadün ligía katei buiti houn hirahüñü lau sun huriban, gúbumeti líchigei Húguchi Bungiu le siélubei Sífiri Sandu houn ha amuriahabalin!»
Ábati lasaliragún watu gemeti kamá hamuga iñeñein lóugiñe hachügü, afanreinhóuañu lóugiñe kada aban hádangiñe. Aba habuinchun sun hagía lau Sífiri Sandu, aba hagumeserun adimureha lidan burí amu luwuyeri iñeñein luéi hererun según ladimuregüdüniña Sífiri Sandu.
Dan le lagumeserunbei sun katei, aba ladügüni Bungiu sielu luma ubóu. Magaburigili meha ubóu; larihín meha keisi aban barana huliliti daruguñu luburiga lau, anihánti buga lani Bungiu Sífiri ánhinha ligibuagu duna.
Lau sun lidan lan linarün katei,
sun gürigia gunfurandatiña,
ladüga ru lumuti Suntigabafu lani sífiri hadoun.
Haritaguabá luagu Bubungiute guentó lau mátumuragungili lan güringüri lauti pülata, mabouchagun ligía sóudieru lauti golu; guentó lau mabouchagungili lan ágeidinaü laru duna, magünrinchagun ligía ubalabalaü le arariragüdübalin ágeidinaü lun lasagarun duna lídangiñe fusu. Lárigiñeme lira ábame lagiribudun kaliki lárigoun múarugun, giribu ligíame sífiri lárigoun lun Bungiu le íchugubalin.
Busentina lun hasubudiruni sun huguya katei buíduburiti le adüga láalibei Wabungiute le íñugubei nun. Wéinamuti lani milaguru! Laduraruba larúeihan lun sun dan, lasigiruba lubafu hadan sun ha lúnbaña hayabin ubouagun.