Estudar a Bíblia

11 ቤሪያ ኣሳይ ታሶሎንቄ ኣሳፔ ኣዲ ኣኬካራ ዲዛ ኣሳ። ጋሶይካ ሃይሲ ዮኦዚ ቱሜሻ? ጊ ጊዲ ጌሻ ማጻፋታ ቃላ ዎንቲን ዎንቲን ፒልጊ ጼሊዲ ኡፋይሳን ኤኪዴስ።

15 ቱሙ ጾሳ ቃላ ዮቲዛዴ፥ ዬላቾንታ ኦሳንቻኔ ኣሲ ኔ ጊሻስ ሎኦ ማርካቲዛዴ ጊዳዳ ኔናቴ ዉርሳ ጾሳ ሲን ሺሻናስ ሚና።

15 ኔ ጉ ናቴፌ ሃኢ ጋካናስ ዬሱስ ኪርስቶሳ ኣማኖን ኣቶቴ ቤቲዛ ቲሚርቴ ኢሚዛ ጌሻ ማጻፋታ ሎኤ ኤራዳሳ። 16 ጌሻ ማጻፋቲ ዉሪካ ጾሳ ኣያናይ ካሌን ጻፌቲዳይታ፤ ኢስቲካ ኣስ ታማርሳናስ፥ ሃንቃናስ፥ ሱሪሳናስ ቃሴካ ጺሎቴ ኦጌን ካሌናስ ጎኤቴስ። 17 ሄሲካ ጾሳ ኣሲ ሎኦ ኦሶ ኡባስ ቤሲዛዴ ጊዳና ማላሳ።

13 ታ ሄ ባና ጋካናስ ቃላ ናባባናስ፥ ዞራናሲኔ ታማርሳናስ ሚና።

39 ኢንቴስ ጌሻ ማጻፋታፔ ሜርና ዴኦ ዴማናስ ሚሳቲን ማጻፋታ ፒልጌታ፤ ማጻፋቲካ ታ ጊሻስ ማርካቴቴስ።

8 ሃይሲ ዎጋ ማጻፋይ ኔ ዶናፔ ሻኬቶፎ፤ ኢዛ ጊዶን ዲዛይሳ ኔ ሎኤ ናጌታዳ ፖላና ማላ ጋላስ ጊዲን ኦማርስ ዛራ ዛራ ቆፓ፤ ኔ ሄሳ ኦኮ ኔ ቆፒዳ ኡባይ ኔስ ሱራናኔ ሃናና።

105 ኔ ቃላይ ታ ቶሆስ ጾምፔ፤

ታ ኦጌስካ ፖኦ።

97 ታኒ ኔ ዎጋ ኣይ ኬና ሲቃዚና!

ጋላስ ኩሜ

ታኒ ኢዛ ዩሻ ቆፓይስ።

98 ኔ ኣዛዞቲ ኡባ ዎዴካ

ታናራ ዲዛ ጊሻስ

ታ ሞርኬታፔ ኣዲ

ታና ኣኬካንቻ ሂስቲዳ።

99 ኔ ዎዳ ዎጋ

ዩሻ ቆፒዛ ጊሻስ

ታና ታማርሲዳ ኡባፌ

ዎዚናማ ጊዳዲስ።

9 ናቴ ባ ኦጌ ጌሻቴን

ዎስቲ ናጋናስ ዳንዳይዜ?

ኔ ቃላይ ጊዛ ማላ

ዴኢኮ ዳንዳዬስ።

10 ታኒ ታ ኩሜ ዎዚናፔ

ኔና ኮያይስ፤

ኔ ኣዛዞታፔ ካሬ ኬዞንታ ማላ

ታና ናጋ።

11 ታኒ ኔ ቦላ

ናጋራ ኦንታ ማላ

ኔ ቃላ ታ ዎዚናን ቆታዲስ።

12 ኣቤት ጎዳዉ! ኔኒ ጋላቴታ!

ኔ ማራ ታና ታማርሳ።

13 ኔ ዶናፔ ኬዚዛ ማራ ኡባ

ታኒ ታ ኢንጻርሳን ዮታይስ።

14 ኣሲ ባ ዱሬቴን ኡፋዬቲዛ ማላ

ታኒ ኔኒ ኢሚዳ ማራ

ካላሼ ኡፋዬታይስ።

15 ኔ ዎዳ ዎጋታ

ዩሻ ቆፓይስ፤

ታ ዎዚናካ

ኔ ኦጌታን ዎዲስ።

16 ኔ ኣዋጃይ ታና ኡፋይሴስ፤

ኔ ቃላካ ታኒ ዶጊኬ።

ጋሜል

7 ኔ ጺሎ ፒርዳ ታኒ ታማርዳ ኬና

ሱሬ ዎዚናፔ ኔና ጋላታና።

9 ጊታ ጾሳ ዎልቃይ ኢዛ ቦላ ዲዛ ጊሻስ ባቢሎኔፔ ኮይሮ ኣጊናን ኮይሮ ጋላስ ዴንዲዲ ኢቻሻን ኣጊናን ኮይሮ ጋላስ ዬሩሳላሜ ጋኪዴስ። 10 ኢዝራይ ባ ዴኦ ኡባን ጾሳ ዎጋ ፒልጊ ኤራናስ፥ ኦናሲኔ ጾሳ ኣዛዞታኔ ዎጋታ ኩሜ ኢስራኤሌ ናይታ ታማርሳናስ ባናቴ ኣ ኢሚዴስ።

5 ጎዳ ኔ ጾሳ ኔ ኩሜ ዎዚናፔ፥ ኔ ኩሜ ሼምፖፌኔ ኔ ኩሜ ዎልቃፌ ሲቃ።✝ 6 ሃች ታ ኔና ኣዛዚዳ ኣዛዞታ ዎዚናን ዎ። 7 ሃይታ ኣዛዞታ ኔ ናይታ ታማርሳ፤ ኔኒ ኔሶን ኡቲዛ ዎዴ ጊዲን ኦጌ ባሼካ፥ ኢቺዛ ዎዴ ጊዲን ቤጊዛ ዎዴ ኡባን ሃይታንታ ኣኬካሼ ዩሻ ቆፓ። 8 ኔስ ማላታ ጊዳና ማላ ኔ ኩሼ ቦላ ቃቻ ቃሴካ ኔ ፒ ቦላ ዎ። 9 ኔ ኬ ቆሲላ ቦላኔ ጊቤ ፔንጌ ቦላ ጻፋ።✝

18 ኢዚ ባ ካዎቴ ኣልጋን ኡቲዛ ዎዴ ጾሳ ዎጋ ማጻፋ ሌዌ ቆሞ ጊዲዳ ቄሴታ ማታፔ ባስ ዱቂ ኤኮ። 19 ሄ ማጻፋዛ ባ ማታን ዎዲ ባ ዴኦ ላይ ኡባን ናባቦ፤ ኢዚ ሂስቲኮ ጎዳ ባ ጾሳ ቦንቾኔ ሄ ማጻፋን ጻፌቲዳ ዎጋታኔ ማራታ ኬሂ ናጌቲዲኔ ኣማኔቲዲ ፖሎ ታማራና። 20 ሂስቲኮ ኢዚ ባ ዎዚናን፥ «ታኒ ታ ላጌታፔ ኣይስ» ጊዲ ኢስራኤሌ ኣሳ ቦላ ኦቶሬቴና፤ ጎዳ ባ ጾሳ ዎጋፔ ሃዲርሲኔ ኡሻች ጌና፤ ኢዚ ዳሮ ላይ ካዎታና፤ ኢዛ ናይቲካ ኢስራኤሌ ቢታን ዳሮ ላይ ካዎታና።

ሌሚሶታ ዎስቲ ጎኤታናኮ ቤሲዛ ኦጌ

1 ሃይቲ ኢስራኤሌ ካዎ ዳዊቴ ና

ሶሎሞኔ ሌሚሶታ።✝

2 ሌሚሶቲ ኣሳይ ኣ ኤራቴ፥

ሴራኔ ኤራቴ ሃሳያ

ኣኬካናስ ማዴቴስ።

3 ኢስቲካ ዴኣና ዴኦን

ኣ ኤራቴ፥

ጺሎቴ፥ ሱሬ ፒርዳኔ

ሱሬ ሃኖ ታማርሲዛይታ።

4 ኤራቴ ፓጪዳይታስ ኣኬካ፥

ናቴታስ ኤራቴኔ

ዎዚናማቴ ኢሚዛይታ።

5 ኣ ኤራንቻቲ

ሃ ሌሚሶታ ሲዪዲ

ኤራቴ ጉጄቴስ፤

ኣኬካንቻ ኣሳቲካ

ሎኦ ዞሬታ ኤኬቴስ።

6 ሄሳ ማላን ሌሚሶታኔ

ኢስታ ቢርሼታ፥

ኣ ኤራንቻታ ሃሳያኔ

ኢስታ ማሌ

ኣኬካናስ ዳንዳዬቴስ።

ጎዳን ኣማኔቴ

1 ታ ናዞ!

ታኒ ኔና ታማርሲዛይሳ

ዶጎፓ፤

ታ ኣዛዞታካ

ኔ ዎዚናን ዎ።

2 ኢስቲ ኔ ላይ ኣዱሳና፤

ኢሻሎ ዴኦኔ

ሳሮቴ ኔስ ጉጃና።

13 ታ ቲሚርቴ ሎኤ ኦይካ፤

ኢዞ ዬዶፋ፤

ኢዛ ኔስ ዴኦ ጊዲዳ ጊሻስ

ኢዞ ናጋ።

23 ኣይስ ጊኮ ሃ ኣዛዞቲ ኔስ ጾምፔ፤

ቲሚርቴቲካ ፖኦ፤

ቃሴ ሴራይካ

ዴኦኮ ኤፊዛ ኦጌ።

6 ታ ዴሬዛስ ኤራቴ

ፓጪዳ ጊሻስ ይዴስ።

ኢንቴ ታና ኤራናስ

ኮዮንታ ጊሻስ

ታኒካ ኢንቴ ታስ ቄሴታ ጊዲ

ኦና ማላ ኮይኬ።

ኢንቴ ታ ዎጋ ባሌቲዳ ጊሻስ

ታኒካ ኢንቴ ናይታ ባላና።

20 ዎጋኮኔ ማርካቴ ቃላኮ ቢቴ! ኢስቲ ሃይሳ ማላ ቃላ ኢንቴስ ዮቶንታ ኣጊኮ ዎንታ ፖኦይ ኢስታስ ፖኤና።

24 ዬሱሲካ ኢስታስ፥ «ኢንቴ ባሌቲዛይ ጌሻ ማጻፋታኔ ጾሳ ዎልቃ ኤሮንታ ጊሻሳ።

4 ኑኒ ጌሻ ማጻፋታፔ ዴሚዛ ዳንዳያይኔ ሚኖቴ ኑስ ዳና ማላ ኮይሮፔ ጻፌቲዳይሲ ዉሪካ ኑ ኢዛፔ ኑስ ቲሚርቴ ዴማና ማላ ጻፌቲዴስ።

17 ታ ኢሻቶ! ኢንቴ ቃሴ ሄሳ ካሴቲዲ ኤሪዳ ጊሻስ ሃንኮ ማካላታ ባላ ጋሶን ጎሼቲ ቢዲ ካሴ ኢንቴ ሚኒ ዲዛሶፔ ኩንዶንታ ማላ ናጌቲቴ። 18 ሄሳፌ ቦላራ ኑ ጎዳኔ ኑ ሌ ዬሱስ ኪርስቶሳ ኪያቴኒኔ ኢዛ ሻኪ ኤሮን ፑዴ ዲጪቴ፤ ኢዛስ ሃኢካ ሜርናስካ ቦንቾይ ጊዶ። ኣሚን።

10 ሄ ኣቶቴዛ ጊሻስ ኢንቴስ ኢሜታና ኪያቴስ ካሴ ናቤቲ ሎኤ ዎዚናፔ ፒልጊ ጼሊዳ። 11 ካሴ ኢስታን ዲዛ ኪርስቶሳ ኣያናይ ጾሳፌ ቲዬቲዳይሳ ቦላ ጋካና ዋዬዛኔ ሄ ዋዬዛፔ ጉዬ ኢዚ ዴማና ቦንቾዛ ጊሻስ ካሴ ባስ ዎዴስ፤ ኢስቲ ቃሴ ሄሲ ዉሪካ ኣይዴ ዋኒ ሃናናኮ ዩሺ ቆፒዳ።