Estudar a Bíblia

11 Want’hu wa Belea wandaga wabala wanaumanyi kuwajink’ha want’hu wa Sesalonike, nawakategeleza ulosi kwa kunyemwanyemwa nk’hulu, naho kila zuwa nawakakehiniza mo Mawandiko Akukile vileke wakaule ikindedi che milosi ya Paulo.

15 Ukombeke kukelaviliza kunda azumilwe ni Mnungu, enga mdamanya ndima hakuona soni mwe ndima yakwe, naho akuhiniza vedi ulosi we kindedi wa Mnungu,

15 Weye nawe kumanya kukongela houdodo wako kugamba Mawandiko Yakukile yakwink’ha mzungu wa kuyokolwa kwa sila yo mhuwi mwa Yesu Kilisito. 16 Mawandiko yose ya Mnungu yawandikwa kwa kulongozwa ni Mnungu, naho yadaha kukuhiniza ikindedi na kufingiza wiihi na kuwaogola want’hu na kuwalongoza wekale wikazi ukumwelela Mnungu, 17 vileke mnt’hu akumdamanyila ndima Mnungu ande kakint’ha, naivo adahe kudamanya kila ndima yedi.

13 Unde mnt’hu ywa kukombeka kuwasomela want’hu Mawandiko Yakukile mwe kiyeti na kubilikiza na kuhiniza mpaka aho nenizile.

39 Mwakaulisa yadya yawandikwe kwaviya mmanya mndani mwakwe umwo mna ugima wa ulo na ulo. Mawandiko wenye wanilongela miye.

8 Kaulisa use kuleka kusoma ikitabu iki che sigilizi, ukafanyanya kilo na msi na kutimila kila kint’hu kiwandikwe umwo, vileke zimbuli zako zose zikuchumile na kunda mpati kila aho nowiite.

Ung’azi ukulawa mwe Sigilizi ya Zumbe

105 Mbuli yako yanizangazila mwo lugendo lwangu,

ung’azi we zisila zangu.

Kuiunga imiko ya Zumbe

97 Naziungisa zisigilizi zako,

nazifanyanya msi wose.

98 Miko yako ihamwenga na miye lupisi lwose,

initenda mta mizungu kujink’ha wank’hondo wangu.

99 Miye nakombaganyisa kujink’ha wahinizi wangu,

kwaviya sigilizi zako nizo huzifanyanyisa.

Kutimila imiko ya Zumbe Mnungu

9 Ni kwa vivihi mbwanga autende wikazi wakwe kunda wedi?

Ni kwa kutimila imiko yako.

10 Nenikuzungule kwa moyo wangu wose,

usekunileka haita hale ne miko yako.

11 Mbuli yako imwo mwo moyo wangu,

vileke nise kukutendela wavu.

12 Utunywe weye Zumbe,

unihinize zisila zako.

13 Kwa mnimo wangu nenisimuile

sigilizi zose ulongile.

14 Naonela kinyemi kutimila sigilizi zako,

enga kundilisa na ugoli.

15 Miye nafanyanya zisigilizi zako,

na kuzitimila zisila zako.

16 Naonela kinyemi zisigilizi zako,

imbuli yako nayo heniibele.

7 Nohutunye weye kwa moyo wedi,

hakehiniza zisigilizi zako zina uwagilwa.

9 Ezila na want’hu wakwe wakongaga int’hambo mwe dizuwa dya nk’hongo dyo mwezi wa nk’hongo, niyo wabula Yelusalemu mwe dizuwa dya nk’hongo dyo mwezi wa shano kwa wambizi wa Mnungu. 10 Ezila akelavaga kwa moyo wose kuhina miko ya Zumbe, kuizumila mwo kuwahiniza want’hu wa Izilaeli sigilizi ne miko yakwe.

5 Muunge Zumbe Mnungu kwa moyo wako wose na kwo unt’hu wako wose na kwa ludole lwako lwose. 6 Mzikumbukile zisigilizi izi huwasigiilani dielo naho zinde mwe mioyo yenyu. 7 Mzihinize kwa wana wenyu. Zinde ni simulizi yenyu mkanda hakaya hegu mkanda kwe samo hegu mkagenda mwe sila na mkanda mhumula hegu mkanda mwadamanya ndima. 8 Mziwandike na kuzivala mwe mikono na mwe vihanga venyu kunda lukumbusa. 9 Ziwandikeni sigilizi izi mwe mikimaila ye zinyivi zenyu na mwe zink’hili zenyu."

18 Akanda kekaila difumbi dyo useuta vamuunga ande ne kitabu kiwandikwe zisigilizi izi zilaile kwa walava nt’hambiko wa Kilawi. 19 Naho naande ne kitabu icho na kukisoma mazuwa yose yo wikazi wakwe, vileke ahine kumogoha Zumbe Mnungu na kutimila sigilizi zakwe na malagizo yakwe kwa uhuilwa. 20 Uneva anatenda ivo, haakeone kunda ywedi kujink’ha wanduguze Waizilaeli, na kuleka kumwiva Zumbe na kutimila sigilizi zakwe kwa sila yoyose idya. Kwa ivo neekalise mwo useuta, yehe mwenye na welekwa wakwe mwe Izilaeli."

Wambizi we Zingelo

1 Ngelo izi za Sulemani mwana kilume ywa Daudi seuta ywa Izilaeli.

2 Ngelo izi zawenk’haga want’hu mzungu na wogohi, naho zawatenda wamanye mbuli zedi. 3 Ngelo izi zawatenda kunda mzungu na ukindedi na kudamanya yakwelela. 4 Zawenk’ha umanyi wadya heweina ubala, wabwanga nawo, wapata umanyi vileke wekale kwa wengele. 5 Mta mzungu ategeleze na kongezela umanyi wakwe, na mta ubala apate ulangilizi, 6 Mnt’hu amanye mbuli ze mizungu ne miliganyizo na mbuli za wata umanyi na ngelo.

Makanyo kwa wabwanga na wandele

1 Mwanangu use kujala mahinizo yangu, mna ukumbukile malagizo yangu mwo moyo wako. 2 Kwaviya mahinizo yangu naya kongezele wikazi mtali na upati.

13 Tozesa mahinizo yo mzungu unase kuleka yahauke mwako, yaamile kwa wengele kwaviya uwo nuwo ugima wako.

23 Kwaviya sigilizi iyo ni enga lumuli, naho sigilizi iyo ni enga ung’azi, makanyo ayo ni yedi nayakuike mwe sila yo ugima.

24 Yesu niyo awahitula, "Mwaga! Mmanya nii? Kwaviya hamuumanyize Mawandiko hamwenga no udahi wa Mnungu.

4 Mbuli zose ziwandikwa aho kale, zawandikagwa kihinizwe vileke kuligana na ugoja no kugeligwa moyo kikwink’hwa kulawa mwa Mawandiko Yakukile kipate kunda na kawiilo.

17 Mna nyuwe wandugu zangu, muimanya kale imbuli ino. Indeni na wengele mse kuzaganywa ni malema ya mahinizo ya want’hu hewekutimila umwiko niyo mwaza kukimala kwenyu. 18 Mna, gendeeleni kukula mwo wedi wa Mnungu no kummanya Zumbe na Myokozi ywetu Yesu Kilisito. Ukulu wa Mnungu unde wakwe, ivi haluse na mazuwa yose! Taile.

10 Walotezi wa Mnungu walotele mwo uwedi uwo hegu wandile wenyu, nawo wapelemba kwa wengele mwe mbuli yo uyokozi. 11 Wazungulaga kugamba ni kwa vivihi na ni lupisi luhi lulongigwe ni Muye ywa Kilisito andaga mwawe, uyo awagambilaga kale masulumizo yakuunga yamwiziile Kilisito, no ukulu wa Mnungu uwo ukuunga ulaile yakajika ayo.