Evangelização

19 Yanagaw kadtuwi mayu ya kadég na manga banwa aw imo-a mayu ya manga utaw na kanak manga umagakan, aw ba͡utismuwi mayu silan dun ni ngalan na Ama, aw Iseꞌ, aw Ispiritu Santo. 20 Aw palna-uwi mayu silan na imo-un nilan ya kadég na pigsuguꞌ ku kamayu. Aw diliꞌ mayu pagkalingawan na gayed ta kamu agad-agadan kada allaw mendaꞌ na malingeb da ya kadég adti kamoliyan na allaw."

15 Aw miglong si Jisus kanilan, "Kadtuwi mayu ya kadakulaꞌ na banwa, aw pa-ede-a mayu ya kadég na utaw sa Madyaw na Ubat-ubat kanak.

8 Manang dun ni allaw na pagdateng na Ispiritu Santo adti kamayu, madawat mayu ya katulus na Tyumanem. Yanagaw kamu ya magmatinaw kanak asini Jérusalim, aw adti kadakulaꞌ na probinsiya na Judiya aw banwa na Samariya, aw pangkay adti kadakulaꞌ na banwa."

14 "Kasiling kamu uman na saleng na syumiga aw nyatag sa kalalamdag adti kadég na manga utaw. Aw ya syudad na adti tas na buntud, diliꞌ saba kasalibenan.

Ya pundinganan sa asin aw sa kalalamdag

13 Migpadeleg si Jisus miglong, "Asini tas na lupaꞌ, kasiling kamu na asin. Kun ya asin kalagakan sa nanam, diliꞌ da makalikuꞌ ya ka͡asin nan, yanagaw salabel da adti luwaꞌ aw gina-gina-an na manga utaw. Maynan uman, kun malagak ya palangad ka͡asin mayu walaꞌ ya ma-untung na manga utaw adti kamayu.

15 Aw walaꞌ ya utaw na magsuluꞌ sa salengan pada sangkuban nan. Manang betang nan baling adti bantawanan pada ka-ilawan ya kadég na awun ni seled na balay. 16 Maynan uman, pakita-an mayu ya kamayu imo-unun na madyaw kasiling na kalalamdag na pagkita-en na manga utaw. Aw magi sa pigpan-imoꞌ mayu, deyen nilan ya Ama mayu na adti tas na langit.

17 Na, dun ni manga allaw yan, migpalekat si Jisus mig-ubat-ubat na maglong: "Pagselsel kamu! Kay ya Paghariꞌ na Tyumanem sa Kasakupan nan malapit da."

Ya katulus na Madyaw na Ubat-ubat kan Kristu

16 Diliꞌ aku mamulamula magpa-edeꞌ sa Madyaw na Ubat-ubat kan Kristu. Kay ya ubat-ubat yeiy, yan ya katulus na Tyumanem magpaluwaꞌ sa pangkay singalan ya mangintu-u. Pigdengeg yeiy una na manga Judiyu, aw tigkas yan adtu la uman ni manga Héntil.*

17 Pangkay maynan ya nya-imoꞌ, manang adun, makapaglong kita na mabatug da saba na manga utaw ya pagpangintu-u kun dengegen nilan ya Madyaw na Ubat-ubat kan Kristu. Aw dengegen nilan yeiy kun awun utaw na magpa-edeꞌ kanilan.

2 Kay talana ku dun ni kamayu, gayed ku pigbetang adti kanak ginawa na yan oloꞌ ya pa-edeꞌ ku kamayu si Jisu-Kristu aw ya kakawasan na pagkalabu kanan adti krus.

Ya pagkataw ni Jisu-Kristu lekat adti pagkamatay

1 Na, kay manga inulug, kaliman ku na pa-anenganeng kamayu ya Madyaw na Ubat-ubat kan Kristu na pigpa-edeꞌ ku kamayu idtu na muna. Pigdawat mayu yeiy, aw yan ya masalig na tullukanan sa pagpangintu-u mayu taman adun. 2 Kun padelegen mayu ya pagdalug sa Madyaw na Ubat-ubat yeiy, paluwa-en kamu na Tyumanem. Manang kun diliꞌ mayu padelegen ya pagdalug, masapad baling ya pagpangintu-u mayu.

14 Aw pigtawag kamu nan magi sa Madyaw na Ubat-ubat kan Kristu na pigpa-edeꞌ nami kamayu, pada makasambuk kamu dun ni kadyawan na kanaten Matas na Pangulu na si Jisu-Kristu.

15 Yan baling ya kallekan mayu si Kristu aw simba͡en dun ni kamayu anenganeng, kay yan saba ya kamayu Matas na Pangulu. Aw kun awun usip na manga utaw kun unu ya pig-iman mayu, nyatagilan da dadan ya madyaw na un mayu tubag kanilan.

35 Kay kun maggaginawa͡ay kamu, ka-ede-an na kadég na manga utaw na kamu ya kanaken manga umagakan."

8 Aw magi sa pagpamunga mayu na to-o madég, madeyen ya Ama. Aw yeiy ya magmatinaw na kamu ya kanak manga umagakan.

47 Kay yan ya suguꞌ kanami na Tyumanem, law nan,

‘Pigpamalliꞌ da ta kaw na un mag-ilaw sa anenganeng na manga Héntil, pada ya kadég na utaw asini tas na lupaꞌ makaluwaꞌ lekat adti manga salaꞌ nilan.’ "*

24 Manang diliꞌ ku demet ya kanak pagka-utawun. Yan oloꞌ ya kaliman ku na tigkasen ya manga imo-unun na pigtaligu kanak na Matas na Pangulu tadun na si Jisus, na yan ya pagpa-edeꞌ sa Madyaw na Ubat-ubat sa kallat na Tyumanem.

18 "Ini kanaken ya Ispiritu na Tyumanem,

kay pig-atag nan kanak ya katundanan na un magpa-edeꞌ sa Madyaw na Ubat-ubat adti manga utaw na tagituꞌ.

Pigpadala aku nan na un mag-ubat-ubat adti manga pig-allang na mabatug da silan paluwa-en.

Aw ya manga utaw na buta, kumitaꞌ da silan.

Aw ya manga utaw na pyamulayaman, paluwa-en silan.

29 Aw tyumubag si Jisus kanan, "Matinaw saba ya un ku paglongun kanmu: Pangkay singalan ya mag-ayaw sa kadég asuntu kanak aw asuntu sa Madyaw na Ubat-ubat, pangkay ayawan nan ya balay nan, aw ya kanan manga mangkaylug, aw mangkatikadeng nan aw ya manga mangayseꞌ nan, aw ya lupaꞌ nan, 30 na, ya utaw yan, un likuꞌ adti kanan asini tas na lupaꞌ ya sanggatus (100) ka piluꞌ sa idtu na pig-ayawan nan. Dumawat pa sakanan sa manga balay, aw manga mangkaylug, aw manga ina, aw manga mangayseꞌ, aw lupaꞌ, aw maka-agad dun uman ya manga pamulayam. Aw dawaten nan uman ya ginawa na walaꞌ ya katigkasan adti kamoliyan na allaw.

35 Kay pangkay singalan ya gyuminawa sa pag-eyaꞌ nan asini tas na lupaꞌ, kalagakan baling sa ginawa na walaꞌ ya katigkasan. Manang kun singalan ya magtibulluk dumalug kanak pangkay pa adti pagkamatay pada magpa-edeꞌ sa Madyaw na Ubat-ubat, yan ya un makatagtun sa ginawa na walaꞌ ya katigkasan.

27 Kaliman nan na ka-ede-an nilan ya kanan palpa na pigtagilan nan adti manga Héntil. Ya palpa nan yeiy na pigtaguꞌ na to-o madyaw, yan si Kristu na awun da ni kamayu. Aw asuntu na awun da kamu ni kan Kristu, pig-iman da mayu na makasambuk kamu adti kadakulaꞌ na kadyawan na Tyumanem.

Ya matinaw na palna-u

1 Manang ikaw, kay Tito, yan ya gayed mu palna-u ya bet na umbaꞌ na nyaka-unawa sa matinaw na palna-u.