Evangelização

15 A̱ꞌkhue̱n niꞌthúu̱n: «Gaꞌgualaꞌ mbá xúgíí numbaa, jamí gu̱tha̱n-rúꞌúúnlaꞌ mbá xúgíin xa̱bo̱ ajngáa máján.

8 I̱ndo̱ó máꞌ numuu rí ikháanꞌlaꞌ mu̱drígúlaꞌ tsiakhe̱, ído̱ gáꞌkha̱ Xu̱u̱ꞌ Ana̱ꞌlóꞌ ga̱jma̱á nindxa̱ꞌlaꞌ, a̱ꞌkhue̱n mu̱tha̱nlaꞌ rí gakon ga̱jma̱á numuꞌ ná Jerusalén, mbá xúgíí numbaa Judéa̱, ná numbaa Samária̱, jamí asndo ná ndámba̱-ri̱go̱o̱ rawuun numbaa.

Tsiakhe̱ rí gíꞌdoo ajngáa máján

16 Ikhúúnꞌ tsíti̱yu̱ꞌ eꞌne ajngáa máján, numuu rí ikhaa ne̱ ñajuun ski̱yu̱u̱ꞌ Ana̱ꞌlóꞌ rí ma̱ꞌne-jríya̱a̱ꞌ jámba̱a̱ tsí nanimbo̱o̱ꞌ jaꞌyoo ne̱, xa̱bo̱ judío̱ ginii jayu, jamí xa̱bo̱ tsí ra̱ꞌkháa judío̱ ñajúún mangaa.

17 Ikhaa jngó, ndaꞌyóo rí mu̱dxawíín xa̱bo̱ ajngóo Ana̱ꞌlóꞌ,* a̱ꞌkhue̱n rí ma̱goo ma̱we̱je̱ a̱kuíi̱n ná inuu̱.

2 Numuu ni̱ꞌgí-mina̱ꞌlo̱ꞌ rí awúun mbiꞌi rí xtáá ga̱jma̱á nindxa̱ꞌlaꞌ, ma̱xátha̱nꞌlaꞌ numuu i̱mba̱, rí i̱ndo̱ó máꞌ ga̱jma̱á numuu Jesukrísto̱ tsí waꞌdujmaa ná ixe̱ krúsi̱ ma̱ja̱ñúu.

Ndiyáa mbiꞌyuu Krísto̱

1 Rí xúge̱ꞌ rá, a̱ngui̱nꞌ, nandoꞌ rí ma̱rmáꞌáan a̱kia̱nꞌlaꞌ ju̱ya̱á ajngáa máján rí ni̱sngálaꞌ, ikhaa rí ni̱drígúlaꞌ jamí tsíni̱ꞌñáá-ranimba̱ꞌlaꞌ ju̱ya̱á. 2 Ga̱jma̱á majñu̱u̱ ajngáa ríge̱ꞌ ma̱jáwiáanꞌlaꞌ, xí tsíni̱ꞌñáálaꞌ jamí tsímbumalaꞌ rí ni̱sngálaꞌ. I̱ndo̱ó máꞌ numuu rí, xí nu̱ni̱ꞌñáálaꞌ ne̱, nda̱a̱ máꞌ numuu rí ninimba̱ꞌlaꞌ ne̱ xúꞌkhue̱n rá.

14 Ikhaa máꞌ numuu rúꞌkhue̱n neꞌne-jáwiáanꞌlaꞌ Ana̱ꞌlóꞌ ga̱jma̱á majñu̱u̱ ajngáa máján rí nu̱tha̱n-ráꞌaxo̱ꞌ, kajngó ma̱nindxa̱ꞌlaꞌ xómá rí phú wáá jaꞌnii Tátiálóꞌ Jesukrísto̱.

15 A̱ꞌkhue̱n gakon, gu̱ne̱-mba̱a̱laꞌ Táta̱ Jesukrísto̱ ná awúun a̱kia̱nꞌlaꞌ. Ga̱juwalaꞌ xawi jámba̱ miꞌtsú rí mu̱riꞌñáálaꞌ asndo tsáa máꞌ tsí naraxa̱ꞌlaꞌ náá numuu kajngó rí ga̱jma̱á mbá jañii a̱kia̱nꞌlaꞌ guáꞌthi̱ínlaꞌ ná inuu Krísto̱. I̱ndo̱ó máꞌ numuu rí gu̱riꞌñáa̱ꞌlaꞌ ga̱jma̱á gamaku jamí gu̱xrígú-mijnálaꞌ.

35 Xí ikháanꞌlaꞌ nandalaꞌ ju̱ya̱-mijnálaꞌ, mbá xúgíin xa̱bo̱ mbuyáa̱ rí ikháanꞌlaꞌ ñajwanlaꞌ xa̱bi̱ꞌ tsí na̱sngúún».

8 Phú na̱gu̱ma-mba̱a̱ Tátéꞌ eꞌne ído̱ rí ikháanꞌlaꞌ phú nu̱ne̱laꞌ rí máján, a̱ꞌkhue̱n nakujma rí ikháanꞌlaꞌ ñajwanlaꞌ tsí na̱sngúún.

47 Numuu rí xkuaꞌnii nixná-ñájwanxo̱ꞌ Táta̱ nákhí niꞌthán:

"Ni̱ꞌgíínlo̱ꞌ rí ma̱nindxa̱a̱ꞌ xómá agu

rí nambiꞌñúú xa̱bo̱ tsí ra̱ꞌkháa judío̱ ñajúún,

kajngó ma̱nindxa̱a̱ꞌ tsí naꞌthán rí ikhúúnꞌ ma̱ꞌne-jáwíin xa̱bo̱

asndo ná ndámba̱-ri̱go̱o̱ rawuun numbaa"».*

24 I̱ndo̱ó máꞌ numuu rí asndo nimbá máꞌ tsíꞌgíi idxu̱ꞌlo̱ꞌ, ni máꞌ tsíndxa̱ꞌwa̱-mina̱ꞌ rí gíꞌdoo numuu mbiꞌyuꞌ. Rí phú i̱tha̱án gíꞌdoo numuu ñajuun rí ma̱mbóꞌ ma̱ne̱ ñajun rí nixníꞌ Táta̱ Jesús ma̱ne̱, rí ma̱tha̱n-ráꞌa ajngáa máján rí nasngájma rí Ana̱ꞌlóꞌ nandoo jaꞌyalóꞌ.

18 «Xu̱u̱ꞌ Táta̱ xtáa ga̱jma̱á nindxu̱ꞌ,

numuu rí ikhaa̱ niraꞌwúu̱n rí ma̱thu̱ún ajngáa máján xa̱bo̱ tsí ngíníi.

Nixúngúu̱nꞌ rí ma̱ne̱-maꞌdíin xa̱bo̱ tsí natájwíin a̱kui̱ín,*

rí ma̱tha̱n-rúꞌúúnlo̱ꞌ xa̱bo̱ tsí traꞌi̱in géjwa̱nꞌ rí ma̱jáwíi̱n,

jamí ma̱xna̱lo̱ꞌ idúún xa̱bo̱ tsí tsífrigu̱únꞌ.

Mangaa máꞌ rí ma̱ne̱-jáwíin tsí na̱gu̱ma-ngíníi ene̱ xa̱bo̱,

29 A̱ꞌkhue̱n niriꞌña Jesús:

—Na̱tha̱nꞌ-jmbalaꞌ rí ma̱xándáti̱go̱o̱ nitháan asndo tsáa tsí niniñuu guꞌwóo, o dxíyo̱o̱, o jñáguíi, o tátée, o nánée, o a̱ꞌgui̱i, o i̱ji̱in, o mbayuu mbo̱ꞌ, ga̱jma̱á numuꞌ ikhúúnꞌ jamí ga̱jma̱á numuu ajngáa máján. 30 Numuu rí ná numbaa máꞌ ríge̱ꞌ ma̱janáa̱ mbá witsu skíñú (100) mbaꞌa inuu mbámbá rúꞌkhue̱n: guꞌwá, dxíyo̱o̱, jñáguíi̱, nánée̱, i̱jii̱n, jamí mbaa, ga̱jma̱á máꞌ rí mbayamínu̱u̱ꞌ ga̱jma̱á numuꞌ. Jamí ná numbaa rí ni̱kú ma̱ꞌkha̱ rá, ma̱xtáa̱ mbá jámuu ga̱jma̱á nindxu̱u̱ Ana̱ꞌlóꞌ.

35 Numuu rí jámba̱a̱ tsí nandoo gáꞌne-jríya̱a̱ꞌ mbiꞌyuu, ma̱ndáti̱go̱o̱ ne̱. Jamí jámba̱a̱ tsí nandáti̱go̱o̱ mbiꞌyuu ga̱jma̱á numuꞌ ikhúúnꞌ jamí ga̱jma̱á numuu ajngáa máján, tsúꞌkhue̱n tsí ma̱jríya̱a̱ꞌ.

27 Ikhiin tsíge̱ꞌ ñajúún tsí niꞌgí-mina̱ꞌ Ana̱ꞌlóꞌ rí masngájmúú rí phú wáá rí ñajuun awan drígo̱o̱ rí i̱ndo̱ó máꞌ ikhaa̱ ni̱gi̱da̱ꞌ idxu̱u̱ nákhí wajyúú, rí maxnúu̱ xa̱bo̱ tsí ra̱ꞌkháa judío̱ ñajúún. Ikhaa awan rúꞌkhue̱n ñajuun ríge̱ꞌ: rí ma̱xtáa Krísto̱ ná awúun a̱kia̱nꞌlaꞌ, jamí rí ga̱jma̱á mbá jañii a̱kia̱nꞌlaꞌ mu̱waꞌthi̱ínlaꞌ rí ma̱juwalaꞌ ná tsímáá xtáa Ana̱ꞌlóꞌ.

Rí nitháán ma̱ꞌne mbámbáa xa̱bi̱i Ana̱ꞌlóꞌ

1 Xómáꞌ ikháánꞌ rá, Títo̱, arathán-múꞌúún xa̱bi̱i Ana̱ꞌlóꞌ ga̱jma̱á majñu̱u̱ gisngáá rí gakon.