Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Etɛɛ náá, Sisim bi bela ɛ, ye tok Sisim di ewa bin tɔ ekwom nɛ ɛbaadjɛ bin bwoo ɔ. Deenek, Sisim bi nabela ɛ nasa náá, bi di bɛtɛtɛ bɔn ɛ Zɛɛb, yɛ ɛ́ kɔ ɛsu ɛ Sisim yenek ɛ mena di eben gwood, étɛp ɛtsim: «Abha!» Ye kwyɛl ɛlɛɛ ɛ́, «Saagam!» Sisim Zɛɛb nyɛ ɛmet ɛpelyaal nɛ tsɛɛtsɛ nɛ sisim yenaka náá, mena moo ɛ́ bɛtɛtɛ bɔn ɛ Zɛɛb. Deenek, dáa ye di náá, menaka ɛ́ bɔn bɛ ɛ, menaka pe ɛ́ bɔn ɛ lyak! Nɛ tsɛɛtsɛ menaka ɛ́ bɔn ɛ lyak ɛ Zɛɛb, menaka ɛ́ bɔn ɛ lyak sama nɛ Klisto. Etɛɛ náá, mena zukeka sama nɛ nɛ ɔɔ, mena aabaadika ɛ́ sama nɛ nɛ tɔ duma yɛ.
Tin, dáa ɛwala ɛ Zɛɛb nakoobal ɛ nakadjala ɛ, Zɛɛb naazɛdhis Mɔn’ɛ. Moma ɛ́ nabya mɔn tak, nyɛ nawyelaa ɛ́ si etsi e Moiiz, étɛp nyɛ neepɛk bot ɛ nadi si bhel etsi ɔ, dɔɔ nɛ ɛsa náá mena dika bɔn ɛ Zɛɛb.
Deenek, ye neelyaal nɛ tsɛɛtsɛ náá, bi ɛ́ bɔn bɛ, Zɛɛb eedhis tɔ ebhum elyem binaka Sisim Mɔn’ɛ, Sisim di etuud: «Abha», ye kwyɛl ɛlɛɛ ɛ́ Saagam. Deenek, wɔ tokapɛ kwom, wɔ moo ɛ́ mɔn, dáa ye di náá, wɔ ɛ́ mɔn’ɛ ɛ, Zɛɛb ɛ́ waadjɛ wɔ esa e lyak nyɛ nakwom étɛp bɔn bɛ ɛ.
Etɛɛ náá, biyɔ djas moo ɛ́ bɔn ɛ Zɛɛb tɔ ɛdum ɛ koŋ nɛ Yezu Klisto. Tin, biyɔ djas, bot ɛ zeduwa Zɛɛb pɛ tɔ Yezu Klisto ɔ, bi moo ɛ́ dáa Klisto. Tin, ye tokapɛ nɛ mbɛk pak mot mbyak eYuda nɛ mot mbyak eGhɛlɛk, pak kwom mot nɛ mot di ààdi kwom ɔ, pak moma nɛ motom, etɛɛ náá, biyɔ djas, bi moo ɛ́ mot ngɔt tɔ ɛgwakel nɛ Yezu Klisto.
Zɛɛb naaloozemyaal náá, nyɛ waasa náá, mena dika bɔn bɛ kɔ ɛsu ɛ Yezu Klisto. Yɛ ɛ́ deenek ɛ nyɛ nakwyɛl náá, ye sael tɔ ɛkwosak ɛ lɛ. Djhoodjɛka duu nɛ Zɛɛb kɔ ɛsu ɛ boo ɛkɛɛ nyɛ nazedjɛ mena nɛ lyem wat kɔ ɛsu ɛ Mɔn’ɛ nyɛ di ekwyɛl ɔ.
Kwyɛl ɛ Klisto
Yɛ ɛ́ étɛp tak ɛ mɛ kwyit mɛboŋ si sok bhwoob ɛ Zɛɛb Sɛɛg. Yɛ ɛ́ nyɛy ɛ di mot di ɛsuk ɛ membyak djas kɔ ɛko bɔs nɛ pɛ tɔ gwoo.
É di’enek, bot djas aamyaal nyɛ ɔ, bot aadum koŋ nɛ nɛ ɔ, Mɛkpa waadjɛ bɛ ghwyil ɛdi ɛ́ bɔn ɛ Zɛɛb. Bɔn ɛ Zɛɛb tak aanàkwaabyel-byelak ghiya, ààbɛ yii gwyes epuud, ààkobaabɛ-bɛak yii ɛkwosak ɛ mot. Yɛ ɛ́ ɛbyel nɛ ɛkwosak ɛ Zɛɛb ɛ.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Sa mena ààkatka ɛtɔ́ pɛ ndjaa mendjaala, dáa bɛdhiiti bot moo nɛ mɛfulu mɛ ɛsa yɛ mos ɛ. Tin, mena goka ɛ́ nɛ ɛdjɛel mɛghaaz pak’enaka, etɛɛ náá, bi ɛpebee biyɔ bɛmet náá, ɛlu ɛ Ghɛŋ eezekunaa.
Maadka mezuk mɛ Zɛɛb di ezuk bin, é sok nyɛ di ewa bin é feŋ ɛ, nyɛ bee bin tin ɛ́ dáa bɔn bɛ. Yɛ ɛ́ nɛ mɔn di náá, sɛɛg ààwa nyɛ é feŋ é? Yɛ bɛ náá, bi ààpawaaa é feŋ, dáa nyɛ di esa nɛ bɔn bɛ ɔɔ, é di’enek, ye lyaal ɛ́ náá, bi tok bɛtɛtɛ bɔn bɛ. Tin, ekwyɛl ɛlɛɛ ɛ́ náá, bi ɛ́ bɔn bel. Djhoopookonɔɔka geka bɛsɛɛg bena kɔ ɛko ɛ bɔs. É ghɛŋ bɛ nadi ewa mena é feŋ ɛ, mena nadi egwak bɛ. Haaa, gwata nɛ Sɛɛg’enaka mot di pɛ tɔ gwoo ɔ, mena goka ɛ́ nɛ gwak nyɛ dhaa tyɛ, étɛp mena needika nɛ tsik. Deenek, bɛsɛɛg bena nadyeebawewa mena é feŋ ɛ, é ba mɔɔ pes ɛwala dáa elyem bɔɔ di ekwyɛl ɛ. Tin, Zɛɛb wa mena é feŋ ɛ, étɛp mɛvu mena met, etɛɛ náá, mena neebela di tɔ edɛɛ bɛ.
Ye nakoozodi náá, bot ɛ́ ɛbuɛpe, bot moo ɛ́ nyel ngɔt tɔ ɛgwakel nɛ Klisto. Deenek, bot ɛ́ tɔ ɛgwakel pak’enaka dáa esum e nyel mot ngɔt.
Yɛ di náá, kyes nyel mot wat ɛpekpaŋ ɔɔ, ekyes nyel djas nɛ gwak mɛkpaa menek. Tin, kyes nyel wat ɛdjɛaa duu ɔɔ, ekyes nyel djas nɛ di tɔ mɛmyaala.
Dáa ye di deenek ɛ́, biyɔ bot ɛ di ààbɛ bot ɛ mbyak eYuda ɔ, bi tokapɛ bɛdjoŋ. Bi tokapɛ bot ɛ dus pɛ kyee mɛdhik mɛ sis ɔ. Bi moo ɛ́ bot ɛ mbyak edɛɛ. Bi moo ɛ́ bot ɛ mɛbyel ɛ Zɛɛb. Bi moo ɛ́ dáa ndjaa di náá, ghus-zumal tak ɛ́ bot ɛ lwoma nɛ bɛngoolel ɛ Mɛkpa ɛ Zɛɛb ɛ. Yezu Klisto, nyɛy ɛmet kadi ɛ́ ɛkok di epyet ndjaŋ ɛ. Yɛ ɛ́ sama nɛ Klisto ɛ mɛkok mɛ zumal djas di epyet ndjaa. Ndjaa tak sumel ɛ́ étɛp ye needi di, Ndjaa-ebuwa na Dɛɛ yii Ghɛŋ. Tɔ ɛgwakel ɛ len nɛ Yezu Klisto, biyɔ pe, bi ɛ́ bot ɛ zumal ndjaa-Zɛɛb. Tin, zɛɛga nɛ bɔn-nyɛɛg bin djas, bi moo ɛ́ ndjaa-Zɛɛb aadi tɔ tak é ze Sisim yɛ ɛ.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Tin, Yezu eezɛbɔɔza nɛ nɔɔ náá: «Nyaagam ɛ́ zɛ? Da bɔn-nyaagam ɛ́ kadi bɛzɛ?» Wɔ gwaa, nyɛ bulal mis, gwyák ɛdhuu ɛ bot binɔk djas. Nyɛ ɛ́ booke náá: «Beeka nyaagam nɛ bɔn-nyaagam di wak é. Etɛɛ náá, mot di esa ɛkwosak ɛ Zɛɛb ɔ, nyɛ ɛ́ di mɔn-nyaagam, kɛl’am nɛ nyaagam.»
Deenek, mot di kwom ɔ, tok nɛ ghwyil ɛliiza mot mɛbyel na kɔm-kɔm. Tin, mɔn di mot mɛbyel ɔ, nyɛ ɛ́ mot mɛbyel na kɔm-kɔm.
Yezu eebaazɛbɔɔza nɛ nɔɔ náá: «Zɛɛb ɛpedi Sɛɛg’en ɔɔ, pe bi ɛpekwyɛl mɛ. Etɛɛ náá, Zɛɛb ɛ́ nadhis mɛ. Mɛ di wak ɛ́ é di ɛ Zɛɛb. Mɛ nabɛ ɛ́ ààzyɛ kɔ ɛkwosak ɛ lam. Yɛ ɛ́ Zɛɛb ɛ nadhis mɛ.
Mɛlyo dum nɛ bot ɛ zɛɛga mendjaala
Wɔ di edul tɔa-mot mɛlɔ ɔɔ, sa wɔ ààkabiyo-biyoak, wɔ goka ɛ́ nɛ ɛlii nɛ nɛ, ɛkɛɛ wɔ lii ɛ nɛ soog. Yɛ kabɛ mengbaaz ɔɔ, nɔŋa bɛ dáa bɔn-nyoog. Deenek, da wɔ ɛ́ nɔɔ bɛtɔa-boa dáa bɛnyoog, mɛsyes dáa bɛkɛl bɔ, sa wɔ ààdi nɛ egeka ɛsyem nɛ nɔɔ.
Bɔn ɛ Zɛɛb
Beeka mbi kwyɛl Zɛɛb Sɛɛg di nɛ yɛ nɛ nena ɛ, mɛkwyɛla mɛ tak ɛ di esa náá, mena djóoaaka bɔn ɛ Zɛɛb. Tin, nɛ tsɛɛtsɛ menaka ɛ́ bɔn bɛ. Deenek, bot ɛ bɔs’ak nabɛ ɛ́ ààgu mena, dum nɛ tɛp tak ɛ bɛ di ààgu nyɛy Zɛɛb. Bɛwɛn bam mɛ di ekwyɛl ɔ, mena mooka mos ɛ bɔn ɛ Zɛɛb. Tin, Zɛɛb dinaa ààpalyaal mena sa mena aadika djɛmɛn ɛ. Bela náá, mena nɛ guka náá, é ghɛŋ Klisto aatuula ɛ, mena aadika ɛ́ tyee wat nɛ nɛ. Deenek, etɛɛ náá, mena waabeeka nyɛ dáa nyɛ di ɛ.
Tin, é sok mena di ebela ba mɔɔ ɛpɛɛd ɛ, djhoosaka mɛnyɔ nɛ bot djas, daŋ-daŋ ɛ́ nɛ bɔn-nyɛɛg bena, bot ɛ di edum koŋ nɛ Zɛɛb ɔ.