Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Sífiri Sandu le heresibirubei, mama aban sífiri lánina idamuni lunya hanufudedun; Sífiri le heresibirubei, ligía le adügübalün lun lirahüñü humá Bungiu. Ligía gayara lubéi wagúaruni Bungiu Baba: Gefenti lani Bungiu Sífiri woun luagu lirahüñühadiwa lan Bungiu. Ani ladüga lirahüñü wamá Bungiu, garichatiwa giñe lun alagan le uágubei lariñaga Bungiu woun, le lunbei gafanran wamá lídangiñe, luma Kristu. Anhein súfuri wabéi luagu ya ubouagu, gafanranbadiwa lidan luéirigun yágüta sielu.
Dan le lagunfulirunbei dan, aba lóunahani Bungiu Liráü, le águrahoubei tídangiñe aban würi, aba liabin kei huríu lábugiñe lilurudun Moisesi. Liábinbei ítara lun lasagaruniwa lábugiñegiñe lúrudu ligía, lun leresibiruniwa Bungiu keisi lirahüñü.
Keiti lirahüñühadiwa lan Bungiu, aba lóunahani lani Liráü Sífiri tidoun wanigi; ani agúahati Sífiri ligía wádangiñe: «Bungiu Baba!» Mámaadibu lubeiti idamuni, liraühadibu Bungiu; ánheinti liráü bubéi Bungiu, garichatibu lun alagan lídangiñe Kristu.
Lirahüñü Bungiu sun huguya luagu hafiñen luagu Kristu, ani lídanñadün aban luma. Lugundun lau hóundarun luma Kristu lau habadiseirún, ítara liña hamuga kei hadaüragun lau Kristu kei tau iseri daüguaü. Meberesenwaali lau huríu humá o mama humá huríu, o idamuni o mama idamuni, wügüri o würi, ladüga lau lídanñadün lan aban luma Kristu Hesusu, sun huguya ábanhadün úgubu.
Direi lumutiwa lúmagiñe binarü, lau línsiñehabu, lun leresibiruniwa keisi lirahüñü lídangiñe Hesukrístu, ladüga ligía lan lugundanbei woun. Ligía lunti lubéi wíchugun uéiriguni lun Bungiu luagu lueirin lareini le líchugubei woun lídangiñe Liráü le hínsiñebei lun.
Línsiñehabu Kristu
Ligía lubeiti lébubei náhuduragun ligibugiñe Úguchili, le ídangiñebei heresibirei sun iduheñu ha ubouagubaña hama ha siélubaña hiri.
Ánheinti houn ha eresibirubalin, afiñe hagía luagu; ru lumuti ubafu houn lun lirahüñübaña lan Bungiu. Lirahüñü Bungiu hagía, mama luagu águrahoua hamá kei furumiñeguarügü gürigia o lau lan lugundan aban wügüri, lirahüñü habéi Bungiu ladüga ladügüniña lirahüñüme.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Wagía afiñetiña, moun lumuti wafalaruni hénpulu hani ha héchubaña lun midin hamá lidan wadamuridagun, lubaragiñe lira, ru wamá gurasu houn wíbirigu, guentotima lau ariha wamani luagu yarafaali lan luéyuri Wabureme Hesukrístu.
Hasufuriruña lun haranseragun, lugundun lóuseruñadün Bungiu keisi lirahüñü. Anihein funagia úguchili mabeichun lumuti lisaani? Anhaün mabeichun lan Bungiu keisi labeichuniña sun lisaanigu, mámarügü hiña lisaanigu ha tímatimaatiña. Dan meha le ñǘbürigidiwa, bei hamutiwa meha wagübürigu, ani inebetiña meha woun. Lúntimati waganbuni Wáguchi le siélubei, lun gabagaribadiwa lan. Habeichuniwa meha wagübürigu ya ubouagu lúnrügü murusun ibagari le, lun hagüriahaniwa buidu según habafu; ánheinti Bungiu, lun wasagarun buiti lídangiñe labeichuniwa; labeichawa lun ladügüniwa lun sandu wamá ítara kei sandu lan.
ítara waña giñe, lau sun gibe wamá, ábanrügüñadiwa úgubu lidan aban luma Kristu, ani sun wagía, ámuñegueinarügü lumegegu ábanmeme úgubu.
Anhein asufurira aban lídangiñe lumegegun úgubu, súfuriti giñe burí le líbiri; anhein giñe ouserúa aban lídangiñe buidu, aba lagundaarun le burí líbiri luma.
Ligía mámaadün lubéi terencha; lílanaadün larúeihan kei sun ha lánigubaña. Tílanaadün luban Bungiu. Sun huguya, ítara hiña kei aban muna, ani ligibuaguñadün ebu le híchugubei apostolugu hama profetagu. Ani Hesukrístu guánarügü dübü tímatimaatibei tidan muna tuguya. Lidan Kristu tiñurawagúa muna tuguya lidan kada tumegegu, darí lun tiabin lun ábanboun lan ténpulu sándutu lidan Wabureme. Lídangiñe hiñurawagua kei aban muna, úara hama ha híbiri, lun lúbanbadün lan Bungiu lau lani Sífiri.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Aba lariñagun houn:
—Kagia núguchuboun hama namulenu?
Aba laríagun hawagun ha ñúnbaña geyegu lau, aba lariñagun:
—Añaha núguchu hama namulenu, ladüga furumiñeguarügü ha adügüti lugundan Bungiu, hagía namulenubaña, nítunu tuma núguchu.
Aban idamuni, mama hádangiñeti tílana muna; ánheinti aban isaani, hádangiñeti tílana muna súnwandan.
Aba lariñagun Hesusu houn:
—Anhein hamuga Bungiu lubéi húguchibei, hínsiñetina hamuga hun, ladüga lúmagiñe Bungiu niabin, ani anaha ya. Mama lau nani nungua niabin, Bungiu óunahabalina.
Lóuserun Timotéu hama afiñetiña
Madeinhabá lun aban weiriei mutu; lubaragiñe lira, adimurehabá lun kamá hamuga lun búguchi; óusera báñame nibureingiña keisi bamulenu. Óuserabaña wéiyaaña würiña kei bóuserunu búguchu, óusera báñame würiña nibureingiña kei hamuga bítunu, lau lubuidun aritaguni.
Lirahüñü Bungiu
Ariha humá lueirin wínsiñe lun Bungiu Úguchili, darí lun gayara lan laguarúniwa woun «lirahüñü Bungiu», ani inarüni luagu lirahüñü wamá. Ligía siñá habaliwa lánigu ubóu gunfuranda lugundun ibidiñegili Hesukrístu houn. Niduheñu hínsiñetiña nun, lirahüñühadiwa Bungiu guentó, ani lau sun marufudungili lan woun kátabadiwa lan lídanme lagumuhóun; subudirügü wamuti luagu danme lan le lagiribudun Kristu, ítara waba lan kei ligía, lugundun warihubei ítara kei lubéi.
Ligía, adüga waméi lubeiti le buídubei houn súngubei sagü gayara lan, hóuntima waduheñu lidan afiñeni.