Família de Deus
A família de Deus transcende laços de sangue. Em Cristo, somos adotados como filhos, irmãos uns dos outros e membros de uma família eterna — a Igreja.
Adotados por Deus
Recebemos o espírito de adoção pelo qual clamamos: Abba, Pai! Se filhos, também herdeiros — herdeiros de Deus e co-herdeiros com Cristo.
Pawccecize nanning nynh bua a rihthyapaw see thinlung kha Pachia kyate mue leite, ccaaw thinlung kha nynh na mue oh. "Ka Paaw! Ka Paaw!" cite aening nynh ah sia vae oh ze, aening tuh Pachia ccaaw hae nynh ah thua oh cipaw Muisaw amaw ccaccei nynh aening muisaw ryte ccaekia a khan. Ccaaw hae ah thua oh ze rhoccoutu hae nynh ah thua vae oh, Pachia rho a ccoutu hae te Khri ryte rho a ccoukheih hae paw nynh ah thua oh; Khri ryte ah teingkheih oh ze, amaw ryte phu-enaw kha mah ah ccoubua cih oh.
Thuasalama accyh ccingnaw he yn thua te, nopinung vue kya poisah zah Kawbya zakaw yn puisahpaw a Ccapaw kha Pachia nynh yn saw. Tuh-e tuh Kawbya zakaw um hae paw kha shawkhaw khylan nynh thua; tuhteze nynh aening tuh ccaaw lang tang khylan ccaaw thuanaw kha ah mue cih oh. Nanning tuh ccaaw hae na thua oh keiccuze, "Abba! Ka Paaw!" cite a kopaw a Ccapaw kya-e Muisaw kha aening thinlung kalan Pachia nynh a saw vae. Tukeiccuze nang tuh see na thua vae khyh, ccaaw nynh na thua vae, ccaaw na thua vae ze Pachia liate rhoccoutu nynh na thua vae.
pawccecize nanning balyn tuh zynnaw liate Khri Jesu kya Pachia ccaaw hae nynh na thua oh. Pawccecize Khri kya baptisma a in vae hae paw nanning balyn tuh Khri kha boeining hawte phe na lawkuh vae oh. Khri kya Judah paw te Grikpaw ci um vae khyh, see te a luepaw ci um vae khyh, pise te nopi ci um vae khyh; pawccecize nanning balyn tuh Khri Jesu kya ccangkheitpaw nynh na thua vae oh.
Pachia nynh amaw a rynaw thyhte, Jesu Khri liate aening kha a ccaaw hae lang phe oun la paccynde vae, a sungsahpaw Ccapaw liate alakaw te aening oun pyapaw aphu-epaw a thawccinaw kha thehoysah khylan nynh thua.
Ccawriatu hae hanlan Sawsangnaw
Hynh-e keiccu nynh kae tuh Paaw malang ccukharu ka tung. Vaaw te lae kya umpaw innbyn miakaw tuh amaw kyate nynh minphu athua hae.
Thuasalama amaw kha lehkhan hae zah amaw min a zynpaw balyn kha Pachia ccaaw thuanaw kaw a pya hae. Minmin tuh chiisaw te saahpaw ccaaw, pynsaw rynaw te saahpaw ccaaw, ccungccaw rynaw te saahpaw ccaaw thua khyh hae; thuasalama Pachia rynaw te saahpaw ccaaw nynh athua hae.
A comunidade de fé
Não abandonem a congregação. Somos um corpo em Cristo, membros uns dos outros, chamados a amar e a servir.
Ccungccaw abang nynh leih a cyimae hae hawte pynkheihlan pumkunaw kha umtaw leite, lu kheit te lu kheit thawzung pyakuh oh sih, Ninsaw tuh houhouh yn naekuh vae cipaw kha na muih oh hawte thawzung houhouh pyakuh oh sih.
Thuiheinaw kha na ngaesang oh ze, Pachia nynh ccaaw hae hawte ae ccuepe cih oh; pawccecize paaw nynh a thuihei leipaw ccaaw a um zawtou? Thuasalama ccungccaw miakaw nynh a mue hae paw thuiheinaw kha na muebua khyh oh ze, ccaaw ccaccing na thua khyh oh, ccalah nynh na thua oh. Tuhlaeze aening oun thuiheipaw pynsaw lante paaw hae ah hoi oh zah, minmin kha saw ah tua oh; tuhlaeze muisaw lante ah Paaw kaw kha houh ngaete ah hiin lan khyh oh tou? Pawccecize tuh-e paaw hae nynh ahoy cite a tua hae thyhte sosoh nynh oun thuihei hae; thuasalama Pachia nynh tuh amaw kya-e thyaararihnaw kha ah neethungku bua nawlan oh, aening thanenaw hanlan nynh oun thuihei.
patae ah cih oh paw aening mah Khri kya pyn pynkheit ah thua oh zah, lu raveihte pyn kya-e hae nynh ah thua oh.
Pyn kya-e ccangkheit nynh a teing ze, mih balyn mawte a teingbua hae; pyn kya-e ccangkheit tuh sawtuanaw a ccou ze, mih balyn mawte mih lungtuabua.
Tukeiccuze atu nanning tuh mikhia hae te minphuin ccang hae na thua vae khyh oh, mithyaa hae ryte khuaccaaw hae na thuakheih oh zah Pachia innbyn kya-e hae nynh na thua vae oh. Nanning tuh locceihtu hae te profeh hae nynh a bing hae paw aleihpaw vawlan sakthinpaw na thua oh zah, Khri Jesu tuh apaki lang e abyapi huapaw lung nynh thua. Amaw kya sakpaw inn tuh abalyn mawte rekuhmamia lan sak thua zah Bawipaw kya athyaapaw beikinn lang a lethung. Nanning kha mah Muisaw liate Pachia a umnaw hmin lang amaw kya pynkheihlan sak na thua oh.
Quem é minha família?
Jesus disse: quem faz a vontade de Deus, esse é meu irmão e irmã. A família de Deus inclui todos os que creem.
Jesu nynh, "Hum hae mou ka nung te ka neitaw hae tuh?" cite a khung hae. Te a pepan a haung hae paw kha po do hae zah, "Dotua oh, e hae hynh ka nung te ka neitaw hae! Humhung zemah Pachia rynaw a raepaw tuh ka neitaw, ka ccianung te ka nung nynh thua," a ci.
See tuh innbyn kya zungzae um boi khyh; ccapaw tuh zungzae a um.
Jesu nynh, "Pachia tuh nae Paaw a la thua ze, kae hynh nae sungsah cih oh; pawccecize kae tuh Pachia kyate kae thua zah atu hein kya ka um, kamaw kaw te kae thua khyh, Pachia nynh kae hynh yn saw.
Zyntu hae Ryalaw
Kum tang huapaw kha la pe nan, paaw hawte la soihbia. Kum no huapaw pise hae kha neitaw hae hawte, kum tang huapaw nopi hae kha nung hae hawte, kum no huapaw nopi hae kha ccia hae hawte thinlung thyaararih lante la ccuepe hae.
Aening tuh Pachia ccaaw hae cite ko ah thua nawlan oh, pawcihawpaw sungsahnaw mou Paaw Pachia nynh oun pya cipaw kha tuatua oh; aening tuh Pachia ccaaw hae nynh ah thua ccaccing oh. Laephi ccungccaw hae nynh Pachia kha a ny khyh hae keiccuze aening kha mah oun nyh khyh hae. Sungsah hae, atu aening tuh Pachia ccaaw hae nynh ah thua oh. Nyalang aening tuh pawte nynh ah thua cih oh cipaw langkuh loh khyh. Thuasalama Khri he yn langkuh te, aening tuh amaw te loku bua lan cipaw ah ny oh; pawccecize aening nynh amaw kha athuanaw thathyhte ah muih cih oh.
Tukeiccuze ccyhhoypaw ah mue takyh oh te, ccungccaw balyn hanlan ahoypaw rya kha lawpah oh sih lah, abyapi lante zyntu innbyn hae hanlan ahoypaw rya kha lawpah oh sih.