Família
A família é a primeira instituição criada por Deus. Ele a projetou para ser escola de amor, fé e formação de caráter. A Bíblia honra a família e nos ensina a cuidar dela.
Eu e minha casa
Eu e minha casa serviremos ao Senhor. A família que serve a Deus juntos permanece unida e fortalecida em todas as circunstâncias.
ओटन नकानेले ऐनेढोव, "प्रभु येशु ख्रीस्टतं बिस्वास ढोते, नङ उद्दार डोएना ओटन नजाहानयाङै बै।"
Criar os filhos
Instrui a criança no caminho em que deve andar. O lar é a primeira escola de fé e obediência.
Honrar e amar
Honra teu pai e tua mãe. A família funciona com perdão, paciência e amor incondicional entre todos os seus membros.
न बौ नाअमाङ मान नाए, ओटन न डेराबाराजन नङजन मन मया ढोवर।"
येशुले भाअसिन्या बारेल आह्युउन्या
येशुले ईका छेन छ्योङा पाइना गालील प्रदेसङन यर्दन भईल हुदिफन्ट यहूदा इलाकादेए हिनौ। ओटन बअघिन्या रुयाङल हुल आछिनछिन रांवाङ, ओटन ओले ओङा रुयाङजन आसबेल्वाङ। काङ्काकाङ्का फरिसीयाङ आल्योङ रा:स्यु फसाहौ नाल्ट ओलजन रांगिनौ, "नैति पबित्रशास्त्रलं अनुसार काङ्काई बै ल्हेपाले बिनाकारन आमेएमा सकाए भाअसिन्या ठिक लेऊ?" तर येशुले ऐआढोवाङ, "नैति जे परीस्यु जेमालेचिऊ, कि स्रिस्टीकर्ताले नकानेजन सुरुतजै ल्हेपा सनर मेएमा आजाटौने, ओटन परमेस्वरले ऐलेऊ, ‘नैताइस्यु रुले आबौ सनर आअमाजन राइस्यु आमेएमास मिलिज्याया, ओटन नका नेंलोअनें तोलोअजै बुल ताइन्यालेन्या।’ नकाने आब नेंलोअ माङडी, तर तोलोअजै बुल ताइन्या। नैताइस्यु परमेस्वरले जोजन बोलोङ आजुरिऊ, नाजन काङ्काई रुले ताछुटाहौत्या।"
फरिसीयाङै येशुजन रांगिनौ, "मोशाले दानाङ मेएमाजन भरपाई सरस्यु राइन्या आग्या योंव?"
येशुले नकाङजन ऐआढोवाङ, "चिमत्या जे यिङले गर्दा मोशाले जेजन मेएमा राइन्या अनुमति जेजन आयांचिऊ हो। तर सुरुत ऐटाइन्या मालेऊ। ङा जेजन ऐढाच्या, जोले ब्यबिचारल कारन बाहेक आमेएमाजन राइस्यु छुट्टैसं ब्याहा ढोव, नकाले ब्यबिचार ढोवा।" सिइयाङै ओलजन ऐराढोव, "ज्या-योल ऐटाइन्याई सम्बन्द आताहौ भन्याता, ब्याहा माढान्याई चान्या ताहा।"
येशुले नकाङजन जबाक आयोवाङ, "कोबाअले ईका बचन ग्रहन ढाऔ माढुदुरदी, जोजन ईका यांस्यु लेसिऊ ओयाङ याएजै ढुदुरा। दानाङभन्या काङ्काङ राजर्मिऊकन्जै मिहिरी ताइरा, ख्वाएयाएकने रुयाङै राजाएन्या मिहिरी ताइरा। ख्वाएयाएकने रांईझन्ज स्वर्गला राज्यल नाल्ट मिहिरी ताइरा। जोले ईका ग्रहन ढाऔढुदुऊ, नकाले ना ग्रहन ग्याढोउत्या।"
येशुले इङन्या लुलल्याङजन आशिर्बाद आयांन्या
येशुले लुलल्याङयर्त आकुई नाएस्यु प्रार्थना ग्याढोस्यौरत्या लेस्यु रुयाङै आल्योङ नकाङजन राहोन्वाङ। ओटन आसिइयाङै ना रुयाङजन राहप्काईवाङ। तर येशुले ऐआढोवाङ, "लुलल्याङजन ङाल्योङ रांऔ योंचिरते, नकाङजन तारुखिचिर। दानाङभन्या स्वर्गला राज्य ऐटाइन्याङलै ज्या।" ओटन ओले लुलल्याङयर्त आकुईले छुस्यु आशिर्बाद यांस्यु ओलं नलन हिनौ।
धापा साहू रु
तोलोअ रुले येशु ल्योङ रा:स्यु ऐलेऊ, "औ गुरु, ङा अनन्त जिबन डोटौ नाल्ट कैताइन्या चान्या काम ढान्या ताहौ?"
येशुले नकाजन ऐआढोव, "नैति चान्या नाल बारेल दानाङ नङ ङाजन गिनज्याङ? चान्या ता तोलोअ याएजै लेया। तर नङ जिबन डोएन्या यिङ ढोनकन, आग्याङ पालन ढोते।" नकाले ओलजन ऐआढोव, "काङ्का वाला?" येशुले ऐआढोव, "नङ हत्या ताढो, नङ ब्यबिचार ताढो, नङ ताकु, नङ ग्वारस्यु ताछ्योङन। न बौ नाअमाङ मान नाए, ओटन न डेराबाराजन नङजन मन मया ढोवर।" ना धापा रुले ओलजन ऐआढोव, "ईका सोगल ङा ता मानिस्यु लेङा। आब ङासं नैति कमि लेऊ?" येशुले नकाजन ऐआढोव, "नङ परमेस्वरलं सामन्दी चान्या ताहौ रोंकनकन, हिनस्यु नङसं लेन्या सम्पति यएस्यु गरिबयाङजन योंवरते, ओटन रा: स्यु ङा छिन्ट लागिन्ते, ओटन नङ स्वर्गल धन डोएन्यालेना।" जब नका धापा रुले ईका छेन थएवापाइना, तब नकाले दुख मानिस्यु हिनौ, दानाङभन्या नका ल्योङ तबर धनसम्पत लेऊ। ओटन येशुले आ सिइयाङजन ऐआढोवाङ, "ङा मछ्यु, जेजन ऐढाच्या, स्वर्गला राज्यल धनी रुयाङजन पसिन्या गारो ताइन्यालेया। फरि ङा जेजन ऐढाच्या, धनी रुयाङजन परमेस्वरलं राज्य भितरलं पसिन्यातन ता बरु ऊटजन व्पल नायलन छिरिन्या सजिलो ताहा।"
सिइयाङै ईका थएस्यु भ्याई अचम्म मानिस्यु रांगिनौ, "नैताहकन काङ्काले उद्दार डोटौ ढुदुऊ का?" येशुले नकाङ लेऊदेए ब्याएस्यु ऐआढोवाङ, "रुयाङल नाल्ट ईका असम्भब लेया, तर परमेस्वरलं नाल्ट सोगलै छेन सम्भब लेया।" तब पत्रुसले ओलजन ऐआढोव, "खिम्ते, गे सोगलै जन्तु राइस्यु नछिनछिन लागिज्याया। गे नै गेडोएयिउ वन?" येशुले नकाङजन ऐआढोवाङ, "मछ्यु ङा जेजन ऐढाच्या, जे जो ङाछिन्ट लागिस्यु जेल्चिऊ, सोगलै छार स्रिस्टीक जब रुल ज़ा आमि महिमालं सिहासनत चुङ, तब जे बै बारं सिहासनत चुङन्या लेच्या, ओटन इस्राएलला बारं कुललयर्त सोगलै निया ढान्यालेच्या। ज्वाएले ङा मिनल कारनले आझिम, आदाज्यूभाई, आदिदीबैना अथाबा बौ या आमा, ज़ायाङ, येङखेए राइस्यु नाटौ, नाले सय गुना डोएन्यालेया, ओटन अनन्त जिबनल अढिकार डोएवा। तर जो भ्याई हादेए लेर नकाङ छिन्ट ताइन्यालेरा, ओटन छिनदेए लिज्यान्याङ हादेए ताइन्यालेरा।"
Cuidar da família
Quem não cuida dos seus negou a fé. A família é responsabilidade sagrada — prover, proteger e abençoar é mandamento divino.
Unidade familiar
A coroa dos velhos são os filhos dos filhos. O casamento, os filhos e a comunhão familiar são bênçãos de Deus.
Casamento e família
O homem deixará pai e mãe e se unirá à sua mulher. A família começa no casamento — aliança sagrada diante de Deus.
पबित्र शास्त्रल सरसिन्या लेया, स्रिस्टील सुरुकन्ज परमेस्वरले नकानेजन ल्हेपा सनर मेएमा आजाटौने। ऐताइस्यु रुले आबौ सनर आअमाजन राइस्यु आमेएमास मिलिस्युई लिज्याया, ओटन ना नेंलोअ तोलोअ बुलमन्जै ताइन्या।स ऐताइस्यु आब इकाने नेंलोअ माङडी, तोलोअ जै बुल ज्या। ऐताइस्यु परमेस्वरले जोजन तचोएकै आजोऱ्याहौने, नकानेजन काङ्काई रुले ताछुत्याहौनेत्या।"