Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Arim wu me, wu fɛ́ a yet mgbey ízɔk Adakunom, a tɛ yet atutup nse Adakunom. Iwu fɛ́ a bereng kaakyi ikyɛng nek agap ifɛ̀ wu. Ama fɛ́ a mi kusu anɛn yit, a da ne sonong azanɛn ni bɔk iyak Agbat Azɔk Bazɔk. Ízɔk Arim Adakunom e naat agap ifɛ́ batomaza ni iratek, kyɔn ti iyerek fɛ́ Adakunom ku nɔk iwat nfuba me.
Ifɛ̀ me sot anet, a sot azeng azatse ngma ni yit. Iyit mi di yit ízɔk wu, ízɔk atutup Nggon e yɔng fɛ́ ka ne narɔ Ada me, a yɔng fɛ́ a mi ki tonong yit itek wu, nɛ angmishish wu, fi in di ki te yit iyɛ.
Vit anet fɛ́ a kumang di Adakunom. Tit azizɛɛt nggon wu me yɔng, fɛ́ ka se nagbɔng nɛ Adakunom, fɛ́ a se ni kufam Ada me, fɛ́ a mi ki tonong yit nse Ada me weshek.
AYeso fɛ̀ ni iba, <<Ada min ren se ni kutomong sak atut, nek anɔng fi imi tsin di ra me bà.>> Nek anɔng wu, fɛ́ bágwɔm ntsi baYahuda ba ban tsɛt ice fɛ́ ba da ku fɛt mo; ba fɛ̀, <<Da a beseng ntsi kunom ifɔɔn kyɛk kong awo, a yɔng a nye yɛ Adakunom yet Ada wu, nɛ tes ice wu nagbɔng nɛ Adakunom.>>
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
ABitrus nɔɔk kanu ifɛ̀ naton aYeso
Ni izen fɛ́ aYeso tsɛ ta ni mben aKaisariya aFilipi, a fɛ̀ na bafi imɛɛs wu, <<Banet fɛ̀, imi, Arim Anet yet angan ɛ?>>
Wat iba fɛ̀ ni wu, <<Bakak fɛ̀, ngɔn yet aYohana anet abatisma; bakak fɛ̀, ngɔn yet aIliya; wɛt bakak nye, ngɔn yet aIrimiya ke azining ayɛt batan ayi.>>
Wat iwu ka ba rip yɛ, <<Awɛt iyin di yes yin angan ɛ?>>
ASiman Bitrus ku bun ni ifɛ̀ ye, <<Ngɔn yet Anet-Isheshek, Arim Adakunom atset.>>
Nkum fɛ́ ba gang ira aYeso abatisma, a wuruk ayɛt ashi, ni izen izining kazanɛn wat ka tarak, a di Kabik Adakunom tsin tisik naton wu tɛ abɔp ka di nak ni wu. Wat kutɔ ne azanɛn, yɛ, <<Ari hom yong, fi in kushim makiyi, in bɛ itɛrɛk iyɛ ni wu.>>
Ngma ayɔng fɛ́ a fɛ̀ ey fok aYeso yet Arim Adakunom, Adakunom se ayɛt wu, iwu se ayɛt Adakunom.
Na ane fɛ́ Adakunom ki tonong yit ishim wu: a tom azizɛɛt Ari wu kyɛk sak azatse, nɔng in da sɛ yit kutset ni wu. Ishim e se ane: da iyit ba fi in kin shim yit Adakunom awo, tit Adakunom iwu fɛ́ a ki shim yit, a tom na Ari wu ti kunang itarang anɛn yit.
Ngma ayɔng fɛ́ a ras ikyɛng fi i yet ifi inɛn, a yet afɛ́ aShetan, nek aShetan yet afi iras inɛn neme ni imɛsɛng e. Nek anɔng wu tun aRim Adakunom mok a di beseng kutomong aShetan ngma kusum.
Ngma ayɔng fɛ́ a bɛ̀ Ari me, a bɛ̀ kutset; ngma ayɔng fɛ́ a se vit Arim Adakunom, vit iwu ni kutset.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
<<Nek ishim fɛ́ Adakunom bɛ́ nek kazatse makiyi, a nɔɔk azizɛɛt ari wu, nɔng ngma ayɔng fɛ́ a nɔɔk atsak ni wu, a da wey awo, tit a da sɛ kutset vit igang.
Nek kpaf anɔng fɛ́ Ada me di donoso bafaben, nɛ ka ba nesek kutset, kpaf anɔng fɛ́ Ari me di nesek kutset sak nɛ ayɔng fi iyɛ wu shim. Ama anɔng, da Atek e ra akak ishɔt awo, a mi nɔɔk Ari me kukyem ira kaakyɛ ishɔt, nɔng kaangan bin nɔɔk Ari me iratek, kpaf tɛ fɛ́ ba di nesek Ada me. Ngma ayɔng fɛ́ a rawu dan nesek Ari me iratek, a rawu dan nesek Ada me yɔng fɛ́ a ku tom iratek.
In tsin ki tak yin atsak, izen bi bɛ́, iyeng i mi nye, fɛ bafaben da fok kutɔ Arim Adakunom, bayɔng fɛ́ ba fok da sɛ kutset. Kpaf tɛ fɛ́ Ada me di nesek kutset, anɔng fɛ́ a mi nɔɔk Ari wu kukyem inesek kutset bà.
Ngma nɛ nɔng, ngma bayɔng fɛ́ ba ku shan, bayɔng fɛ́ ba di nɔɔk atsak ni iyerek wu, a mi ka ba nɔk ízɔk nɛ ba sot nnon Adakunom, da kuri nnon fɛ́ na nes ni irɔm awo, da na yɔng fɛ́ ba sɛs nek imoon irɔm amatek nɛ abining awo, tit na yɔng fɛ́ Adakunom wu a nesek.
Ba mi di tekak gung ne Anet-Isheshek, imi wu in tin yet atset awo, tit Anet-Isheshek wu fɛ́ a se ni kusot ayɛt hom. Kutset fi in se ne ni irɔm kang, in tsin sot nek inɔɔk atsak fi in bɛ̀ na Arim Adakunom, iwu fɛ́ a di tonong ishim, a nɔɔk ice wu nek imi.
Awɛt fi izen e bi i nye kpaf, Adakunom tom na Arim wu sak azatse, ni irèn kutes abining, na nawop ntsi, nek na a di bisik bayɔng fɛ́ ba se nawop ntsi me, nɔng in da bin sɛ yit kukyem isot nnon Adakunom. Nek iyin yet yin nnon wu, Adakunom mi ki tom yin na Kabik Arim wu na ayɛ yin, Kabik e yes, <<Abba! Ada!>>
Nek ki izen fi in ren se yit ifa ne Adakunom, in sɛ yit kusot inosong-ashi nek iku ari wu, wat yɔkɔnɔng fi in mi nosong ashi, a da won dang ki sheshek ni kutset wu ɛ?