Filho de Deus

3 Ɨrɨ nə nə sə kə tshe ə̂yî ye â sə tə djatra kə sə Ndjapä nə də ə̂tə̂ ye. Tshə sə kə bata aərə nɔ̂ tə̂ äwä əpʉ ama ye ə̂në ə sə də awlra kɔ. Tshə yûtu anyaka nə̂ azü gâ ye â sə gâ tʉ gâ tə̂ ndəkɔ Ndjapä prââ mâ ngâ lafɔ-e.

Ɨrɨ Ndjapä rô atrawaya nə̂ Ndjapä

4 Ɨrɨ nə nə lʉ ə rô atrawaya nə̂ Ndjapä nə nɔ̂, ə̂në Ndjapä nə zâ əɨrɨ ə̂në ə rô ənə̂ atrawaya nə nɔ̂ gâ ye kɔ kə ətshə gâ ye.

14 Əpʉ nə dô tə̂ ye tə əzü, tshə mâ əgɔ lə takpa tə̂ əzə̂. Ä wû ə̂yî ye, tə ə̂yî kpiabale Ɨrɨ Abä; ə̂yî nə sû ə sû də ə̂rɔ̂tə̂ də djatra əpʉ trɔ̂.

18 Ə̈bə̈ əzü bale wû Ndjapä wû alɔ bale ne. Bale, kʉtə̂ Kpiabale Ɨrɨ nə, ə̂në tshə sə tə Ndjapä kɔ, ə̂në əndje də Abä sə kʉ bale kɔ, ətshə kə yîsə̂ Ndjapä nə gashu ndə kə pa a yerɔ ətshə.

17 Bale, Jezu kîrə əpʉ kə əndje ə pa: «Abä əmə sə kə mbrə kosəra ʉrrr ndjɔ kpəsəye, â əmə ndje, mə sə kə mbrə kosəra.» 18 Mbrə ərə səkɔ, aâgbɔ̂ azü nə̂ Ajuwufu nə prâ äwä kwatəndje rô pâ nə ndə kə pa əndje wo ətshə, ə də̂ kʉ mbrə ə̂në tshə bâta əlo saaba bâta ne kɔ, bale mbrə ə̂në tshə kwâtə̂ye ə pâ Ndjapä sə tə djatra Abä əne, ə sə̂ kə mbrə tə̂ ye də ə̂tə̂ ye rə ə lï də Ndjapä nə.

Piarə pâ Jezu sə tə Kristə

13 Jezu yî kumu ye mâ lə əgɔ Sezare nə̂ Flipə. Tshə yû atrawaya nə̂ ye ə pa: «Azü pa Əgblə nə̂ Əzü sə tə əde?» 14 Əndje kîrə əpʉ ə pa: «Alabə̈ nə pa Zââ Batistə, alabə̈ əndje pa Eli, alabə̈ aata əndje pa Jeremi wala ə̈bə̈ awopandəma Ndjapä.» 15 Bale, Jezu yû əndje ə pa: «Ka ənə̂ e, e pa mə sə tə əde?» 16 Shemɔ Piarə kîrə əpʉ ə pa: «Əbə, bə də̂ Kristə, Ɨrɨ Ndjapä ə̂në tshə sə tə sorô kɔ.»

16 Pa nə ə̂në Jezu zâ batamo gâ ye kɔ, tshə wûtu la ə̂ngû nə. Kʉ pə kôto səkɔ, tshelafɔ krɔ̂, tshə wû Yîrə̂ Ndjapä ə jêrə gâ pâ ye mata gbakuduba. 17 Ə̈bə̈ tshema tô mâ lafɔ ə pâ: «Ətshə səye, tshə sə tə Ɨrɨ əmə ə̂në mə yində ye tə bandanə kɔ, tshelə əmə mɔ tə̂ ye tə bandanə!»

15 Əzü ə̂në tshə yerɔ Jezu tə Ɨrɨ Ndjapä nə, Ndjapä nə sə tə̂ lɔsu ye â tshə sə ndje lə Ndjapä nə.

9 Äwä ə̂në Ndjapä nə yîsə̂ kə yində əzə̂ ə̂në tshə yîndə əzə̂ kɔ gashu kɔ kə səye: tshə wlâ Ɨrɨ nə kʉ kpiabale gâ pâ ashɔ ndə kə pa a sə də sorô tə̂ äwä ye. 10 Tshelə âdâ kə yi tə̂ nə kə səye: ə də̂ əzə̂ də̂ kə yində Ndjapä nə ne, bale ətshə, tshə yîndə əzə̂ ə wlâ Ɨrɨ nə ndə kə pa tshə tshu mbrə əzə̂ ə gba tshelə anyaka lə kumu əzə̂.

8 Əzü ə̂në tshə sə kə mbrə nyaka alɔnɔ̂, tshə sə tə əzü nə̂ djablo, mbrə ə̂në djablo nə sə kə mbrə nyaka kerə pə tə̂ ama nə. Kandää, Ɨrɨ Ndjapä nə nâ kɔ, tshə nâ ndə kə pa tshə ndɨ tshelə aərə ə̂në djablo nə sə kə mbrə nə kɔ.

12 Əzü ə̂në tshə sə də Ɨrɨ Ndjapä nə, tshə sə də sorô; əzü ə̂në tshə sə sə də Ɨrɨ Ndjapä nə ne, tshə sə sə də sorô ne.

16 Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

21 Mbrə ə̂në, mata ə̂në Abä sə kə she akuzu â sə kə mbrə əndje tə asorô kɔ, Ɨrɨ nə sə kə mbrə əzü ə̂në tshelə ye yində nə kɔ tə sorô rə ndje. 22 Gâ pâ nə kwatəndje, Abä sə sə kə wa ngbanga gâ lə kumu ə̈bə̈ əzü bale ne, bale tshə kâtə̂ əpʉ kə wa ngbanga nə nɔ̂ gâ lə kəna Ɨrɨ nə gâ ye, 23 kanika azü nɔ̂ lʉ Ɨrɨ nə mata ə̂në əndje sə kə lʉ Abä kɔ. Əzü ə̂në tshə lʉ Ɨrɨ Abä nə lʉ ne, tshə lʉ ndje Abä ə̂në tshə wlâ ətshə kɔ lʉ ne.

25 Djatra əpʉ, mə pa kə e, alɔ sə kə na gu nə, â ə tə nə kə səke, ə̂në asorô ə̂në əndje sə mata akuzu lə ala Ndjapä kɔ, sə kə dji tshema Ɨrɨ Ndjapä, â əndje nə ə̂në əndje sə kə dji tshema ye nə â za lɔsu əndje kə ətshə kɔ, əndje sə kə sə tə asorô piii. 26 Mbrə ə̂në mata ə̂në Abä sə tə əyïnga sorô kɔ, tshə za äwä kə Ɨrɨ nə ndə kə pa tshə sə ndje tə əyïnga sorô.

12 Bale, azü nɔ̂ ə̂në əndje yîndə əpʉ ye nə â zâ lɔsu əndje kə ətshə kɔ, tshə zâ äwä kə əndje ndə kə pa əndje do tə̂ əndje tə aneshe nə̂ Ndjapä. 13 Əndje zû əndje zû tə̂ äwä ə̈ndjï, wala tə̂ äwä əgo əndu əzü wala tə̂ äwä ərə ə̂në tshelə əzü kə yində nə kɔ ne, bale əndje zû əndje tə̂ äwä Ndjapä.

20 Ə də̂ əmə də̂ kə sə tə sorô kɔ ne, Kristə nə kə sə tə sorô nə lə əmə kɔ. Sorô ə̂në mə sə də nə kpəsəye tə əzü kɔ, mə sə də nə tə̂ äwä lɔsu əmə ə̂në mə zâ kə Ɨrɨ Ndjapä, ə̂në tshə yîndə əmə, ə̂në ə kâ tə̂ ye də ə̂tə̂ ye mbrə əmə kɔ.

4 Bale, ə̂në alɔ nə lî gâ ye kɔ, Ndjapä nə wlâ Ɨrɨ nə, ə̂në yashe kə zû ətshə, tshekudu âgbɔ̂ əpʉ nə̂ Mayïzə kɔ, 5 ndə kə pa tshə tshɔ azü ə̂në əndje sə tshekudu âgbɔ̂ əpʉ nə kɔ, kanika əzə̂ do tə̂ əzə̂ tə aləvu Ndjapä.

6 Â mbrə ə̂në e sə tə aləvu nə kɔ, Ndjapä nə wlâ Âgbɔ̂ Yîrə̂ nə̂ Ɨrɨ nə gâ tə̂ lɔsu əzə̂ nɔ̂, ə̂në tshə sə kə ta râwâ ə pa: «Abba! Abä!»

10 A sə̂ leme-e tə alayïkowɔ nə̂ Ndjapä, bale tshə shê tshelə takpa tə̂ əzə̂ də aəndje gâ tə̂ nə gâ ye tə̂ äwä kuzu Ɨrɨ nə. Â gu də̂, ə̂në tshelə takpa tə̂ əzə̂ də aəndje nə tɔ̂ gâ tə̂ nə gâ ye kɔ, a sə sə kə she lə kuzu tə̂ äwä sorô Ɨrɨ nə ne a!